Bæjarins besta - 16.12.2010, Blaðsíða 4

4 FIMMTUDAGUR 16. DESEMBER 2010
Mikolaj í 2. sæti
í Chopin-keppni
Ungur ísfirskur tónlistarnemi,
Mikolaj Ólafur Frach, náði afar
góðum árangri í Chopin-keppni
aðalræðisskrifstofu Lýðveldisins
Pólland sem haldin var í Reykja-
vík í lok nóvember. Keppnin var
ætluð nemendum tónlistarskóla
á Íslandi og haldin í tilefni al-
þjóðlegs Chopin-árs. Keppt var
um túlkun valinna tónverka eftir
pólska tónskáldið Fryderyk
Chopin (1810-1849) og var keppt
í þremur hlutum, einleik á píanó,
kammertónlist og söng. Mikolaj
flutti Polonaise eftir Chopin í
píanóhluta keppninnar og hlaut
annað sætið ásamt öðrum nem-
anda, en alls tóku 18 nemendur
þátt í þeim hluta. Mikolaj lék
einnig á píanó með yngri bróður
sínum, Nikodem Júlíusi, í söng-
hluta keppninnar, en þeir bræður
voru yngstu þátttakendurnir.
Mikolaj Ólafur er sonur pólsku
tónlistarhjónanna Janusz og
Iwonu Frach, sem hafa starfað
við Tónlistarskóla Ísafjarðar frá
árinu 1994. Hann fæddist á Ísa-
firði sumarið 2000 og er því að-
eins 10 ára gamall. Hann hefur
lagt stund á píanó í nokkur ár hjá
móður sinni, hefur margsinnis
komið fram á tónleikum skólans
og leikið með strengjasveit skól-
ans. „Mikolaj er afar duglegur
og samviskusamur nemandi og
vel að verðlaununum kominn,“
segir á vef TÍ í umfjöllun árangur-
inn. Hann mun koma fram á tón-
leikum í Salnum 17. desember
kl.19 ásamt öðrum sigurvegurum
keppninnar.
Þess má geta að í sönghluta
Chopin-keppninnar sigraði ung-
ur bassasöngvari, Kristján Ingi
Jóhannesson, en hann er ættaður
frá Flateyri og foreldrar hans búa
á Ísafirði. – thelma@bb.is
Mikolaj Ólafur Frach stóð sig vel í
Chopin-keppni fyrir skemmstu. Mynd: TÍ.
Friðlöndin á Hornströndum og
í Vatnsfirði eru meðal þeirra
svæða sem Náttúrufræðistofnun
Íslands og Landgræðsla ríkisins
vilja að hafið verður að uppræta
Alaska lúpínu og skógarkerfill.
Stofnanirnar skiluðu nýlega inn
tillögum til Svandísar Svavars-
dóttur, umhverfisráðherra um
hvernig hægt sé að takmarka tjón
af völdum Alaska lúpínu og
skógarkerfils í íslenskri náttúru.
Lagt er til að hætt verði að deifa
Alaska lúpínu í landinu nema á
skilgreindum landgræðslu- og
ræktunarsvæðum. Þá vilja stofn-
anirnar að notkun lúpínu verði
óheimil ofan 400 metra.
Alaska lúpína og skógarkerfill
eru fyrstu dæmin um ágengar
framandi plöntutegundir sem
breiðast út hér á landi og ógna
líffræðilegri fjölbreytni. Stofnan-
irnar mátu útbreiðslu plantnanna
og komust að því að Alaska lúp-
ínan er orðin mjög útbreidd og
finnst víða á hálendinu og á landi
sem er friðað. Lúpínan getur þó
við réttar aðstæður reynst fyrir-
taks landgræðsluplanta t.d. á
viðamiklum gróðurvana auðn-
um. Þegar hún nær hins vegar
rótfestu í grónu landi er ólíklegt
að sams konar plöntur og fyrir
voru, muni þrífast þar að nýju.
Skógarkerfill hefur ekkert land-
græðslugildi og sækir sérstak-
lega á næringarríkan jarðveg.
Hann er hávaxinn og myndar
þéttar breiður sem skyggja á og
hindra vöxt annarra plantna.
– kte@bb.is
Sporna gegn Alaska
lúpínu og skógarkerfli
Alaska lúpínan hefur dreift sér í friðlöndum Hornstranda og Vatnsfjarðar.