Akureyri - 05.06.2014, Blaðsíða 6

6 21. tölublað 4. árgangur 5. júní 2014
Ráðherra kunnugur dælunni
Íslenskt eldsneyti ehf. mun á
næstunni opna fyrstu vistvænu
lífeldsneytisstöðina sína á Íslandi
á Sauðárkróki. Á stöðinni verð-
ur selt vistvænt lífeldsneyti sem
nota má 100% á flesta díselknúna
bíla. Stöðin var tilraunakeyrð og
dælt á fyrsta bílinn með hjálp ut-
anríkisráðherrans Gunnars Braga
Sveinssonar frá Sauðárkróki. Sala
á lífeldsneyti til almennings mun
hefjast á næstu vikum.
Stöðin á Sauðárkróki er hin
fyrsta í röð fleiri slíkra stöðva
sem fyrirhugað er að koma fyrir
vítt og breytt um landið. Lífelds-
neytið sem notað er kemur frá
framleiðsluverksmiðju Íslensks
lífeldsneytis sem staðsett er í
Reykjanesbæ og er eldsneytið
unnið úr innfluttri repjuolíu frá
Svíþjóð. Á nýju stöðinni verður
einnig hægt að hlaða rafmagns-
bíla. a
Auðmenn fái ekki Hofsstaði
Stefán Jón Hafstein, fyrrverandi
ritstjóri Dags-Tímans á Akureyri,
veiðiáhugamaður og náttúruunn-
andi vill að ríkið stofni sjálfeignar-
félag um Hofsstaði í Mývatnssveit.
Fleiri styðja hugmyndina en með
henni yrði komið í veg fyrir að rík-
ið selji hæstbjóðandi auðmönnum
jörðina eftirsóttu.
Frétt Akureyrar vikublaðs í síð-
ustu viku um að Hofsstaðir í Mý-
vatnssveit verði að líkindum ríkis-
eign innan tíðar, þar sem bræður
sem bjuggu á jörðinni hafa báðir
fallið frá og eiga ekki lögerfingja,
hefur vakið mikla athygli og við-
brögð. Jörðin er sögufræg fyrir
ýmsar sakir. Þar hafa fundist stór-
merkar fornminjar og auk þess
fylgja mikil veiðihlunnindi vegna
Laxár í Mývatnssveit.
Stefán Jón vill að samfélagið
láti til sín taka og eigi frumkvæði
að því að vinna því fylgi að ríkið
stofni til sjálfseignarfélags sem
hafi það eina markmið að viðhalda
eigninni og veita fjármunum af
rekstrinum til að styrkja fornleifa-
rannsóknir og náttúrurannsóknir í
Mývatnssveit og Þingeyjarsýslu á
þeim grunni sem þegar sé lagður á
Hofsstöðum. Þannig væri minningu
bræðranna sem bjuggu á Hofsstöð-
um mestur sómi sýndur og „með
því væri þeim arfi sem andófið
gegn Gljúfurversvirkjun og vatna-
flutningum úr Skjálfandafljóti með
sprenginunni í Miðkvísl gerð metn-
aðarfull skil. „Ríkið á ekki að taka
til sín eignir eins og þessa og selja
hana einhverjum “spákaupmanni”
og loka svo afleggjaranum með
keðju Einkavegur,“ segir Stefán Jón
á facebook.
Árni Einarsson, sérfræðingur
hjá Ramý tekur undir og segir hug-
myndina mjög góða. „Ég sé þegar
nokkra hrægamma á sveimi,“ segir
Stefán Jón. „Þetta er svo góð hug-
mynd að nú eiga Þingeyingar að
sýna strax að enn rennur í þeim
blóðið. Fá lögfróða menn í formið,
herja strax á þingmenn.“
Benedikt Sigurðarson, fram-
kvæmdastjóri Búseta á Akureyri,
vill sjálfseignarfélag í “eigu al-
mennings” - með þeim skilmálum
að það megi hvorki veðsetja Hofs-
staði né selja. a
Syfjuð unnu
kosningasigur
„Grunnskólabörn í Eyjafjarðar-
sveit unnu stórsigur í sveitastjórn-
arkosningunum,“ segir stuðnings-
maður F-listans í Eyjafjarðarsveit
en listinn beitti sér fyrir því að
syfjuð grunnskólabörn þyrftu
ekki að vakna eins snemma á
morgnana næsta vetur og sl. vetur
þegar samlegðaráhrif voru metin
hærri hagsmunum barnanna eins
og Akureyri vikublað fjallaði um.
F-listinn fékk fjóra menn af sex.
„Þetta leiðinda mál verð-
ur brátt úr sögunni því nýr
meirihluti mun taka á því taf-
arlaust og færa til fyrra horfs
og fara þannig að lögum eins og
skólanefnd og bréfið frá mennta-
og menningarmálaráðuneitinu
kveður á um,“ segir íbúi í Eyja-
fjarðarsveit.
