Víkurfréttir - 26.01.2012, Page 2

2 FIMMTUdagUrInn 26. janúar 2012 • VÍKURFRÉTTIR
30
BREYTING Á
UMFERÐARHRAÐA
Frá og með 1. febrúar 2012 verður
hámarks umferðarhraði við
Aðalgötu frá Heiðarbrún að
Hafnargötu lækkaður í 30 km úr
50 km.
Umhverfis- og skipulagssvið.
TÓNLISTARSKÓLI
REYKJANESBÆJAR
NÁMSKEIÐ Í HLJÓMASLÆTTI Á KASSAGÍTAR
Námskeiðið er ætlað byrjendum og lengra komnum.
Kennt í litlum hópum, 1 klst. í senn á miðviku-
dagskvöldum í 8 vikur.
Námskeiðið hefst miðvikudaginn 8. febrúar nk.
Kennsla fer fram í húsnæði skólans að Þórustíg 7,
Reykjanesbæ.
Kennari er Þorvaldur Már Guðmundsson
Námsgögn innifalin í námskeiðsgjaldi.
INNRITUN
Innritun fer fram dagana 26. janúar til 3. febrúar nk.
frá kl.13-17 á skrifstofu skólans Austurgötu 13 eða í
síma 421-1153
NÁMSKEIÐ Í HLJÓM-
BORÐS- OG PÍANÓLEIK
Námskeiðið er ætlað byrjendum og lengra komnum.
Kennt í einkatímum, 1 klst. á viku í 6 vikur.
Kennsla fer fram seinnipart dags eða á kvöldin, eftir
samkomulagi.
Námskeiðið hefst í annarri viku febrúar.
Kennsla fer fram í húsnæði skólans að Þórustíg 7,
Reykjanesbæ.
Kennari er Steinar Guðmundsson
INNRITUN
Innritun fer fram dagana 26. janúar til 3. febrúar nk.
frá kl.13-17 á skrifstofu skólans Austurgötu 13 eða í
síma 421-1153
Skólastjóri
ÁLAGNINGARSEÐLAR
FASTEIGNAGJALDA
Reykjanesbær minnir á að álagningarseðlar
fasteignagjalda er nú aðeins sendir rafrænt til íbúa
Reykjanesbæjar nema fyrir einstaklinga 67 ára og eldri
sem munu fá álagningarseðla senda í pósti.
Hægt er að nálgast álagningarseðilinn á
upplýsinga- og þjónustuveitunni www.island.is og á
mittreykjanes.is
Bæjarráð Sandgerðis fagnar 15 milljóna króna framlagi
ríkissjóðs til „Þekkingarseturs
Suðurnesja“ í Sandgerði. Fram-
lagið er mikilvægur stuðningur
til eflingar því fjölbreytta rann-
sóknar-, vísinda- og safnastarfi
sem fram fer við Garðveg 1, segir í
bókun bæjarráðs Sandgerðis.
Þar segir einnig að gera þarf samn-
ing við Mennta- og menningar-
málaráðuneytið vegna framlagsins
og formlegrar stofnunar Þekk-
ingarsetursins og undirbúa breyt-
ingar sem stofnun þess hefur í för
með sér.
Bæjarráð skipar 3ja manna vinnu-
hóp til þess að vinna að nauðsyn-
legum verkefnum sem stofnun
Þekkingarseturs Suðurnesja í Sand-
gerði hefur í för með sér. Hópinn
skipa: Þjóðbjörg Gunnarsdóttir,
Sigrún Árnadóttir og Guðmundur
Skúlason. Leitað verði eftir því að
forstöðumenn þeirra stofnana sem
starfa á Garðvegi 1, Fræðasetur,
Náttúrustofa Reykjaness, Rann-
sóknarsetur Háskóla Íslands og
BioIce, taki þátt í þessari vinnu.
Þá verði jafnframt haft samráð við
fulltrúa menntastofnana á svæð-
inu eftir því sem við á og fulltrúa
sveitarfélaganna.
›› Breytingar hjá Heilbrigðisstofnun Suðurnesja:
Neyðarlínan tekur yfir símsvörun á
nóttunni en læknisþjónusta óbreytt
Fimmtán milljónir króna til
Þekkingarseturs Suðurnesja
Frá og með 1. febrúar nk. breyt-ist opnunartími í móttöku og
afgreiðslu Heilbrigðisstofnunar
Suðurnesja. Fram til þessa hefur
móttakan verið opin allan sólar-
hringinn en frá og með 1. febrúar
verður móttakan opin alla virka
daga frá kl. 07.30 – kl. 20.00.
Móttakan er opin allar helgar og
helgidaga frá kl. 10.00 - kl. 19.00.
Áfram er tekið er á móti neyðar-
tilfellum allan sólarhringinn.
Öll starfsemi heilsugæslunnar og
sjúkrahússins er óbreytt. Vakt-
læknir er í húsinu allan sólarhring-
inn. Einnig verður vakthjúkrunar-
fræðingur í húsinu til kl. 21.30 alla
virka daga. Fólk er beðið um að
hringja í 112 ef það þarf á læknisað-
stoð að halda utan opnunartíma.
Ef um neyðartilfelli er að ræða og
fólk er komið að húsnæði Heil-
brigðisstofnunar Suðurnesja og er
ekki með síma meðferðis, þá má
hringja á dyrabjöllu Legudeildar/
Ljósmæðravaktar. Bjallan hefur
verið sett upp við inngang elstu
byggingar sjúkrahússins/sjúkra-
bifreiðarinngang.
