Fréttir - Eyjafréttir - 06.02.2003, Blaðsíða 8

8
Fréttir
Fimmtudagur 6. febrúar 2003
HÁSTEINSVÖLLUR er viðurkenndur sem einn besti knattspyrnuvöllur landsins en það nægir ekki KSI
sem á hverju ári gerir nýjar og nýjar kröfur.
Keppnisleyfi Hásteinsvallar
afturkallað enn og aftur
Enn og aftur er aðstaðan á Há-
steinsvclli komin inn á borð bæjar-
stjórnar. Síðastliðið sumar var
keppnisleyfl vallarins afturkallað af
KSI þar sem ekki hafði verið staðið
við gerð stúku við völlinn.
Því var kippt í liðinn með þeim for-
merkjum að völlurinn hefði því leyfi
til næstu fimm ára. A fundi íþrótta- og
æskulýðsráðs þann 3. janúar sl. gerði
íþróttafulltrúi grein fyrir fundi sem
hann átti með fulltrúum KSI og
íþróttahreyfingarinnar í Eyjum ásamt
bæjarstjóra vegna reglugerða sem
snúa að keppnisleyfum fyrir knatt-
spyrnuvelli þar sem leikið er í efstu
deild.
Fram kom á fundinum að útgefið
leyfi til næstu fimm ára er ekki lengur
í gildi en undanþágu er hægt að veita
svo fremi sem lögð er fram áætlun og
samþykktir sem taka mið af því að
girða svæðið af.
Eins er stúkan nýreista ekki lengur
nægilega góð, því nú er talað um yfir-
byggða stúku. Er þetta vegna reglu-
gerðar Knattspymusambands Evrópu.
IBV-íþróttafélag þarf að sækja um
undanþágu í byrjun mars og verður þá
áætlunin að vera tilbúin. Iþrótta- og
æskulýðsráð lagði á það áherslu að
sem fyrst liggi fyrir ákvörðun um
málefni Hásteinsvallar svo þau skil-
yrði verði uppfyllt, sem þarf til að
undanþága verði gefín út.
Á fundi bæjarstjómar á fímmtudag
kom fram tillaga frá bæjarfulltrúum
Vestmannaeyjalistans varðandi málið:
„Bæjarstjóm samþykkir að óska
eftir skriflegum skýringum frá KSÍ,
varðandi það hvað hefur breyst frá því
snemma í sumar þegar lofað var að
framkvæmdir þær sem þá voru gerðar
inyndu duga til að halda keppnisleyfi
næstu 5 ár.“
Var það samþykkt með sjö sam-
hljóða atkvæðum.
V-listinn í bæjarstjórn:
Tillaga um
stofnun
félags um
jarðgöng
Fulltrúar Vestmannaeyjalistans í
bæjarstjórn lluttu á tlmmtudag
tillögu sem miðar að því að hetja nú
þegar undirbúning að stofnun
felags sem hafi það að markmiði að
byggð verði jarðgöng milli lands og
Eyja.
I greinargerð sem fylgdi með tillög-
unni segir: „Það þarf ekki að fara
mörgum orðum um hve samgöngur
skipta Vestmannaeyinga miklu máli.
Það er ekki ólíklegt að næstu skref í
tíma verði einhvers konar endurbætur
á Heijólfi, eða annað skip leysi hann
af hólmi. Það er þó ekkert öruggt í
þeim efnum. Það breytir ekki því að
huga verður að næstu skrefum. Nú
hefur ríkisstjóm Sjálfstæðis- og Fram-
sóknarfiokks lagt fram samgöngu-
áætlun sína til næstu 12 ára, þar sem
ekkert er að finna um samgöngubætur
við Vestmannaeyjar. Alþingi á eftir að
afgreiða áætlunina og þær hugmyndir
sem þar er að finna og vonandi tekst
að ná fram breytingum á þeim í
meðförum Alþingis.
Það er skoðun fulltrúa V-listans að
við eigum að draga lærdóm af for-
tíðinni og huga strax að næstu
skrefum í hugsanlegum samgöngu-
bótum við Eyjamar. Herjólfur kom í
gagnið 1992. Þá strax hefði verið rétt
að huga að næstu skrefum. Það var
því miður ekki gert.
Við teljum því nauðsynlegt að
bæjarstjóm Vestmannaeyja hafi fmm-
kvæði að því nú að stofnað verði félag
sem hafi það að markmiði að hefjast
þegar handa við undirbúning að
byggingu jarðganga milli lands og
Eyja. Það er mikilvægt að leitað verði
liðsinnis hjá sem flestum sem vilja
leggja málinu lið. Það þarf ekki mörg
orð um það hvílík lyftistöng slíkt
mannvirki yrði samfélaginu í Vest-
mannaeyjum."
Guðrún Erlingsdótúr, Stefán Jónas-
son og Jóhann Olafur Guðmundsson
skrifuðu undir þetta. Fulltrúar meiri-
hlutans mæltu með að tillögunni yrði
vísað til samgöngunefndar Vest-
mannaeyjabæjar og var það samþykkt
með Ijómm atkvæðum. Þrír sátu hjá.
Tillaga að aðalskipulagi Vestmannaeyja 2002 til 2014:
Jarðgangaop komið á teikniborðið
GERT er ráð fyrir hugsanlegu gangaopi inni í Botni.
Aðalskipulag Vestmannaeyja 2(M)2-
2014, tillaga númer tvö er nú til
kynningar í Safnahúsinu og hjá
tæknideild í húsi Bæjarveitna
samkvæmt auglýsingu frá skipu-
lags og byggingarfulltrúa. Frestur
til að skila inn athugascmdum er til
1. mars en sama dag verður hald-
inn opinn umræðufundur uni aðal-
skipulagstillöguna og eru áhuga-
samir hvattir til að kynna sér hana
vel.
