Vestfirðir - 06.11.2014, Blaðsíða 4

4 6. Nóvember 2014
VestFIRÐIR
13. tBL. 3. ÁRGANGUR 2014
Útefandi: Fótspor ehf., Suðurlandsbraut 54, 108 Reykjavík. Ábyrgðarmaður: Ámundi
Ámundason, auglýsingastjóri: Ámundi Ámundason sími 824-2466, netfang
amundi@fotspor.is. auglýsingar: Sími: 578-1190 & netfang: auglysingar@fotspor.is.
ritstjóri: Kristinn H. Gunnarsson, sími: 8927630 og netfang : kristinn@kristinn.is. umbrOt:
Prentsnið. Prentun: Ísafoldarprentsmiðja, 3.000 eintök. dreifing: Íslandspóstur.
FRÍBLAÐINU VESTFIRÐIR ER DREIFT Í 3.000 EINTÖKUM
Á ÖLL HEIMILI OG FYRIRTÆKI Á VESTFJÖRÐUM
Hafin er kynning á framtíðarsýn fyrir höfuðborgarsvæðið fram til ársins 2040. Sveitarfélögin 7, sem að skipulaginu standa , ganga út frá því sem gefnum hlut , án þess að þurfi neitt að ræða það nánar,
að nær öll fólksfjölgun landsmanna næstu 25 árin verði á höfuðborgarsvæð-
inu. Gert er ráð fyrir að íbúum svæðisins muni fjölga um 70.000 manns á
tímabilinu. Það styðst við forsöguna því frá 1985 til 2012 varð nákvæmlega
þessi fjölgun. Það varð 50% fjölgun íbúanna á ekki lengri tíma og það er
gríðarleg fjölgun sama á hvaða mælikvarða það er mælt.
Á sama tíma fækkaði íbúum á Vestfjörðum um þriðjung frá 10.500 manns
í 7000 manns. Gangi eftir þessi forsenda eftir um 70.000 manna fjölgun
á nýjan leik á höfuðborgarsvæðinu er líklegt að fólki muni fækka áfram
mjög mikið á sama tíma. Það sést betur þegar litið er til mannfjöldaspár
Hagstofunnar. Þar er gert ráð fyrir að þjóðinni fjölgi um 80.000 manns á
skipulagstímabilinu 2015 til 2040. Næstum því 90% af fjölguninni verður á
litlu svæði. Vitað er að töluverð fjölgun mun verða í sveitarfélögum í nálægð við
höfuðborgarsvæðið, rétt eins og frá 1985 - 2012. Af því leiðir að fólksfækkun
blasir við á Vestfjörðum og öðrum landssvæðum sem liggja hvað lengst frá
höfuðborgarsvæðinu - að óbreyttu. Hversu mikil fækkunin verður er vissulega
nokkurri óvissu undirorpið en hún verður mikil og talin í tugum prósenta.
Líklegt er að fólki muni fækka aftur um þriðjung og ef það gengur eftir má
ætla að íbúar á Vestfjörðum árið 2040 verði um 4.500 og veruleg skörð verða
þá komin í samfellda byggð í fjórðungnum.
Að óbreyttri stjórnskipan verður þessi framtíðarsýn að veruleika. Með vax-
andi fjölda á einum stað verða áherslur í þjóðfélagsmálum í vaxandi mæli
miðaðar við kröfurnar sem settar eru fram þar og minna tillit verður tekið til
fámennari svæða. Því mun íbúðaverð á Vestfjörðum halda áfram að lækka,
laun og lífeyriskjör munu halda áfram að dragast aftur úr, viljinn til þess að
jafna lífskjör, svo með jöfnun á húshitunarkostnaði mun minnka , framfarir
í samgöngum mun verða æ seinna á ferðinni, þjónustustofnanir ríkisins
munu dragast saman og veita að jafnaði þjónustu sem verður æ meir lakari
en gerist á höfuðborgarsvæðinu. Uppbygging atvinnumála beinist að helstu
atvinnusvæðum landsins og nýting auðlindanna í fjórðungnum , svo sem
fiskimiða og náttúru verður af fyrirtækjum staðsettum sunnan lands. Við
vitum nokkuð vel hvernig framtíðin verður að óbreyttu. Það er líka vitað að sú
framtíð verður Vestfirðingum ekki til hagsbóta. Við sjáum það núna í hverri
ákvörðun stjórnvald á fætur annarri að hagsmunir íbúanna í vestfirskum
þorpum eru ráðamönnum ekki ofarlega í huga.
Það er algert skeytingarleysi að setja útgerð smábáta í uppnám með minnkun
línuívilnunar og minnkandi ýsukvóta, eða að setja rekstur rækjuvinnslu í
vaxandi erfiðleika með því að kvótasetja úthafsrækjuna til þess eins að fáeinir
gróðapungar geti dregið út úr rekstrinum í formi kvótaleigu það fé sem annars
yrðu notað til þess að veita atvinnu og byggja upp fyrirtæki. Það er algert
virðingarleysi að hagræða í rekstri opinberra stofnana og svíkja jafnharðan
loforð um fjárveitingu til þeirra til þess að veita viðunandi þjónustu. Það er
alger lítilsvirðing við Vestfirðinga að svelta þá árum saman í fjárveitingum
og notfæra sér neyð þeirra til þess að etja þeim saman í blóðuga baráttu um
brauðmolana.
