Víkurfréttir - 15.11.2012, Side 12

fimmtudagurinn 15. nóvember 2012 • VÍKURFRÉTTIR12
Agatha Mist Atla-dóttir er á Lista-
braut í Fjölbrautaskóla
Suðurnesja. Hún er 18
ára Keflvíkingur sem
stefnir á það að fara
sem Aupair til Banda-
ríkjanna eftir áramót.
Hennar helstu áhugamál
eru vinirnir, fjölskyldan
og að njóta lífsins. Hún
vinnur á Langbest með
skólanum og það sem
henni finnst skemmti-
legast við skólann eru
böllin og krakkarnir. Agatha er FS-ingur vikunnar
hjá Víkurfréttum að þessu sinni.
Af hverju valdir þú FS?
Út af Listabrautinni.
Hvernig finnst þér félagslífið í skólanum?
Mætti vera örlítið meira.
Hvert er stefnan tekin í framtíðinni?
Planið er að fara út sem Aupair til Ameríku í mars
og vera í ár og klára svo skólann þegar ég kem
heim, svo sé ég bara til hvað ég vil gera eftir það.
Hvar heldurðu þig í eyðum og frímínútum?
Niðri í matsal eða fer heim að kúra.
Stundarðu íþróttir eða ert í öðrum
tómstundum?
Nei, keypti mér kort í ræktinni en er
ekkert svaka dugleg að mæta.
Hvað borðar þú í morgunmat?
Ekkert. Er yfirleitt að flýta mér svo mikið
og hef því ekki tíma til að borða.
Hvaða FS-ingur er líklegur til þess að
verða frægur?
Eyþór Eyjólfs verður frægur listamaður, pottþétt!
Hvað fær þig til að hlæja?
Nánustu vinirnir og sérstaklega þá
hún Kristín Bryndís mín.
Hvað er heitasta parið í skólanum?
Ætli það séu ekki bara Bjarki og Lovísa þau
eru alltaf að gera svo skemmtilega hluti.
Hvert fara FS-ingar í hádegismat?
Ekki hugmynd, það er alla vega ekki
mikið af þeim í matsalnum.
Eftirlætis:
Sjónvarpsþættir:
Jersey Shore, Dexter, Pretty little liars,
90210 og American horror story.
Vefsíður:
Það er Facebook.
Flík:
Kósy PINK fötin mín sem ég fer alltaf í um
leið og ég er búin í skólanum, meika ekki
að vera í gallabuxum allan daginn.
Skyndibiti:
Serrano, mætti alveg vera líka í Keflavík.
Kennari:
Íris Jónsdóttir, er bara yndisleg.
Fag:
Þessa önnina er það stærðfræði, gengur
best í henni núna, ótrúlegt en satt.
Tónlistin:
Fer rosa mikið eftir hvernig skapi ég er í en: Bon
Iver, Pink Floyd, Bubbi, Ásgeir Trausti, Hjálmar
og Frank Ocean m.a. Hlusta á svo mikið og
gæti haldið endalaust áfram að telja upp.
Hvað fílarðu í laumi (guilty pleasure)?
Smá vandræðalegt en ég elska hnetusmjör! Borða það
með skeið þegar ég hef það kósy og horfi á þætti.
FS-INGUR VIKUNNAR
EFTIRLÆTIS...
Þórdís Elsa Þorleifsdóttir er þessa vikuna í UNG.
Hún er í 9. bekk í Heiðar-
skóla. Dans og stjörnufræði
eru áhugamál hennar og
hún væri til í að verða
stjörnufræðingur eða eitt-
hvað slíkt í framtíðinni.
Hvað gerirðu eftir skóla?
Ég fer oftast á æfingar eða
er með vinkonum mínum.
Hver eru áhugamál þín?
Dans og stjörnufræði
eru áhugamálin mín.
Uppáhalds fag í skólanum?
