Reykjavík - 31.05.2014, Blaðsíða 14

14 31. maí 2014REYKJAVÍK VIKUBLA
Ð
Einkarekið Apótek
Lágt lyfjaverð - góð þjónusta
Hitaveitu &
gasskápar
Blikksmiðjan Vík ehf / Skemmuvegur 42, 200 Kópavogi / kt. 4309850279 / Sími: 557-1555 / blikkvik@blikkvik.is
fyrir sumarbústaði og heimili
Gæði • Þjónusta • Öryggi
Hitaveituskápar
Við sérsmíðum og eigum líka hitaveitukassa á lager.
Einnig smíðum við mikið af kössum á kerrur, bíla ofl.
Fáanlegir í mörgum litum.
Gasskápar
Eigum gasskápa á lager. Læsanlegir
og smíðaðir úr áli.
Láttu ekki stela af þér kútunum!
Réttlát Reykjavík
– V fyrir vinstri!
Á morgun kjósum við Reykvík-ingar um í hvernig samfélagi við viljum búa. Stefna Vinstri
grænna er að gera gott samfélag enn
betra, með réttlæti, jöfnuð og sjálfbærni
að leiðarljósi. Stefna Vinstri grænna er að
standa vörð um þá sigra sem við vinstra-
fólk höfum unnið í gegnum tíðina, vel-
ferðarkerfið og grunnþjónustuna, og að
sækja fram á nýjum sviðum. Bæta þessa
þjónustu og efla velferðarkerfið. Framboð
VG er eina framboðið til vinstri í þessum
kosningum.
Það þarf að útrýma fátækt og tryggja
börnum jöfn tækifæri til menntunar
óháð efnahag foreldra þeirra. Það viljum
við gera með því að afnema gjaldheimtu
fyrir leikskóla, skólamáltíða og frístunda-
heimila og tryggja barnafjölskyldum með
því auknar ráðstöfunartekjur.
Við munum standa vörð um almanna-
þjónustuna og eigur almennings. Þannig
tryggjum við að borgin bjóði upp á fjöl-
breytta og góða þjónustu í samræmi við
þarfir og vilja borgarbúa en ekki einka-
aðila og gróðasjónarmiða. Mikilvægt
er að standa með starfsfólki í almanna-
þjónustu, bæta kjör þess og aðstæður til
starfsþróunar.
Margir borgarbúar eiga í vandræðum
með að finna sér öruggt og varanlegt
húsnæði á viðráðanlegu verði og það
er langt síðan húsnæðismál hafa verið
jafn mikilvægt viðfangsefni í stjórn-
málum. Borgarstjórn verður að leggja
sitt af mörkum til að jafna aðstöðumun
leigjenda og eigenda húsnæðis. Við
viljum stuðla að uppbyggingu leigu- og
búseturéttaríbúða á félagslegum grunni
með aðkomu borgarinnar. Auk þess að
mæta biðlistum eftir félagslegu húsnæði
og hækka húsaleigubætur.
Loftslagsbreytingar af mannavöldum
eru ein helsta ógnin við það samfélag
manna sem við þekkjum og við því þarf
að bregðast. Í allri stefnumótun okkar og
ákvarðanatöku á vettvangi borgarstjórnar
munum við hafa breytta samgönguhætti
og ábyrga auðlindanýtingu að leiðarljósi.
Það verður að virða mannréttindi og
frelsi allra borgarbúa. Það er óásættan-
legt að hugmyndafræði sem gengur gegn
mannréttindum og elur á fordómum fái
að hreiðra um sig borgarstjórn. Allir
borgarbúar eiga að njóta sömu réttinda,
frelsis og tækifæra án undantekninga.
Atkvæði greitt Vinstri grænum er í
þágu réttlætis í Reykjavík. Vinstri græn
standa vörð um velferðarkerfið og það
sem hefur áunnist, og eru reiðubúin til
að stíga róttæk og nauðsynleg skref til til
að gera gott samfélag enn betra.
Rödd Vinstri grænna í borgarstjórn
veitir mikilvægt aðhald, setur mál á dag-
skrá og er rödd umhverfissjónarmiða
og vinstri áherslna. Sú rödd verður að
hljóma í Ráðhúsinu áfram. Til að svo
megi verða þarf að kjósa V á kjördag!
Birta og ylur:
Heima, í skóla og í vinnunni
Björt framtíð hefur lýst mark-miðum sínum í kosningabaráttu undanfarinna vikna á mjög ein-
faldan og skýran hátt. Borgarstjórn þarf
að vinna að því að Reykjavík standist
samanburð við höfuðborgir stærri
landa og geti jafnvel gert betur. Það er
fyrst og fremst þrennt sem þarf að rækta
og byggja upp til að ná þessu markmiði:
• Borgaryfirvöld þurfa að vinna að
því að tryggja að í borginni geti allir
fundið húsnæði við hæfi til leigu eða
kaups á því verði og með þeim skil-
yrðum sem fólk ræður við. Þess vegna
ætlum við til dæmis að leggja kapp á
að bæta leigumarkað á næstu árum.
