Bæjarins besta - 16.12.2010, Blaðsíða 17

FIMMTUDAGUR 16. DESEMBER 2010 17
Verða Vestfirðir leiðandi í um-
hverfisvænni ferðaþjónustu?
Vilji er fyrir því að Vestfirðir
verði leiðandi aðili í umhverfis-
vænni og sjálfbærri ferðaþjón-
ustu þar sem áhersla er lögð á að
vernda og viðhalda náttúrulegu
umhverfi. Í skýrslu Ferðamála-
samtaka Vestfjarða um stefnu-
mótun vestfirskrar ferðaþjónustu
kemur fram að samtökin ásamt
Markaðsstofu Vestfjarða og At-
vinnuþróunarfélaginu leiti leiða
til að fjármagna kynningarefni
hjá Vaxtarsamningi Vestfjarða
sem dreift verði til allra íbúa og
fyrirtækja á Vestfjörðum. Í sam-
vinnu við Fræðslumiðstöð Vest-
fjarða verði námskeið í gerð um-
hverfisstefnu fyrir fyrirtæki í
ferðaþjónustu. Ætlunin er að
þessu verði hægt að hrinda í fram-
kvæmd næsta vetur.
Jafnframt er stefnt að því að
haldin verði ráðstefna í vor þar
sem komið verður af stað um-
ræðu um möguleikann á um-
hverfisvottun fyrir Vestfirði.
„Mikill áhugi er meðal ferða-
þjónustunnar á Vestfjörðum að
huga verulega að öllum umhverf-
isþáttum í ákvörðunum greinar-
innar og var umræðan um vottun
mjög áberandi,“ segir í skýrsl-
unni.
Í skýrslunni kemur einnig fram
að efla þurfi umhverfisvitund
ferðaþjóna, heimamanna og
sveitarfélaga. Ferðaþjónar verði
hvattir til að beina rekstri sínum
til umhverfisvænni vegar til að
mynda með námskeiðum og út-
gáfu fræðsluefnis.
Í könnunum sem gerðar hafa
verið kemur fram að það sem
þykir einkenna Vestfirði sé ein-
stök, hrein og óspillt náttúra og
nálægðin við hana. Auk þess er
fámennið, kyrrðin og friðsældin
talið einkennandi fyrir svæðið.
„Fámennið, friðsældina og ein-
staka náttúru er að finna víðar en
á Vestfjörðum og það hvernig
unnið er úr þessum auðlindum
getur skilið vestfirska ferðaþjón-
ustu frá öðrum landshlutum og
veitt vestfirskri ferðaþjónustu sam-
keppnisforskot. Vestfirðir eru
landfræðilega mjög afmarkað
svæði og getur það skapað
ákveðna sérstöðu, eða hjálpað til
við að skapa sérstöðu og aðgrein-
ingu frá öðrum svæðum til dæmis
varðandi umhverfs og gæðavott-
un,“ segir í skýrslu Ferðamála-
stamtaka Vestfjarða.
– thelma@bb.is
Seinni styrkúthlutun Menning-
arráðs Vestfjarða á árinu 2010
fór fram við hátíðlega athöfn á
Melrakkasetrinu í Súðavík á
laugardag. Flutt var tónlist og
haldin erindi, Melrakkasetrið
kynnt og skoðað, auk þess sem
styrkvilyrði voru afhent og að
boðið var upp á kaffi og með því
á eftir. Umsóknir sem komu til
afgreiðslu það þessu sinni voru
78 talsins, en alls fengu 30 verk-
efni stuðning að upphæð samtals
13.090.000 kr.Verkefnunum
hefur þó fækkað um eitt, því einn
styrkurinn var afþakkaður áður
en til úthlutunar kom. Þrjú verk-
efni fengu milljón í styrk að þessu
sinni. Tvö þeirra snúast um sam-
starf við stofnanir á landsvísu og
út fyrir landsteinana og stórar
norrænar samkomur á Vestfjörð-
um á næsta ári.
