Bæjarins besta - 22.01.2009, Side 14

14 FIMMTUDAGUR 22. JANÚAR 2009
Hverju á að trúa?
Bloggið
Á nokkrum dögum hef ég séð
umfjöllun fjögurra hagfræðinga
um leið út úr kreppunni. Tveir
eru íslenskir og tveir erlendir.
Allir hafa þeir eitthvað til mál-
anna að leggja. Athyglisverður
er munur á skoðun þeirra í gjald-
miðilsmálum. Útlendingarnir tveir eiga það sameiginlegt að hafa
varað við bankakreppu á Íslandi og fengið mikla gagnrýni fyrir. Nú,
þegar þeir hafa reynst sannspáir, er leitað álits hjá þeim um fram-
haldið. Útlendingarnir tveir eru sammála um það að bíða með breyt-
ingar á gjaldmiðli. Vinna sig út úr kreppunni fyrst og huga að gjald-
miðilsbreytingu síðar. - - - Íslendingarnir tveir eru hvor á sínum
endanum. Annar vill einhliða upptöku strax, hinn telur að breyting
gæti orðið til tjóns en krónan sé vörnin í kreppunni. Hverju eiga svo
þeir að trúa sem ekki hafa lögmál hagfræðinnar á takteinum? Miðað
við þá þróun sem víða má sjá í Evrulöndum hallast ég að áliti þeirra
erlendu.
Haraldur Hansson – Enginn er verri þótt hann vakni
http://maeglika.blog.is/blog/maeglika/
Draumur?
Á dögunum ræddi ég við sænsk-
an blaðamann og einhvern indæl-
asta ljóðaútgefanda Svía, Per
Bergström, um íslenska menn-
ingu, Nýhil og fleira. Þar ræddum
við m.a. bankasamkrull íslenskra
listamanna í þaula – með áherslu
á Nýhil – en ég nefndi m.a. áður-
nefnda bankaauglýsingu með
Sjón og svo fótboltaauglýsing-
una frægu, með Einari Kárasyni,
Krumma í Mínus, Dóra DNA,
Sigmundi Erni, Vidda í Trabant, Siv Friðleifs, Gísla Marteini og
fleirum. Einhvern veginn ruglaðist það saman og Per sagði Sjón
hafa verið í fótboltaauglýsingunni, og birtust þær upplýsingar í við-
tali við Andra Snæ. Sjón er snöggur til og leiðrétti þetta undireins –
segist aldrei hafa þegið fjárstuðning frá einkabönkunum fyrir sína
vinnu, annað en margir aðrir íslenskir listamenn og rithöfundar. Mér
er engin fróun í því að ljúga upp á fólk – og spyr því: Var mig að
dreyma þessa bankaauglýsingu?
Eiríkur Örn Norðdahl – Fjallabaksleiðin
http://www.norddahl.org/
Kosningar?
Nú hefur menntamálaráðherra
Sjálfstæðisflokksins lýst þeirri
skoðun sinni að líklega þurfi að
kjósa áður en þetta kjörtímabil
renni út, það megi þó ekki gera
fyrr en eftir 1. nóvember á þessu
ári. Með því móti fá spillingaröfl-
in allt of langan tíma til að klára
að rústa samfélagið okkar - að
mínu mati. Ég vil kosningar í
vor. Þorgerður Katrín sagði ann-
ars að það væri rétt sem komið hefði fram að mörg mistök hefðu
verið gerð við efnahagsstjórn Íslands, meðal annars það að tryggja
ekki dreifða eignaraðild að bönkunum þegar þeir vor seldir. Því er
ég sammála. Hún sagði líka að margt hefði verið rétt gert, eins og
það að ná ríkssjóði hallalausum. Auðvitað er gott að vera skuldlaus
en maður verður líka að hugsa um hvaðan peningarnir koma sem
maður er að nota. Þetta er eins og að efnast á eiturlyfjasölu og hrósa
sér svo af því að hafa notað hagnaðinn til að borga niður skuldir.
Þeir fjármunir sem voru notaðir til að borga niður skuldir ríkissjóðs
voru skatttekjur af viðskiptum sem svo eru búin að setja þjóðina á
hausinn.
Jóna Benediktsdóttir
http://jonaben.blog.is/blog/jonaben/
Elsta berg landsins
að finna á Vestfjörðum
Elsta berg sem fundist hefur á
landinu er að finna á annesjum í
Ísafjarðarbæ. „Ísafjarðarbær
liggur utan virku gosbelta lands-
ins. Þar er að finna berg sem er
allt að 14-15 milljón ára gamalt
basalt frá tertíer á ystu nesjum.