Milliliðum að bráðþjónustu
fækkað
„Við erum í raun og veru að gera
þær breytingar að við erum að
sleppa konunni sem verið hefur í
afgreiðslunni á nóttunni og verið
tengiliður íbúanna við deildirnar
og vaktlækni. Þá hefur hún einnig
verið tengiliður vegna viðbragð-
sáætlunar almannavarna. Það er
verið að leggja niður þessa vakt og
loka skiptiborðinu á kvöldin og um
nætur en önnur þjónusta breytist
ekki neitt. Með þessari breytingu
erum við að stytta og einfalda boð-
leiðir. Nú hefur fólk samband við
112 og Neyðarlínan er beintengd
við vaktlækninn og gefur samband
við hann,“ segir Þórunn Benedikts-
dóttir framkvæmdastjóri hjúkrunar
á Heilbrigðisstofnun Suðurnesja í
samtali við Víkurfréttir.
Í takt við tímann
Heilbrigðisstofnun Suðurnesja
hefur til langs tíma verið eina heil-
brigðisstofnunin með sólarhrings-
vakt í móttöku utan Landsspítalans
í Reykjavík. Aðrar heilbrigðisstofn-
anir hafa verið með það fyrirkomu-
lag sem nú er verið að taka upp hér,
að Neyðarlínan annast símsvörun
eftir lokun afgreiðslunnar.
Snorri Björnsson, yfirlæknir heilsu-
gæslu HSS, segir í samtali við Víkur-
fréttir að þrír til fimm einstaklingar
séu að koma á HSS milli kl. 23:00 til
08:00 virka daga en aðeins fleiri um
helgar. Í sumum tilvikum eru þau
tilvik sem koma upp þess eðlis að
þau mega bíða þar til daginn eftir.
Starfsmanni í móttöku er hins vegar
ófær um að meta ástand þeirra sem
koma. Því mun nýja fyrirkomu-
lagið þar sem 112 tekur við símtal-
inu og gefur svo beint samband á
vaktlækni eiga eftir að vera til bóta.
Nýja fyrirkomulagið á einnig eftir
að stytta boðleiðir í samskiptum
lækna á HSS og sjúkraflutninga- og
lögreglumanna.
Heimsóknir aðstandenda á
Legudeild og Ljósmæðravakt
Lokun á móttöku Heilbrigðisstofn-
unar Suðurnesja mun hafa áhrif á
heimsóknir aðstandenda á Legu-
deild stofnunarinnar á þann hátt
að aðgengi aðstandenda eftir lokun
afgreiðslu verður við inngang elstu
byggingar sjúkrahússins/sjúkra-
bifreiðarinngang. Þar verður dyra-
bjalla svo fólk geti gert starfsfólkinu
viðvart um komu sína. Þórunn
leggur á það áherslu að helst séu
það aðstandendur deyjandi sjúk-
linga sem séu að koma og fara á
öllum tímum sólarhrings. Húsinu
sé ekki lokað fyrir þessu fólki en að-
standendur eiga að vera í sambandi
við starfsfólk Legudeildar varðandi
komur sínar. Sama á við um það
fólk sem þarf að komast á Ljós-
mæðravaktina (fæðingardeildina)
utan hefðbundins opnunartíma.
Þau Þórunn og Snorri leggja áherslu
á að á Heilbrigðisstofnun Suður-
nesja er rekin slysa- og neyðarvakt
allan sólarhringinn. Það er því
engin ástæða til að óttast að fólk
í neyð komist ekki undir læknis-
hendur þó svo að skiptiborðið sé
lokað að næturþeli.
hilmar@vf.is
Snorri Björnsson yfirlæknir heilsugæslu HSS og Þórunn Benedikts-
dóttir framkvæmdastjóri hjúkrunar hjá Heilbrigðisstofnun Suðurnesja
framan við innganginn á A-álmunni þar sem sett verður upp dyra-
símakerfi þar sem ná má sambandi við vaktlækna.
Hafa selt yfir
20.000 plötur
Of Monsters and Men-stutt-skífan Into The Woods,
sem kom út í netmiðlum og
-búðum í Bandaríkjunum 20.
desember á vegum Universal,
hefur selst vel.
Að sögn Soundscan hefur skífan
núna selst í 20.160 eintökum sem
er glæsilegur árangur. Hljóm-
sveitin hefur átt lygilega góðu
gengi að fagna síðastliðið ár eða
svo og slegið gjörsamlega í gegn.
Næst á dagskrá hjá krökkunum
er svo að fylgja eftir þessari vel-
gengni erlendis en nýverið samdi
hljómsveitin við Universal út-
gáfurisann.
Vísir bætir við
línuskipi
Vísir hf. í Grindavík hefur keypt nótaskipið Steinunni
frá Vestmannaeyjum en það
var í eigu eins af bönkunum.
Skipinu var siglt frá Eyjum í
skipasmíðastöðina í Njarðvík í
síðustu viku þar sem það verður
gert klárt til línuveiða.
Ekki fylgja veiðiheimildir með
Steinunni. En til að byrja með
verður skipið svokallað skipti-
skip til þess að koma í veg fyrir
hráefnisstopp þegar eitthvert af
Vísisskipunum fimm þarf að fara
í slipp vegna viðhalds. Mun Stein-
unn því leysa hin skipin af. Jafn-
framt er vonast til þess að skipið
fái fleiri verkefni þegar fram líða
stundir.
AÐALFUNDUR
KVENFÉLAGS KEFLAVÍKUR
Verður haldinn mánudaginn 6. febrúar 2012
kl. 20:00 í Rauðakrosshúsinu Smiðjuvöllum 8
Allar kvenfélagskonur eru hvattar til
að mæta og eiga góða stund saman.
Stjórnin