Víkurfréttir - 20.04.2011, Side 2

2 Miðvikudagurinn 20. apríl 2011VÍKURFRÉTTIR
›› Menningarmál og menningarferðaþjónusta:
›› Ársreikningur Reykjanesbæjar kynntur í bæjarstjórn síðdegis í gær:›› FRÉTTIR ‹‹
Barnahátíð verður haldin í sjötta sinn í Reykjanesbæ
dagana 20. - 23. apríl nk. Mark-
mið hátíðarinnar er að skapa
foreldrum og börnum fjölbreytt
tækifæri til frjórrar og gefandi
samveru og stuðla þannig að
fjölskylduvænum Reykjanesbæ.
Hátíðin hefur ávallt verið sett í
kringum sumardaginn fyrsta og
var ekki breytt út af venjunni í
þetta sinn þó nú kæmi páskahelgin
inn í tímabilið. Viðburðir verða
því aðeins færri en venjulega en
þó nóg um að vera fyrir listelska
krakka því Listahátíð barna er
hryggjarstykkið í barnahátíðinni.
Hátíðin verður sett í Duushúsum
miðvikudaginn 20. apríl kl. 10.30
um leið og Listahátíð barna verður
opnuð og í tenglsum við hana verða
listasmiðjur á þremur stöðum, Bíó-
sal Duushúsa, Svarta pakkhúsinu
og í Frumleikhúsinu. Listsýning
leikskólabarna „Himingeimurinn“
er staðsett í Duushúsum og stendur
til 8. maí og listsýning grunnskóla-
barna er staðsett í fyrirtækjum og
verslunum víða um bæinn undir
heitinu „Listaverk í leiðinni“. Um
2.000 börn taka þátt í listahátíðinni
í ár. Sjá dagskrá á barnahatid.is
Samtals munu 32,3 milljónir króna koma árlega til Suður-
nesja vegna samnings um menn-
ingarmál og menningartengda
ferðaþjónustu sem undirritaðir
voru á föstudag milli ríkisins og
sambanda sveitarfélaga um allt
land. Samtals verður 250,7 millj-
ónum varið til málaflokksins ár-
lega næstu þrjú árin og er hlutur
ríkisins 60% af heildarframlagi en
sveitarfélögin leggja til 40%.
Markmið menningarsamninganna
er að efla samstarf á sviði menn-
ingarmála á hverju svæði auk þess
að stuðla að nýsköpun, fjölbreytni
og fjölgun atvinnutækifæra á sviði
menningar, lista og menningar-
tengdrar ferðaþjónustu. Á hverju
svæði starfa menningarráð sem
eru vettvangur samtarfs sveitar-
félaganna og hafa það hlutverk að
standa fyrir þróunarstarfi og út-
hluta fé til verkefna á sviði menn-
ingar og menningartengdrar ferða-
þjónustu.
Fyrsti menningarsamningurinn var
gerður við Austurland árið 2001
en frá árinu 2007 hafa verið í gildi
menningarsamningar við alla lands-
hluta utan höfuðborgarsvæðisins.
Hefur árangur samninganna verið
góður. Hafa þeir stuðlað að fjölgun
launaðra starfa við menningu og
menningartengda ferðaþjónustu,
afleidd störf hafa orðið til, menning
hefur orðið aðgengilegri fyrir al-
menning og samstarf á milli lands-
hluta á sviði menningarmála hefur
aukist.
Íbúar á Vatns-
leysuströnd vilja
auknar hitaveitu-
framkvæmdir
Birgir Þórarinsson afhenti nýverið Eirnýju Vals-
dóttur bæjarstjóra áskorun
íbúa á Vatnsleysuströnd
til bæjarstjórnar. Íbú-
arnir skora á bæjarstjórn
að beita sér fyrir auknum
hitaveituframkvæmdum á
Vatnsleysuströnd eða jöfnun
húshitunar með öðrum hætti.
Frá þessu er greint á vogar.is.
Áskorunin var afhent á fundi
er Jakob Árnason boðaði til á
Auðnum. Hann fór yfir sögu
leitar að heitu vatni á Auðnum.
Rætt var um möguleika á
frekari borunum og hugsanlega
nýtingu á varma. Bæjar-
stjórn fagnar framtaki Jakobs
og sér möguleika til fram-
tíðar ef hægt verður að virkja
orku á Vatnsleysuströnd.
Árekstur við
Akurskóla
Árekstur varð í beygju við Akurskóla í Innri-
Njarðvík þegar tveir bílar
lentu saman fyrir helgi. Lög-
regla og slökkvilið voru kölluð
til ásamt sjúkrabílum sem
fluttu ökumennina á sjúkra-
hús til skoðunar en engin
teljandi meiðsli urðu á fólki.
