Akureyri - 13.02.2014, Side 14

14 6. tölublað 4. árgangur 13. febrúar 2014
Heyrst hefur
HEYRST HEFUR að aldrei aldrei hafi íbúð Blaðamannafélags Íslands á Akureyri
orðið vettvangur alheimsfréttar fyrr en í síðustu viku. Hefur heyrst að Kristinn
Hrafnsson, talsmaður Wikileaks, hafi dvalið í fríi í íbúðinni, notið skíðasvæðisins í
Hlíðarfjalli og lífsins almennt þegar skyndiboð barst frá alþjóðlegri sjónvarpsstöð
um að taka þátt í beinni útsendingu frá RT America. Hefur heyrst að Kristinn hafi
nánast þurft að taka Ómar Ragnarsson á þetta, hafi haft örskamman tíma til að
rífa sig úr skíðadressinu og klæðast skyrtu og jakka að ofan. Sá hluti fatanna sem
ekki sást í útsendingunni hafi hins vegar ekki verið samkvæmisklæðnaður. Hefur
heyrst að þrátt fyrir þessar aðstæður hafi Kristinn staðið sig vel í útsendingunni
sem varpaði houm beint frá Akureyri í gegnum skype en umræðan snerist um völd
og valdníðslu, Snowden og árásir á blaðamenn. „Shooting the Messenger“ bar
á góma Kristins sem líkti ofsóknum gegn blaðamönnum helst við mcCartyisma.
HEYRST HEFUR að einstaka Akureyringi hafi misboðið þau ummæli Hildar Eirar
Bolladóttur prests að engu skipti hvort Jesús var hommi eða ekki, það sé bara frá-
bært ef hann hafi verið hommi. Hefur heyrst að fyrrum yfirmaður rannsóknardeildar
lögreglunnar á Akureyri, Daníel Snorrason, hafi sagt á samskiptaþræði að Hildur Eir
ætti að hypja sig úr hempunni...
HEYRST HEFUR að Óli Stef, Ólafur Stefánsson handboltastjarna, hafi verið orðhepp-
inn þegar hann gleymdi íþróttaskóm á Akureyri Backpackers sl. föstudag. Blaðamaður
Akureyrar vikublað sat í veitingasal Backpackers þegar Óli kom askvaðandi af götunni
og spurði starfsmann hvort skórnir hefðu fundist. Fékk já við og létti greinilega. Brosti
svo kankvíslega og spurði hvort skórnir hefðu kannski verið settir í sóttkví? Fékk það
svar að þeir hefðu verið settir í poka. Hafði landsliðsfyrirliðinn þá á orði að það hefði
verið skynsamleg lausn...
HEYRST HEFUR að tónlistarmaðurinn
ástsæli, Valmar Valjatos, hafi lent í fjórum
árekstrum á einum mánuði. Í öllum tilvikum
var Valmar í rétti nema einu. Þá tók mark á
stefnuljósi sem annar ökumaður gaf og
þar með skullu bílar saman. Hefur heyrst
að Valmar sé mjög ósáttur við að hafa
verið dæmdur í 66% órétti í því máli
og hyggist fara lengra með niðurstöðuna,
enda sé erfitt að aka í umferðinni ef ekkert sé
að marka stefnuljós...
Enginn krafta-
verkakúr
Út er komin bókin 30 dagar Leið til
betri lífsstíls. Höfundur er Akureyr-
ingurinn Davíð Kristinsson.
Í bókinni er kynnt mataræði,
„enginn kraftaverka- eða sveltikúr“
að sögn höfundar heldur áhrifa-
rík leið til að bæta heilsuna, koma
jafnvægi á blóðsykurinn, vinna gegn
ýmsum kvillum og öðlast aukna
vellíðan og orku.
„Þetta má gera með því að borða
hreint fæði og útiloka mat sem gæti
haft slæm áhrif á líkamsstarfsemina.
Hér er að finna fróðleik um jákvæð
og neikvæð áhrif mismunandi fæðu,
leiðbeiningar um hvað á að borða
og hvað skal forðast, sem og grunn-
matseðil fyrir 30 daga en einnig
fitubrennslumatseðil og framhalds-
matseðil. Hér eru líka hátt á annað
hundrað uppskriftir að hollum og
girnilegum réttum, innkaupalistar og
útskýringar þar sem farið er yfir dag-
ana 30, skref fyrir skref. Einnig er í
bókinni ítarleg líkamsræktaráætlun í
myndum, máli og töflum,“ segir Davíð.
Um það hvers vegna hann skrif-
aði bókina segir höfundur. „Bók-
in er skrifuð fyrir almenning með
það í huga að sem flestir geti nýtt
sér bókina. Mér fannst vanta bók
um hreint mataræði á markaðinn.
Bók sem væri einfalt að fara eftir og
innihéldi bæði uppskriftir, fróðleik
og æfingar.“
Davíð hefur starfað sem einka-
þjálfari í 15 ár og sérmenntað sig
sem næringar- og lífsstílsþjálfari.
Hann rekur nú Heilsuþjálfun ehf. á
Akureyri ásamt eiginkonu sinni. a
AÐSEND GREIN BENEDIKT SIGURÐARSON
Sorpvæðing íbúðahverfa og horfin tré
Í snjóum skammdegisins hef ég
farið ofurlítið um hverfi Akureyrar.