Markmið skipulagslaga er m.a. að
stuðla að skynsamlegri og hagkvæmri
nýtingu landsgæða og stefnt að því að
í Vestmannaeyjum verði öflugt lýð-
ræðissamfélag í sátt við náttúrulegt
umhverfi með góð skilyrði fyrir fólk,
fyrirtæki og stofnanir. Skipulagið
nær nánast yfir allt er viðkemur
byggð og búsetu í Eyjum. Komið er
inn á náttúrufar, landslag, jarðfræði,
orkulindir, náttúmminjar, menningu,
menningarminjar, atvinnu- og félags-
svæði, atvinnuvegi, samgöngur,
stjómsýslu og þjónustu sveitarlélags ,
stjómsýslu og þjónustu ríkis.
Athygli vekur tillaga undir liðnum
samgöngur. Þar segir í fjórða lið.
„Gert verði ráð fyrir göngum frá
Eyjum til Lands, inn úr Botni, sem
yrði 4. götuflokkurinn, stofnbraut,
háð umhverfismati."
Lagt er til að nýr vegur verði lagður
milli Stórhöfðavegar við Olnboga og
Dalavegar við Hábæ og opni leið
milli suðureyjarinnar og Eldfells-
hrauns og miðbæjar og létti umferð af
Höfðavegi, Strembugötu og gatna-
mótum við Kirkjuveg og Heiðaveg.
Dalavegur verði færður austur fyrir
Strembugötu í Löngulág og tengdur
Kirkjuvegi ofan við Landakirkju.
Undir liðnum Ferjur er gert ráð fyrir
að athafnasvæði Herjólfs verði á
sama stað en stækkað til vesturs með
möguleikum fyrir stærra skip.
Sérstaklega er fjallað um menningu
og menningarminjar og tillaga gerir
ráð fyrir að bæjaryfirvöld beiti sér
fyrir þvi í samvinnu við eigendur
fiskvinnsluhúsa milli Strandvegar og
Tangagötu að húsunum verði fundið
nýtt hlutverk. I húsunum verði gert
ráð fyrir fjölbreyttri starfsemi s.s.
verslunum, ríkisstofnunum, söfnum,
veitinga- og gistihúsi, íbúðum, ung-
lingahúsi, umferðarmiðstöð, rann-
sóknar- og þekkingarstarfsemi og
sölum til inniíþrótta, tónlistarflutnings
og sýninga safna og listafélaga. Gert
verði sérstakt deiliskipulag fyrir
svæðið í samráði þeirra sem hlut eiga
að máli.
Vestmannaeyjabær beiti sér fyrir
því að tengja saman miðbæjarsvæði
og hafnarsvæði, efia götulíf og fjöl-
þætta starfsemi og finna fisk-
vinnsluhúsum nýtt hlutverk í þessum
tilgangi.
Gert er ráð fyrir nýju gryfjusvæði til
förgunar á óbrennanlegu sorpi austar-
lega í Eldfellshrauni gryfjumar í
Helgafelli og við Sorpeyðingar-
stöðina munu fyllast á skipulagstíma-
bilinu. Áhersla verði á uppgræðslu
vikursvæða, vemdun og ræktun of-
beittra og viðkvæmra svæða.
Undir liðnum atvinnuvegir segir að
hefðbundnir atvinnuvegir verði áfram
sá gmnnur sem byggt verður á. Við
skipulag og ákvarðanir um fram-
kvæmdir verði sérstaklega hugað að
hagsmunum ferðaþjónustu. Heildar-
sýn og gildi sjálfbærrar þróunar séu
ráðandi við ákvarðanir um einstaka
þætti.
Áfram verði áhersla lögð á öfluga
útgerð og fiskvinnslu. Aðstaða þess-
ara greina í landi og í höfn verði eins
og best getur orðið á hverjum tíma.
Lóðir fyrir þessa starfsemi verði
tiltækar, einkum á Eiðinu. Hugsan-
lega verði að kaupa upp og rífa eldri
eignir á öðmm stöðum.
í samstarfi rannsóknarstofnana og
útvegs- og fiskvinnslufyrirtækja verði
stuðlað að fjölþættari sjávamytjum,
vinnslu nýrra afurða og aukinni
fullvinnslu. Áhersla verði á sjóeldi í
samvinnu við rannsóknarstöðvar í
Eyjum. Uteyjar verði nytjaðar áfram
sem hingað til. Áhersla verði á sjálf-
bæra nýtingu.
Sérstök áhersla verði á ferða-
þjónustu, samstarf fyrirtækja og
greiningu og nýtingu þeirra mögu-
leika sem fyrir em í samvinnu við
fyrirtæki í greininni og Þróunarfélag
Vestmannaeyja.
Áhersla verði á atvinnu- og menn-
ingarlíf eyjasamfélagsins og náttúm
eyjanna. Tekið verði mið af ferða-
þjónustu við skipulag, einkum á
svæðinu milli Strandvegar og hafnar,
frá Skansi að Skólavegi. í umfjöllun
um iðnað og verslun segir að áfram
verði áhersla lögð á öflugan þjónustu-
iðnað fyrir útgerð og fiskvinnslu.
Áhersla verði á öfluga og sam-
keppnishæfa verslun og þjónustu.
Aukin áhersla verður lögð á þekk-
ingariðnað, á starfsstöðvar fyrirtækja
sem hafa fjölþjóðlegt markaðssvæði
með því að skapa aðstöðu og um-
hverfi sem hentar greininni.
Fleira áhugavert er í tillögunni og
verður hluti þeirra kynntur síðar.