Fréttir - Eyjafréttir - 14.02.2008, Blaðsíða 9
Fréttir / Fimmtudagur 14. febrúar 2008
9
Veturinn í fyrra var óvenju slæmur
-en ég held að þessi sé að slá allt út, segir Guðlaugur Ólafsson stýrimaður
Guðlaugur Ólafsson, yfirstýri-
maður, hefur starfað í tæp þrjú ár á
Herjólfi. Áður var hann alvöru sjó-
maður eins og hann orðar það,
bæði á loðnu og trolli. Það liggur
því beinast við að spyrja hann hvort
ekki sé munur á því að vera um
borð í fiskiskipi eða farþegaferju.
„Munurinn er sá að ég veit
hvenær ég á að vinna og hvað ég
hef í laun þegar ég starfa á Herjólfi.
Það er ekki þessi óvissa sem tengist
hefðbundinni sjómennsku og ég
kann betur við mig um borð í
Herjólfi. Ég tók III stigið í Stýri-
mannaskólanum vegna þess að ég
stefndi alltaf á að komast um borð,
ég byrjaði sem háseti og nú er ég
stýrimaður.“
Veturinn núna slær allt út
Hefur ekki verið erfitt að vera um
borð 1 þessu tíðarfari?
„Veturinn í fyrra var óvenju
slæmur en ég held að þessi sé að
slá allt út. Ég held það sé búið að
fella niður 15 eða 17 ferðir í vetur
en nú erum við með tvær ferðir á
dag og alltaf myrkur í seinni ferð-
inni. Það er eiginlega Þorlákshöfn
sem stoppar okkur af og þó svo að
búið sé að lýsa upp eins og við
óskuðum eftir þá eru enn óvissu-
þættir. Mér fmnst fólk sýna því
meiri skilning en áður ef fella þarf
ferðir niður og það er aðeins skip-
stjórinn sem tekur þá ákvörðun.
Farþegaskip er ekki sambærilegt
við ftskiskip því um borð í ftski-
skipum eru sjómenn og þú þarft
ekki að hafa áhyggjur af því að fólk
slasi sig og ert fyrst og fremst að
spá í skipið."
Guðlaugur segir mikilvægt að
foreldrar íhugi hvort þeir eigi að
senda börn í íþróttaferðir í brjál-
uðum veðrum með skipinu.
„Auðvitað er vont fyrir foreldra að
banna börnum sínum að fara en
foreldrar ættu að standa saman um
að senda ekki hópa í vondum
veðrum. Fólk getur athugað með
vindhraða á Stórhöfða og fylgst
með veðurdufli við Surtsey og svo
er alltaf hægt að hringja um borð
og fá upplýsingar. Mér finnst fólk
ekki alveg vita hvað það er að tala
um þegar það skammast yftr því
þegar Herjólfur fer ekki. Það eru
margir sérfræðingar á þessu sviði
en skipstjórar um borð í Herjólfi
búa yfír mikilli reynslu.Við erum
með tvo menn sem hafa unnið hjá
Eimskip í fjölda ára og þó svo að
þeir hafi ekki verið í siglingum á
Herjólfí þá hafa þeir mikla reynslu
af siglingum á Atlantshafi. Þetta
eru mjög hæfir menn.“
Guðlaugur viðurkennir að það sé
stundum álag á starfsfólkinu um
borð og tímapressa því auðvitað sé
keppikeflið að halda áætlun. „I
slæmu veðri þarf að binda niður
alla bíla og þar af leiðandi er hann
seinni en vanalega. Þetta tekur auð-
vitað á menn og vinnutíminn veður
lengri og það er alltaf stress þegar
farið er inn eða út úr höfn. Við
fluttum yfir 120 þúsund manns í
fyrra þannig að það er nóg að gera.
Fullyrðingar um að skipið sé alltaf
fullt eru hins vegar rangar. Það er
fullbókað en staðreyndin er sú að
dekkið er sjaldnast fullt þegar við
förum úr höfn. Ein ástæðan er að
fólk er að panta langt fram í tím-
ann, pantar allar helgar í júlí en
ætlar að fara eina og afbókar ekki
þær helgat sem það er búið að taka
frá.“
Slæm umgengni
Guðlaugi finnst vanta skýrari
ákvæði um hver á sjá um viðhald á
skipinu en það er í eigu ríkisins en
Eimskip rekstraraðili. „Umgengni
um skipið er alls ekki góð og Eyja-
fólkið er sérlega slæmt í þeim
efnum. Við erum að ferja íþrótta-
hópa víðs vegar af landinu og ég
hef tekið eftir að skipið er stundum
í rúst eftir íþróttakrakka frá Eyjum.
