Skessuhorn - 02.10.2013, Side 2

2 MIÐVIKUDAGUR 2. OKTÓBER 2013
Minna má á hinn árlega viðburð Sauða-
messu sem verður í Skallagrímsgarði
í Borgarnesi nk. laugardag. Messan
hefst kl. 13:30 með rekstri á lausafé frá
lóð Brákarhlíðar. Hátíðardagskrá hafst
síðan klukkan 14 í Skallagrímsgarði. Þar
verður meðal skemmtiatriða, Mögu-
leikhúsið, lærakappát, ræður, keppa-
kapp, sparðatíningur og frumlegar fjár-
húfur. Hvanndalsbræður ramma svo
inn daginn á reiðhallarballi.
Næstu dagana er spáð frekar svölu
veðri, einkum á norðurhluta lands-
ins. Norðan strekkingur verður fram á
laugardag, með slyddu og síðan snjó-
komu fyrir norðan á föstudag, en yfir-
leitt þurru syðra. Á sunnudag er spáð
austlægri átt og rigningu eða slyddu.
Hiti 1 til 6 stig, en kringum frostmark
í innsveitum fyrir norðan. Á mánudag
er útlit fyrir austan- og norðaustanátt
með rigningu, stöku éljum fyrir norðan
en þurru sunnan til á landinu. Hiti 0 til
8 stig, kaldast fyrir norðan.
Í síðustu viku var spurt á vef Skessu-
horns: „Hvaða ráðherra finnst þér lofa
bestu?“ Í svörunum má lesa að fram-
sóknarráðherrarnir þykja heldur efni-
legri en ráðherrar Sjálfstæðisflokksins.
Þannig fékk Sigmundur Davíð 24,29%,
Eygló Harðardóttir 14%, Sigurður Ingi
Jóhannsson 10,72%, en Gunnar Bragi
Sveinsson utanríkisráðherra skar sig
reyndar úr í þessari könnun með ein-
ungis 2,63%. Hjá Sjálfstæðisflokknum
voru Bjarni Benediktsson og Hanna
Birna Kristjánsdóttir hnífjöfn með sín
hvor 12,91 prósentin. Kristján Þór Júlí-
usson kom næstur með 9,63%, Illugi
Gunnarsson 7,44% og Ragnheiður Elín
Árnadóttir 5,47%.
Í þessari viku er spurt:
Hvernig líst þér á fjárlögin?
Geiri bakari í Borgarnesi er sauðfjár-
bóndi vikunnar að mati Skessuhorns
og Vestlendingur vikunnar einnig.
Til minnis
Veðurhorfur
Spurning
vikunnar
Vestlendingur
vikunnar
Leiðrétting
Í frétt um fyrirhugað metan-
gasver í Hvalfjarðarsveit í síð-
asta Skessuhorni var ranglega
sagt að tekið yrði á móti óflokk-
uðu sorpi frá nágrannasveitar-
félögum til versins. Þar átti að
standa, að gert væri ráð fyr-
ir móttöku á flokkuðu lífrænu
sorpi frá heimilum og fyrirtækj-
um í nágrannabyggðarlögum.
Leiðréttist þetta hér með.
–þá
Innbrotsþjófar
náðust á flótta
LBD: Þrír íslenskir karlmenn, á
fertugs- og fimmtugsaldri, voru
handteknir í Norðurárdal að-
fararnótt sunnudags grunaðir
um innbrot í heilsugæsluna og
apótekið í Búðardal. Lögregl-
an var ræst út eftir að öryggis-
kerfi fór í gang í apótekinu. Við
yfirheyrslur játuðu mennirn-
ir að hafa brotist inn í Búðardal
til að reyna að ná í lyf. Töldu
þeir víst að ekki væri innbrots-
kerfi í apóteki svona langt út í
sveit, en þar misreiknuðu þeir
sig hraplega. Á flóttanum hentu
þeir út úr bílnum þeim lyfjum
sem þeir töldu að þeim yrði ekki
gott af. Rekja mátti því leiðina
yfir Bröttubrekku og þegar nið-
ur í Norðurárdalinn kom töldu
þeir best að fara af þjóðveginum
og fela sig á næsta afleggjara.
En langur armur laganna hafði
samt uppi á þeim og voru þeir
færðir á lögreglustöðina í Borg-
arnesi til yfirheyrslu. Við leit í
bifreið þeirra fannst töluvert
magn margskonar lyfja sem og
öðrum varningi sem þeir höfðu
stolið fyrir vestan. Mennirnir
eiga allir töluverðan brotaferil
að baki, aðallega á höfuðborg-
arsvæðinu.
–þá
Hvalfjarðarsveit
úr leik í Útsvari
RUV: Lið Hvalfjarðarsveitar
tapaði fyrir liði Seltjarnarness
í spennandi viðureign í Útsvari
síðastliðinn föstudag. Lokatöl-
ur voru 52 – 48. Viðureignin var
skemmtileg og keppnin nokkuð
jöfn frá upphafi til enda. Sel-
tjarnarnes hafði þó betur í stóru
spurningunum í lokin og er lið
Hvalfjarðarsveitar því úr leik að
sinni. Lið Hvalfjarðarsveitar var
í fyrsta sinn með í Útsvari í ár
og var skipað þeim Sævari Ara
Finnbogasyni, Ástu Marý Stef-
ánsdóttur og Sævari Inga Jóns-
syni.