Annar bíllinn kom of innarlega
í beygjuna og ók yfir á öfugan
vegarhelming en lögregla sagði
það hafa verið orsök slyssins.
siggi@vf.is
Barnahátíð haldin í Reykjanesbæ
›› Tækifæri til gefandi samveru ›› „Himingeimurinn“ sýndur í Duushúsum
32,3 milljónir kr.
til Suðurnesja
Bæjarsjóður skilar 640 milljóna
króna rekstrarhagnaði 2010
Bíll keyrði niður ljósastaur við hringtorgið á mótum Hafnargötu og Vatnsnesvegar í Keflavík fyrir helgi. Kallað var til lögreglu
en engan sakaði vegna slyssins. Að sögn lögreglu er ökumaður
nýlega kominn með bílpróf en lögregla gat ekki sagt til um ástæðu
slyssins. Hún taldi þetta þó getað orsakast af reynsluleysi í akstri.
siggi@vf.is
Keyrði niður ljósa-
staur við Hafnargötu
Ökumaðurinn var nýkominn með bílpróf. VF-mynd: Siggi Jóns
›› FRÉTTIR ‹‹
Hefja áreið-
anleikakönnun
vegna HS Orku
Viðræðunefnd, sem hópur lífeyrissjóða skipaði til
viðræðna
við Magma
Energy um
möguleg
kaup sjóð-
anna á fjórð-
ungshlut í
HS Orku,
hefur ákveð-
ið að stíga
næsta skref í viðræðuferlinu
og hefja áreiðanleikakönn-
un á orkufyrirtækinu.
Fram kemur í tilkynningu að
aðilar hafi komið sér saman um
útlínur mögulegra viðskipta og
helstu skilmála. Verði af fjárfest-
ingu lífeyrissjóðanna í HS Orku
sé gert ráð fyrir að greiddir verði
um 8,06 milljarðar króna fyrir
fjórðungs hlut, sem sé sama
verð og seljandi hafi greitt fyrir
hlutinn. Þá hafi seljandi enn-
fremur boðið sjóðunum að auka
hlut sinn í HS Orku í 33,4%
með kaupum á nýjum hlutum í
HS Orku fyrir 10. febrúar 2012.
Áætlað kaupverð hinna nýju
hluta sé um 4,7 milljarðar króna.
Bæjarsjóður Reykjanesbæjar skilaði 639,7 milljón kr. rekstrarhagnaði árið 2010,
samkvæmt ársreikningi bæjarins sem lagður
var fram í bæjarstjórn í gær.
Rekstrarniðurstaða bæjarsjóðs fyrir afskriftir
og fjármagnsliði (EBITDA) var jákvæð um
tæpar 351 milljónir kr. eða 4,86%.
Samstæða Reykjanesbæjar, sem telur auk bæj-
arsjóðs aðrar stofnanir bæjarins, s.s. HS Veit-
ur, Reykjaneshöfn og félagslegar húseignir, er
hagstæð um 322,5 milljónir kr. Rekstrarnið-
urstaða samstæðu fyrir afskriftir og fjármagns-
liði (EBITDA) er jákvæð um 2,1 milljarð króna
eða 17,8%.
Rekstrartekjur Reykjanesbæjar námu alls 11,8
milljörðum kr. Þar af námu rekstrartekjur bæj-
arsjóðs um 7,2 milljörðum kr.
Heildareignir Reykjanesbæjar námu um 52,1
milljörðum kr. í árslok 2010. Heildarskuldir
Reykjanesbæjar námu um 43,4 milljörðum kr.
en þar með eru taldar m.a. skuldir HS Veitna
og framreiknaður leigukostnaður til næstu
25 ára. Í lok árs 2010 mældist eiginfjárhlutfall
samstæðu 16,79% en bæjarsjóðs 19,07%.
Verkefnið framundan er að styrkja lausafjár-
stöðu og eigið fé sveitarfélagsins. Um 19 millj-
arða kr. peningalegar eignir bæjarins, utan
lögbundinna verkefna sveitarfélaga, geta styrkt
lausafjárstöðu og lækkað skuldir verulega.
Aðgerðir á þessu ári (2011) munu styrkja eig-
infjárstöðu Reykjanesbæjar umtalsvert.
Raunhæfustu leiðirnar til styrkingar á fjár-
hagsstöðu Reykjanesbæjar eru virkjun þeirra
mörgu atvinnutækifæra sem bærinn hefur
barist fyrir undanfarin ár.