Skessuhorn - 17.07.2013, Page 10

10 MIÐVIKUDAGUR 17. JÚLÍ 2013
Keppnin Álmaðurinn 2013 fór
fram á laugardaginn á Akranesi
en það er fyrsta keppnin sem Sjó-
baðsfélag Akraness stendur fyrir.
Alls tók 21 keppandi þátt, þar af sjö
konur og fjórtán karlar. Sigurveg-
arar á mótinu voru Innnesingurinn
Sigurjón Ernir Sturluson og Ak-
urnesingurinn Sigríður Gróa Sig-
urðardóttir og eru þau því Álmenn
ársins 2013. Fengu þau að launum
sérstakan verðlaunahleif sem var
hannaður úr 200 gramma álhleif frá
Norðuráli en efstu þrír keppendur
í karla- og kvennaflokki voru verð-
launaðir. Í öðru sæti í karlaflokki
varð Pálmi Haraldsson á Akranesi
og í því þriðja Ægir Benedikts-
son frá Reykjavík. Í kvennaflokki
varð önnur Anna Helgadóttir frá
Reykjavík og í því þriðja Sílvía Llo-
rens frá Akranesi. Óhætt er að segja
að keppnisleiðin hafi verið krefj-
andi en hún samanstóð af hjólreið-
um, fjallgöngu og sjósundi. Keppn-
in hófst á hjólreiðum frá Langa-
sandi að Akrafjalli, samtals 5,5 km
leið, þar af 1,3 km á malbiki 4,2 km
á möl. Frá rótum Akrafjalls héldu
keppendur upp á Háahnúk, samtals
550 metra, og skrifuðu þar í gesta-
bók. Frá Akrafjalli var haldið sömu
leið til baka á hjóli að Langasandi
þar sem keppendur stungu sér til
sunds og syntu 400 metra meðfram
ströndinni.
Að sögn Guðmundar Sigur-
björnssonar formann félagsins gekk
mótið vel. „Það var almenn ánægja
með mótið meðal keppenda svo að
ákveðið var að kanna grundvöll fyr-
ir aðra keppni á næsta ári. Ég vil
síðan fyrir hönd félagsins þakka
þeim fjölmörgu styrktaraðilum sem
styrktu keppnina. Sérstakar þakk-
ir fær síðan Björgunarfélag Akra-
ness sem sá um gæslu á Akrafjalli
og í sjónum við Langasand. Það
má segja að án þátttöku félagsins
væri þessi keppni mjög erfið í fram-
kvæmd. Síðan ber líka að þakka
Fimleikafélagi Akraness, sem sá um
drykkjarstöðvar fyrir keppendur,
og starfsfólki Sundlaugar Akraness
fyrir þeirra hjálp.“ hlh /Ljósm. ki.
Þorvaldur Örlygsson tók við þjálf-
un karlaliðs ÍA í Pepsídeildinni í
knattspyrnu fyrir skemmstu í kjöl-
far uppsagnar Þórðar Þórðarsonar.
Bíður hans það krefjandi verkefni
að stýra liðinu sem hefur átt erf-
itt uppdráttar í sumar aftur á sigur-
braut. Íslandsmótið í knattspyrnu
er nú hálfnað og verma Skagamenn
botnsæti deildarinnar með fjögur
stig. Þrátt fyrir stigaþurrð er Þor-
valdur bjartsýnn fyrir seinni helm-
ing mótsins og segir hann liðið, sem
hann hefur fulla trúa á, eiga tölu-
vert inni og muni rétta sinn kúrs.
Blaðamaður Skessuhorn tók nýja
þjálfara Skagamanna tali sem á að
baki viðburðaríkan og farsælan fer-
il í knattspyrnunni, bæði sem leik-
maður og þjálfari.
