Fréttir - Eyjafréttir - 03.01.2003, Blaðsíða 6

6
Fréttir
Föstudagur 3. janúar 2003
Völva Frétta rýnir í árið 2003:
Stóru fyrirtækin munu spjara sig
-en óvissa á mörgum sviðum í Vestmannaeyjum
Undanfarin tvö ár hafa
Fréttir fengið völvu til að
spá fyrir um atburði kom-
andi árs. Hafa spádómar
hennar gengið ótrúlega
eftir bæði árin. í hitteðfyrra
sagði hún t.d. fyrir um
málið sem varð til þess að
þingmaður varð að segja
af sér þingmennsku og í
fyrra spáði hún því að sjálf-
stæðismenn myndu missa
meirihluta sinn í bæjar-
stjórnarkosningunum en
naumt yrði það. Það gekk
líka eftir og mjótt á
mununum.
Völvan hefur fengist til
þess að spá á ný fyrir um
nýhafið ár og hér fær hún
orðið:
í upphafi vil ég óska Vestmanna-
eyingum öllum árs og friðar og hins
besta á árinu. I síðustu spá ýjaði ég að
því að liðið ár kynni að verða Vest-
mannaeyingum, sumum hverjum,
þungt í skauti. Það kom fram og því
miður er spáin fyrir þetta ár ekki án
erfiðleika, þó öllu minni en áður hefur
verið spáð.
Atvinnumál
Veturinn verður erfiður framan af at-
vinnulega og mér sýnist sem ekki
verði sama reisn yfir vertíðinni og
áður var og hét. Þó munu loðnuveiðar
ganga vel og hagur fiskvinnslunnar
vænkast í vetur. Smærri fyrirtæki láta
verulega að sér kveða á þeim vett-
vangi þegar á árið líður. En atvinnu-
leysi verður viðloðandi og tekst ekki
að kveða það niður þrátt fyrir að nýjar
áherslur í ferðamálum eigi eftir að
bæta þar verulega úr. Vinnudeilur
valda ekki vandræðum fyrrihluta árs
en gætu orðið hatrammar þegar líður á
árið. Nokkur vonbrigði munu eiga sér
stað vegna fyrirtækis sem miklar vonir
höfðu verið bundnar við en á eftir að
lenda í erfiðleikum. Samdráttur á eftir
að verða í fyrirtækjarekstri og a.m.k.
eitt íyrirtæki, utan sjávarútvegs, leggur
upp laupana. En stóru fyrirtækin
munu spjara sig.
Samgöngur
Verulega á eftir að birta til í sam-
göngum Vestmannaeyinga. Sam-
göngur á sjó verða efldar og fram-
tíðarplan mótað í siglingum milli
lands og Eyja sem ekki verður reyndar
samkomulag um í bæjarstjóm. Lausn
verður fundin á flugsamgöngum sem
á eftir að auka mjög og bæta þann
rekstur. Þar munu heimamenn koma
nokkuð við sögu auk þess sem
voldugur aðili í flugrekstri kemur inn í
þennan þátt samgangna.
Ferðamál
Auknar samgöngur munu hleypa nýju
lífi í ferðamannaþjónustuna og nýir
aðilar koma til sögunnar á þeim
vettvangi með stóraukið fjármagn í
þann rekstur. Mikil aukning verður á
ÚTGERÐ mun ganga vel á loðnuskipum að því er kemur fram hjá Völvu Frétta.
gistihúsnæði á árinu og mikil vinna
við þá uppbyggingu.
Þjóðhátíðin verður einhver sú fjöl-
mennasta frá upphafi og að þessu
sinni sýnist mér sem veðurguðimir
verði líka í hátíðarskapi enda skilst
mér að þeir hafi fengið útrás fyrir
vonda skapið í fyrra. En ég sé fyrir
uppákomu, ekki beint skipulagða,
síðari hluta ársins, sem einhver
vandræði verða í kring um, gott ef
fíkniefni koma ekki þar talsvert við
sögu.
Pólitík
Þó svo að nú hafi kjördæmið ykkar
stækkað allverulega, þá sé ég ekki
fyrir veigamiklar breytingar í alþingis-
kosningum. Þar verða fastir liðir að
mestu eins og venjulega og ekkert sem
á eftir að koma verulega á óvart. Þó
mun einn núverandi þingmaður kjör-
dæmisins ekki ná kjöri og margir
Vestmannaeyingar eiga eftir að sakna
hans. En Vestmannaeyingar munu
eiga tvo þingmenn á næsta kjör-
tímabili og síðari hluta ársins á eftir að
gusta verulega um annan þeirra þó
ekki á sama hátt og gerðist í hitteð-
fyrra.
Eg fæ ekki betur séð en stórtíðindi
eigi eftir að verða í bæjarstjóm og
spurning hvort núverandi meirihluti
lifir út árið. Upp kemur ágreiningsmál
sem á eftir að valda titringi og verða
torleyst. Einn úr hópi bæjarfulltrúa
mun draga sig í hlé og hætta að mestu
afskiptum af stjómmálum. Þetta
verður átakaár í pólitík.
