Fréttablaðið - 13.10.2014, Blaðsíða 6

13. október 2014 MÁNUDAGUR| FRÉTTIR |
Flutningar á sjó og í lofti munu
aukast gríðarlega á næstu árum.
Því fylgja ótal tækifæri í millilanda-
flutningum en ekki síður áskoranir
sem verður að mæta strax. Sveitarfé-
lögin í landinu þurfa að líta til aukins
samstarfs í hafnarstarfsemi.
Tækifæri, ekki ógnir
Hafnir og aðrir innviðir í flutningum
á Íslandi þurfa að taka stakkaskipt-
um á næstu árum gangi fyrirhug-
uð uppbygging í atvinnulífinu eftir.
Útflutningur héðan gæti auðveld-
lega tvöfaldast fram til ársins 2030
og innflutningur aukist um þrjár
milljónir tonna.
Þetta var meðal þess sem kom
fram á ráðstefnu
Íslenska sjávar-
klasans í gær,
F lutningar á
Íslandi til 2030,
þar sem kafað var
ofan í tækifæri og
áskoranir í flutn-
ingum á Íslandi á
næstu árum.
„Við sjáum að það þarf miklu
stærri og afkastameiri hafnir í
kringum landið en nú er,“ sagði
Gylfi Sigfússon, forstjóri Eimskips,
í erindi sínu um flutninga í nútíð og
framtíð. Inn- og útflutningstölur, og
spá um þróun næstu ára, sýna að
útflutningur héðan var 2,2 milljónir
tonna í fyrra en mun rúmlega tvö-
faldast til 2030 gangi spár eftir. Inn-
flutningur árið 2013 var 4,2 milljónir
tonna en verður 7,4 milljónir tonna
árið 2033, t.d. vegna fyrirhugaðrar
uppbyggingar fjögurra kísilvera.
Aukið samstarf
„Við erum ekki komin á þann stað að
sjá sameiningar sem tækifæri held-
ur frekar sem ógnanir við hafna-
starfsemi, sem að mínu viti er mik-
ill misskilningur. Menn eru hræddir
um að hafnir verði lagðar af en þetta
snýst frekar um hvar menn byggja
upp sterkari innviði, segir Gísli
Gíslason, framkvæmdastjóri Faxa-
flóahafna og formaður Hafnasam-
bands Íslands, en hann ræddi um
möguleika í hafnastarfsemi. Hans
mat er að sameiningar eða aukið
samstarf hafna í hverjum lands-
hluta auk skarpari stefnu um hlut-
verk verði að koma til svo nýta megi
þá innviði í byggðum landsins sem
þegar eru fyrir hendi.
Gísli segir að á síðasta Hafna-
sambandsþingi hafi verið ákveðið
að kanna á meðal eigenda hafnanna,
sveitarfélaganna í landinu, hvaða
sameiningar, eða samstarf, gæti
komið til greina.
Gísli benti á að dregið hefur
úr vægi sjóflutninga innanlands
með betra vegakerfi. Breytingar á
stjórn fiskveiða hafa gert það líka
með fækkun útgerða, skipa og fisk-
vinnslufyrirtækja. Einnig að sam-
dráttur er í framlögum til fram-
kvæmda, breytt lagaákvæði hafa
gert mörgum höfnum erfitt fyrir
að viðhalda mannvirkjum og takast
á við nýframkvæmdir. Hann telur
að minnstu hafnirnar eigi að líta til
nýrra möguleika, eins og ferðaþjón-
ustu. Markaðurinn hafi á undan-
förnum árum ráðið því sjálfur hvar
sterkustu hafnirnar hafi byggst upp,
og því ráði einfaldlega atvinnuupp-
bygging í nágrenninu.
Hafnir með blandaða starfsemi;
landanir á fiski og flutninga, hafn-
tengda ferðaþjónustu og iðnað, hafa
verið að styrkja stöðu sína, ólíkt
þeim smærri sem hafa einsleitari
rekstur og staða þeirra hefur þyngst
mjög.
Árið 2012 voru hafnarsjóðir 44
talsins með 87 hafnarsvæði. Heildar-
tekjur hafna árið 2013 var 7,3 millj-
arðar króna, en fjórar þeirra voru
með 62% heildartekna.
Fljúga oftar en öll Norðurlöndin
Gunnar Már Sigurfinnsson, forstjóri
Icelandair Cargo, sagði í sínu erindi
að í dag tengir leiðakerfi Icelandair
Group saman alla markaði á norður-
heimskautsbaug; 26 borgir í Evrópu
við tíu áfangastaði í Bandaríkjunum,
fjóra í Kanada, sex á Grænlandi og
einn í Færeyjum. Leiðakerfið bygg-
ist á staðsetningu landsins mitt á
milli heimsálfanna, og hefur gjör-
breytt tækifærum og lífskjörum
Íslendinga að hans mati.
„Almennt er talið að ekkert
flugfélag eigi að vera stærra en
heimamarkaðurinn, en við erum
að flytja 2,5 milljónir manna á ári,“
sagði Gunnar og bætti við að árið
2009 voru farnar 4.900 flugferðir á
vegum Icelandair Group. „Árið 2015
ætlum við að ferðirnar verði 9.800.“
Gunnar nefndi athyglisvert
dæmi. Sumarið 2014 flaug Ice-
landair oftar til Norður-Ameríku
en öll flugfélög Norðurlandanna
samanlagt. Slíkum umsvifum
fylgja hliðaráhrif. Leiðakerfið er
nýtt til útflutnings á ferskum fiski
sem samkeppnislönd íslenskra sjáv-
arútvegsfyrirtækja geta ekki enn
þá keppt við. Neytendur hafa fyrir
framan sig disk af íslensku sjávar-
fangi tveimur sólarhringum eftir
að fiskurinn er veiddur. Norskur og
rússneskur fiskur er aftur á móti
þrjá sólarhringa og lengur að ná til
fiskkaupandans.
