Harmonikublaðið - 01.12.2013, Blaðsíða 17

Kt

*•

GAF FELAGIHARMONIKUUNNENDA MYNDBANDASAFN SITT

Hann var ávallt mættur meðal fyrstu manna á
skemmtifundi félagsins, þegar þeir voru haldn-
ir í Templarahöllinni við Eiríksgötu og Hreyf-
ilshúsinu, með ljósmyndavélina og
myndbandsupptökuvél, sem hann svo tyllti á
þrífót. Maður hugsaði kannski ekki svo mikið
út í þennan friðsama mann, annað en hann væri
mikill áhuga- og hugsjónamaður um að festa á
filmu það sem var að gerast þarna. Umræddur
maður heitir Reynir Guðmundsson og segir
hann Friðjón Hallgrímsson þáverandi og nú-
verandi formann skemmtinefndar hafa hvatt
sig til að koma og taka upp fundina, sem hann
gerði og þar með voru þeir rækilega festir á
myndbandsfilmu. Nú var undirritaður mættur
heima hjá Reyni í lok maímánaðar 2013 fyrir
hönd FHUR að taka formlega við filmunum,
en nokkru áður hafði Reynir látíð vita um áform
sitt. Er ég rak inn nefið hjá Reyni og sambýlis-
konu hans í Garðabænum lagði pönnukökuilm
á mótí manni og þegar sest var til borðs blasti
við veisluborð með allslags góðgætí og rjúkandi
kaffi. Nú var rétta smndin runnin upp til að
inna Reyni eftir hans lífshlaupi í stórum drátt-
um. Látum Reyni nú um framhaldið.
Hvar liggur uppruni þinn?
Eg er fæddur 16. september 1937 að Drápuhlíð
í Helgafellssveit og ólst þar upp til 1950, en þá
fluttíst ég til Stykkishólms og fór að vinna í
fiskvinnslu hjá Kaupfélaginu. Síðan var haldið
til Reykjavíkur árið 1962, þar sem ég gifti mig
það sama ár, Láru Ingiborgu Hjartardóttur frá
Fossi í Saurbæ. Hana misstí ég í maí 1983. Eg
fór að vinna hjá Jöklum h/f þegar ég kom
suður og starfaði þar til 1970, þegar ég fór ég
að vinna hjá Armanni Friðrikssyni útgerðar-
manni (Ingimundurh/f) þar sem égvar til 1990.
Næst lá leiðin til Umbúðamiðstöðvarinnar í
Rfjnir GuÖmundsson og Ragnheiður Þorsteinsdóttir
Reykjavík, þar sem maður undi sínum hag frá
1990-2002. Þess má til gamans geta að í Um-
búðamiðstöðinni voru að stórum hluta fram-
leiddar fiskvinnsluumbúðir. Hef sem sagt
unnið við fiskvinnslufyrirtæki alla tíð.
Hvenær kviknaði ljósmyndaáhuginn?
Eg byrjaði snemma að taka myndir af öllu
mögulegu innan fjölskyldunnar, svo kom hes-
taáhugi líka inní, hrossin þurftí líka að mynda.
Fjölsk^ldan er mikið hestaáhugafólk og hesta-
eigendur. Ljósmyndatæknin hefur tekið miklum
brejMingum i tímans rás og svo kom mynd-
bandatæknin. Eg tek það nú fram að ég er eng-
inn sérstakur harmonikuunnandi, en fór að taka
upp á myndbönd skemmtifundina hjá FHUR
eftir að Friðjón Hallgrímsson sóttist eftir að ég
tæki þessa viðburði upp. Það varð úr að ég hóf
að koma og endaði með því að enginn fundur
fór framhjá mér tímabilið 1994 til 1999. Flest-
ar upptökurnar eru úr Templarahöllinni við
Eiríksgötu og Hreyfilshúsinu. Þarna má m.a.
finna upptökur ýmissa harmonikuleikara og af
tónlistarkynningunum sem voru mikils metnar
á þessum tíma og dansinum sem allir fund-
irnir enduðu á. Nú eru flestir höfundarnir
látnir sem verið var að kynna.
Þú hefur nú haft nokkuð gaman af þessu?
Jú auðvitað og það var h'ka virkilega passað
uppá að ég mætti, því vinur minn Sigurður
Jónsson (Siggi tollari) náði alltaf í mig og skil-
aði mér heim að samkomunum loknum. Ut frá
þessari reglu var aldrei brugðið.
Þarna á böndunum liggja miklar heimildir, sem
mér finnst best að séu varðveittar hjá viðkom-
andi félagi sem sá um og hélt þessar samkom-
ur. Þess vegna afhendi ég með gleði þetta
mj’ndefni, sem vonandi getur varðveitt þetta
merkilega starf félagsins um ókomin ár.
Nú þegar komið er að lokum þessa litla viðtals
vill undirritaður þakka kærlega fyrir hönd
FHUR. Félagið gerir sér grein fyrir heimildagildi
þessarar gjafar sem verður þá viðbót við ýmis-
legt annað sem haldið er utanum varðandi sögu
elsta harmonikufélags á Islandi. Eins og áður
hefur komið fram býr Reynir í Garðabænum
með sambýliskonu sinni Ragnheiði Þorsteins-
dótmr frá Markarskarði í Hvolhreppi, Rangár-
vallasýslu. Við óskum Reyni og fjölskyldu alls
hins besta um ókomin ár.
Hilmar Hjartarson
17