Víkurfréttir - 26.05.2011, Blaðsíða 2
2 Fimmtudagurinn 26. maí 2011VÍKURFRÉTTIR
›› FRÉTTIR ‹‹
Íslensk stjórnvöld munu í þess-ari viku eiga fund með Eftirlits-
stofnun EFTA (ESA) þar sem sérstök
áhersla verður lögð á atvinnumál á
Suðurnesjum þegar rætt verður um
málefni gagnavers á Ásbrú og hvaða
þýðingu uppbygging gagnavers mun
hafa á svæðinu. Þetta kom fram í máli
Jóhönnu Sigurðardóttur, forsætisráð-
herra, á opnum fundi Samfylkingar-
innar í Reykjanesbæ á laugardag. Sagði
hún að niðurstaða ESA ætti að liggja
fyrir í júní.
Forsvarsmenn gagnaversins hafa upp-
lýst iðnaðarráðuneytið um að vel gangi
að afla viðskiptavina fyrir gagnaverið en
öllu máli skipti að fá jákvæða niðurstöðu
hjá ESA svo fjármögnun verkefnisins
gangi eftir.
Eftirlitsstofnun EFTA (ESA) ákvað í
nóvember sl. að hefja formlega rannsókn
á stuðningi íslenska ríkisins og Reykja-
nesbæjar við fyrirtækið Verne Holdings
ehf. í tengslum við byggingu gagnavers í
Reykjanesbæ.
Fram kemur á vef ESA, að eftir forathugun
málsins hafi stofnunin efasemdir um að
ríkisaðstoð sú, sem felist í fyrirhuguðum
undanþágum frá sköttum og gjöldum
til ríkis og sveitarfélags, samrýmist EES
samningnum.
Íslensk yfirvöld tilkynntu ESA hinn 1.
september 2010 um að ríkið og Reykja-
nesbær hygðust veita Verne aðstoð til
að byggja upp gagnaverið og vísuðu
til undanþágureglna EES samningsins
um byggðaaðstoð. Alþingi samþykkti
í júní 2010 lög, sem heimila íslenskum
yfirvöldum að ganga til fjárfestinga-
samnings við Verne sem myndi veita
félaginu undanþágu frá ýmsum sköttum
og gjöldum.
Já eflir þjónustuver
í Reykjanesbæ
Já ætlar að efla þjónustuver fyrirtækisins í Reykjanesbæ.
Það mun gerast í framhaldi af því
að þjónustuveri fyrirtækisins á
Akureyri verður lokað. Hluta þess
starfsfólks sem missir vinnuna á
Akureyri verður boðin vinna í Reykjanesbæ.
Aðgerðirnar koma til framkvæmda í haust. Nú
starfa um 120 manns hjá fyrirtækinu, sem annast
rekstur 118, vefsvæðisins já.is og sér um útgáfu
Símaskrárinnar.
Karlmaður synti til hafs
og kona í höfnina
Tveir starfsmenn Brunavarna Suðurnesja [BS] ásamt lögreglumanni björguðu lífi
karlmanns aðfaranótt sunnudagsins 15. maí.
Maðurinn hafði farið í sjóinn við Ægisgötu í
Keflavík og synti til hafs.
Starfsmenn BS og lögreglu klæddust
flotgöllum og syntu á eftir honum
og náðu að koma honum til bjargar
en ekki mátti tæpara standa með
þá björgun. Var maðurinn orðinn
mjög þrekaður og reyndist mjög
erfitt að koma honum á þurrt í grjóthleðslunni
við Ægisgötuna. Að sögn Jóns Guðlaugssonar,
slökkviliðsstjóra, var maðurinn nærri drukknaður
en hann mun hafa farið tvisvar sinnum niður áður
en björgunaraðilar náðu honum. Maðurinn var
fluttur á Heilbrigðisstofnun Suðurnesja en hann
var orðinn mjög kaldur eftir sundferðina.
Björgunarmenn voru rétt komnir úr þessu útkalli á
stöð þegar annað útkall barst frá Neyðarlínunni en
þá hafði kona farið í Keflavíkurhöfn. Þegar til kom
náði hún að komast til lands köld og hrakin. Hún
var flutt á HSS til skoðunar.
Félag Stofnfjáreigenda í
Sparisjóðinum í Keflavík
fundar í kvöld
Fundur verður hjá Félagi stofn-fjáreigenda í Sparisjóðnum í
Keflavík í dag, fimmtudag, kl. 18 í
sal Fjölbrautaskóla Suðurnesja.
Dagskrá samkvæmt samþykktum
samtakanna. Kynning á rannsókn-
arvinnu stjórnar. Staða lánamála stofnfjáreigenda
vegna kaupa á stofnfjárbréfum og ýmis önnur
mál verða rædd sem hvíla á félögum samtakanna,
segir í tilkynningu frá Félagi stofnfjáreigenda í
Sparisjóðnum í Keflavík.
