Akureyri - 13.02.2014, Page 12

12 6. tölublað 4. árgangur 13. febrúar 2014
Nemendur áhyggjufullir vegna
yfirvofandi kennaraverkfalls
Mikill fjöldi nemenda, bæði úr VMA
og MA, safnaðist saman í Kvosinni
sl. fimmtudag þar sem tilefnið var að
koma saman og styðja kjarabaráttu
kennara. Sumir nemendur höfðu á
orði í samtölum við blaðamann Ak-
ureyrar vikublaðs, sem var á staðnum,
að það þyrfti nokkuð til að nemend-
ur VMA og MA sameinuðust undir
einu þaki, ótilneyddir, en málstað-
urinn væri góður! Engan ríg mátti
greina milli skólanna á fundinum
heldur 100% samstöðu. Formað-
ur nemendaráðs VMA, Hólmfríður
Lilja Birgisdóttir formaður Þórdunu,
sagði í samtali við blaðið að hinn
mikli fjöldi sameinaðra nemenda
VMA og MA væri frábær og mun
meiri en skipuleggjendur fundarins
sáu fyrir. Ítrekað kom fram í máli
þeirra sem tjáðu sig á fundinum, að
þótt það kynni að vera freistandi við
fyrstu sýn að fá nokkurra daga frí í
skólanum ef kæmi til verkfalls væri
full ástæða fyrir nemendur að hafa
miklar áhyggjur af afleiðingum langs
verkfalls. Var vitnað í söguna, brottfall
og fleira þeirri skoðun til stuðnings.
Meðal þeirra sem tjáðu sig á
fundinum var Kristinn Örn Magn-
ússon, Diddi. Hann leggur stund á
húsasmíði í VMA. Kom fram í máli
hans að langt verkfall gæti gjöreyði-
lagt fyrir honum námsferilinn og öll
framtíðarplön. Hann þyrfti alla önn-
ina nú til að smíða sitt sumarhús,
klára lokaverkefnið. Þá fyrst gæti
hann sótt um að komast á samning.
Afleiðingar verkfalls fyrir þá sem
legðu stund á bóknám væru miklar
en skaðinn gæti orðið enn meiri hjá
þeim sem stunduðu verknám. a
Ekki munur á ham-
borgara og nemanda?
Hér á eftir fara nokkrar tilvitnanir í nemendur á samstöð-
ufundinum:
NEMENDUR LÉTTIR, EN undir krauma áhyggjur af yfirvofandi verkfalli.
MIKILL FJÖLDI SÓTTI fundinn og
var hvert sæti nýtt eins og sjá má af
myndinni.
„Það er réttur okkar að stunda nám, ég vil ekki horfa
á skólastsykini okkar veslast upp, ég vil ekki verkfall,
þótt það sé réttur kennara, ég trúi ekki að nokkur horfi
þannig á það að langt verkfall verði frí. Þetta verður öm-
urlegur tími og við verðum að gera allt sem við getum til
að koma í veg fyrir það.“
„Ef kennaraverkfallið verður tveir mánuðir eða lengra
er önnin og námsárið allt stórskaddað, jafnvel ónýtt.
Það yrði reynt að kenna okkur alla laugardaga fram á
sumar og prófum splæst saman með vondum árangri. Við
myndum kannski ná að útskrifast en við fengjum verri
menntun og yrðum verr búin fyrir framhaldsnám. Það er
skylda ríkisins að uppfylla samning sinn við okkur.“
„Kennarastarfið er eitt mikilvægasta starf í heiminum.
Mér finnst ekki sanngjarnt að laun þeirra séu þannig að
þeiri eigi varla til hnífs og skeiðar.“
„Við verðum að styðja við bakið á kennurum, þeir hafa ekki bara kennt okkur það
sem læra má af bók heldur líka umbyrðarlyndi, stutt við bakið á okkur á erfiðum tím-
um og margt fleira.“
„Þetta snýst um launaleiðréttingu en ekki hækkun.“
„Það er yfirvofandi verkfall, það er alveg á hreinu.“
„Getum við ekki krafist þess að stjórnmálamenn tali meira um þessa alvarlegu
stöðu?“
„Er eðlilegt ef ég legði fyrir mig kennslu og myndi helga mig því að uppfræða fólk, að
ég sem kennari fengi sömu laun og sá sem steikir hamborgara?“