Fækkar enn
íbúum hefur verið að fækka í Vest-
mannaeyjum á undanfömum ámm
eftir því sem mér er sagt. Raunar dró
aðeins úr því á síðasta ári og þetta ár
boðar því miður ekki nein ný tíðindi í
fjölgun íbúa og því miður sýnist mér
að um næstu áramót verði íbúar í
Vestmannaeyjum færri en þeir em
núna. Mér sýnist að fækkunin verði í
prósentum svipuð og á síðasta ári.
Náttúran
Þetta er sá þáttur sem ég hef alltaf átt
hvað erfiðast með að spá fyrir um.
Mannanna verk em ætíð nokkuð
fyrirsjáanlegri en skaparans og ég hef
alltaf haft þá reglu að fara varlega í
spádóma sem tengjast náttúmnni.
Sumt hef ég séð fyrir en þagað yfir því
og hyggst ekki breyta út af þeirri
venju. En það hlýindaskeið sem hefur
einkennt veðurfarið á íslandi það sem
af er vetri, er nú brátt á enda og það
verður kalt um tíma í vetur og fram á
vor. En sumarið verður þokkalegt,
líklega í meðallagi gott og ekki jafn-
sólríkt og síðasta sumar. En þjóð-
hátíðin verður með allt öðmm
formerkjum eins og ég hef komið að
áður.
Og Vestmannaeyingar fara ekki
varhluta af þeirri miklu umræðu sem
nú á sér stað um náttúmna og um-
hverfið. Angi þess mun teygja sig til
Eyja, þótt það mál verði ekki jafn-
fyrirferðarmikið og Kárahnjúkamálið.
Engu að síður munu náttúruvemdar-
sinnar láta að sér kveða á árinu í
Vestmannaeyjum.
Menning
Ég sé ekki fyrir mér neina stórviðburði
í menningarlífmu á þessu ári í Vest-
mannaeyjum, þetta verður afskaplega
slétt og fellt og hefðbundið og óþarfi
að hafa um það fleiri orð. Þó verður
mikið um að vera þar sem 30 ár em
liðin frá eldgosinu í Heimaey en sú
atburðarás er fyrirfram ákveðin og
fyrirsjáanleg og óþarfi að eyða miklu
rúmi í spár um hana.
íþróttir
Því miður sýnist mér hið sama ætla að
verða uppi á teningnum í íþróttum og
í menningunni, að þar verði ekki
stórtíðinda að vænta. Arangur í
íþróttum á eftir að valda vonbrigðum
nema á einu sviði og mér sýnist að það
verði kvenþjóðin sem á eftir að halda
merkinu á lofti, auk þess sem ein
íþróttagrein utan boltans á eftir að
blómstra. Þá virðast mér merki um að
skipulagsbreytinga sé að vænta á
íþróttasviðinu og em þær breytingar
ekki öllum að skapi. Þrátt fyrir það
sýnist mér sem að mestu muni ríkja
friður og ró meðal þeirra sem stjóma
íþróttamálum, þar verður eitthvað um
innbyrðis karp en friður að mestu
Ieyti.
Fréttir
Ritstjóri Frétta bað mig, eins og á
undanfömum ámm, að spá fyrir
blaðinu sem hann segir mér að sé nú
orðið hluli af stærra Ijölmiðlafýrirtæki.
Ég sé fyrir mér talsverða þróun upp á
við en geri mér ekki alveg grein fyrir
hvort sú þróun tengist blaðinu sjálfu
eða öðmm þáttum þessa fyrirtækis.
Þá sé ég atburði gerast á síðari hluta
ársins sem eiga eftir að hafa mikil
áhrif á blaðið og ég sé einnig fyrir mér
breytingar á starfsliði. Umfjöllun
blaðsins um viðkvæmt mál á eftir að
valda talsverðu fjaðrafoki en einnig
mun blaðið fá rós í hnappagatið fyrir
umfjöllun á öðm sviði.
Að lokum
Að öllu samanteknu sýnist mér sem
Vestmannaeyingar geti litið nokkuð
bjartsýnum augum fram á árið 2003.
Það ættu ekki að verða stór skakkaföll
frekar en á síðasta ári. Ritstjórinn
sagði mér að margt hefði staðist í spá
minni fyrir síðasta ár og kom mér það
ekki sérstaklega á óvart. Mér kæmi
það líka mjög spánskt fyrir sjónir ef
þessi spá rættist ekki í öllum
megindráttum. Mér finnst þó rétt að
taka fram að spár á borð við þessa em
hvað erfiðastar þegar að því kemur að
tímasetja þær nákvæmlega. Atburðir,
sem ég held að muni gerast á síðari
hluta ársins geta allt eins orðið nokkm
fyrr, nú eða þá teygt sig yfir á næsta ár.
Aramót em nefnilega ekki neinn fastur
og ákveðinn punktur þegar spár em
annars vegar og oft erfitt að sjá út
nákvæmar tímasetningar. Sumt í
þessari spá gæti allt eins átt sér stað á
árinu 2004 og eitthvað gæti alveg eins
hafa gerst þegar þetta birtist í blaðinu.
Spáin var unnin milli jóla og nýárs og
eitthvað úr henni gæti þegar hafa
komið fram, það vita Vestmanna-
eyingar að minnsta kosti betur en ég.
En ég vil að lokum óska þeim alls hins
besta á þessu ári.