Annars vegar var þar styrkur
til Þjóðbúningafélags Vestfjarða
til að standa fyrir norrænum
handverkssumarbúðum á Þing-
eyri og hins vegar til Félags
sagnaþula til að standa fyrir norr-
ænu sagnaþingi, einnig á Þing-
eyri. Þriðja verkefnið sem fékk
milljón að þessu sinni var Skrím-
slasetrið á Bíldudal fyrir vinnu
að öðrum áfanga í sýningu seturs-
ins.
Menningarráð Vestfjarða aug-
lýsir aftur eftir styrkumsóknum
snemma á nýju ári og eru allir
hvattir til að fara tímanlega að
huga að spennandi verkefnum
og áætlanagerð.
Eftirtaldir aðilar og verkefni
fengu stuðning frá Menningar-
ráði Vestfjarða í desember:
Þjóðbúningafélag Vestfjarða:
Norrænar handverkssumarbúðir
á Þingeyri - 1.000.000.
Félag sagnaþula: Norrænt
sagnaþing á Þingeyri - 1.000.000.
Félag áhugamanna um skrím-
slasetur: Uppbygging á öðrum
hluta.
Skrímslasetursins, kafbátur og
göng - 1.000.000.
Kómedíuleikhúsið: Vestf-
irskur skáldskapur á 57 mín -
750.000.
Félag áhugamanna um Báta-
safn Breiðafjarðar: Uppsetning
sýningar á Bátasafninu á Reyk-
hólum í samstarfi við Minja-
safnið á Hnjóti - 750.000.
Fjölnir Már Baldursson: Búum
til vestfirskt tungl - 600.000.
Íþróttafélagið Höfrungur, leik-
deild: Höfrungur á leiksviði -
600.000.
Melrakkasetur Ísland: Efling
sýningar Melrakkaseturs Íslands
- 600.000.
Smári Gunnarsson og Leikfé-
lag Hólmavíkur: Skjaldbakan -
600.000.
Menningarmiðstöðin Edin-
borg: Listviðburðir í Edinborgar-
húsi - 600.000.
Magnús Hávarðarson: Söng-
lagakeppni Vestfjarða 2011 -
600.000.
Karl Ásgeirsson og Guðlaug
Jónsdóttir: Veisla að vestan – vest-
firsk matarmenning - 500.000.
Félag um endurreisn listasafns
Samúels Jónssonar í Selárdal:
Sambahátíð – listahátíð til styrkt-
ar listasafni Samúels Jónssonar
að Brautarholti í Selárdal -
500.000.
Bláus Art ehf: Ferðin heim -
400.000.
Þjóðfræðistofa: Húmorsþing -
Vetrarhátíð á Ströndum - 300.000.
Act alone: Vestfirska leikárið
2010-2011 - 300.000.
Friðþjófur Þorsteinsson: Sam-
antekt og úrvinnsla á tæknilegum
upplýsingum fyrir ísfirsk menn-
ingar- og samkomuhús - 300.000.
Páll Ernisson: Baráttan um
Djúpið – Spil fyrir alla fjölskyld-
una - 300.000.
Simbahöllin ehf: International
residency of artists in Þing-
eyri 2011 - 300.000.
Marsibil G. Kristjánsdóttir:
Ein stök hús - 300.000.
Minjasafn Egils Ólafssonar:
Nútíminn verður til - 250.000.
Magnús Hávarðarson: Útgáfa
geisladisks með 14 lögum úr
Sönglagakeppni Vestfjarða 2010
- 250.000.
Tónlistarskóli Ísafjarðar: Árs-
tíðir Vivaldis á Vestfjörðum -
200.000.
Félag um Snjáfjallasetur: Kalda-
lónstónar – dagskrá á Hólmavík
- 200.000.
Magnús Óskarsson: Gerð leir-
mynda af skrímslasögum - 200.000.
Malgorzata Lilja Nowak: Kór-
villa á Vestfjörðum - 200.000.
Skiptá, áhugamannafélag um
menningu og listir: Tónleikahald
á Vestfjörðum - 100.000.
Þrettán milljónir til menningarmála
Styrkþegar ásamt Jóni Jónssyni menningarfulltrúa að lokinni afhendingu styrkvilyrða.