Bæjarins besta - 09.09.2010, Blaðsíða 13

FIMMTUDAGUR 9. SEPTEMBER 2010 13
Nýr maður í brúnni
Halldór Halldórsson, fráfar-
andi bæjarstjóri Ísafjarðarbæj-
ar, afhenti í síðustu viku, eftir-
manni sínum, Daníel Jakobs-
syni, lykla að skrifstofu bæjar-
stjóra. Gengið hafði verið frá
ráðningu Daníels á bæjar-
stjórnarfundi skömmu áður og
hefur hann nú formlega tekið
við störfum. „Það er tilhlökkun
og tregi, en tilfinningin að af-
henda Daníel lykilinn var af-
skaplega góð,“ segir Halldór
og bætir við að hér sé á ferð
öflugur maður sem muni gera
góða hluti sem bæjarstjóri Ísa-
fjarðarbæjar. „Ég tel mig vera
að skila ágætu búi í hendurnar
á Daníel.“ segir Halldór að lok-
um. Eins og fram hefur komið
var Daníel valinn úr hópi 29
umsækjenda um starfið. Var
hann ráðinn út kjörtímabilið
2010 til 2016.
„Nýjum mönnum fylgja nýj-
ar áherslur,“ segir Daníel að-
spurður hvort vænta megi
breytinga undir hans stjórn.
Samgöngumál, sjávarútvegur
og trygging að okkar skammti
í opinberum störfum eru meðal
efna sem Daníel telur brýnt að
vinna í. Hann tekur það fram
að verkefnin eru mörg og litlu
málin ekki síður mikilvæg en
þau stóru.
Daníel er fæddur árið 1973 og
varði hluta sinna uppeldisára á
Ísafirði, en hann er sonur hjón-
anna Auðar Daníelsdóttur og séra
Jakobs Hjálmarssonar sem starf-
aði lengi sem sóknarprestur í
bænum. Daníel er kvæntur Hólm-
fríði Völu Svavarsdóttur og eiga
þau þrjú börn. Daníel var útibús-
stjóri Landsbanka Íslands að
Laugarvegi 77 í Reykjavík áður
en hann varð bæjarstjóri Ísa-
fjarðarbæjar.
Halldór Halldórsson starfaði
sem bæjarstjóri Ísafjarðarbæj-
ar í 12 ár og var oddviti sjálf-
stæðismanna í bæjarstjórn síð-
astliðin 8 ár. Þar áður var hann
framkvæmdastjóri Fjórðungs-
sambands Vestfirðinga. Síð-
ustu ár hefur hann einnig starf-
að sem formaður Sambands
íslenskra sveitarfélaga.
– asgeir@bb.is
Daníel tekur við lyklunum úr hendi Halldórs.
Fjöldi kennsludaga hefur breyst
sáralítið hjá Menntaskólanum á
Ísafirði frá aldamótum. Á síðasta
skólaári voru kennsludagarnir
149 og prófadagar 26. Hafði þá
samanlagður fjöldi kennslu- og
prófadaga fækkað um tvo frá
fyrra ári. Hins vegar fækkaði
vinnudögum kennara um viku
milli skólaáranna 2008-2009 og
2009-2010 en þeir voru 179 á
síðasta skólaári.
Í kjarasamningum kennara er
gert ráð fyrir samtals 175 kenn-
slu- og prófadögum á starfstíma
skóla og fjórum vinnudögum
kennara að auki. Vinnudagar
kennara í framhaldsskólum lands-
ins á skólaárinu 2009-2010 reynd-
ust vera frá 171 til 197. Meðal-
fjöldi vinnudaga kennara var
181,1 og er það fækkun um 0,2
daga frá fyrra skólaári.
Samanlagður fjöldi kennslu-
daga og prófadaga nemenda í
framhaldsskólum skólaárið 2009
-2010 var á bilinu 161 til 184
eftir skólum, en að meðaltali
175,2. Það er fjölgun um hálfan
dag frá fyrra skólaári. Þetta kem-
ur fram í upplýsingum frá fram-
haldsskólunum til Hagstofu Ís-
lands.
Dagar sem einungis var varið
til prófa og námsmats voru frá 0
til 32 að tölu. Flestir skólar eru
með ákveðinn prófatíma en í öðr-
um skólum fara próf fram á
kennsludögum. Að meðaltali var
24 dögum varið til prófa og náms-
mats og er það fækkun um einn
dag frá síðastliðnu skólaári. Nán-
ari upplýsingar um þetta er að
finna á vef Hagstofunnar.
Starfstíminn styttist
Menntaskólinn á Ísafirði.