Börnin læra það sem fyrir þeim er
haft. Sem dæmi þá voru settir upp
nýir sjónvarpstólar á kostnað ríkis-
ins í sjónvarpssalnum. Það var
mikil umræða um þá vegna þess að
það var ekki að hækka eða lækka
stólbökin. Fólk mótmælti þessu
með því að skemma bökin og
brjóta armana og hélt að þá kæmu
nýir stólar. En málið er ekki svo
einfalt,við sitjum auðvitað uppi
með stólana. Nú ætar Eimskip að
skipta um sófa í skipinu en ég hef
oft furðað mig á því þegar fólk
hallar sér í þá og lætur sér ekki
detta í hug að fara úr skónum.
Lærði siglingafræði en
ekki hafnargerð
Nú er ákveðið að fara í hafnargerð í
Bakkafjöru, hvemig líst þér á það?
Ég segi bara það að ég lærði sigl-
ingafræði í 3 ár en ég lærði ekki að
hanna hafnir. Ég get ekki keypt það
að það séu bara bjánar hjá Sigl-
ingastofnun. Það verða byrjunar-
örðugleikar, það er alveg á hreinu.
Fulltrúar Siglingastofnunar boðuðu
skipstjóra, stýrimenn og vélstjóra
Herjólfs á sinn fund fyrir stuttu og
það er í fyrsta skipti sem þeir tala
við áhöfnina. Við komum okkar
sjónarmiðum á framfæri og ég vona
að það verði tekið mark á þeim.
Hins vegar er ég ekki viss um að
samgöngumál séu ein og sér að
valda fækkun í Eyjum. Alls staðar í
heiminum leitar fólk í borgir en ég
tel líklegt að höfn í Bakkafjöru
fjölgi ferðamönnum," sagði
Guðlaugur.
Góður vinnu-
staður, og
gott fólk
-segja vélstjórarnir Arnar og Elliði
Arnar Sigurðsson, yfirvélstjóri og
Elliði Aðalsteinsson, vélstjóri, sjá
um að halda vélum og vélbúnaði
gangandi í Herjólfi og það er eins
gott að ekkert klikki þegar veður
eru válynd.
Vélstjórarnir gáfu sér smá tíma
í spjall við blaðamann þó hann
bæri ekki endilega upp réttu
spurningarnar. „Jú það er mikið
álag á áhöfninni, hund, helvíti
leiðinlegt,“ sagði Elliði þegar
hann var spurður hvort ekki
væri álag á áhöfninni í tíð eins og
verið hefur.
„Þetta er sjöunda árið,“ sagði
Arnar hinn rólegasti þegar hann
var spurður hvað hann væri
búinn að vera lengi um borð.
„Jú, þetta er með verri vetrum,“
sagði hann íbygginn þegar veðrið
bar á góma.
„Auðvitað reynir þetta á, við
komum seint heim í vondum
veðrum og erum byrjaðir að
vinna aftur klukkan sjö á
morgnana.“
Elliði sagði það alveg ljóst að
ekki mætti mikið út af bera í
slæmum veðrum þegar þeir voru
spurðir hvort þeir bæru ekki
mikla ábyrgð sem vélstjórar.
„Þess vegna er sjálfsagt að fella
niður ferðir þegar veðrið er
slæmt, “ segir Elliði og leggur
áherslu á orð sín.
„Við tölum nú ekki um þegar
ófært er í Þrengslum og á
Heiðinni,“ sagði Arnar og þeir
upplýsa blaðamann um að fólk
hafi farið aftur til baka með skip-
inu vegna þess að það var ófært
landleiðina.
Jú, þetta er góður vinnustaður,
og gott fólk,“ sagði Arnar þegar
hann var spurður út í vinnu-
staðinn og Elliði tók undir það.
Þeim var hins vegar ekki til
setunnar boðið enda búið að
dæla olíu um borð og þeir þurftu
að ganga frá og stutt í að skipið
færi seinni ferðina.
ELLIÐI OG ARNAR -Auðvitað reynir þetta á, við komum seint heim í vondum veðrum og erum byrjaðir
að vinna aftur klukkan sjö á morgnana.