Mamma og pabbi
kynntust á Akranesi
Áður en talið berst að ÍA liðinu
er Þorvaldur spurður um hvort að
hann eigi einhverjar tengingar við
landshlutann og kemur á daginn að
þær eru töluverðar. „Pabbi, Örlyg-
ur Ívarsson, er fæddur og uppalinn
í Ólafsvík og kynntist hann móð-
ur minni, Bryndísi Ármann Þor-
valdsdóttur, meðan hann var í námi
á Akranesi. Sjálfur er ég hins veg-
ar fæddur í Danmörku en foreldr-
ar mínir bjuggu þar í nokkur ár við
nám og störf. Frá Danmörku flutt-
um við í Borgarnesi og vorum þar í
tvö ár. Pabbi starfaði þar sem for-
stjóri Vírnets meðan mamma vann
sem kennari í barnaskólanum í
bænum. Í Borgarnesi byrjaði ég að
æfa fótbolta og æfði með Skalla-
grími. Síðan fluttum við norður á
Akureyri þar sem fjölskyldan hef-
ur verið æ síðan og gekk ég strax í
raðir KA þar sem ég fór upp yngri
flokkana og alla leið í meistaraflokk
félagsins,“ segir Þorvaldur. Hann
lítur því á sig sem Akureyring að
uppruna. Þorvaldur varð fljótt öfl-
ugur knattspyrnumaður með KA
eins og margir þekkja en hann lék
stöðu miðjumanns. „Þess má einn-
ig geta að tveir Skagamenn þjálfuðu
mig meðan ég var hjá KA á þessum
árum, fyrst Hörður Ó. Helgason
og síðan Guðjón Þórðarson.“
Viðburðaríkur ferill
Frá Akureyri lá leiðin í atvinnu-
mennskuna í enska boltanum eft-
ir að Þorvaldur var keyptur til
Nottingham Forrest í desember
1989. Hann var hjá Forrest í fjög-
ur keppnistímabil en liðið lék þá í
efstu deild. Að auki lék hann með
Stoke og Oldham á Englandi sem
atvinnumaður áður en hann snéri
heim til Íslands aftur árið 2000 þar
sem hann lauk knattspyrnuferlin-
um með KA. Þorvaldur var einn-
ig fastamaður í A-landsliði Íslands
í átta ár og á að baki 41 landsleik
með liðinu. Þorvaldur var í fyrstu
spilandi þjálfari KA manna en snéri
sér alfarið að þjálfun liðsins eftir
keppnistímabilið 2003 og var þar
til 2005. Þaðan lá leiðin austur á
firði til Fjarðabyggðar sem hann
þjálfaði í tvö tímabil uns hann tók
við stjórn Fram í upphafi keppn-
istímabilsins 2008. Hjá Fram var
Þorvaldur síðan þjálfari allt þar til
hann hætti í júní sl. Á þjálfaraferlin-
um hefur Þorvaldur náð góðum ár-
angri, m.a. stýrt KA mönnum upp
úr 1. deild í úrvalsdeild árið 2001
og leitt Fjarðabyggð til sigurs í 2.
deild 2006. Undir stjórn hans náðu
Frammarar m.a. þriðja sæti úrvals-
deildar 2008, komust í aðra umferð
í forkeppni Evrópudeildar UEFA
árið 2009 og í bikarúrslit sama ár
þar sem liðið tapaði naumlega fyrir
Breiðabliki í vítaspyrnukeppni.
Betri þjálfari en málari
„Eins og flestir vita þá bar ráðning
mín á Skagann brátt að,“ segir Þor-
valdur um aðkomu sína að ÍA fyr-
ir skemmstu. Ég tók mér sumarfrí
eftir að ég hætti hjá Fram og var
að mála húsið mitt norður á Akur-
eyri þegar ég fékk símtal frá Þórði
Guðjónssyni þar sem mér var boð-
ið að taka við liðinu. Eftir smá sam-
tal við Þórð fór mér að lítast vel á
verkefnið og ákvað að kýla á þetta,
enda er ég mun betri að þjálfa en að
mála,“ segir Þorvaldur í léttum tón.
„En að öllu gamni slepptu þá finnst
mér áskorunin mikil og ég fann að
þetta var eitthvað sem mig langaði
til að gera, að leggja Skagamönn-
um lið í baráttunni sem framundan
er. ÍA er líka flottur klúbbur, með
góða umgjörð og aðstöðu, sem all-
ir þjálfarar hljóta að sækjast eftir að
starfa fyrir.“
Meginverkefni að halda
úrvalsdeildarsætinu
Eins og stöðutafla úrvalsdeildar
sýnir þá hefur ÍA átt erfitt uppdrátt-
ar í sumar en liðið vermir botnsæti
deildarinnar með einungis fjögur
stig. „Það má vera öllum ljóst að
meginverkefni liðsins er að halda
sæti sínu í deildinni, allt annað er
bónus. Það hefur vantað herslu-
muninn í leikjum liðsins hingað til
og þeir flestir verið frekar jafnir.