Náttúrufræði og samfélags-
fræði er skemmtilegast.
En leiðinlegasta?
Íslenska er leiðinlegasta fagið.
Hver er uppáhalds maturinn
þinn?
Kjúklingasalat er í uppáhaldi.
En drykkur?
Jarðarberjasvali er
besti drykkurinn.
Ef þú gætir hitt einhvern
frægan, hver væri það?
Rapparann Macklemore.
Ef þú gætir fengið einn ofur-
kraft hver væri hann?
Að geta ferðast hvert sem
ég vil með einum smelli.
Hvað er draumastarfið í
framtíðinni?
Örugglega eitthvað sem teng-
ist stjörnufræði og geimnum.
Hver er frægastur í símanum
þínum?
Marvin Þrastarson
(marvinhot).
Hver er merkilegastur sem þú
hefur hitt?
Amma mín er merkilegust.
Hvað myndirðu gera ef þú
mættir vera ósýnileg í einn
dag?
Örugglega fara inn í
strákaklefann hahaha
Hvernig myndirðu lýsa fata-
stílnum þínum?
Bara svona frekar venjulegur.
Hvernig myndirðu lýsa þér í
einni setningu?
Ég er traust.
Hvaða lag myndi lýsa þér
best?
Kanye West - To The World ft.
R.Kelly myndi lýsa mér best.
Hvaða sjónvarpsþáttur
myndi lýsa þér best?
Friends myndi lýsa mér best.
Í hvaða bekk og skóla ertu í?
Ég er í 9. bekk og í
Heiðarskóla.
Besta
Bíómynd?
Forrest Gump, get
horft á hana 100+.
Sjónvarpsþáttur?
Grey's Anatomy er
uppáhalds þátturinn
Tónlistarmaður/Hljómsveit?
Macklemore fær þann heiður.
Leikari/Leikkona?
Mila Kunis er upp-
áhalds leikkonan.
Fatabúð?
Klárlega Forever21.
Vefsíða?
tumblr.com
Væri til í að geta ferðast með einu smelli
n Þórdís Elsa ÞorlEifsdóTTir // UNG UmSjón: PáLL oRRI PáLSSon • PoP@VF.IS
Meika ekki
að vera í
gallabuxuM
allan daginn
sKÓLaR
Nemendaráðgjafar Holtaskóla stóðu fyrir skrúðgöngu á baráttudegi gegn einelti, fimmtudaginn 8. nóvem-
ber. Skrúðgangan var undir stjórn yfirskrúðgöngumeistara,
Kjartans Mássonar. Styrmir Barkarson sá um trommuslátt
ásamt Georg og Skafta, nemendum úr 3. bekk. Að lokinni
skrúðgöngu mynduðu nemendur og starfsfólk vinahring
utan um skólann. Lögreglan veitti dygga aðstoð og tók fúslega
þátt í göngunni til stuðnings baráttunni.
Nemendaráðgjafar munu áfram vinna gegn einelti, stuðla að
jákvæðum samskiptum og jákvæðum skólabrag í Holtaskóla.
Mennta- og menningarmálaráðuneytið gaf armbönd með yfir-
skriftinni - jákvæð samskipti.
Nú eru komnar niðurstöður úr sam-ræmdum könnunarprófum sem
lögð voru fyrir nemendur í 4., 7. og 10.
bekk. Niðurstöður þeirra benda til þess
að skólinn sé á hárréttri leið að settu
markmiði. Prófin veita nemendum,
foreldrum og skólum upplýsingar um
námsárangur og námsstöðu nemenda,
og nýtast skólanum í áframhaldandi
vinnu í íslensku, ensku og stærðfræði
en það eru einu greinarnar sem prófað
er úr. Þetta kemur fram í tilkynningu
frá skólanum.
Undanfarin ár hefur frammistaða nem-
enda á samræmdum prófum farið batn-
andi enda hefur skólinn markvisst nýtt
niðurstöður þeirra og þær verið leiðbein-
andi um áherslur í kennslu fyrir einstaka
nemendur eins og þeim er ætlað.
