Fréttablaðið - 15.08.2013, Blaðsíða 40

15. ágúst 2013 FIMMTUDAGUR| MENNING | 30
Nýjasta kvikmynd leikstjórans
Baltasars Kormáks var frumsýnd
hér á landi í gær. Myndin heitir 2
Guns og skartar Mark Wahlberg
og Denzel Washington í aðalhlut-
verkum. Myndin var frumsýnd í
Bandaríkjunum fyrir skemmstu
og halaði inn um 3,6 milljörðum
króna á opnunarhelgi sinni, sem
er frábær árangur. „Þetta er
auðvitað frábært. Það er auðvitað
mikil pressa á manni og þetta er
erfiður tími. Sumarið er hlaðið af
stórum myndum. 2 Guns er ekki
stórmynd í samanburði við margt
sem er að koma út. Hún kostaði 60
milljónir dollara. Engu að síður
er mikil spenna og mikið undir,
maður vill ekki bregðast þessum
mönnum,“ sagði Baltasar, spurður
um árangur myndarinnar af blaða-
manni Vísis fyrr í mánuðinum.
2 Guns er byggð á samnefndri
röð teiknimyndabóka eftir teikni-
myndahöfundinn Steven Grant.
Söguþráður myndarinnar segir frá
tveimur lögreglumönnum, Bobby
Trench og Marcus Stigman, sem
villt hafa á sér heimildir í þeim
tilgangi að komast inn í innsta
hring harðsvíraðra glæpasam-
taka. Þegar hættuleg aðgerð
misheppnast afneita yfirvöld
þeim báðum og eina leiðin fyrir
þá Trench og Stigman til að lifa af,
endurheimta orðspor sitt og koma
glæpaforingjanum á bak við lás og
slá, er að snúa bökum saman.
Með hlutverk Trench og
Stigman fara Denzel Washington
og Mark Wahlberg. Með önnur
hlutverk fara Paula Patton, Bill
Paxton, Fred Ward og James
Marsden. Til gamans má geta
þess að þetta er í annað sinn
sem Wahlberg og Baltasar vinna
saman, en þeir unnu einnig saman
við gerð Contraband, endurgerðar
íslensku myndarinnar Reykjavík,
Rotterdam. Þetta mun einnig vera
í annað sinn sem Washington og
Patton leika saman í kvikmynd,
en þau léku hvort á móti öðru í
spennumyndinni Déjà vu frá árinu
2006. sara@frettabladid.is
Lögreglumenn snúa
bökum saman
Kvikmyndin 2 Guns var frumsýnd í gær. Myndin skartar Mark Wahlberg og
Denzel Washington í aðalhlutverkum. Leikstjóri er Baltasar Kormákur.
BIÐINNI LOKIÐ 2 Guns var frumsýnd hér á landi í gær. Eins og kunnugt er orðið leikstýrði Baltasar Kormákur myndinni.
Paradise: Love (Paradies: Liebe)
verður frumsýnd á morgun í Bíói
Paradís. Hún er fyrsta myndin
í Paradísar-trílógíu leikstjórans
Ulrichs Seidl sem segir sögu 50 ára
gamallar konu, Teresu, sem ferðast
til Kenía sem kynlífsferðamaður.
Þar eru konur eins og Teresa
þekktar sem „sykur-mömmur“,
en í myndinni er ýmsum áleitnum
spurningum varpað fram og ólíkir
menningarheimar mátaðir saman.
The Way, Way Back verður sýnd
í Háskólabíói, Laugarásbíói og
Borgarbíói og hófust sýningar á
þriðjudaginn. Myndin fjallar um
Duncan, feiminn en kláran fjórtán
ára strák sem fer í sumarfrí með
móður sinni, Pam. Með í för er nýi
kærastinn hennar, Trent, leikinn
af Steve Carrell, og dóttir hans,
Steph. Duncan kemur ekki vel
saman við Trent, er mjög feim-
inn við dóttur hans, og til að bæta
gráu ofan á svart er hann hægt og
hægt að fjarlægjast móður sína. Í
sumar fríinu kynnist hann starfs-
manni vatnsskemmtigarðs, Owen,
sem nálgast lífið á óhefðbundinn
hátt.
We are the Millers er sýnd í
Sambíóunum og var frumsýnd í
gær. Myndin fjallar um marijúana-
sala sem fær bláókunnugt fólk til
að þykjast vera fjölskylda hans og
fær það til að hjálpa sér að smygla
farmi af marijúana yfir landamæri
Mexíkó til Bandaríkjanna.
We’re the Millers er eftir hand-
ritshöfundana Bob Fisher og Steve
Faber sem skrifuðu meðal annars
The Wedding Crashers. - ósk
We are the Millers, Paradise:
Love og The Way, Way Back
Þrjár kvikmyndir eru frumsýndar í kvikmyndahúsum landsins í vikunni.
