Reykjavík - 01.12.2012, Blaðsíða 10

10 1.DESEMBER 2012
ÞRÍR FRAKKAR Baldursgötu 14, Reykjavík - Sími: 552 3939
Opið virka daga 11:30 - 14:30 og 18:00 - 22:00
Opið um helgar frá 18:00 - 23:00
frakkar@islandia.is - www.3frakkar.com
Í gamla bænum - rétt við hjarta miðborgarinnar
Þrír Frakkar
Café & Restaurant
Ferskur léttsteiktur bláugga-
túnfiskur m/soya-smjörsósu
og wasabi-kartöflumús
Hádegistilboð fram að jólum
Súpa, nýbakað brauð og
gratineraður plok fiskur – 1.890,- kr.
– gerir lífi ð bjartara
Stækkunarglerslampar
Ármúla 19 · Sími 568 1620 · www.gloey.is · gloey@gloey.is
Vandaðir
stækkunar­
glerslampar
í föndur og
fína vinnu.
Góð birta.
Svartir, hvítir
eða króm.
Verð frá kr.
19.995,-
Skrifborðslampi
New Port.
Veist þú af Nýrri dögun?
Í tuttugu og fimm ár hefur Ný dögun, samtök um sorg og sorgar-viðbrögð starfað. Markmið sam-
takanna er að styðja syrgjendur og þá
sem næst þeim standa. Þetta gerum við
með fræðsluerindum um ýmsar hliðar
sorgar og sorgarvinnu og með því að
bjóða upp á stuðnings- og sjálfshjálp-
arhópa fyrir syrgjendur. Nú um stundir
hittast t.d. hópar fólks að í viku hverri
sem eiga það sameiginlegt að hafa
misst maka sína, ýmist í blóma lífs-
ins eða á efri árum. Þau koma saman,
deila lífsreynslunni og finna hvað það
er gott að vera meðal fólks sem hefur
staðið í svipuðum sporum. Á öðrum
stað hittist hópur fólks sem hefur þá
sáru lífsreynslu að hafa misst einhvern
nákominn fyrir eigin hendi. Í byrjun
febrúar á næsta ári geta þau sem misst
hafa barn verið með í hópi annarra með
sömu reynslu og við höldum áfram að
bjóða upp á hópa fyrir þau sem misst
hafa maka.
Eftir útför ástvinar þar sem marg-
menni vottar syrgjendum samúð
kemur oft sá tími að „allir hverfa“. Fólk
upplifir líka að samfélagið ætlist til þess
að það sé komið á fullt skrið í lífinu
innan örfárra mánaða eftir jarðarför.
Það getur hins vegar liðið langur tími
þar til syrgjandi verður fær um að
vinna úr þeim tilfinningum sem upp
koma. Við tölum um að missir valdi
sári á sálinni. Sárið er dofið fyrst um
sinn, alveg eins og þegar fólk skaddast
líkamlega og margir lýsa líðan sinni á
fyrstu vikum eftir jarðarför sem óraun-
veruleikatilfinningu á meðan doðinn
ríkir. Syrgjandinn er utan við sig og
hugsanir geta orðið ruglingslegar og
misvísandi. Sumir óttast jafnvel að
missa vitið þegar raunveruleikinn fer
svo að hvolfast yfir af allri sinni þyngd.
Lífið verður tómt, snautt og tilgangs-
laust og margir finna ekki fótfestu í
neinu. Einmanakenndin getur orðið
mjög sár, um leið og erfitt er að hafa
frumkvæði að samskiptum við aðra.
Stundum nær reiði tökum á syrgj-
endum og hún getur birst í ýmsum
myndum. Mikilvægt er þá að geta rætt
um ástæður reiðinnar til að átta sig á
hvað veldur. Þannig fæst útrás/losun
sem er afar mikilvæg, því bæld reiði
getur lengi staðið í vegi fyrir því að
syrgjandi komist á veg sáttarinnar sem
er takmarkið með sorgarúrvinnslu, til
þess að geta haldið áfram að lifa og
finna lífi sínu merkingu.
Erfiður tími fer í hönd
Margir syrgjendur finna sárt fyrir því
að samfélagið hafi takmarkaðan skiln-
ing á sorg þeirra þegar frá líður og nú
fer í hönd sá árstími sem margir eiga
erfitt með, eftir missi. Ný dögun hefur
tekið saman ráðleggingar til þeirra sem
vilja styðja syrgjendur og við hvetjum
fólk (vini og samstarfsmenn) til að sýna
samhygð í verki:
• Hafðu samband. Með því sýnir þú að
þér er ekki sama. Farðu í heimsókn
og gefðu af tíma þínum. Mundu að
syrgjandi á oft erfitt með að hafa
frumkvæði og hefur ekki þann kraft
sem þarf til að stuðla að samskiptum.
Að lyfta upp símanum getur verið
fólki í sorg um megn. Hafðu líka
samband á frídögum. Þá er sársauk-
inn oft mestur.
• Sýndu hluttekningu, einlægni og
heiðarleika. Vertu óhrædd(ur) við
að sýna eigin vanmátt. Mundu samt
að draga ekki þínar sorgir framfyrir
sorg þess sem þú vilt styðja.
• Hlustaðu, hlustaðu. Það er syrgj-
endum afar mikilvægt að eiga ein-
hvern að sem er tilbúinn að hlusta.
Markmiðið er að hlusta og heyra!
það sem syrgjandinn segir, en ekki
að koma með ráð og lausnir eða taka
orðið af syrgjandanum. Ekki breyta
um umræðuefni og ekki halda að
þú vitir hvað honum/henni er fyrir
bestu.
• Stattu við gefin loforð. Ekki segjast
ætla að bjóða í mat, nema að standa
við það. Vonbrigði verða oft sterkari
hjá þeim sem liður illa heldur en þú
getur ímyndað þér.
Samtökin Ný dögun ætla að halda
upp á 25 ára afmæli sitt þann 8. desem-
ber n.k. og hefja dagskrána fyrir hádegi
með táknrænni gönguferð til móts við
birtinguna og von nýrrar dögunar. Eftir
hádegið verður dagskrá í Háteigskirkju
þar sem stofnfundur samtakanna var
haldinn. Dagskrána má lesa á vefsíðu
Nýrrar dögunar www.nydogun.is
Höfundur er
K. Hulda Guðmundsdóttir
í stjórn Nýrrar dögunar
www.reykjavikblad.is
www.hafnarfjordurblad.is ■ www.reykjanesblad.is ■ www.selfossblad.is
www.akureyrivikublad.is ■ www.vesturlandblad.is