• Skólarnir í borginni þurfa að vera
fyrsta flokks. Þeir eiga að vera athvarf
og skjól barna og unglinga og á sama
tíma uppfylla kröfur um menntun
sem skilar úrvalsfólki áfram til frekara
náms og starfa. Gríðarlega mikið
hefur verið lagt í grunnskólana okkar,
byggingar og aðstöðu. Með samvinnu
við foreldra og kennara getum við séð
til þess að þessi fjárfesting skili sér til
nemendanna og samfélagsins.
• Reykjavík er þekkingarborg með öfl-
ugum háskólum og rannsóknastofn-
unum. Það þýðir að borgaryfirvöld
verða að leggja sig fram og vinna
með fyrirtækjum og leiðtogum í at-
vinnulífi að því að eflast enn frekar
á sviði atvinnugreina sem byggja
á þekkingu. Það gera sér ekki allir
grein fyrir því að borgin á í harðri al-
þjóðlegri samkeppni. Við keppum við
aðrar borgir um vinnuafl og verkefni.
Reykjavík þarf að vera góður búsetu-
kostur sem hæfir starfsmetnaði fólks,
ekki aðeins Íslendinga, heldur fyrir
toppfólk hvaðanæva að.
Það er óumdeilt að Besti flokkurinn
hefur breytt borgarmálunum til hins
betra á síðustu fjórum árum. Birtan og
gleðin af góðum árangri heldur áfram
með góðri kosningu Bjartrar framtíðar.
Við höfum ekki verið að búa til langar
og innihaldslitlar stefnuskrár heldur haft
markmiðin skýr og látið verkin tala og
þannig verður það áfram.
Velferð eldri borgara
er velferð allra
Í Reykjavík er fjöldi þeirra sem eru eldri en 70 ára um 11 þúsund manns. Samkvæmt mannfjöldaspá Hagstofu
Íslands mun öldruðum fjölga verulega á
næstu áratugum. Nauðsynlegt er því að
byrja að endurhanna þjónustu við aldr-
aða. Bæði vegna þess að hún er ekki nógu
góð í dag og eins að mun fleiri munu
þurfa á þjónustu að halda eftir nokkur ár.
Stærsti hluti þeirra sem fær heima-
þjónustu frá Reykjavíkurborg eru aldr-
aðir. Líklegt er að þetta séu um 2.300
manns í dag. Á biðlista eftir heimaþjón-
ustu fjölgar nú milli ára um 30%, svo ekki
hefur tekist að koma til móts við þörf fyrir
þjónustu. Eins er það svo að þeir sem fá
aðstoð inn á heimili sín fá lítið um það
að segja hvernig sú aðstoð er veitt. Þeir
fá ekki að velja hver kemur, hvenær eða
hvernig að þjónustunni er staðið. Auðvelt
er að skilja að ekki ríkir ánægja með slíkt.
Stefna Sjálfstæðisflokksins í borginni
hvað varðar þjónustu við aldraða er mjög
skýr. Fólk á að hafa frelsi til að velja þá
þjónustu sem þeim hentar best. Ef sá
sem þarf þjónustu tekur ákvörðun um
hvaðan hann sækir þá þjónustu og með
hvaða hætti hefur hann í hendi sér það
nauðsynlega tæki að geta valið. Um
leið verður til heilbrigð samkeppni. Án
hennar er ekki hvati til að mæta við-
skiptavinum á þeirra forsendum. Mjög
nauðsynlegt er að breyta þessu sem fyrst.
Eins og staðan er í dag virðast innri reglur
Reykjavíkurborgar hafa meiri áhrif á það
hvernig þjónustu fólk fær og hversu hratt
hún berst en ekki þörf viðskiptavinarins.
Afar mikilvægt er að á næsta kjör-
tímabili komist að ný sjónarmið og
breytt vinnubrögð í Reykjavík. Sjálf-
stæðisflokkurinn mun standa vörð um
velferð aldraðra sem annarra og ráðast
í þær breytingar sem nauðsynlegar eru
samfélaginu til hagsbóta.
Höfundur er
Áslaug María Friðriksdóttir
4. sæti á lista Sjálfstæðisflokksins
Höfundur er
Björn Blöndal,
oddviti Bjartrar framtíðar
Höfundur eru
Sóley Tómasdóttir, borgarfulltrúi
skipar 1. sæti
Vinstri grænna í Reykjavík og
Ragnheiður Ásta Pétursdóttir,
fyrrverandi þulur
skipar 28. sæti listans
BorgarstjórnarKosningar 2014