THE WAY,
WAY BACK
Gamanmyndin
skartar meðal
annars Steve
Carrell í helstu
hlutverkum.
Staðfest hefur verið að leikkonan
og fyrirsætan Milla Jovovich
muni leika í nýjustu mynd leik-
stjórans Michaels Almereyda, sem
er byggð á klassísku leikriti eftir
Shakespeare og nefnist Cymbeline.
Nú þegar hefur verið staðfest
að stórleikararnir Ed Harris og
Ethan Hawke ásamt Penn Badgley
muni einnig fara með hlutverk í
myndinni. Cymbeline er frekar
hefðbundin Shakespeare-mynd
þar sem svik, prettir og rómantík
fléttast saman á einstakan hátt.
Drottningin sem Jovovich leikur
er illgjörn og lævís karakter. Ed
Harris fer með hlutverk kóngsins
Hapless og Penn Badgley fer með
hlutverk munaðarleysingjans Post-
humus. Ekki er enn vitað hvert
hlutverk hjartaknúsarans Ethans
Hawke verður í myndinni. Þetta
er í annað sinn sem leikstjórinn
Almereyda leikstýrir kvikmynd
sem byggð er á leikriti eftir Shake-
speare, en flestir muna vafalaust
eftir myndinni Hamlet, sem kom
út árið 2000. Áætlað er að tökur
hefjist 19. ágúst. - áo
Með hlutverk í
Shakespeare-mynd
Leikur með stórleikurunum Ed Harris og Ethan Hawke
Í SHAKESPEARE Milla Jovovich leikur í
mynd sem byggð er á verki eftir Shake-
speare. NORDICPHOTOS/GETTY
Myndin Muppets Most Wanted
er byggð á hinum geysivinsælu
Prúðuleikurum, The Muppets.
Myndin, sem James Bobin leik-
stýrir, er framhald af myndinni
The Muppets sem kom út árið
2011. Með hlutverk í myndinni
fer grínleikarinn Ty Burrel, sem
hefur slegið rækilega í gegn sem
fjölskyldufaðir í þáttunum
Modern Family.
Burrel sagði í samtali við
kvikmyndatímaritið The
Empire, að hann hefði alla
tíð elskað Prúðuleik-
arana. Burrel tók
hlutverkinu sam-
dægurs enda voru
prúðuleikararnir
stór hluti af lífi
hans þegar hann
var yngri. Í mynd-
inni leikur Burrel
franskan liðsforingja og þurfti
hann því að æfa franska hreim-
inn vel. Burrel sagði að það hefði
gengið vonum framar og meira að
segja komi hann til með syngja
lag í myndinni. Í Muppets Most
Wanted verður mun meira um
tónlist en í fyrri myndinni og er
það enginn annar en Óskars-
verðlaunahafinn McKenzie
sem semur lögin. Tökur
á myndinni hefjast innan
nokkurra vikna og fara þær
fram í London. Áætlað er
að myndin verði frum-
sýnd einhvern tímann
á næsta ári.
Tökur að hefj ast á
Muppet Most Wanted
Gamanleikarinn Ty Barrel fer með hlutverk fransks
liðsforingja og æfi r nú franska hreiminn á fullu.
LEIKUR FRANSKAN
LIÐSFORINGJA
Leikarinn Ty Burrel fer
með hlutverk í myndinni
Muppets Most Wanted.
NORDICPHOTOS/GETTY
➜ Í stiklu myndarinnar má
heyra lagið Die by the Drop
með hljómsveitinni The
Dead Weather. Þetta sama
lag var einnig notað í stiklu
kvikmyndar innar Contraband.
*P
re
nt
m
ið
la
kö
nn
un
C
ap
ac
en
t o
kt
ób
er
–d
es
em
be
r 2
01
2
–
hö
fu
ðb
or
ga
rs
væ
ði
2
5-
54
á
ra
Innskot í Fréttablaðið skilar árangri!
MEST LESNA
DAGBLAÐ Á ÍSLANDI*
Fréttablaðið er mest lesna dagblaðið með glæsilegt forskot
á keppinautana. Meðallestur Fréttablaðsins í aldurshópnum
25-54 ára er 73% á höfuðborgarsvæðinu.*
Við bendum auglýsendum á að notfæra sér forskotið þegar
þeir velja dreifingarleið fyrir fjölpóst sinn. Við dreifum sex
daga vikunnar til heimila á stærsta markaðssvæði landsins.
Hafðu fjölpóstinn þinn inni í Fréttablaðinu.
Það er áhrifarík leið til að koma skilaboðum um vöru eða
þjónustu beint inn á heimilin.
Kannaðu dreifileiðir og verð í síma 512 5448
eða í tölvupóstfangi fjolpostur@frettabladid.is
HAFÐU FJÖLPÓSTINN ÞINN
Í FRÉTTABLAÐINU