Fréttir - Eyjafréttir - 19.06.2003, Síða 8

Frcttir / Fimmtudagur 19.júní2003
130 manns á Rotary-
þingi
Um næstu helgi 20. og 21. júní verður
haldið formót og umdæmisþing
Rótarý á Islandi í Vestmanneyjum.
Sigurður R. Símonarson skólamála-
fulltrúi er umdæmisstjóri á íslandi og
af því tilefni er þingið haldið hér í
Eyjum. Formótið sækja allir verðandi
forsetar og verðandi ritarar klúbbanna
á íslandi fyrir starfsárið 2003 -2004.
Rótarýklúbbar á íslandi eru 28 talsins
og starfa flestir þeirra á höfuð-
borgarsvæðinu. A formótinu fer fram
fræðsla fyrir verðandi forseta og
ritara. Einnig sækja þeir Rótarýfund
hjá Vestmannaeyjaklúbbnum á föstu-
dagskvöldið ásamt mökum og öðrum
gestum.
A laugardaginn verður umdæmis-
þing Rótarý á Islandi í Höllinni. Þar
skilar fráfarandi umdæmisstjóri af sér
verkefnum ársins og nýr umdæmis-
stjóri tekur formlega til starfa. Alls er
áætlað að um 130 gestir sæki Vest-
mannaeyjar heim af þessum tilefni,
þar á meðal fulltrúi forseta Rotary
Intemational, fulltrúi Rótarýum-
dæmanna á Norðurlöndum og
skiptinemar Rótarý á Islandi.
Yfirskrift þingsins í ár er: Eyjalíf
fólk - náttúra umhverfi. Margir
ágætir Eyjamenn hafa lagt Rótarý-
klúbbi Vestmannaeyja lið við
undirbúning þingsins og munu gestir
njóta þess að hlusta á fróðleg erindi,
skoða Eyjamar og borða gómsætan
mat að hætti Hallarinnar. Allt skipu-
lag þingsins hefur hvílt á herðum
klúbbfélaganna í Eyjum en þeir em 13
talsins, sannast hér enn hið fom-
kveðna að margar hendur vinna létt
verk.
Forseti Rótarýklúbbs Vestmanna-
eyja er Halldóra Magnúsdóttir,
skólastjóri.
Tilgangur Rótarý - hvað er Rótarý?
Rótarý er hreyfíng manna úr við-
skiptalífi og atvinnulífi. Rótarýhreyf-
ingin er alþjóðafélagsskapur í 163
þjóðlöndum. Félagar em um 1,2
milljónir. Samtökin standa fyrir
mannúðarstarfi, stuðla að sem bestu
siðgæði í öllum starfsgreinum og
hvetja til góðvildar og friðar í heim-
inum. Til marks um það er opinbert
kjörorð alþjóðahreyfmgarinnar þetta:
Þjónusta ofar eigin hag.
Göng eru eina raunhæfa veg-
tengingin milli lands og Eyja
-Ljóst er að jarðfræðirannsóknir sem fyrirhugaðar eru í sumar skipta öllu máli fyrir framgang málsins
Fyrir skömmu var fyrsti aðalfundur Áhugafélags um
vegtengingu haldinn í Höllinni. Þar var stjórn kosin
og var Ingi Sigurðsson, bæjarstjóri, kosinn formaður.
Aðrir í stjórn eru Börkur Grímsson bankastjóri, Eyþór
Harðarson tæknifræðingur, Friðrik Friðriksson
veitustjóri, Helgi Bragason lögfræðingur, Olafur H.
Sjgurjónsson skólameistari og Sigurður Póll
Ásmundsson starfsmaður Áhaldahúss Vm.
Farið var yfir það starf sem bróðabirgðastjórnin vann
og meðal annars lagðirfram útreikningar um
hagkvæmni ganga milli lands og Eyja. Eins voru
athyglisverðar niðurstöður lagðar fram úr skoðana-
könnun sem Gallup gerði fyrir stjórnina. Þar kom
fram að gestum til Eyja myndi fjölga gríðarlega ef
göng yrðu að veruleika og var það Friðrik Friðriksson
veitustjóri sem fór yfir niðurstöðurnar.
Það er mikill hugur í félagsmönnum sem eru ó þriðja
hundrað og næsta skref eru rannsóknir Ármanns
Höskuldssonar og fleiri vísindamanna í sumar, þar er
vonast til að fó niðurstöður um það hvort yfirleitt er
hægt að grafa göng ó milli Heimaeyjar og Islands og
verða næstu skref ókveðin í kjölfarið.
Skýrsla
BRÁÐABIRGÐASTJÓRNAR
Alls hélt bráðabirgðastjórnin sex fundi
þar sem öll frumvinna fyrir aðalfund
var unnin. Einnig var leitað eftir áliti
nokkurra fyrirtækja á því hvað göng
myndu þýða fyrir þau. Stjórnin hefur
m.a. beitt sér fyrir því að senda bréf í
öll hús í Eyjum þar sem fólk er hvatt
til þess að skrá sig í félagið.
