Fréttablaðið - 10.07.2014, Qupperneq 2

10. júlí 2014 FIMMTUDAGUR| FRÉTTIR | 2
LANDBÚNAÐUR „Þetta er með allra
lélegasta móti,“ segir Einar H.
Haraldsson, bóndi á Urriðafossi,
um netaveiðina á laxi í Þjórsá það
sem af er sumri.
Að sögn Einars er fjöldi veiddra
laxa nú aðeins um þriðjungur þess
sem hann var á sama tíma í fyrra.
„Á móti kemur reyndar að þetta
er talsvert af vænum fiski,“ segir
hann.
Í fyrra var meðalvigt Þjórsár-
laxanna á Urriðafossi tæplega
fimm pund. Nú segir Einar að
meðalþyngdin sé nær sjö eða jafn-
vel átta pundum. „Ég er að fá þó
nokkuð af boltafiski upp í fimm-
tán, sextán pund,“ segir hann.
Lax sem kominn er yfir tíu
pund hefur yfirleitt verið tvö ár
í sjó. Fiskur sem verið hefur eitt
ár í sjó, smálaxinn, skilar sér oft
síðar. Margfalt minna hefur verið
af honum nú en í fyrra. „En það
er lax að koma á hverjum degi,“
segir Einar sem útlokar ekki að
eitthvað rætist úr sumarveiðinni
áður en upp er staðið.
Einar reyndi fyrir sér í fyrra
með útflutning á ferskum Þjórsár-
laxi með flugi til Englands. Hann
segir það ekki hafa gengið nógu
vel.
„Það er ekki nægjanlega hátt
verð ytra miðað við fyrirhöfnina
og kostnaðinn. Og einmitt þegar
það er svo mikil eftirspurn hér
innanlands eins og er í dag er frá-
leitt að það borgi sig,“ segir Einar
sem aðspurður kveðst engar skýr-
ingar hafa á þessari niðursveiflu.
„Það eru bara sveiflur upp og
niður eins og í öðru. Það hefur eng-
inn skýringar á misjöfnu árferði í
laxinum. Ef ég hefði þær væri ég
ríkur því þá væri ég búinn að selja
þær skýringar út um allan heim.“
En það eru ekki bara dræm-
ar laxagöngur sem eru að stríða
bændum við Þjórsá. Einar segir
heyskapartíðina á Suðvestur-
landi hafa verið gríðarlega erfiða,
menn hafi náð litlum heyjum enn
sem komið er og tún séu við það
að verða úr sér sprottin. „Það er
eigin lega það sem maður er sár-
astur yfir. Það eru bara sífelldar
rigningar.“ gar@frettabladid.is
Laxveiði netabænda
í Þjórsá mjög dræm
Einar H. Haraldsson, bóndi á Urriðafossi, segir netaveiði á laxi aðeins þriðjung
þess sem hún var á sama tíma í fyrra. Á móti komi þó að meðalþyngdin er mun
meiri nú. Hann kveðst engar skýringar hafa á þessari miklu sveiflu frekar en aðrir.
EINAR H. HARALDSSON Bjart var yfir laxveiðinni hjá bóndanum á Urriðafossi
þegar Fréttablaðið heimsótti hann um miðjan júlí í fyrra. FRÉTTABLAÐIÐ/GVA
Ég er að fá þó nokkuð
af boltafiski upp í
fimmtán, sextán pund.
Einar H. Haraldsson,
bóndi á Urriðafossi
STJÓRNMÁL Nefnd um endurskoðun á
lögum um fjárfestingar og afnotarétt
útlendinga á fjárfestingum á Íslandi
hefur skilað tillögum til innanríkisráðu-
neytisins.
„Nefndin er búin að skila hugmyndum
að breytingum sem er verið að fara yfir
hér og því er ekki lokið,“ segir Jóhannes
Tómasson, upplýsingafulltrúi innanríkis-
ráðuneytisins.
Ríkisstjórnin samþykkti endurskoðun
laganna í byrjun september í fyrra að til-
lögu Hönnu Birnu Kristjánsdóttur innan-
ríkisráðherra. „Markmið endurskoðunar
yrði meðal annars að tryggja að skýr lög
og reglur gildi á þessu sviði. Mikilvægt
er að treysta lagalegan grunn erlendra
fjárfestinga og tryggja að ákvarðanir
tengdar þeim byggist á skýrum almenn-
um reglum en ekki á undanþáguákvæð-
um eða ívilnunum,“ sagði um starf nefnd-
arinnar á vef ráðuneytisins.
Tillögur nefndarinnar hafa ekki verið
gerðar opinberar. „Menn vilja ekki
láta tillögurnar uppi alveg í bili,“ segir
Jóhannes sem kveður næsta feril máls-
ins sér ekki alveg ljósan en að það skýrist
væntanlega fyrir helgi. - gar
Breytingar á lögum um fjárfestingar og afnotarétt útlendinga á fasteignum komnar úr nefnd:
Innanríkisráðuneytið skoðar tillögurnar
HANNA BIRNA
KRISTJÁNS-
DÓTTIR
Ríkisstjórnin
samþykkti fyrir
tíu mánuðum
tillögu innan-
ríkisráðherra
um að endur-
skoða lög um
fjárfestingar
útlendinga.