Ýmislegt hefur haft áhrif á frammi-
stöðuna. Ég nefni sem dæmi þá hef-
ur liðið lent í því í nokkrum leikj-
um að þurfa að gera róttækar breyt-
ingar á leikskipulagi í upphafi leiks
vegna meiðsla, t.d. á móti Breiða-
bliki, Þór og Víkingi – það hefur
haft sín áhrif á leik liðsins. Þetta er
auðvitað partur af leiknum og eitt-
hvað sem öll lið þurfa að glíma við
en hefur engu að síður töluverð
áhrif á alla taktík sem lagt er upp
með. Ég veit hins vegar að það er
mikill hugur í mannskapnum að
snúa blaðinu við og það munum við
gera,“ bætir Þorvaldur við.
Meiri pressa í dag en
áður fyrr
Þrátt fyrir slakt gengi ÍA í sum-
ar segist Þorvaldur finna fyrir góð-
um stuðningi við liðið. „Vissulega
er miklar kröfur gerðar til frammi-
stöðu liðs eins og ÍA sem á að baki
mikla hefð og farsæla sögu. Leik-
mennirnir eru meðvitaðir um
þessa pressu sem er hluti af því að
spila meðal þeirra bestu. Ég verð
þó ekki var við annað en að sam-
félagið standi þétt að baki liðinu
og styðja það í lengstu lög. Hér er
góður kjarni stuðningsmanna sem
mætir á alla leiki, bæði heima og á
útivelli, og taka strákarnir eftir því.
Við þurfum á allri hjálp að halda til
að rétta okkar hlut í deildinni og er
góður stuðningur lykill að betri ár-
angri liðsins á næstunni.“
Þorvaldur segir pressuna á þjálf-
ara og leikmenn öðruvísi í dag en
þegar hann var leikmaður og þurfa
þeir að hans sögn að vera allt aðrir
karakterar en þá var til að takast á
við nýjar aðstæður. „Hluti af þess-
ari breytingu er aukin umfjöllun
um knattspyrnu, bæði í fjölmiðlum
og á samfélagsmiðlum. Væntingar
um árangur hefur aukist fyrir vik-
ið. Við sem stöndum í þessu þurf-
um að geta höndlað þessar aðstæð-
ur - þetta er orðin drjúgur partur
af leiknum. Að sama skapi hefur
umgjörðin líka breyst til batnað-
ar. Aðstæður eru orðnar betri, t.d.
með tilkomu allra knattspyrnuhús-
anna. Þetta hefur þýtt að tímabilin
eru orðin lengri og það hefur sín
áhrif á álagið. Þetta færir knatt-
spyrnuna á annað plan og þá koma
nýjar aðstæður sem við sem stönd-
um í þessu þurfum að kunna skil
á.“
Tilbúnir í verkefnið
Á mánudaginn opnaðist félaga-
skiptaglugginn á nýjan leik og geta
félögin nú fengið til sín nýja leik-
menn fram til loka mánaðarins
þegar glugginn lokar aftur. Þor-
valdur segir að verið sé að skoða
mögulega nýja leikmenn bæði inn-
an og utan landsteinanna en ekk-
ert sé fast í hendi eins og staðan er.
„Þessi gluggi er alltaf erfiður við-
ureignar enda er hann bæði opinn
í skamman tíma auk þess sem það
er frekar snúið að fá inn í liðið nýja
leikmenn á miðju tímabili. Nýir
leikmenn hafa þó oft gefið góða
raun og við sjáum því hvað set-
ur.“ Samningur Þorvaldar og ÍA er
ótímabundin eins og er en verður
sjálfsagt endurskoðaður að tíma-
bilinu loknu. „Fyrsta mál á dag-
skrá er eins og áður sagði að verja
sæti ÍA í efstu deild og tökum við
því einn leik fyrir í einu. Ég finn
að við í þjálfarateyminu, leikmenn
og stjórn félagsins erum tilbúnir
í þetta verkefni sem við ætlum að
leggja okkur saman fram um að
leysa. Haldi menn þeim kúrs er ég
sannfærður um að góður árangur
næst á seinni helmingi tímabilsins
sem nú er hafinn.“
hlh
„Finnum fyrir góðum stuðningi“
- segir Þorvaldur Örlygsson þjálfari karlaliðs ÍA í knattspyrnu
Þorvaldur og Þórður Guðjónsson,
framkvæmdastjóri ÍA, ráða ráðum
sínum.
Ljósm. Guðmundur Bjarki Halldórsson.
Þorvaldur Örlygsson, þjálfari ÍA.
Stungið sér til sunds við Langasand.
Sigurjón og Sigríður sigruðu
í fyrsta Álmanninum
Keppendur hjóla af stað eftir ræsingu við Langasand.
Álmaðurinn Sigurjón Ernir Sturluson,
sigurvegari í karlaflokki.