Fréttir - Eyjafréttir - 29.05.2008, Blaðsíða 8

8
Frcttir / Fimmtudagur 29. maí 2008
Skipstjórnarnámið í Framhaldsskólanum:
Flestir stóðust sín próf með ágætum
-og hafa allir sótt um skólavist að nýju í haust
í haust hófst á ný skipstjórnar-
kennsla í Vestmannaeyjum. Það
nám hafði ekki verið í boði í um ára-
tug, eða frá því að Stýrimanna-
skólinn hér var lagður af og skip-
stjómamámið flutt til Reykjavíkur.
Reyndar voru haldin hér nokkur 30
rúmlesta námskeið en um annað
réttindanám var ekki að ræða í
Eyjum og þótti mörgum það miður í
einni stærstu verstöð landsins. Ein
ástæða þess, að stýrimannaskólarnir
á landsbyggðinni voru lagðir niður,
var sú að nemendum í skipstjórn-
arnámi hafði fækkað mjög og var
talið að ein stofnun gæti séð um
þetta nám, í stað þriggja.
En á síðasta ári var ákveðið að
hefja kennslu á I. stigi við Fram-
haldsskólann. Helstu hvatamenn að
því voru forsvarsmenn Útvegs-
bændafélags Vestmannaeyja.
Stjórnendur Framhaldsskólans í
Eyjum komust að samkomulagi við
Fjöltækniskólann í Reykjavík, þar
sem skipstjómarnámið fer fram, um
að fara af stað með nám I. stigs, í
samráði við kennara skipstjórnar-
greinanna hjá Fjöltækniskólanum.
Átján hófu nám í haust
f fyrrasumar var unnið að því að
kynna þennan nýja möguleika fyrir
þeim sem væntanlega hefðu áhuga á
að stunda námið í Vestmannaeyjum
og bar það þann árangur að 18 hófu
nám í I. stiginu í haust í Eyjum.
Sigurgeir Jónsson, sem kenndi við
Stýrimannaskólann um fimmtán ára
skeið, var fenginn til að hafa umsjón
með náminu og Bjarki Guðnason,
forstöðumaður Eimskips í Eyjum,
tók að sér kennslu í stöðugleika.
Þá sá Haraldur Óskarsson í Net hf.
um kennslu í verklegri sjóvinnu og
Höskuldur Kárason um fræðslu í
öryggismálum. Læknarnir Ágúst Ó.
Gústafsson og Einar E. Jónsson tóku
að sér kennslu í heilbrigðisfræði.
Nám í íslensku, ensku og stærðfræði
stunduðu svo stýrimannanemarnir
með öðrum nemendum Framhalds-
skólans. Ákveðið var að námið í
siglingatækjum og siglingasamlíki
færi fram í Reykjavík, í svonefndu
lotunámi. Nemendur fóru tvívegis
til Reykjavíkur á önninni, tvær
viðamiklar vinnuhelgar og tóku
síðan próf í seinni lotunni. Þessi
háttur var hafður á, bæði vegna
fjölda nemenda sem og að í
Reykjavfk eru til staðar fleiri tæki en
hér sem og öllu fullkomnari bún-
aður, sérstaklega í samlíkiskennslu.
Þá var einnig talið eðlilegt að sam-
band væri á þennan hátt við
Fjöltækniskólann sem hefur yfirum-
sjón með þessu námi.
Ellefu á vorönn
Próf voru tekin í desember og vor-
önnin hófst síðan í janúar. Þá hafði
nemendum fækkað í tólf. Tveir
höfðu hætt námi á miðri haustönn,
þrír náðu ekki tilskildum árangri á
prófum og einn ákvað að taka
vorönnina í Reykjavík. Einn þess-
ara nemenda hætti svo fljótlega
þannig að ellefu gengu undir próf í
vor.
Sömu kennarar voru og áður, að
því undanskildu að Bjarki hætti og
tók Friðrik Ásmundsson að sér
kennslu í stöðugleika og siglinga-
reglum, gamalreyndur á því sviði,
enda skólastjóri Stýrimannaskólans
hér um langt skeið. Þá sá Viðar
Elíasson um kennslu í aflameðferð
og vinnslu. Áfram var hafður sami
háttur og á haustönninni, að nem-
endur fóru tvívegis til Reykjavíkur
vegna náms í tækjum og samlíki.
Lokapróf voru svo tekin nú í byrj-
un maí. Flestir nemenda stóðust þau
próf með ágætum, reyndar þrír sem
í haust í einni Reykjavíkurferðinni.