Tvennu hef ég veitt sérstaka eftirtekt.
Hið fyrra er hvernig bæjaryfirvöld
hafa skapað aldeilis ömurlega að-
komu að fjölmörgum húsum með
því að mæla svo fyrir að sorptunnur
skuli varða aðkomu og innganginn
að íbúðarhúsum. Heilar íbúðagötur
eru þannig rammaðar inn af sorp-
tunnum – sem standa mismunandi
skakkar og útúrfullar og faðma
snjóinn. Ég hef haft efasemdir um
þessa sorpvæðingu – líka þótt sett
séu lok á blokkirnar sem steyptar
hafa verið utan um tunnurnar. Ekki
lítur nú betur út þegar raðhús og
fjölbýli stækka sorpílátin og sundur-
leitir gámar eru það fyrsta
sem mætir gestum sem að
húsunum koma.
Undarlegir skilmálar,
satt að segja – að áskilja til-
tekna stystu fjarlægð sorp-
íláta frá götu. Það var áður
kannski hálf-umhendis að
setja allar sorptunnur bak-
við hús í kjallaratröppur eða
í kjallarakompur – vegna
þess hversu erfitt gat verið að sækja
sorpið og koma því á bíla til losunar.
Sorpílátið er það fyrsta sem
mætir gestum og gangandi og sama
þótt menn hafi þokkalegan vilja til
að ganga vel um sitt sorp þá verður
þetta aldrei annað en óyndisleg að-
koma. Þegar heilar götur eru varð-
aðar sorpi er bærinn búinn að breyta
um ásýnd, er ekki lengur hreinn og
snyrtilegur.
Ég óttast að í þessa breytingu hafi
ekki verið ráðist vegna sérstakrar
tillitssemi við starfsmenn Akur-
eyrarbæjar - sem lengi sinntu sorp-
hirðunni – og grunar miklu frekar
að rekja megi hana til verktakavæð-
ingarinnar sem krefst þess að hægt
sé að hagnast að einhverju marki
með verktökunni.
Horfin tré og endurvakinn skaf-
renningur
Á Akureyri hefur trjágróður þrifist
sérstaklega vel eftir því sem gerist
á Íslandi. Eldri hverfin hafa orðið
skjólsæl og römmuð í grænt allt
sumarið. Sérstaklega hefur Alaska-
öspin orðið vöxtugleg – en sennilega
gróðursett miklu þéttar á
árunum milli 1960 og 1990
heldur en seinna var ráð-
lagt - enda vöxturinn langt
umfram björtustu vonir
ræktunarfólks. Vindálag og
veðrun húsa hefur minnk-
að stórlega - og það er skjól
bæði sumar og vetur. Skaf-
renningurinn var hættur að
ríkja á vetrarhríðum. Það
var ekki bara Innbærinn og Eyrin, og
Neðri-Brekkan heldur voru Glerár-
hverfið Lundahverfið og Síðuhverfið
býsna gróin.
Um nokkurra ára skeið hefur
geysað hér í bænum eitthvert óskilj-
anlegt fár – og áróður gegn trjágróðri
í görðum. Sérstaklega hafa aspirnar
orðið illa úti í áróðrinum. Þær hafa
verið miskunnarlaust toppklipptar
og felldar. Rökstuðningurinn hefur
verið að það sé kominn skuggi í allan
garðinn eða að þær séu að eyðileggja
frárennslið.
Á síðustu misserum hef ég veitt
því athygli að fleiri og fleiri garðar
sem áður voru skjólsælir og grónir
líta nú út eins og á svæðum sem hafa
orðið fyrir hamförum. Myndir frá
Chernobyl og hrjáðum svæðum SA-
Asíu minna mann á hvernig skelf-
ingar leika gróður og eyðileggja allt
sem fyrir verður. Nú eru því miður
aðeins örfáar stóru aspirnar eftir
við Hamarsstíginn og eftir því sem
grisjunin gengur lengra þeim mun
hættara er á að þau tré sem eftir
standa stök falli í stórviðrum allra
árstíða. Akureyri er klárlega ekki
sami græni, skjólsæli bærinn eft-
ir þessar hamfarir. Hér er kominn
tími til að staldra við áður en miklu
lengra verður gengið.
Já; og er samt ekki alveg örugg-
lega bannað á Akureyri að fella tré
yfir tiltekinni hæð nema með leyfi
byggingafulltrúa? Kannski leyfir
byggingafulltrúi að hvaða tré sem
er sé sagað niður? Kannski er einmitt
stefnan að rýma sem mest af trjám
úr görðum til að sorptunnuvæðingin
blasi sem allra best við? Eða vilja
yfirvöldin að gamall skafrenningur
nái aftur völdum í íbúðahverfum á
Akureyri þannig að meira verði að
gera við snjómoksturinn?
Hvað á maður svo sem að halda?
Höfundur er framkvæmdastjóri
... garðar sem áður voru
skjólsælir og grónir líta nú
út eins og á svæðum sem
hafa orðið fyrir hamförum.
BENEDIKT
SIGURÐARSON