FRÉTTABLAÐIÐ/
STEFÁN
BANASLYS Fjölskylda Andra Freys
Sveinssonar, sem lést í rússíbana-
slysi í skemmtigarðinum Terra
Mítica, hefur sent frá sér yfirlýs-
ingu.
Í yfirlýsingunni kemur meðal
annars fram að Andri Freyr hafi
setið aftast í rússíbananum Inferno
með vini sínum og yngri systur. Í
lok ferðar, í fimmtán metra hæð,
gáfu sig öll öryggistæki fyrir sætið
og féll hann úr tækinu. Í tækinu var
norskur læknir sem veitti fyrstu
hjálp ásamt starfsfólki garðsins.
Beðið var eftir sjúkrabíl í 20-25
mínútur og lést Andri Freyr í bíln-
um á meðan hann var enn inni á
svæðinu.
Fjölskyldan biður fjölmiðla um
að gæta þess hvernig fréttir eru
settar fram þar sem það hjálpi
ekki systkinum og aðstandendum
að lesa rangar fréttir af málinu.
Að lokum vill fjölskyldan koma
þakklæti til allra sem hafa sýnt
samhug og þeirra sem hafa greitt
götu þeirra, sér í lagi starfsfólks
WOW air og fulltrúa hjá félagi hús-
eigenda á Spáni. - ebg
Fjölskylda piltsins sem lést í rússíbanaslysi sendi frá sér yfirlýsingu:
Biður fjölmiðla um að gæta sín
RÚSSÍBANI Andri Freyr Sveinsson féll úr rússíbananum Inferno í skemmtigarðinum
Terra Mítica. MYND/HRÖNN
HEILBRIGÐISMÁL Íslendingar eru
næsthamingjusamasta Evrópu-
þjóðin samkvæmt nýrri rannsókn
European Social Survay. Ham-
ingja Íslendinga nálgast það stig
sem hún var fyrir bankahrun.
Dóra Guðrún Guðmundsdótt-
ir, sviðsstjóri hjá landlæknis-
embættinu, segir að eftir hrun
hafi dregið úr hamingju margra
Íslendinga vegna þess að þeir
höfðu áhyggjur af því að ná ekki
endum saman.
Hamingja barna og unglinga
hafi þó aukist, meðal annars
vegna fleiri samverustunda með
foreldrum. - ih
Ný rannsókn á hamingju:
Aftur orðin
hamingjusöm
SAMFÉLAGSMÁL Tæplega eitt
þúsund erindi bárust Leigjenda-
aðstoðinni fyrstu sex mánuði
ársins en það er 35 prósenta
aukning frá síðasta ári.
Ekki aðeins leigjendur nýta
sér þjónustuna en þó í miklum
meirihluta, eða 957 tilvikum.
Aðrir hafa einnig samband, á
borð við fjölmiðla, fyrirtæki og
opinbera aðila.
Fleiri konur en karlar höfðu
samband eða í 589 tilvikum.
Mest er spurt um ástand og við-
hald eignar en álitaefnin eru þó
af öllu tagi.
- nej
Meirihluti erinda frá konum:
Fleiri leigjendur
báðu um hjálp
REYKJAVÍK Þrjú skemmtiferðaskip komu að höfn á Skarfabakka í fyrra-
dag. Öll skipin eru mjög stór og voru farþegarnir samtals sjö þúsund
sem stigu í land á Skarfabakka.
Valentínus Ólafsson, hafnsögumaður hjá Faxaflóahöfnum, segir
að þessi fjöldi farþega sé með því meira sem hefur komið í höfn með
skemmtiferðaskipum á einum degi.
Alls eru skipulagðar 89 heimsóknir skemmtiferðaskipa til lands-
ins yfir helsta ferðamannatímann og rúmlega hundrað þúsund ferða-
mönnum til landsins með skemmtiferðaskipum, sem er svipaður fjöldi
og á síðasta ári. - ebg
Um sjö þúsund farþegar til Reykjavíkur á einum degi:
Ansi þétt skipað á Skarfabakka
ÞRJÚ SKIP Nóg var um að vera á Skarfabakka á mánudaginn þegar þrjú skip lögðu
að bryggju. FRÉTTABLAÐIÐ/VILHELM
Jóhannes Haukur, runnu á þig
tvær grímur?
Nei, ég kom alveg af fjöllum.
Jóhannes Haukur Hauksson, einn af fjórum
eigendum Grímsstaða á Fjöllum, hyggst
skoða tilboð í jörðina frá kaupendum á EES-
svæðinu eftir að Nubo fékk ekki undanþágu.
SPURNING DAGSINS
Smiðjuvegi 2, Kóp - S. 554 0400
3 brennarar úr ryðfríu stáli
Opið laugardaga til kl. 16