þurfa að endurtaka áfanga. En þar
sem þetta nám er nú stundað eftir
áfangakerfi, kemur það ekki í veg
fyrir að þessir nemendur geti haldið
áfram sínu námi í haust.
Sigurgeir Jónsson, sem hafði
umsjón með þessu námi í vetur,
segir að flestir nemendanna hafi
stundað sitt nám af áhuga og
samviskusemi og náð fyllilega sam-
bærilegum árangri við nemendur í
Reykjavík en próf í skipstjómar-
greinunum komu flest frá
Reykjavík.
Aftur boðið upp á þetta
nám í haust
Allvemlegar breytingar vom gerðar
á þessu námi, undir lok síðustu
aldar, til þess að framfylgja alþjóð-
legum stöðlum og að réttindin yrðu
gild hvar sem er í heiminum.
Nýjum námsgreinum var m.a. bætt
inn og aukið við aðrar. Þetta lengdi
námstímann talsvert. Á árum áður
var unnt að ljúka I. stigi á tveimur
önnum en nú tekur það nám fjórar
annir á eðlilegum námshraða. Þeir
sem hafa góðan undirbúning geta þó
lokið því á skemmri tíma.
Allir nemendumir, sem vom á vor-
önninni, hafa sótt um skólavist í
haust og munu því, ef allt gengur að
óskum, Ijúka prófi I. stigs næsta vor
með stýrimannsréttindum, sambæri-
legum við það sem I. stigið gaf áður.
Þá er einnig ætlunin að bjóða upp á
þetta nám aftur í haust og hafa þegar
nokkrir spurst fyrir um það hjá
skólanum.
Framhaldsskólinn hefur látið gera
mjög myndarlegan kynningarbæk-
ling um vélstjórnar- og skipstjóm-
arnámið og er hann kominn í
dreifingu. Er það von forráðamanna
að áfram verði hægt að halda með
þessa námsbraut við skólann. Áætl-
að er að þá verði hægt að kenna nær
allar greinarnar hér, svo sem tæki og
samlíki en skólinn á ágætan samlíki
sem hefur m.a. nýst við 30 rúmlesta
námið á undanfömum árum. Ein-
hverjar breytingar koma þó til með
að verða á kennaraliði. Bæði Sigur-
geir og Friðrik eru komnir á eftir-
laun og hafa lýst því yfir að eðlilegt
sé að fá yngri menn í þetta.
„Við Friðrik samþykktum þetta
þegar til okkar var leitað í vetur, við
komum þessu af stað og nú held ég
að rétt sé að litast um eftir áhuga-
sömum aðilum sem em reiðubúnir
til að halda þessu áfram,“ sagði
Sigurgeir í samtali við Fréttir og
bætti við að framtíð þessa náms
byggðist þó á því að nægur fjöldi
nemenda væri til staðar. Ef áhugi
þeirra er fyrir hendi er ekkert því til
fyrirstöðu að treysta þetta nám í
sessi í Vestmannaeyjum.
Stefni á að
vinna sem
stýrimaður
segir Ingibjörg Bryngeirsdóttir
Ingibjörg Bryngeirsdóttir hefur lokið fyrsta
vetrinum í skipstjórnarnáminu sem kennt var
við FÍV sl. vetur. Hún er eini kvennemand-
inn við skólann og reyndar sá eini sem hefur
stundað nám í skipstjórnarfræðum fyrir utan
pungaprófið því engin kona stundaði nám við
gamla Stýrimannaskólann þegar hann var
starfræktur í Eyjum.
Ingibjörg sagði að aðdragandinn að því að
hún fór í skólann hafi verið sá að starfsfólkið
um borð í Herjólfi hafi rætt um skólann og
mikilvægi hans. „Það kom upp að námið
yrði í boði næsta vetur og okkur fannst það
auðvitað skipta miklu máli. Gísli Valur
hringdi svo í mig og spurði hvort hann mætti
skrifa mig á lista og ég hélt að þetta væri
einhver undirskrifta- eða meðmælalisti með
skólanum og sagði það vera ekki nema sjálf-
sagt. Svenni á Kletti hringdi svo í mig en
hann tók að sér að koma náminu af stað og
talaði mig til því ég var skráð í skólann.
Hann þurfti svolítið að hafa fyrir því að
sannfæra mig og ég sé ekki eftir því að hafa
látið til leiðast. Þetta hefur verið þvílíkt
skemmtilegur tími.“
Ingibjörg segir ekkert mál að vera eina
stelpan sem stundar þetta nám enda þekki
hún flesta strákana sem eru í náminu. „Þetta
hefur auðvitað verið erfitt með fullri vinnu en
það er gaman, sérstaklega þegar vel gengur.
