Reykjavík - 01.12.2012, Blaðsíða 8

8 1.DESEMBER 2012
Volki kominn
með prjónavél
af stærstu gerð
Vélin nauðsynlegt skref í þróun á ullarvinnslu og eykur möguleika á
útflutningi. Hönnuðirnir hjá Volka telja skattlagninguna of mikla.
Volki er hönnunarfyrirtæki sem þær Olga Hrafnsdóttir og El-ísabet Jónsdóttir starfrækja,
en helsta hráefni þeirra er íslensk ull.
Þær reka ásamt fleirum verslun með
margs konar hönnun í Netagerðinni
við Mýrargötu. Á vinnustofunni eru
þær hins vegar þessa dagana að koma
upp prjónavél sem er af stærri gerðinni,
svo ekki sé fastar að orði kveðið.
„Þetta er þýsk prjónavél“, segir El-
ísabet en ekki er vitað til að stærri eða
öflugri prjónavél sé til í landinu. Þær
segja vélina breyta heilmiklu fyrir starf-
semina hjá þeim og möguleikarnir í
margs konar framleiðslu aukist veru-
lega. „Já, nú getum við gert tilraunir.
Okkur langar til dæmis að gera gólf-
mottur úr grófara efni, ekki bara að
framleiða með henni fatnað. Okkur
langar að nota íslensku ullina til að búa
til eitthvað nýtt.“
Vélin er flókin og var Olga til að
mynda í mánuð í Þýskalandi í grunn-
námi í prjóni og Elísabet í hálfan
mánuð. Í framhaldinu kom starfs-
maður framleiðandans hingað til
lands og hefur í fjórar vikur unnið
allan liðlangan daginn við að gera
vélina klára og kenna hönnuðunum
á hönnunarforrit hennar, en þess má
geta að starfsmaðurinn hefur unnið við
svona vélar vel á fjórða áratug.
Þær segja íslensku ullina sérstaka
og því þurfi að stilla vélina sérstak-
lega fyrir slíkt hráefni. „Það þarf að
prjóna hægar og lausar,“ segir Olga.
„Hún rennur ekki eins auðveldlega og
merino- eða kasmírull.“
Þær segja tilkomu vélarinnar skref
í þróun á ullarvinnslu hér á landi og
að þróun í slíku sé nauðsynleg. Núna
segjast þær geta gert margs konar til-
raunir með framleiðslu sem þær gátu
ekki sinnt áður. Þær geti núna látið
vélina vinna ýmsar hugmyndir og séð
strax hvað virkar og hvað virkar ekki
sem og hverju megi breyta.
Þær stunda útflutning nú þegar, en
með tilkomu prjónavélarinnar góðu
hyggja þær á enn frekari útflutning.
Sem fyrr segir reka þær verslun í hús-
næði sem heitir Netagerðin enda var
þar netagerð áður, en nú er seld í hús-
inu margs konar íslensk hönnunarvara
auk þess sem þar er einnig veitinga-
staður. Svæðið við gömlu höfnina hefur
tekið algjörum stakkaskiptum síðustu
ár og nú einkennir það mannlíf. „Það er
búið að vera rosalega mikið um túrista
þarna, en Íslendingar mega vera dug-
legri að koma þarna, fara úr Kringlunni
og koma í bæinn,“ segja þær Elísabet
og Olga. „Útlendingum finnst þetta
rosalega spennandi svæði, þeim finnst
eins og þeir séu að uppgötva eitthvað
leyndarmál.“
Það er kunnara en frá þurfi að segja
að þegar farið er um svæðið frá Lauga-
vegi og Skólavörðustíg og út á Granda-
garð, má sjá afar fjölbreytta framleiðslu
hönnuða, fólks sem framleiðir margs
konar vöru oft úr íslensku hráefni og
sækir yrkisefnið í íslenska menningu
af ýmsu tagi. Oft og tíðum má sjá í
þessari vinnu gríðarlegt hugmyndaflug
og frjótt ímyndunarafl. Þarna er greini-
lega komin efnilegur vaxtarbroddur í
atvinnulífið í höfuðborginni. „Þetta er
ekkert auðvelt“, segja þær Volkakonur.
„Þetta er hark, en líka ástríða, annars
væri maður ekki að þessu.“
Eitt af því sem sem gerir ungu
fyrirtæki eins og Volka erfitt fyrir er
skattlangingin og þær Olga og Elísabet
gagnrýna það, en öll þeirra fram-
leiðsla og starfsemi er í hæsta virðis-
aukaskattsþrepi.
Skrekksstyttan í miðborginni
Austurbæjarskóli bar sigur úr býtum í hæfileikakeppni grunnskóla Reykjavíkur-
borgar, Skrekki. Í öðru sæti varð
Ingunnarskóli með atriðið Okkur er
ekki sama og Hlíðaskóli varð í því
þriðja með atriðið Stína og strákarnir.
Siguratriði Austurbæjarskóla hét
Criteria og fjallaði um þá grimmd sem
víða leynist gagnvart þeim sem reyna
að brjóta sig út úr norminu svokallaða.
Í atriðinu túlkuðu listamennirnir
einstaklinga sem finna fyrir pressu um
að tilheyra ákveðnum hópi. Það var
gert með því að búa til vél sem hreyfðist
í takti og hver einstaklingur var aðeins
viljalaust tannhjól. Allt fór hins vegar
úr skorðum þegar ein veran tók upp á
því að hugsa sjálfstætt.
Kveikt á Óslóar-
trénu á morgun
Óslóarbúar hafa í meira en 60 ár gefið Reykvíkingum jólatré á Austurvöll og
hefur tendrun þess í upphafi að-
ventunnar verið fastur liður í jó-
laundirbúningnum hjá mörgum í
gegnum tíðina.
Á morgun verður kveikt á trénu,
en í þetta sinn fór borgarstjórinn
Jón Gnarr til Noregs til að fella tréð,
enda vanur skógarhöggsmaður frá
því hann bjó í Svíþjóð á árum áður.
Tréð var fellt í Solemskógi utan við
Ósló með þó nokkurri viðhöfn.
Jón Gnarr borgarstjóri og fyrrver-
andi skógarhöggsmaður tók þátt
í að fella Óslóartréð í Solemskógi.
Prjónavélin góða eykur möguleikana á framleiðslu sem og útflutningi.
Elísabet Jónsdóttir og Olga Hrafnsdóttir í Volka segja hönnunarvinnuna vera ástríðufullt hark.
Volki rekur verslun ásamt fleiri hönnuðum í Netagerðinni við Mýrargötu.