Akureyri - 07.03.2014, Blaðsíða 14

14 8. tölublað 4. árgangur 27. febrúar 2014
Íslenski dansflokk-
urinn sýnir Þríleik
Íslenski Dansflokkurinn er væntan-
legur til Akureyrar í Hof um miðjan
mars með sýningu sína Þríleik sem
sýnt hefur verið í Borgarleikhús-
inu við góðar undirtektir. Sýningin
skiptist í Tilbrigði þar sem Bryndís
Halla Gylfadóttir leikur tónverk
finnska tónskáldsins Jean Sibelius
Theme and variations for Solo Cello
frá 1887. Eindans er eftir Láru Stef-
ánsdóttur. Í Tilbrigðum Sibeliusar
leikur tónskáldið sér með brotna
hljóma, trillur og tvígrip og nýt-
ir sér breitt tónsvið hljóðfærisins.
Dansarinn er eins og endurkast
af tónlistinni, leikur með tilbrigði,
endurtekin form og blæbrigði.
Farangur er nýtt íslenskt dansverk
eftir Grímuverðlaunahafann Val-
gerði Rúnarsdóttur. Innblástur að
sköpunarferlinu er sóttur í minnið
og stöðuga mótun þess, hvernig við
erum stöðugt að safna í og vinna
úr efni í hinu huglæga farangurs-
rými. Berserkir er lokaatriði Þrí-
leiksins eftir danska danshöfundinn
Lene Boel. Verkið er „magnþrungin
blanda break, nútímadans og ball-
ett með akróbatísku tvisti“ eins og
segir í tilkynningu. Berserkir; villtir
sem úlfar, ljúfir sem lömb, eru und-
ir áhrifum frá norrænni goðafræði,
straumum og ógnvænlegri náttúru.
Sjö sterkir einstaklingar mynda
ættbálk byggðan á trausti, heiðri
og viljastyrk þar sem hráir, dular-
fullir og húmerískir leikar stríðs og
ástar eiga sér stað. Berserkir tengja
saman áttundu öldina og nútím-
ann þar sem innblástur er sóttur
til víkinga frá fornöld og í leiki
nútímans. a
Heyrst hefur
HEYRST HEFUR að Ágúst Þór
Árnason, brautarstjóri við laga-
deild Háskólans á Akureyri, sé
nú meðal umdeildustu manna á
landinu eftir að hann kvað sér
hljóðs í Evrópuumræðunni svo
um munaði. Samskiptasíður loga,
ýmist til stuðnings rannsókna-
starfi Ágústs Þórs eða gegn. Öss-
ur Skarphéðinsson hefur meðal
annarra sent Ágústi Þór ádrepu og spyr síðan hvenær það
hafi verið í þágu íslenskra hagsmuna að hafa „slíka minni-
máttarkennd“ fyrir hönd Íslands að gefa sér fyrirfram að
við getum ekki náð samningum um flókin og erfið mál?
Eyjan greindi fyrst frá.
„Ef við hefðum fylgt því væri Ísland hvorki með 200 mílna
lögsögu né aðili að evrópska efnahagssvæðinu. Staðreyndin
er sú að reynslan sýnir mjög vel að okkur hefur alltaf tekist
að verja íslenska hagsmuni. Varðandi erfið mál gagnvart
ESB eins og til dæmis sjávarútveg og landbúnað benda
nýlegar upplýsingar einmitt til að það tækist í báðum
þessum málum. En til þess þarf auðvitað að halda áfram
samningunum.“ Segir fyrrverandi utanríkisráðherra.
Ágúst Þór hafði áður sagt að hann teldi viðræðum við ESB
sjálfhætt þar sem ekki yrði
um neinar sérlausnir
eða undanþágur að
ræða hjá sambandinu. Öss-
ur svarar: „Sannast sagna er
yfirlýsing Ágústs Þórs um að
viðræðunum sé sjálfhætt af
því Íslendingar fái engin frávik
frá stífustu reglum ESB aug-
ljóslega byggð á misskiln-
ingi eða vanþekkingu. Hún
stangast til dæmis á við
hans eigin staðhæfingar – og annarra í skýrslunni. Því
hefur til dæmis verið haldið fram mjög stíft af andstæðing-
um aðildar að það muni aldrei verða hægt að semja um
landbúnað. En eitt merkilegasta framlag skýrslunnar er að
hún greinir frá samtölum eins höfunda hennar við emb-
ættismenn í Brussel sem ýmsum að óvörum – þó ekki mér
– sögðu að ESB sjái alls engin óleysanleg vandamál við að
ná samkomulagi um landbúnað. Sá sem skrifaði þetta inn
í skýrsluna var enginn annar en Ágúst Þór sjálfur.“
Aðrir lýsa mikilli ánægju með ummæli Ágústs Þórs, ekki
síst hluti framsóknarmanna á Akureyri, en heyrst hefur
að Ágúst Þór sé tengdur framsóknarstarfinu á Akureyri...
HEYRST HEFUR að Hildur Lilliendahl eigi á brattann
að sækja eftir opinberanir á hrinu níðyrða á netinu. Hefur
heyrst að sjálf hafi Hildur nefnt nýverið að til stæði að
út kæmi bók um hana í Bandaríkjunum. Hefur heyrst að
vendingar mála nú kunni að beyta efnistökum eitthvað...
HEYRST HEFUR að vel horfi með bókanir á næstu vikum
hjá hótelum á Norðurlandi og búi menn sig meðal annars
nú undir háönn skíðamennskunnar í Hlíðarfjalli. Hefur heyrst
að ferðalangar telji það dæmi um breytta tíma að hægt sé
nú að gista vikum saman á Akureyri og fara aldrei tvisvar
á sama staðinn til að njóta kvöldverðar á veitingahúsum...