Ég hef alltaf haft áhuga á sjónum og mér
finnst rosalega skemmtilegt að vera um borð í
Herjólfi.
Pabbi átti
yfirleitt
trillu og ég
fór oft með
honum
þegarég
var stelpa.
Ég stefni á
að vinna
sem stýri-
maður í
framtíðinni
og myndi
helst vilja
starfa á
ferju eða á
millilanda-
skipi. Ég
gæti líka
alveg hugsað mér að fara á fiskiskip en hef
meiri áhuga á ferjusiglingum og ég vil t.d. fá
nýjan Herjólf milli Þorlákshafnar og
Vestmannaeyja.
Námið heldur áfram í haust og 1. stigið
klárast næsta vor. Við vorum ellefu nemendur
sem lukum fyrsta árinu og ég á von á að við
höldum öll áfram næsta vetur. Við vitum ekki
hvað verður með framhaldið en ég stefni á að
halda áfram og taka 2. stigið. Þetta er
skemmtilegt en erfitt og ég fæ að vera í
svokölluðum p áfanga í skólanum því ég er
svo mikið í vinnu, “ segir Ingibjörg og ljóst
er að hún leggur mikið á sig því hún er í
fullri vinnu og fullu námi.
Ég mæli hiklaust með þessu námi við stelpur
og stráka eða alla sem eru áhugasamir um
sjóinn. Svo er alltaf hægt að bæta við námið,
eins og kennsluréttindanámi og þá fá menn
tækifæri til að kenna verðandi skipstjórnar-
mönnum," sagði Ingibjörg og sér mörg tæki-
færi í stöðunni en hún er fyrsta konan sem
leggur stund á skipstjórnarnám í Vestmanna-
eyjum.
Sjórinn er
bara þægi-
legur og
eitthvað ró-
andi við
hann
-segir Gísli Valur Gíslason, stýri-
mannsnemi
Gísli Valur Gíslason stundar skipstjórnarnám
við FÍV og er nú hálfnaður með 1. stig
námsins en það hefur verið lengt og tekur nú
tvo vetur í stað eins áður. Gísli Valur var um
borð í Dala-Rafni þegar Fréttir náðu tali af
honum og hann spurður út í námið sem hefur
ekki verið í boði við FÍV undanfarin ár.
„Mér líkaði mjög vel í skólanum og það er
ólíkt þægilegra að geta lært þetta hér heima.
Ég stefni á að ljúka I. stiginu næsta vetur og
fara svo til Reykjavíkur og klára skólann."
Stýrimannsnámið hefur ekki verið sérstaklega
inn undanfarin ár, hvers vegna valdir þú
þessa leið? „Þetta er bara eitthvað sem hefur
heillað mig frá því ég man eftir mér, það kom
voða lítið annað til greina. Ég hef stærsta
hlutann verið á Herjólfi en var á fiskibát áður
en ég byrjaði á Herjólfi og nú er ég um borð í
Dala-Rafni.“
Skiptir máli
að afi þinn
og nafni var
lengi skip-
stjóri og
útgerðar-
maður?
„Nei, ég
held ekki.
En auðvitað
skiptir máli
að alast upp
við að lífið
snúist mikið
um sjó og
sjómennsku
og eiginlega
ekki talað
um annað.
Það skiptir
sjálfsagt máli og er hluti af því er að þetta
varð niðurstaðan."
Gísli segir að það sé allt öðruvísi að vera um
borð í Dala-Rafni en Herjólfi þar sem allt er í
föstum skorðum og fyrirfram ákveðið.
„Auðvitað er meiri spenna um borð í fiskibát
og allt gengur út á það hvemig fiskast. Hins
vegar er stór mínus að maður er ekki heima
hjá sér á kvöldin en við erum aldrei lengur
úti en viku í einu. Það hefur fiskast mjög vel
hjá okkur og töluvert erfiðara að vinna um
borð í fiskibát en Herjólfi," sagði Gísli Valur
og var því næst spurður hvað væri svona
heillandi við sjóinn.
„Bara það að vera úti á sjó, það er bara eitt-
hvað sem er svo heillandi. Sjórinn er bara
þægilegur og eitthvað róandi við hann og g
get alveg hugsað mér að vera á farþega- eða
millilandaskipi eins og á fiskibát. Ég er
ákveðinn í að leggja þetta fyrir mig, klára það
sem ég get af náminu heima og svo er næsta
skref að fara til Reykjavíkur og ljúka
skólanum,“ sagði Gísli Valur.