Í fjórða bekk er skólinn langt yfir lands-
meðaltali í stærðfræði. Sjöundi bekkur
er á réttri leið en eru heldur sterkari í
stærðfræði. Tíundi bekkur er langt yfir
landsmeðaltali í ensku, við landsmeðaltal
í íslensku og stutt er í land í stærðfræði.
Þessar ánægjulegu niðurstöður eru af-
rakstur góðrar samvinnu nemenda, kenn-
ara og foreldra, segir Svava Bogadóttir
skólastjóri Stóru-Vogaskóla.
Holtaskóli gegn einelti
Ánægjulegar niðurstöður úr samræmdum
könnunarprófum í stóru-Vogaskóla
verðlaun Jónasar Hallgrímssonar
á degi íslenskrar tungu í grindavík
Síðastliðin ár hefur skapast sú hefð að mennta-og menn-ingarmálaráðherra heimsækir skóla og menningarstofn-
anir í einu ákveðnu sveitarfélagi á degi íslenskrar tungu 16.
nóvember ár hvert.
Hátíðardagskrá og afhending Verðlauna Jónasar Hallgrímssonar
auk tveggja sérstakra viðurkenninga fyrir störf í þágu íslensks
máls er einnig haldin í því sveitarfélagi. Í ár verður Katrín Jak-
obsdóttir, mennta- og menningarmálaráðherra í Grindavík.
Verðlaunahátíðin verður í Kvikunni, auðlinda- og menningar-
húsi Grindavíkur.
Íslendingar hafa verið hvattir til að draga íslenska fánann að
húni á degi íslenskrar tungu.
Laug til nafns
Tæplega tvítugur öku-maður, sem lögreglan á
Suðurnesjum stöðvaði fyrir
of hraðan akstur á Reykja-
nesbraut um helgina laug til
nafns þegar lögregla ræddi
við hann. Ökumaðurinn,
nítján ára stúlka, ók á 132
kílómetra hraða á Reykja-
nesbraut, þar sem hámarks-
hraði er 90 kílómetrar á
klukkustund. Hún var ekki með skilríki en sagði til nafns,
sem reyndist vera nafn jafnöldru hennar. Stúlkan á yfir
höfði sér kæru fyrir rangar sakargiftir og skjalafals, auk
umferðarlagabrots.
Auk ofangreinds ökumanns hefur lögreglan á Suðurnesjum
á undanförnum dögum stöðvað tíu ökumenn sem allir óku
of hratt. Einn til viðbótar ók sviptur ökuréttindum og annar
með útrunnið ökuskírteini.
FRÉttIR
Lögreglan á Suður-nesjum hefur á undan-
förnum dögum handtekið
tvo fíkniefnasala og
haldlagt umtalsvert magn
kannabisefna. Í húsleit,
sem gerð var í íbúðarhús-
næði í Reykjanesbæ fannst
poki með kannabisefnum í
loftljósi í stofunni. Talsvert
var af umbúðum utan af
kannabisefnum á stofu-
borðinu. Fíkniefnaleitar-
hundur lögreglunnar fann
svo til viðbótar tuttugu
poka með kannabisefnum
í stigagangi hússins.
Félagi mannsins hafði dag-
inn áður verið handtekinn
með kannabisefni í níu
sölupakkningum á sér. Við
húsleit í það skiptið fannst
kannabis út um alla íbúð,
ásamt kannabisfræjum.
Það var í annað skipti á
skömmum tíma sem sá var
tekinn vegna fíkniefnasölu,
því áður hafði lögregla gert
húsleit hjá honum og þá
fundust um 100 grömm
af kannabisefnum, ýmist í
söluumbúðum eða stærri
pokum, auk lítillar vogar.
Með kannabis í ljósakrónu