Víkurfréttir - 26.01.2012, Qupperneq 16

Í öllum regnbogans litum
Sumir eru gæddir þeirri náðargáfu að vera miklir hugmyndasmiðir. Einhverjar hugmyndir verða að veruleika á svipstundu, aðrar gerjast
og ýmist lognast út af eða kvikna til lífsins. Það að mann-
skepnan splundri út þessum hugmyndum í massavís, er
mér hulin ráðgáta. Eitt er þó víst, að ég er ekki að geta af
mér hugmyndir svo nokkru nemi. Er afskaplega aftarlega
á merinni hvað það varðar. Hvort heldur á heimilinu eða
í vinnunni. Á hins vegar afar auðvelt með að vinna úr
hugmyndum sem fæddar eru og lýsi sjálfum mér sem ljós-
móður í þeim málum.
Frúin er afskaplega hugmyndarík og hefði sennilega átt að feta sig áfram á þeirri braut. Fær þær í dúsínum og ég má hafa mig allan við að vinna
úr þeim þegar heim er komið. Ekki svo að maður hafi ekki annað að gera,
þetta bara vinnur sig ekki sjálft. Þarf oft að spýta í lófana til að hafa við
henni. Hugmyndir að heimilishaldi, uppröðun á húsgögnum, útskiptum
á heimilisbílnum, ferðalögum í nútíð eða framtíð, hvaðeina. Þið þekkið
þetta vonandi öll og þurfið væntanlega að velta einhverjum hugmyndum
fyrir ykkur á hverjum degi. Ákveða hvað gera skuli.
Hef farið nokkrum sinnum í persónuleikapróf og alltaf kem ég eins út úr þeim. Breytist ekkert, batna hvorki né versna. Snýting á borði
Íslenskrar erfðagreiningar. Einhverjir þurfa þó að vera í þessum kassa,
annars gætu snillingarnir ekki komið sínum hugmyndum á framfæri.
Niðurstöðurnar sýna að ég er áreiðanlegur og umhyggjusamur, fylginn
mér og réttsýnn, en vantar tilfinnanlega frjósemina. Það er að segja í
hugsun, ekki hinu. Velti því oft fyrir mér, hvernig ég kemst á lappir á
hverjum morgni, en það gerist eflaust með hjálp og dugnaði annarra,
fólksins úr hinum kössunum.
Horfi stundum á börnin mín í þessu samhengi. Þau þrjú hafa algerlega ólíka persónuleika, svo jaðrar við endurskoðun. Hvernig má það
eiginlega vera, að þau alast upp innan sömu veggja, heilræðin þau sömu
en síðan algert litróf þegar út í lífið er komið. Undursamlegt engu að síður.
Elska regnbogann í allri sinni dýrð.
vf.is
Fimmtudagurinn 26. janúar 2012 • 4. tölublað • 33. árgangur
auglýsingasími víkurfrétta er 421 0001
FIMMTUDAGSVALS
VAlUr KeTIlSSon SKrIFAr
Brúnn og sællegur bóndi með fjármála-
ráðherra á þorrablóti í Garðinum
Eiríkur Hermannsson, bóndi Oddnýjar Harðardóttur fjármálaráðherra, mætti brúnn og sællegur á þorrablót
Björgunarsveitarinnar Ægis og Knattspyrnufélagsins Víðis, sem haldið var í Garðinum um síðustu helgi. Eiríkur er
nýkominn frá Tenerife undan Afríkuströndum. Þangað ætluðu þau hjónin, Oddný og Eiríkur, strax eftir áramótin.
Þá gerðist það óvænt að Oddný varð fjármálaráðherra og því ekki við hæfi að fyrsta embættisverk ráðherra væri
að fara til sólarlanda. Eiríkur fór því án Oddnýjar en tók bróður sinn með sér í sólina.
›› fleiri þorrablótsmyndir í blaðinu í dag!