Bæjarins besta - 21.06.2007, Síða 6

FIMMTUDAGUR 21. JÚNÍ 20076
Tímabærar
yfirlýsingar
Ritstjórnargrein
Útgefandi: H-prent ehf., kt. 600690-1169, Sólgötu 9, 400 Ísafjörður, sími 456 4560, fax 456 4564
Ritstjóri: Sigurjón J. Sigurðsson, sími 892 5362, bb@bb.is · Blaðamenn: Thelma Hjaltadóttir,
símar 456 4693 og 849 8699, thelma@bb.is – Tinna Ólafsdóttir, sími 868 5963, tinna@bb.is – Smári Karlsson,
sími 866 7604, smari@bb.is Ritstjóri netútgáfu bb.is: Sigurjón J. Sigurðsson · Ljósmyndari: Halldór Svein-
björnsson, sími 894 6125, halldor@bb.is · Ábyrgðarmenn: Sigurjón J. Sigurðsson og Halldór Sveinbjörnsson ·
Lausasöluverð er kr. 300 eintakið með vsk. Veittur er afsláttur til elli- og örorkulífeyrisþega. Einnig sé greitt með
greiðslukorti. · Önnur útgáfa: Ferðablaðið Á ferð um Vestfirði. · ISSN 1670 - 021X
Leyfi veitt fyrir fornleifagreftri á Eyrartúni
Umhverfisnefnd Ísafjarðarbæjar hefur veitt Fornleifastofnun og Byggðasafni Vestfjarða leyfi fyrir fornleifauppgreftri á
Eyrartúni á Ísafirði. Nefndin tók fyrir erindi Andreu S. Harðardóttur sagnfræðings á dögunum, þar sem sótt var um
leyfi frá landeiganda, Ísafjarðarbæ, til að „krukka“ í hólinn á Eyri. Vonast er til að Fornleifastofnun og Byggðasafnið
geti hafið verkið sem fyrst. Umhverfisnefnd fagnaði því að hafinn verði fornleifauppgröftur á Eyrartúni. Í könnunar-
greftri á Eyrartúni sumarið 2004 fundust ýmsir munir sem taldir eru vera frá 19. öld. Má þar nefna sem dæmi
flöskubrot og öngla, hnappa og brot úr leirpípum og keramiki. Afar lítið er vitað um upphaf byggðar í Skutulsfirði.
Ýmsir telja að Eyri hafi verið landnámsjörð en fyrir því er engin vissa þótt almennar líkur séu taldar nokkrar.
Kona í forsetastól í
fyrsta sinn í 120 ára
sögu Ísafjarðar
Á þessum degi fyrir 21 ári
Nýkjörin bæjarstjórn Ísafjarðar hélt sinn fyrsta fund sl.
fimmtudag, 19. júní. Á þessum fyrsta fundi situr í stól forseta
bæjarstjórnar Geirþrúður Charlesdóttir, sem er jafnframt
aldursforseti bæjarstjórnar. Geirþrúður, sem sæti hefur átt í
bæjarstjórn sem aðalfulltrúi síðustu sjö árin, er þar með fyrsta
konan sem situr í forsetastól bæjarstjórnar á Ísafirði í 120 ára
sögu kaupstaðarins. Má og á það minna að sama dag var
sérstakur kvennadagur í tilefni kosningaréttar kvenna.
Í þjóðhátíðarræðu sinni á Ísafirði kom Sturla Böðvarsson,
fyrrum samgönguráðherra og forseti Alþingis, með afger-
andi hætti inn á þann vanda sem nú steðjar að vel flestum
sjávarbyggðum vegna síminnkandi þorsksstofns, að mati
fiskifræðinga, eftir yfir tuttugu ára viðveru kvótakerfisins.
Sturla sagði: ,,Áform okkar um að byggja upp fiskistofnana
með kvótakerfinu sem stjórnkerfi fiskveiða virðist hafa
mistekist. Sú staða kallar á allsherjar uppstokkun á fiskveiði-
stjórnunarkerfinu ef marka má niðurstöðu Hafrannsókna-
stofnunar. Staðan í sjávarútvegsmálum er því mjög alvarleg
og kallar á breytingar ef sjávarbyggðirnar eiga ekki að
hrynja.“
Þótt að sumu leyti kvæði við annan tón í hátíðarræðu for-
sætisráðherra, er hann gerði kvótakerfið að umtalsefni, er
ástæða til að árétta eftirfarandi orð hans: ,,En við skulum
hins vegar ekki loka augunum fyrir því að kvótakerfið er
ekki fullkomið fremur en önnur mannanna verk, og það má
ugglaust bæta á margan hátt. Mörg byggðarlög á lands-
byggðinni eiga í erfiðleikum og af þeim ástæðum segir í
stefnuyfirlýsingu ríkisstjórnarinnar að huga skuli sérstak-
lega að áhrifum þess (kvótakerfisins) á þróun byggðar í
landinu.“ Fróðlegt verður að fylgjast með framvindu
þeirrar skoðunar sem þessi orð gefa tilefni til.