–grþ
Landnámssetrið í Borgarnesi • Brákarbraut 13 – 15 • 310 Borgarnes • www.landnam.is
S
K
E
S
S
U
H
O
R
N
2
01
3
Verð kr. 2.500,00
Hópar 10+ & eldri borgarar
kr. 2.000,00
Hægt að panta sýningartíma fyrir
hópa eftir hentugleikum.
Miðapantanir í síma 437 1600
eða á landnam@landnam.is
Ómar æskunnar - Ómar öðruvísi
Sögur af sérstæðu fólki
Næstu sýningar:
Laugardagur 5. október kl. 18:00
Ath. breyttan sýningartíma - örfá sæti laus
Laugardagur 12. október kl. 20:00
Sunnudagur 13. október kl. 16:00
Laugardagur 2. nóvember kl. 20:00
Föstudagur 8. nóvember kl. 20:00
Farið verður í framkvæmdir við
Stykkishólmshöfn á næstunni. Til
stendur að stækka Baldursbryggj-
una við Súgindisey um 12 metra.
Mikið af efninu sem til þarf við
framkvæmdina er komið í Stykk-
ishólm. Einnig verður flotbryggj-
um framan við húsnæði Sæferða
skipt út en þær eru orðnar gaml-
ar og fúnar og því farnar að síga
í sjó.
sko
Fiskistofa birti nýja arðskrá fyr-
ir Veiðifélag Þverár í Borgarfirði í
Starfsmenn Trésmiðju Akraness
vinna nú að því að ljúka verkefn-
um sem voru í gangi þegar verk-
stæði fyrirtækisins við Smiðjuvelli á
Akranesi brann til grunna að kvöldi
18. september síðastliðins. Til þess
hafa þeir fengið inni á verkstæði hjá
annarri trésmiðju á Akranesi. Ekk-
ert liggur enn fyrir um niðurstöðu
tjónabóta og er framtíð Trésmiðju
Akraness því í óvissu.
„Við höfðum lokið við að smíða
og setja upp tvær innréttingar. Til
að ljúka frágangi á þessum verk-
um höfum við fengið inni á tré-
smíðaverkstæði Akurs hér á Akra-
nesi. Þar hafa tveir af okkur þremur
sem störfuðum á verkstæðinu sem
brann unnið við að klára þessi verk.
Sjálfur hef ég verið á þönum við að
útvega allt sem vantar svo rekst-
urinn geti haldið áfram. Öll okk-
ar verkfæri og tæki brunnu auðvi-
tað. Það er ekki einu sinni til skrúf-
járn. Sama er að segja um öll skrif-
stofugögn, reikninga og þess háttar.
Það er mikil vinna að ná þessu sam-
an,“ segir Kristján Einarsson fram-
kvæmdastjóri og eigandi Trésmiðju
Akraness. Hann segir að engin
ákvörðun hafi verið tekin enn um
framtíð Trésmiðju Akraness. Engin
niðurstaða liggur fyrir í trygging-
armálum fyrirtækisins. mþh
Ný arðskrá fyrir Veiði-
félag Þverár tekur gildi
Stjórnartíðindum 3. september síð-
astliðinn. Nýja skráin er byggð á úr-
skurði matsnefndar um lax- og sil-
ungsveiði frá því í ágúst en nefnd-
in hefur unnið að gerð nýs mats
undanfarin tvö ár, en hún leysir
af arðskrá sem gefin var út 2002.
Nokkrar breytingar urðu á arð-
skránni og stækkar hlutdeild nokk-
urra jarða meðan aðrar minnka að
sama skapi. Þar sem m.a. veiði ræð-
ur um hvernig arðurinn skiptist
jókst hlutdeild Kaðalsstaðajarðar-
innar verulega enda hafa veiðistaðir
í landi jarðarinnar verið afar gjöful-
ir á síðustu árum. Sem fyrr á Gils-
bakki langstærstan hlut af arði ár-
innar, eða 21,16%, og hækkar lít-
illega frá fyrra mati. Bæði er jörðin
landstór og einnig ræður miklu að
fyrir landi hennar eru í senn gjöf-
ulir veiðistaðir og uppeldisstöðv-
ar seiða.
mm
Á veiðum við Selstrengi í Kjarará, efsta hluta Þverár. Ljósm. mm.
Framkvæmdir við
Stykkishólmshöfn
Baldursbryggjan verður lengd um 12 metra.
Slökkviliðsmenn glímdu við mikinn eld þegar Trésmiðja Akraness brann til kaldra
kola 18. september síðastliðinn.
Óljóst með framtíð Trésmiðju Akraness
Trésmiðja Akraness hefur verið þekkt fyrir að smíða vandaðar innréttingar. Hér er
ein þeirra sem ber meisturum sínum fagurt vitni.