Ekki hefur fundist eldra berg á
landinu. Hraunlögum hallar inn
að gosbelti landsins eins og glöggt
má sjá í fjallshlíðum á svæðinu“,
segir í greinargerð að aðalskipu-
lagi Ísafjarðarbæjar fyrir árin
2008-2020. Þar kemur einnig
fram að finna má fornar megin-
eldstöðvar sem hafa mótað lands-
lag svæðisins með fjölbreyttum
bergtegundum, berggöngum og
bergstöndum. Landslagið ein-
kennist af hásléttum sem jöklar
ísaldarinnar hafa grafið sig niður
í og myndað firði og dali.
Firðirnir eru oftast mjóir og
þröngir með háum og bröttum
fjallshlíðum sem ganga víða í
sjó fram. Hvilftir og berggangar
eru algengar í fjallshlíðum.
Skriðujarðvegur er algengasti
jarðvegur á Vestfjörðum. Lítið
er um móajarðveg nema helst á
heiðum og undirlendi er frekar
takmarkað. Á landsvæði norðan
Djúps, Hornströndum, Jökul-
fjörðum og Snæfjallaströnd, eru
tvær fornar megineldstöðvar er
hafa mótað landslag á svæðinu
með fjölbreytilegum bergtegund-
um, berggöngum og bergstönd-
um. – thelma@bb.is
Launþegar í Bolungarvík þurfa
að greiða 38,71% skatt af sínum
launum í staðinn fyrir 37,2%
þegar kemur að uppgjöri álagn-
ingar fyrir árið 2009. Eins og
greint hefur verið frá ákvað bæj-
arstjórn Bolungarvíkur á síðasta
fundi fyrir áramót að leggja á
10% álagningu á hámarksút-
svarsprósentu launþega með lög-
heimili í Bolungarvík fyrir tekju-
árið 2009.
Leyfileg útsvarsprósenta var
13.28% og því er útsvarsprósenta
árið 2009 í Bolungarvík 14,61%.
Launþegar í Bolungarvík greiða
því samþykkt aukaálag á útsvar
eftir uppgjörsálagningu 1. ágúst
2010. Sem dæmi þarf sá launþegi
sem hefur 3.000.000 krónur í
tekjur fyrir árið 2009 að greiða
43.488 krónur í aukaálag.
Skattahlutfall í staðgreiðslu
árið 2009 er 37,2% sem saman-
stendur af 24,1 % tekjuskatti og
meðaltalsútsvarsprósentu í land-
inu sem er 13,1%, aukaálagið er
ekki sett inn í staðgreiðsluprós-
entuna heldur er þetta lagt á þegar
uppgjör skatts fyrir árið 2009 á
sér stað. Frá þessu var sagt á vef
Bolungarvíkur en nánar upplýs-
ingar um álagningu skatts er að
finna á vefsíðu ríkisskattstjóra
og hjá skattstofum.
– thelma@bb.is
Bolvíkingar greiða 38,71% skatt
Erlend langtímalán
Ísafjarðarbæjar
skiptast þannig
á gjaldmiðla:
EUR: 5.455.955
USD: 452.516
JPY: 21.768.054
CHF: 278.150
GBP: 100.283
DKK: 151.914
SEK: 1.104.778
NOK: 340.220
Heildarskuldir Ísafjarðarbæjar í erlendri mynt voru 1,1
milljarður króna miðað við gengi gjaldmiðla 31. desember
2008. Samkvæmt því er gengistap sveitarfélagsins um 480 millj-
ónir króna á síðasta ári. Verðtryggð íslensk lán hjá Ísafjarðarbæ
verða 2,9 milljarðar króna ef fjárhagsáætlun síðasta árs, þar
sem gert var ráð fyrir 419 milljóna króna lántökum, stenst. Þá
er verðbótahækkun þeirra lána um 420 milljónir króna.
Samkvæmt útreikningum blaðsins gætu langtímaskuldir Ísa-
fjarðarbæjar verið orðnar tæpir fjórir milljarðar króna og
gengistap og verðhækkun lána á árinu 2008 um 900 milljónir
króna. Það er þó rétt að benda á að um áramót var gengið hátt
og gera má ráð fyrir að gengisvísitalan fari niðurávið á árinu.
Langtímaskuldir
nálægt 4 milljörðum
Stjórnsýsluhúsið á Ísafirði