Fljúga oftar en öll Norðurlöndin
Icelandair mun fjölga ferðum í 9.800 á næsta ári, en þær voru 4.900 fyrir fimm árum. Landið er almennt illa búið undir stóraukna
flutninga. Hafnastarfsemi á Íslandi þarf að svara kalli tímans með auknu samstarfi og byggja þarf upp fá en öflug hafnasvæði.
Loft innan fárra mínútna
Ilmur af mentól og eukalyptus
Andaðu með nefinu
Otrivin Menthol ukonserveret, nefúði, lausn. Innihaldslýsing: Xýlómetazólínhýdróklóríð 1 mg/ml. Ábendingar: Bólgur og
aukin slímmyndun í nefi, kinnholum og nefkoki. Skammtar og lyfjagjöf: Fyrir fullorðna og börn eldri en 12 ára: 1 úði í hvora nös
3 sinnum á sólarhring eftir þörfum, lengst í 10 sólarhringa og ekki úða oftar en að hámarki 3 úða í hvora nös á sólarhring. Snýttu
þér. Fjarlægðu glæru plasthettuna. Skorðaðu úðaflöskuna milli fingranna. Úðað er með því að þrýsta kraganum niður að flöskunni.
Hallaðu höfðinu örlítið fram. Stúturinn á úðaflöskunni er settur upp í nösina. Úðað er einu sinni, um leið og andað er að sér inn um nefið.
Farðu eins að í hina nösina. Ekki má nota lyfið ef þú ert með ofnæmi fyrir einhverju innihaldsefnanna, ef þú hefur gengist undir aðgerð í
gegnum nefið eða munninn eða ert með þrönghornsgláku. Ráðfærðu þig við lækni áður en lyfið er notað ef þú ert: Þunguð, með barn á brjósti,
næmur fyrir adrenvirkum efnum, ert með skjaldvakaóhóf, sykursýki, háþrýsting, æðakölkun, slagæðargúlp, blóðtappa í hjarta, óreglulegan
eða hraðan púls, erfiðleika við þvaglát, æxli í nýrnahettum, þunglyndi og ert á lyfjameðferð við því. Geymið þar sem börn hvorki ná til né sjá.
Lesið allan fylgiseðilinn vandlega áður en byrjað er að nota lyfið. Sjá notkunarleiðbeiningar í fylgiseðli. Markaðsleyfishafi: Novartis Healthcare.
Umboð á Íslandi: Artasan ehf., Suðurhrauni 12a, 210 Garðabæ.
Árið 2012 var hlutur flutninga í landsframleiðslu 6,2%. Þá störfuðu tæplega 7%
vinnuafls á Íslandi í fyrirtækjum sem flokkast undir samgöngur og flutninga,
eða um 11.700 manns. Hér höfum við yfir 70 hafnir og fjóra alþjóðaflugvelli
fyrir utan vegakerfið.
Á þetta benti Hanna Birna Kristjánsdóttir innanríkisráðherra í ræðu sinni á
fundinum, til að undirstrika orð sín um að flutningastarfsemi sé ein mikil-
vægasta atvinnugrein landsins, enda þjónar hún öllum okkar stærstu atvinnu-
greinum á einn eða annan hátt.
Ráðherra viðurkenndi að uppbygging innviða hefði setið á hakanum síðustu
ár og þeir sem fyrir eru væru farnir að láta á sjá. „Í þessu samhengi vil ég sér-
staklega nefna að við höfum lagt áherslu á aukna aðkomu einkaaðila að upp-
byggingu innviða í samgöngum, hvort sem um ræðir uppbyggingu vega, flug-
valla eða hafnarmannvirkja. Við teljum slíka innkomu í raun forsendu öflugri
flutninga […] Staðreyndin er sú að ef menn ætla að bíða eftir ríkinu– þá þurfa
menn að bíða lengi. Við þekkjum öll stöðu ríkisfjármála um þessar mundir, en
hvað sem henni líður þá er ég þeirrar skoðunar að við eigum að vera opin fyrir
aðkomu annarra en ríkisins að uppbyggingu innviða í landinu,“ sagði Hanna
Birna og bætti við að atvinnulífið þyrfti líka að taka við sér, eins þyrftu lífeyris-
sjóðir og aðrir fjárfestar að sýna uppbyggingu í samgöngum áhuga, „því það
stendur ekki upp á stjórnvöld að koma hlutunum í gang,“ sagði ráðherra.
BÍÐI MENN EFTIR RÍKINU– BÍÐA MENN LENGI
FRÉTTABLAÐ
IÐ
/G
VA
AKRANESHÖFN Faxa-
flóahafnir sf. tók til
starfa 2005. Fyrirtækið
á og rekur fjórar hafnir,
Reykjavíkurhöfn, Grund-
artangahöfn, Akranes-
höfn og Borgarneshöfn.
GÍSLI GÍSLASON
ASKÝRING | 6
FLUTNINGAR Á ÍSLANDI
Svavar
Hávarðsson
svavar@frettabladid.is