Fréttablaðið - 21.02.2013, Blaðsíða 10

21. febrúar 2013 FIMMTUDAGUR| FRÉTTIR NEYTENDUR | 10
Síðumúli 16 • 108 Reykjavík • Sími 580 3900 • www.fastus.is • Verslun opin mán-fös 8.30 -17.00
Hreinlega frábær
fyrir þvottahúsið
Þvottavél og þurrkari tilvalin fyrir húsfélög og minni ferðaþjónustur
Þvottavél og þurrkari
• Ryðfrítt stál
• Stærra hurðarop - 45cm þvermál
• Sparnaðarkerfi fyrir vatn og orkunýtingu
• Notendavæn og þægileg þvottakerfi
• Þvottavél og þurrkari staflanleg til að nýta pláss betur
• Margar góðar viðbætur fáanlegar, m.a. myntraufFAS
TU
S
_E
_0
6.
02
.1
3
Bílaleigubílar sem tryggingafélög útvega á meðan bíll tryggingataka er
í viðgerð eru yfirleitt í minnsta flokki, samkvæmt upplýsingum frá TM,
VÍS og SJÓVÁ. Telji tryggingataki sig þurfa bílaleigubíl í sömu stærð og
hans eigin er þörfin metin í hvert sinn, bæði vegna fjölskylduaðstæðna
og starfs. Þurfi viðkomandi að fara yfir fjallveg til þess að komast í vinnu
getur hann til dæmis fengið fjórhjóladrifinn bíl. Þarfir vegna aksturs í
sjálfu starfinu eru sagðar metnar í hverju tilviki. Sé fjölskyldan stór og ef
tryggingataki þarf á jafnstórum bíl og sínum eigin vegna fötlunar er tekið
tillit til þess. Meti tryggingafélagið að viðskiptavinurinn þurfi einungis
lítinn bíl getur hann greitt mismuninn á leigu lítils og stórs bíls sætti hann
sig ekki við lítinn bílaleigubíl.
Bílaleigubílar í minnsta flokki
á vegum tryggingafélaga
„Bestu kaupin eru sennilega bolur sem ég keypti í Kaupmanna-
höfn árið 2002 og kostaði sennilega 200 krónur danskar.
Þetta er ljósblár bolur með hvítri friðardúfu framan á
sem fór mér einkar vel. Það var eiginlega ótrúlegt hve
margir hrósuðu bolnum í kjölfarið, meira að segja
ókunnugt fólk,“ segir Reynir Þór Eggertsson Euro-
vision-sérfræðingur og bætir því að hann eigi bolinn
enn þá en komist því miður ekki í hann lengur þótt
það standi til bóta.
Spurður um verstu kaupin svarar Reynir: „Ætli
það séu ekki gallabuxur sem ég keypti einu
sinni en slitnuðu strax daginn eftir. Það var
svekkjandi.“
Þá segir Reynir að það þurfi ekki
að koma á óvart að það séu flíkur
úr fataskápnum sem honum
detti helst í hug enda sé
hann eignalítill ef frá eru
skilin föt, bækur og
vídeóspólur.
NEYTANDINN REYNIR ÞÓR EGGERTSSON
Á vídeóspólur, bækur og föt
Frá og með næstu áramótum
verða starfsmenn sólbaðsstofa í
Noregi að gangast undir sérstakt
próf. Starfsmennirnir eiga að
geta metið húðgerð viðskipta-
vinanna. Þeir eiga að geta ráðlagt
viðskiptavinum um hæfilega
lengd tímans á ljósabekknum
og tíðni sólbaðanna. Jafnframt
eiga starfsmenn að meta hvort
húð viðskiptavina sé of ljós fyrir
lampa á sólbaðsstofu. Samtök
eigenda sólbaðsstofa segja
þessar nýju reglur alltof strangar.
Það verði of dýrt að hafa alltaf
menntað starfsfólk á vakt. Í fyrra
var einstaklingum undir 18 ára
aldri í Noregi bannað að sækja
sólbaðsstofur.
Þurfa í próf
fyrir vinnu
á sólbaðsstofu
Settu kubbana í nælon
Þegar búið er að leika með
legókubba svo mánuðum skiptir
er ekkert ólíklegt að þeir verði
skítugir og að þar leynist kex-
afgangar og annað matarkyns sem
tilheyrir að maula með kubbaleik.