Rúmlega 250 óánægðir íbúa á
kosningaaldri í Eyjafjarðarsveit
höfðu mótmælt skólaakstrinum.
Má nú að loknum kosningum
segja að að syfjuð grunnskóla-
börn í Eyjafjarðarsveit hafi
unnið fullnaðarsigur. a
Akureyri - 13. og 27. júní
Árni Hafstað heyrnarfræðingur verður á Akureyri við heyrnar-
mælingar, ráðgjöf og sölu heyrnartækja. Mikið úrval af hágæða
heyrnartækjum. Sérsmíðuð eða næstum ósýnileg bak við eyra.
Margir verðflokkar.
Bókaðu tíma í heyrnarmælingu og
fáðu heyrnartæki til prufu
Sími 568 6880
Glæsibæ | Álfheimum 74 | 104 Reykjavík | Sími 568 6880 | www.heyrnartaekni.is
Vantar þig heyrnartæki?
Heyrnarmælingar, ráðgjöf og heyrnartækjaþjónusta
UTANRÍKISRÁÐHERRA SÝNDI GAMALKUNNA takta í síðustu viku þegar hann tók sér
eldsneytisdælu í hönd, en áður en Gunnar Bragi Sveinsson komst til pólitískra
metorða sá hann m.a. um að dæla bensíni þegar hann rak sjoppu á Sauðárkróki.
Umdeild skóflustunga
Sl. mánudag tók Hermann Örn
Ingólfsson skrifstofustjóri al-
þjóða- og öryggismálaskrifstofu
utanríkisráðuneytisins og Zhang
Han, deildarstjóri evrópumálefna
í kínverska utanríkisráðuneytinu,
fyrstu skóflustungu að Norður-
ljósarannsóknarstöð á Kárhóli í
Reykjadal.
Bygging stöðvarinnar er liður
í samkomulag milli Rannsókna-
miðstöðvar Íslands –RANNÍS- og
Heimskautastofnunar Kína (Polar
Research Institute of China - PRIC)
frá sl. hausti um stofnun sameigin-
legrar miðstöðvar til norðurljósa-
rannsókna á Íslandi undir nafn-
inu China-Iceland Joint Aurora
Observatory (CIAO).
Heimskautastofnun Kína er
opinber rannsóknarstofnun, sem
heyrir undir Hafmálastofnun Kína
(State Oceanic Administration –
SOA) og er staðsett í Shanghai,
Kína. Starf PRIC er þungamiðja
norðurslóðarannsókna í Kína og
starfrækir stofnunin rannsókna-
stöð á Svalbarða, þrjár rannsókna-
stöðvar á Suðurskautinu og rekur
ísbrjótinn Xuelong, Snædrekann.
Nýr ísbrjótur er í framleiðsluferli.
Sjálfseignarstofnunin Aurora
Observatory (AO) með staðfestri
skipulagsskrá var stofnuð á síð-
asta ári til að annast uppbyggingu
og rekstur allrar aðstöðu á Kárhóli.
Stofnaðilar eru þróunarfélögin tvö
í landshlutanum; Atvinnuþróunar-
félag Þingeyinga hf. og Atvinnuþró-
unarfélag Eyjafjarðar bs., Atvinnu-
efling Þingeyjarsveitar ehf sem er
eignarhaldsfélag sveitarfélagsins,
Kjarni ehf sem er eignarhaldsfélag
í eigu Þingeyjarsveitar, Sparisjóðs
Suður-Þingeyinga og nokkurra
einstaklinga í héraði og Arctic Por-
tal ehf, en fyrirtækið hefur virka
aðkomu að margvíslegum rann-
sóknar- og upplýsingaverkefnum á
sviði norðurslóðamála.
Unnið er að breytingu á aðal-
skipulagi Þingeyjarsveitar og gerð
deiliskipulags er í vinnslu, en gert
er ráð fyrir að framkvæmdir geti
hafist síðar á þessu ári. Byggð
verður rúmlega 700 m2 bygging
sem hýsa mun rannsóknartæki og
vinnuaðstöðu fyrir vísindamenn
auk gestastofu fyrir ferðamenn með
sýningarrými og litlum ráðstefnu-
sal til kynningar á norðurljósunum
og öðrum þeim háloftafyrirbærum
sem rannsökuð verða.
Akureyri vikublað greindi ný-
verið frá áhyggjum Heyman Pascal,
sem starfaði lengi hjá ÖSE og lýsti
áhyggjum af því að Íslendingar
hleyptu Kínverjum inn í eigin bak-
garð með því að láta þeim jörðina
og aðstöðuna í té. -BÞ