,,Við höfum verið að úthluta þyngd af fiski, en við höfum
alveg sleppt út úr þessu þremur meginvíddum, þ.e.a.s.
hvernig við veiðum, hvar við veiðum og hvenær við veið-
um,“ sagði Einar Oddur Kristjánsson, alþm., m.a. aðspurður
um viðbrögð við ræðu Sturlu Böðvarssonar.
Ánægjulegt er að þingmaðurinn skulu nú vekja athygli á
þessum veigamiklu þáttum, sem óumdeilanlega lúta að
fiskveiðistjórnuninni. BB hefur margsinnis bent á hversu
fátt við höfum látið okkur um finnast hvaða veiðarfæri eru
notuð og hvar þau eru notuð; að við sjálfir tókum upp hátta-
lag ,,rússnesku ryksugutogaranna“, sem baráttan um land-
helgina snerist m.a. um að losa okkur við, eins og það var
orðað af einum ötulasta ,,stríðsmanni“ okkar fyrir yfirráðum
yfir fiskveiðilögsögunni, og hversu sjálfhælnir yfir afla-
brögðum á helstu hrygningarsvæðum þorskstofnsins við
höfum verið, á sama tíma og þau ættu að vera friðuð.
Það er út af fyrir sig ágætt að hlusta á þjóðræknisræður
17. júní. Og mun ekki af veita. Að þessu sinni var þó fyllri
þörf en oft áður á að kirja aðra sálma í bland: ,,Það er skylda
ríkisvaldsins að koma þeim byggðarlögum til hjálpar þar
sem grundvöllur atvinnustarfsemi og samfélags brestur,
hvort sem það er í sjávarútvegi eða öðrum greinum,“ sagði
forsætisráðherra í hátíðarræðu sinni.
Orð eru sögð til alls fyrst.
Þeirra tími er liðinn í þessu tilfelli.
Tíminn til athafna er tekinn að renna úr stundaglasinu.
s.h.
Það hefur vorað seint á
Hornströndum, og lá snjór alla
leið niður í fjöru fram á hvíta-
sunnu, þegar loksins hlýnaði,
að sögn Jóns Björnssonar
landvarðar. Síðan hefur verið
asahláka, en talsvert er enn af
snjó í fjallaskörðum og á
heiðaleiðum. „Þeir fáu göngu-
stígar sem eru í friðlandinu
eru mjög blautir, og sömu
sögu er að segja af tjaldstæð-
um. Ég veit að það hafa borist
fyrirspurnir ferðamanna um
að komast á friðlandið, en
áætlanir eru ekki enn hafnar
hjá bátum og því hefur ekki
margt göngufólk farið um.
Það eru helst Íslendingar sem
fara um svæðið núna, en sum-
arið hefur farið vel af stað
þrátt fyrir seint vor,“ segir Jón.
Farin verður ferð norður um
helgina, þar sem gerð verður
úttekt á stöðunni, en Jón áætl-
ar að ef veðrið helst líkt og
það hefur verið undanfarna
viku, verði svæðið orðið mjög
gott eftir viku. „Þegar eru haf-
in störf við að fúaverja nokkra
kamra á svæðinu, og þá er
kamar í smíðum sem fer í
Furufjörð. Hvað þau mál varð-
ar er gert ráð fyrir að svæðið
verði tilbúið um 25. júní.“
Yfirleitt er miðað við að ferða-
fólk fari ekki inn á svæðið
fyrr en 15. júní vegna fugla-
varps. „Í ár er mófuglinn allur
niðri í fjöru,“ segir Jón, „yfir-
leitt er hann meira á heiðum,
en þar sem snjóa leysir seint
notar hann fyrsta tækifærið til
að verpa, eftir að hafa þó
geymt það í einhvern tíma.
Það er svona helsta breytingin
sem við höfum merkt á náttúr-
unni í sumar.“
Þegar hafa fjögur skemmti-
ferðaskip komið inn á svæðið.
Skipin koma við á Hesteyri,
Aðalvík og Hornvík, og áætlar
Jón að alls muni um 400
manns koma með skemmti-
ferðaskipum í friðlandið í
sumar. – tinna@bb.is
Vorar seint á Hornströndum
Föngulegur hópur kvenna tók þátt í Kvennahlaupi Íþrótta- og ólympíusambands Íslands á Flateyri á laugardag.
„Það var 21 þátttakandi sem er heldur minni þátttaka en við vonuðumst eftir en það hlupu yfir 30 konur í fyrra. Það
gæti stafað af því að við þurftum að flýta auglýstri tímasetningu vegna jarðarfarar en okkur fannst ekki viðeigandi að
hlaupið færi fram á svipuðum tíma“, segir Sigrún Svanhvít Óskarsdóttir, ein skipuleggjenda hlaupsins. „Allar hlupu
með bros á vör og það var skemmtileg stemmning. Það var fámennt en góðmennt.“ – thelma@bb.is
„Allar hlupu með bros á vör“
Föngulegur hópur kvenna tók þátt í Kvennahlaupinu á Flateyri. Mynd: Páll Önundarson.