Tölvum og lyfjum stolið
frá Þroskahjálp
Brotist var inn í Ragnarssel dagvistun fyrir fötluð börn í síðustu viku. Gluggi hafði
verið spenntur upp á skrifstofu stjórnanda
Ragnarssels og þaðan teknir tveir tölvuturnar
af gerðinni HP Compaq og einum tölvuskjá
af gerðinni Dell. Vídeó-upptökuvél var einnig
stolið af Canon gerð. Einnig var tekinn sjón-
varpsflakkari sem hýsti mikið af ljósmyndum
og öðru efni sem starfsfólk vill endilega endur-
heimta. Starfsmaður Ragnarssels sagði í samtali
við VF að tölvurnar sem slíkar skiptu kannski
ekki höfuðmáli, heldur innihald þeirra, en mikið
af mikilvægum upplýsingum er á tölvunum. Lyf
voru einnig tekin af staðnum, m.a. rítalín og
smáræði af peningum.
Viljum við endilega benda fólki, sem gæti haft
upplýsingar um málið, að hafa samband við lög-
regluna.
Hótel Keflavík við Vatnsnesveg í Keflavík var rýmt á tólfta tímanum
á laugdardag vegna elds sem kom upp í
þvottahúsi hótelsins. Slökkvilið Bruna-
varna Suðurnesja slökkti eldinn.
Það var á tólfta tímanum á laugardag sem
brunaviðvörunarkerfi hótelsins fór í gang
en á sama tíma gaus upp mikill reykur á
bæði veitingastað hótelsins og í afgreiðslu.
Jón William Magnússon, eigandi hótels-
ins, sagði í samtali að eldurinn hafi komið
upp í rafmagni í þvottahúsinu. Eldurinn
hafi logað í fölsku lofti ofan við þvottavélar
og hefur örugglega kraumað þar í nokkra
stund áður en viðvörunarkerfi fór í gang.
Nokkur reykur var í afgreiðslu og á veit-
ingastað hótelsins, sem stendur fyrir ofan
þvottahúsið. Allir gluggar og hurðir voru
opnaðir til að reykræsta hótelið. Ekki
þurfti að flytja gesti á önnur hótel vegna
brunans.
Jóhanna Sigurðardóttir, forsætisráðherra, segist
vera alveg sæmilega bjartsýn
á álver í Helguvík og að af
verkefninu verði. Þetta kom
fram á opnum fundi Sam-
fylkingarinnar í Reykjanesbæ
um nýliðna helgi.
Jóhanna er þeirrar skoðunar
að þegar niðurstaða verði
fengin í orkukaup fyrir tvo
fyrstu áfanga álversins, þá geti
framkvæmdir farið af stað.
Staðan sé núna sú að HS Orka
og Norðurál séu við samninga-
borðið og þokist nær niður-
stöðu.
„Þessar framkvæmdir munu
skapa hér fljótlega hátt í 2000
störf sem mun verulega slá
á atvinnuleysi og skapa hag-
vöxt,“ sagði Jóhanna og bætti
við að gert væri ráð fyrir
þessum framkvæmdum í ný-
gerðum kjarasamningum.
Samningaviðræður HS Orku
og Norðuráls eru aðal grund-
völlur þess að verkefnið nái
fram að ganga.
„Ef að þær takast þá tel ég að
við séum komin vel á veg. Þetta
eru bæði einkafyrirtæki og í
eigu erlendra móðurfélaga.
Þau bera hins vegar mikla sam-
félagslega ábyrgð á svæðinu að
mínu mati. Það er því mikil-
vægt að Norðurál og HS Orka
semji um þessi ágreiningsmál
sín á milli og hafi í huga að þau
hafa hér ákveðnar skyldur,“
sagði Jóhanna á fundinum.
Hún nefndi einnig aðkomu
lífeyrissjóða að Orkuveitu
Reykjavíkur og mögulega
orkusölu OR til álversins í
Helguvík. Einnig talaði Jó-
hanna um mögulega 150 mega-
vatta orkusölu Landsvirkjunar
til álversins. Jóhanna sagði að
stjórnvöld ættu ekki að skipta
sér af orkusölu Landsvirkjunar
og treysta ætti fyrirtækinu til
að semja um orkumál með hag
eigenda sinna að leiðarljósi.
Björgvin G. Sigurðsson, al-
þingismaður, sagðist á fund-
inum á laugardagsmorgun
vera bjartsýnni en oft áður á
verkefnið eftir símtal sem hann
átti við Ragnar Guðmundsson,
forstjóra Norðuráls á laugar-
dag, þar sem hann hafi fengið
nýjustu stöðuna á verkefninu
í Helguvík. Björtustu vonir
manna væru að framkvæmdir
færu á fullt í Helguvík síðar
á árinu. Eigendur HS Orku
og Norðuráls hafa átt fundi í
New York að undanförnu til að
reyna að komast að niðurstöðu
í orkumálum og koma þannig
í veg fyrir að gerðardóm í Sví-
þjóð þurfi til að fá niðurstöðu
í samninga.
Hafa miklar samfélagslegar
skyldur á Suðurnesjum
›› Forsætisráðherra um Norðurál og HS Orku:
Ræða við ESA um atvinnumál á Suðurnesjum
Hótel Keflavík rýmt vegna elds