Ingi Sigurðsson, bæjarstjóri og for-
maður stjórnar áhugafélagsins, flutti
skýrslu stjómar og kom þar margt
athyglisvert fram. Stjórnin hélt fund
með forsvarsmönnum Spalar þar sem
margt athyglisvert kom fram sem
hjálpar stjóminni að móta þá vinnu
sem framundan er. í kjölfarið var
unninn lánaútreikningur sem snýr að
fjármögnun og rekstri Vestmanna-
eyjaganga.
Markmiðið AÐ NÁ ÞÚSUND
FÉLÖGUM
Fram kom í máli Inga að kannað hafði
verið með kostnað Flugmálastjómar
varðandi rekstrarkostnað á flugvell-
inum í Vestmannaeyjum. Árlegur
kostnaður er á bilinu 50 til 60 milljónir
króna.
Ingi sagði að stofnfélagar væm nú um
200 og fjölgaði lítillega eftir að bréf
var sent út í öll hús í Eyjum. En betur
má ef duga skal, sagði Ingi þar sem
markmið stjómarinnar er að meðlimir
í félaginu verði nálægt 1000. „Það
þarf að gerast til að við Eyjamenn
getum sýnt það út á við að sameinuð
stöndum við í þessu mikla hags-
munamáli Eyjamanna. Gjaldtaka þessi
er til þess að standa undir þeim
kostnaði sem fellur til, t.a.m. vegna
fyrirlesara, kannana, rannsókna, kynn-
inga og annars áróðurs sem talið er að
styðji málefnið."
Ingi upplýsti ennfremur að kynn-
ingarbréf hafi verið sent félögum í
átthagafélagi Vestmanneyinga á
Reykjavíkursvæðinu og að stefnt sé að
því að eiga fund með stjóm ÁTVR til
að útfæra nánar samstarf félaganna.
Kynningarbréf var einnig sent til fyrir-
tækja, stofnana og félaga varðandi
upplýsingar um hvaða möguleikar
felast í framkvæmdinni gagnvart þeim
aðilum. Nokkur svör hafa borist en
vonast er eftir því að fleiri skili sínu
áliti þar sem nálgun fleiri aðila með
skoðanir og hugmyndir styrkir gmnd-
völl málefnisins. Ingi kynnti einnig þá
viljayfirlýsingu sem fulltrúar allra
framboða til Alþingis í vor skrifuðu
undir. Ingi sagði það gríðarlega mikil-
vægt skref þar sem það styrkir þá
vinnu sem framundan er.
„Ekki þarf að íjölyrða um þá miklu
byltingu sem vegtenging við Vest-
mannaeyjar yrði fyrir Vestmanna-
eyinga, Sunnlendinga og raunar alla
landsmenn. í því sambandi eru fyrir-
hugaðir fundir í sveitarfélögum á
Suðurlandi þar sem áhrifa slíkra
samgöngubóta væri hvað mest að
vænta og má þar nefna Hvolsvöll,
Hellu og sveitimar. Miðað við núver-
andi stöðu er eina raunhæfa veg-
tengingin göng milli lands og Eyja.
Ljóst er að jarðfræðirannsóknir sem
fyrirhugaðar em í sumar skipta öllu
máli fyrir framgang málsins. Næstu
verkefni stjómarinnar eru að halda
áfram að kynna verkefnið íyrir öllum
þeim sem mögulega munu koma að
framkvæmdinni ef rannsóknir sumars-
insverða jákvæðar upp á framhaldið.“
Ákveðið hefur verið að efna til
samkeppni um nýtt nafn á félagið.
Hafa nokkrar tillögur borist og verður
EYVERJAR eru nýkomnir úr Færeyjaferð þar sem þeir m.a. kynntu sér gangnagerð. Færeyingar eru duglegir
á þessu sviði og þessi göng, sem eru 700 metrar, voru gerð vegna hættu á hálku á veginum sem fyrir var. Þau styttu
leiðina aðeins um 200 metra. Mynd Héðinn Karl.
kosið á milli nafnanna: Eyland,
Ægisdyr, Spotli. Sandur og Áll. Hægt
er að greiða atkvæði með því að senda
tölvupóst á gong@eyjar.is.
Réttu megin við núllið 2017
Lagðir vom fram úUeikningar Friðriks
Friðrikssonar veitustjóra og Barkar
Gnmssonar útibússtjóra Islandsbanka
og vom þeir mjög athyglisverðir.
Forsendumar eru að fyrsti bíllinn
keyri í gegn árið 2010 og að 600
fólksbílar og 50 stórir bflar fari í gegn
á hverjum degi fyrsta árið. Eftir það
yrði tvö prósent aukning á hverju ári
fyrstu tuttugu árin og eftir það eins
prósent aukning. Verðið yrði 2500
krónur fyrir fólksbíl en 7500 krónur
fyrir stærri bfla. Tekjur af þessu á
fyrsta ári yrðu 675 milljónir króna.
