Fréttablaðið - 10.07.2014, Page 16

10. júlí 2014 FIMMTUDAGUR| FRÉTTIR | 16
EFNAHAGSMÁL „Sumir segja að
við séum að fara aftur til ársins
2007. Ég held að það sé nú ekki
alveg svo gott eða slæmt,“ segir
Þröstur Lýðsson, framkvæmda-
stjóri Merkúrs sem hefur umboð
fyrir Liebherr-byggingakrana á
Íslandi.
Mikil fjölgun hefur orðið á
byggingakrönum á höfuðborgar-
svæðinu síðan í dýpstu lægðinni
eftir hrun. Segja má að kranar
spretti nú upp eins og gorkúlur.
Samkvæmt talningu Frétta-
blaðsins árið 2010 voru sjötíu
kranar uppi á höfuðborgarsvæð-
inu. Þó voru einungis 24 þeirra í
notkun en aðrir stóðu óhreyfðir
og erfitt reyndist að fá eigend-
ur þeirra til að taka þá niður. Nú
eru ónotaðir reistir kranar telj-
andi á fingrum annarrar handar.
Fréttablaðið kannaði stöðuna nú
í vikunni og taldi 144 krana á höf-
uðborgarsvæðinu.
Reykjavíkurborg hyggst
stuðla að byggingu 2.500-3.000
leiguíbúða á kjörtímabilinu.
„Sígandi lukka er alltaf best.
Ef þú sprengir upp markaðinn
segir það sig sjálft að þá verð-
ur offramboð og þá kemur aftur
hrun. Ef menn gæta sín ekki þá
lendum við bara í sama bullinu
og var árið 2007. Menn verða að
hugsa til framtíðar, sérstaklega
ráðamenn,“ segir Þröstur.
„Það sem er að gerast er að
allir kranar sem voru til eru
komnir upp og það er byrjað-
ur þó nokkur innflutningur. Við
erum að taka inn nýjan krana
og erum nærri viss um að þegar
við reisum hann í næstu viku þá
muni hann seljast,“ segir Þröst-
ur. Hann segir sömuleiðis að á
síðasta ári hafi sala á varahlut-
um í byggingakrana verið tvö-
föld miðað við það sem hún var
á árunum 2009-2012 samanlagt.
Ólafur Klemensson, hagfræð-
ingur hjá Seðlabankanum, segir
að fylgni megi sjá í fjölgun bygg-
ingakrana og sölu á íbúðamarkaði.
„Við tókum þetta saman meira í
gamni en í alvöru snemma í vor.
Við tengdum saman fjölda upp-
settra byggingakrana og þróun
fjárfestinga í íbúðarhúsnæði og
þá kom í ljós gríðarlega gott sam-
band. Það kom okkur þægilega á
óvart,“ segir Ólafur.
Samkvæmt spá Seðlabankans
mun fjárfesting í íbúðarhúsnæði
aukast um 23,9 prósent á árinu
2014 og 17,7 prósent á næsta ári.
Georg Árnason sér um eftir-
lit með byggingakrönum fyrir
Vinnueftirlitið. Hann segist hafa
töluvert meira að gera í vinnu nú
en fyrir nokkrum árum. Mikil-
vægt sé þó að ná jafnvægi í bygg-
ingariðnaðinum svo hann end-
urspegli heilbrigðan efnahag.
snaeros@frettabladid.is
Ef þú sprengir upp
markaðinn segir það sig
sjálft að það verður
offramboð og þá kemur
aftur hrun.
Þröstur Lýðsson,
framkvæmdastjóri Merkúrs.
* Þar af 24 í notkun
Skv. talningu Fréttablaðsins
2014
➜ Byggingakranar á
höfuðborgarsvæðinu
2007
320
2010
70*
24
144
Kranavísitalan rís upp úr öskunni
Byggingakranar spretta upp eins og gorkúlur á höfuðborgarsvæðinu. Útreikningar Seðlabankans sýna fylgni á milli fjölda krana og fjár-
festinga á íbúðamarkaði. Skortur á byggingakrönum á landinu hefur leitt til þess að innflutningur á tugum krana er hafinn að nýju.
KRANA BER
VIÐ HIMIN
Appelsínugulu
turnunum hefur
fjölgað gríðar-
lega á síðustu
mánuðum. Allt
bendir til þess
að þetta sé þó
bara byrjunin.
FRÉTTABLAÐIÐ/PJETUR
AÐ HRUNI KOMNIR Svona var umhorfs
eftir hrun þegar lítill uppgangur var í
byggingabransanum. Kranarnir voru
síðar fluttir úr landi. FRÉTTABLAÐIÐ/PJETUR
ÞRÖSTUR LÝÐSSON Framkvæmdastjóri
Merkúrs. MYND/KLARA SIGURÐARDÓTTIR
ASKJA · Krókhálsi 11 · 110 Reykjavík · Sími 590 2100 · askja.is
Viðurkenndur sölu- og þjónustuaðili KIA á Íslandi.
Þú finnur „Kia Motors Ísland“
á Facebook