Þetta er gert vegna þess að Vestfirðingar eru fáir og smáir og skipta litlu máli
í stóra samhenginu. En þetta er líka gert meðan stjórnmálaflokkarnir geta
gengið að því sem vísu að flokksmennirnir heima í héraði velja samstöðu við
flokkinn framyfir samstöðu með íbúum svæðisins.
Stjórnarfarið sjálft er gengið sér til húðar. Það þarf breytingar. Vestfirðingar
verða sjálfir að taka í eigin hendur ákvarðanir sem í dag eru í höndum miðlægra
stofnana eins og eftirlitsstofnana, ráðuneyta og Alþingis. Um allan heim eru
lýsandi dæmi um framfarir og uppbyggingu sem fylgja aukinni sjálfsstjórn
héraða. Og um allan heim, ekki hvað síst á Íslandi eru æpandi dæmi um
hnignun svæða sem verða vegna miðstýringar fjarlægari hagsmunaafla.
Svæðisáætlun höfuðborgarsvæðisins fram til 2040 er talandi dæmi um það.
Nóg er komið.
Kristinn H. Gunnarsson
Vestfirðir árið 2040
- 4500 manns
Leiðari
Byssumálið hreyfir við hagyrðingum
eins og öðrum landsmönnum. Það á
sér margar hliðar og “kynningarfull-
trúar” lögreglu og landhelgisgæslu hafa
unnið þrekvirki á skömmum tíma og
sýnt ótal hliðar málsins. Indriði Aðal-
steinsson, bóndi á Skjaldfönn sá strax
hvað skýrði hegðun lögreglunnar:
Löggan í afneitun er.
Áhyggjur þjóðin því ber
af þeirra skyssum
með hríðskotabyssum
haldandi sig vera her.
Aðalsteinn Valdimarsson, bóndi á
Strandseljum í Ögurhreppi hinum
forna, lagði líka orð í belg og bendir á
annað sjónarhorn málsins:
Já, lítið leggst fyrir okkar stoltu þjóð
að kaupa ekki sín vopn sjálf í stað þess
að þiggja að „gjöf “ úrelt vígtól sem
aðrir vilja ekki nota lengur:
Nú er orðið naumt um frið,
Norðmenn okkur byssur senda,
og við tökum auðmjúk við
öllu drasli sem þeir henda
Snæbjörn Kristjánsson í Hergilsey bjó
stundum við skort eins og lögreglan,
þótt ekki fari sögum af byssuskorti,
en ekki hafði hann alltaf ritföng tiltæk.
Hér er hvorki blek né blað
böl er til að vita,
stökur gleymast af því að
ekki er hægt að rita.
Í fréttum í Ríkisútvarpinu síðastliðið
mánudagskvöld var kjarnyrt viðtal
við Svavar Knút, tónlistarmann og
mótmælanda í kjölfar fjölmennra
mótmæla á Austurvelli gegn ríkis-
stjórninni. Þar lét tónlistarmaðurinn
forsætisráðherrann heyra það óþveg-
ið í orðsins fyllstu merkingu. Indriði
á Skjaldfönn færði orðaval Svavars
Knúts í vísuform:
Sigmundi ég hrósa hlýt
hiklaust færi í letur
að æla yfir eigin skít
enginn geri betur.
Ljúkum vísnahorninu að þessu sinni
á öðrum nótum. Það er Aðalsteinn á
Strandseljum sem orti á hagyrðinga-
móti á Hólmavík um einkavæðinguna
og peningamennina :
Margur enn af ágirnd kvelst,
ekki lífskjör jafnast.
Flest allt sem að fémætt telst
á fárra hendur safnast.
VESTFIRSKA VÍSNAHORNIÐ
Stórsöngvari á Veturnóttum
Tónlistarfélag Ísafjarðar bauð síðasta vetrardag upp á veglega tónleika í Hömrum. Gunnar
Guðbjörnsson, óperusöngvari og
Jónas Ingimundarson, píanóleik-
ari fluttu norræn sönglög við góðar
undirteknir fjölmargra tónleikagesta.
Samstarf Gunnars Guðbjörnsson og
Jónasar Ingimundarsonar hefur staðið í
hartnær 30 ár en þeir hafa gert það víð-
reist um lendur tónlistarinnar gegnum
árin. Þeir fluttu dagskrá sem saman-
stóð meðal annars af sönglögum eftir
Grieg, Peterson-Berger, Alvén, Sibelius
og Merikanto.
Norræn tónlist hefur oft verið við-
fangefni tónlistarmannanna gegnum
árin m.a. á geislaplötu þeirra Söngvum
en þetta er í fyrsta sinn sem þeir til-
einka heila dagskrá Norðurlöndunum.
Listamennirnir hafa ferðast víða í
gegnum árin til tónleikahalds, bæði
hér á landi, í Bretlandi og Þýskalandi.
Jónas hefur ótal sinnum spilað á Ísafirði
og Gunnar hefur einnig sungið hér en
þetta varr í fyrsta sinn sem þeir félagar
komu saman. Þeir fluttu þessa sömu
dagskrá í Norræna húsinu í september
sl. og hlutu þá fádæma góðar viðtökur.
Gunnar Guðbjörnsson og Jónas Ingimundarson.
Smári Haraldsson, Kristján Haraldsson og Hörður Högnason.