Það er gott húsráð að setja
kubbana í gamlar nælonsokka-
buxur, koddaver eða annað sem
þolir þvott. Svo má setja kubbana
inni í þessu í þvottavél á hægri
og góðri stillingu, og
ekki meira en
þrjátíu gráðu
hita.
GÓÐ HÚSRÁÐ
SKÍTUGIR LEGÓKUBBAR
Tollalög sem voru samþykkt á
þingi fyrir jólafrí og taka gildi um
næstu mánaðamót fela enn í sér
hámarksverðmæti fyrir stakan
hlut sem ferðamenn taka með sér
tollfrjálst til landsins. Það er þrátt
fyrir að á fyrri stigum málsins
hafi þess verið sérstaklega getið að
slíks væri ekki þörf. Frumvarpið
var samþykkt á lokaspretti fyrir
jólafrí þingsins.
Fréttablaðið tók málið til
umfjöllunar fyrr í vetur og vakti
athygli á því að ákvæði tollalaga
um verðmæti tollfrjáls varnings
hefðu ekki breyst í samræmi við
gengisþróun. Í kjölfar þess var
málið tekið upp í efnahags- og við-
skiptanefnd þar sem meirihlutinn
lagði til í áliti sínu hinn 19. desem-
ber að fjárhæðarviðmið vegna toll-
frjáls innflutnings myndi hækka
úr 65.000 krónum upp í 88.000 og
hámark á verðmæti staks hlutar,
sem áður var 32.500, yrði afnumið.
Taldi meirihlutinn „ekki þörf á að
hafa sérstök mörk fyrir verðmæti
einstaks hlutar“.
Þannig hélst málið í gegnum aðra
umræðu á þingi. Helgi Hjörvar,
þingmaður Samfylkingarinnar og
formaður efnahags- og viðskipta-
nefndar, kom hins vegar fram
með breytingartillögu fyrir þriðju
umræðu, sem fór fram eftir mið-
nætti sama dag, þar sem leyfilegt
verðmæti er hækkað fyrir fyrr-
nefnda hópa, en almennt hámarks-
verðmæti einstaks hlutar tekið inn
á ný og þá að upphæð 44.000 krón-
ur. Frumvarpið var samþykkt og
þingi var frestað daginn eftir.
Ekki náðist í Helga við vinnslu
fréttarinnar, en Magnús Orri
Schram, samflokksmaður hans
sem situr einnig í nefndinni, sagði
spurður að breytingin hefði átt sér
skamman aðdraganda.
„Tollstjóraembættið áleit að
brottfall hámarks á verðmæti ein-
staks hlutar úr lögunum gæti leitt
til óskýrleika í framkvæmd. Því
var ákveðið að færa mörkin aftur
inn, en það var hins vegar ákveð-
ið að breyta ákvæðinu við næstu
endur skoðun laganna.“
Inntur eftir því hvenær af því
gæti orðið sagði Magnús það óvíst,
en stefnt væri að því að það yrði á
yfirstandandi þingi.
Guðlaugur Þór Þórðarson, þing-
maður Sjálfstæðisflokks og fulltrúi
í efnahags- og viðskiptanefnd, deil-
ir bæði á málið sjálft og meðferð
þess.
„Það segir sig alveg sjálft að
hámarksverð fyrir stakan hlut er
kjánalegt, en þetta er enn ein stað-
festingin um að við þurfum að
breyta vinnubrögðum í þinginu, því
að það er ekki skynsamlegt að vera
að vinna svona mál í tímaþröng um
miðjar nætur.“
thorgils@frettabladid.is
Bættu hámarkinu aftur inn
eftir athugasemdir tollstjóra
Ákvæði um hámarksverðmæti einstaks hlutar til tollfrelsis við komu til landsins, var tekið út en sett aftur inn í
frumvarp á lokaspretti fyrir jólafrí. Hámark fyrir einn hlut verður 44.000 krónur við gildistöku laganna.
RAUÐA EÐA GRÆNA HLIÐIÐ? Eftir að ný tollalög taka gildi um næstu mánaðamót
verður leyfilegt að taka með sér að utan tollfrjálsan varning að upphæð 88.000
krónur, en hver hlutur má ekki kosta meira en 44.000. FRÉTTABLAÐIÐ/ANTON
HÁMARKIÐ AFTUR SETT INN
Núgildandi lög Frumvarpið fram Samþykkt lög
á síðasta dag (frá 1. mars)
Hámarksverðmæti 62.500 88.000 88.000
Hámarksverðmæti staks hlutar 32.500 Ekki tiltekið 44.000