Fréttablaðið - 13.10.2014, Blaðsíða 50

13. október 2014 MÁNUDAGUR
Á
R
N
A
S
Y
N
IR
Bíldshöfða 10 S: 5878888 br.is
Engin lántökugjöld
á bílafjármögnun
í október
Bílaleiga
SPORT
FÓTBOLTI Hollendingar mæta í
Laugardalinn í kvöld og mæta
þar íslenska landsliðinu í meta-
ham. Í fyrsta sinn í sögunni hefur
íslenska landsliðið fullt hús og
hreint mark eftir tvo leiki. Eins og
sjá má fyrir ofan þá er markatalan
í ár í sérflokki hvað varðar sögu
Íslands í undankeppnum.
„Þetta er fullkomin byrjun og
nú er bara að nýta það og taka það
með sér inn í þennan erfiða leik á
móti Hollandi,“ sagði Hannes Þór
Halldórsson, markvörður.
Theódór Elmar Bjarnason og
Ari Freyr Skúlason hafa skilað
bakvarðarstöðunum með miklum
sóma en þeir eru vanalega miðju-
menn. „Við erum með marga leik-
menn sem eru vanalega miðju-
menn. Það er ég, Theódór Elmar,
Emil Hallfreðs, Birkir Bjarna og
svo auðvitað Aron og Gylfi. Það
þýðir kannski að við erum vel
spilandi lið og getum leyst erfiðar
stöður,“ sagði Ari Freyr Skúlason.
Ari Freyr kom inn í vinstri bak-
vörðinn í síðustu keppni og nú leik-
ur Theódór Elmar það eftir.
„Elmar er búinn að koma frá-
bærlega inn í liðið. Mér finnst
hann búinn að vera gallalaus í
þessum tveimur leikjum,“ sagði
Ari um kollega sinn hinum megin.
„Ég er búinn að vera sáttur við
mína frammistöðu,“ sagði Theódór
Elmar. „Ég er ekki vanur því að
spila bakvörðinn og þetta er aðeins
öðru vísi fókus. Það hefur geng-
ið vel og ég er líka með Kára og
Ragga sem eru við hliðina á mér
og að tala við mig. Þeir hafa leið-
beint mér vel þannig að það hefur
verið auðvelt að aðlagast.“
„Ef við ætlum að enda í fyrstu
tveimur sætunum þá getum við
ekki verið að sætta okkur við tap
þótt að þeir séu besta lið í heimi.
Ef við verðum skynsamir á morg-
un og allir ná sínum toppleik eins
og á móti Tyrkjum þá getum við
náð fínum úrslitum,“ sagði Theó-
dór Elmar. Hollendingar eru þegar
búnir að tapa einum leik og press-
an er mun meiri á þeim.
„Þeir líta á Ísland sem lið sem
þeir eiga að vinna. Þeir munu hins
vegar fá erfiðan leik og þetta er
mjög óþægilegur leikur fyrir þá
því kröfurnar á þá eru að vinna
okkur og helst nokkuð auðveld-
lega,“ sagði Hannes.
Ari hefur fulla trú á góðum
úrslitum. „Ef við höldum okkar
striki áfram, trúum á okkur og
höldum áfram að berjast hver
fyrir annan þá mun þetta ganga
vel. Þeir eru örugglega smá
smeykir við okkur en sýna okkur
samt virðingu. Það á ekki að vera
létt að koma til Íslands,“ sagði Ari
Freyr að lokum. ooj@frettabladid.is
Á ekki að vera létt að koma til Íslands
Íslenska karlalandsliðið hefur aldrei byrjað betur í undankeppni. Hannes Þór Halldórsson er ekki enn búinn að fá á sig mark og miðju-
mennirnir Elmar Bjarnason og Ari Freyr Skúlason blómstra í bakvarðarstöðunum. Næst á dagskrá er eitt besta lið heims, Holland.
MARKATALA ÍSLENSKA KARLALANDSLIÐSINS Í FYRSTU TVEIMUR LEIKJUNUM Í UNDANKEPPNI 1974-2014
EM
HMFlest stig í fyrstu tveimur leikjum (6 - EM 2016)
Flest mörk í fyrstu tveimur leikjunum (6 - EM 2016)
Fæst mörk fengin á sig í fyrstu tveimur leikjunum (0 - EM 2016)
➜ Met sem hafa fallið í ár
-2 -2 -2 -2 -2
0 0 0 0
+1 +1 +1 +1
-1 -1
-5 -5 -5
-3
+6
1974 1976 1978 1980 1982 1984 1986 1988 1990 1994 1996 1998 2000 2002 2006
2008 2014 2016
2010 2012
20041992
-8 -6
Leikur númer 3: Ísland - Holland Laugardalsvöllur kl. 18.45 í kvöld
HELDUR ENN HREINU Hannes Þór
Halldórsson fagnar hér einu af sex mörk-
um íslenska liðsins. Á litlu myndunum
eru síðan Ari Freyr og Theódór Elmar.

M
YN
D
/G
ETTY