Ríkissjóður myndi leggja fram jafn
mikið og þeir setja í rekstur Herjólfs,
eða 433 milljónir króna. Samtals eru
þetta því tekjur upp á 1108 milljónir
króna. Reiknað er með að göngin
kosti 15 milljarða og lán verði tekið
fyrir allri upphæðinni. 7,5 milljarðar í
erlendum lánum með 6% vöxtum og
7,5 milljarður með 7,5% vöxtum. Á
fyrsta ári yrðu afborganir lána 938
milljónir króna. Árlegur rekstrarkostn-
aður er áætlaður 170 milljónir króna.
Göngin yrðu rekin með halla fyrstu
sjö árin en eftir það ætti reksturinn að
skila afgangi. Miðað við þessa
útreikninga er nokkuð ljóst að göngin
myndu borga sig.
FLEIRI TIL EYJA EF GÖNG YRÐU
AÐ VERULEIKA
Félagið fékk Gallup til þess að gera
skoðanakönnun fyrir sig þar sem
lagðar vom fyrir tvær spumingar varð-
andi göng til Eyja. Var um að ræða
1250 manna slembiúrtak úr þjóðskrá
og vom svarendur á aldursbilinu 16-
75 ára. Svarhlutfall var 65%. 59%
þeirra sem svömðu vom frá Reykjavík
og nágrannasveitarfélögum en 41% af
landsbyggðinni.
Fyrri spumingin hljóðaði svo: Nú er
í gangi athugun á hagkvæmni þess að
koma á vegtengingu til Vestmanna-
eyja með jarðgöngum. Framkvæmdin
yrði á svipuðum forsendum og veg-
göngin undir Hvalíjörð, þ.e. inn-
heimtur yrði vegtollur sem stæði undir
stærstum hluta Ijárfestingarinnar. Ef af
jarðgöngum til Vestmannaeyja yrði,
hve oft á ári myndir þú líklega notfæra
þér þau? Af þeim sem svömðu tóku
94% afstöðu, 26,1% sögðust aldrei
myndu ferðast til Eyja, 25,3% sjaldnar
en árlega, 25,4% einu sinni á ári,
10,1% tvisvar á ári og 13,2% þrisvar
eða oftar.
Seinni spumingin var: Hversu oft á
ári ferð þú til Vestmannaeyja? Þar
kom fram að 42,4% sögðust aldrei
fara til Eyja og 39,6% sjaldnar en
árlega. Þetta er athyglisvert í ljósi þess
að þetta hlutfall færi úr 82% niður í
51,4% ef göng kæmu. 10,6%sögðust
fara einu sinni ári, 2,4% tvisvar á ári
og 5% sögðust fara þrisvar eða oftar til
Eyja. Þetta hlutfall myndi hækka úr
18% upp í 48,6%.
VARFÆRNISLEG ÁÆTLUN
Það vekur athygli í niðurstöðunum að
rúmlega helmingur þeirra sem spurðir
vom telja að það sem spurt var um
skipti frekar eða mjög miklu máli.
Það er sérstaklega athyglisvert í ljósi
þess að lítil umræða hefur farið fram á
landsvísu um málið.
Friðrik Friðriksson sá um að fara
yfir niðurstöður Gallups á fundinum
og sagði hann könnunina gott innlegg
og vísbendingu sem byggja verður
nákvæmari rannsóknir á. Hann sagði
hvað fréttnæmast í henni að hún
endurspegli niðurstöðu Hvalfjarðar-
ganga. „Einnig mun farþegum til Eyja
fjölga allt að þrefalt eða fjórfalt
samkvæmt könnuninni."
Hann sagðist sáttur við niðurstöð-
una og að þetta væri bara einn hluti af
því að leiða verkefnið áfram þar til
fyrir liggur hvort gerlegt er að grafa
göng til Eyja. Utreikningar Friðriks og
Barkar vöktu einnig athygli á
fundinum og aðspurður um forsend-
umar sagði Friðrik að 600 bflar á dag
væri síður en svo of hátt og varðandi
vexti ætti hann frekar von á því að
hægt verði að fá lægri vexti.
„Eg er fullviss um að lífeyrissjóðir
munu slást um að lána í þetta verkefni
á fimm til sex prósent vöxtum ef
rannsóknir koma vel út. Ef fengin yrði
ríkisábyrgð á hluta lánanna yrðu vextir
innan við fimm prósent."
Friðrik bætti því við að hlutur rikis-
ins væri mjög varfæmislega áætlaður.
„Ef byggður yrði nýr Herjólfur sem
siglir á skemmri tíma en tveimur
klukkustundum til Þorlákshafnar þá
emm við ekki að tala um undir 600
milljónum ffá ríkinu á hverju ári. Ekki
em teknir með aðrir þættir eins og
flugvöllurinn, sjúkraflug, stærra at-
vinnusvæði, nýting ljárfestinga og
siglingatími svo eitthvað sé nefnt,“
sagði Friðrik að lokum.