Bæjarins besta - 01.12.2011, Blaðsíða 11

FIMMTUDAGUR 1. DESEMBER 2011 11
Undanfarið hefur verið rætt
um að Íslendingar vilji ekki leng-
ur starfa í fiskvinnslu og auknum
veiðiheimildum fylgi ekki endi-
lega fleira fólk. Hvernig hefur
gengið að fá fólk til að vinna í
fiski á Suðureyri? „Við vitum
náttúrlega að á tímabili kom
hingað mikið af útlendingum til
að vinna og þeir eru margir hverj-
ir orðnir jafn góðir Íslendingar
og aðrir Íslendingar. Það virðist
sem hingað leiti tvær gerðir af
fólki. Annarsvegar fólk sem ætlar
sér að búa hér í þorpinu og starfa.
Hinsvegar þeir sem eru bara
komnir til að vinna fyrir sér og
sínum sem búa jafnvel í öðru
landi á meðan. En þannig hefur
þetta kannski líka alltaf verið.
Hér var alltaf mikið af farand-
verkafólki sem ætlaði sér aldrei
annað en bara að vera vertíðina.“
- Hvað með unga fólkið? „Mér
finnst eins og unga fólkið vilji
ekki endilega fara í burtu en sjái
ekki tækifæri til að koma aftur
eftir nám. En ég hef velt fyrir
mér hvort það sé verið að mennta
fólk vitlaust. Af hverju er til
dæmis enginn skóli á Íslandi sem
kennir fólki að selja fisk? Hvers
vegna er ekki hægt að ráða til sín
lærða sérfræðinga í fisksölu? Ég
er viss um að hér biðu 2-3 störf
fyrir þannig menntað fólk. Þeir
sem starfa við þetta fag eru
yfirleitt sjálfmenntaðir í því, án
þess að ég vilji gera lítið úr því.“
Þrjár dætur
Eiginkona Guðna Alberts
heitir Sigrún Margrét Sigurgeirs-
dóttir. Þau eiga saman þrjár dætur
og sex barnabörn. „Sigrún kom
hingað í september 1976 með
elstu dóttur okkar þriggja vikna.
Hún er úr Kópavogi en ég vil nú
meina að nú eftir 35 ár sé hún
orðin Súgfirðingur,“ segir Guðni
Albert og brosir. „Elsta dóttir
okkar, Guðný Erla er útibússtjóri
Landsbankans á Höfn í Horna-
firði. Sólveig Kristín er í fæðing-
arorlofi núna en er annars á
kandídatsári eftir læknisfræði-
nám. Og sú yngsta, Auður Birna
er búsett hér á Suðureyri og í
hárgreiðslunámi.“
Aðspurður um áhugamálin
segist Guðni Albert hafa gaman
af því að spila golf. „Það má
kannski segja að ég sé einn af
þeim sem ekki er hægt að kenna
neitt. Út af þessari fötlun minni
verð ég bara að gera þetta með
mínum hætti. Það er ekki víst að
allt fengi samþykki fræðinganna.
En ég hef hef löngum sagt að
svæðið hér sé einhver besti staður
á jarðríki til að stunda golf. Hér
er ekki nema hálftíma keyrsla á
þrjá frábæra golfvelli sem er nán-
ast alltaf hægt að komast að á.
Það gerist ekki betra um víða
veröld. Annarsstaðar þarf oftast
að bóka með 2-3 daga fyrirvara
og svo standa í endalausum bið-
röðum.“
Guðni Albert er líka félagi í
karlakórnum Ernir. „Ég hef verið
með þar síðan hann var endur-
vakinn árið 2003. Maður hefur
verið á ferð og flugi og því kann-
ski ekki alveg sá duglegasti að
sækja æfingar. En þeir í kórnum
hafa tekið mann upp á arma sér
og sýnt mér mikla þolinmæði.
Þetta er afskaplega góður félags-
skapur.“
Leiðist pólítíkin í dag
Samkvæmt Guðna Alberti búa
rétt rúmlega 300 manns á Suður-
eyri og atvinnuástandið er nokk-
uð gott. „Það hefur ekki mikil
breyting orðið á undanfarin ár.
Fyrr en í sumar en þá neyddumst
við til að segja upp sjómönnum
vegna ástandsins á kvótaleigu-
markaðnum. Maður varð var við
það strax að það hafði áhrif. Þetta
er fljótt að gerast ef það kemur
eitthvað óöryggi í fólk. Þá flytur
það ekki til Flateyrar eða Ísafjarð-
ar heldur á höfuðborgarsvæðið.
Þannig að ég lít á það sem vanda-
mál alls svæðisins hér þegar eitt-
hvað svona gerist.“
Guðni Albert segir óvissu um
framtíðina í sjávarútvegi hafa
reynst erfiða. „Það gengur vel
hjá Klofningi núna en engu að
síður höfum við Súgfirðingar
farið illa út úr þessum breyting-
um á kerfinu. Strandveiðarnar
hafa þó hugsanlega hjálpað ein-
hverjum. Við hjá Íslandssögu
byggðum mikið á leigumarkaðn-
um sem hefur verið nánast fros-
inn í eitt og hálft ár. Það hefur
ruggað okkur talsvert. Því hefur
endurskoðunin á kvótakerfinu og
óvissan í kringum hana farið frek-
ar illa með okkur. Í fljótu bragði
hefði maður haldið að þessar
hræringar væru hugsaðar til að
styrkja okkur en það er frekar að
þær hafi komið illa við okkur.“
Guðni Albert heldur áfram:
„Annars leiðist mér pólitíkin í
dag. Alltaf eins og einhver sand-
kassaleikur. Það getur aldrei neitt
gott komið frá hinum aðilanum.
Ef tillagan kemur ekki úr réttum
munni er hún alveg ómöguleg.“
- Sumir kvarta undan sam-
stöðuleysi hér á svæðinu. „Já,
þetta hef ég heyrt líka. En okkur
hefur borið gæfa til þess hér á
Suðureyri að standa þétt saman.
Við höfum ekki staðið í innbyrðis
deilum. Auðvitað hefur komið
upp skoðanaágreiningur en engir
erfiðir bardagar. Ég held að Suð-
ureyri hafi farið mjög heil inn í
sameiningu sveitafélaganna í Ísa-
fjarðarbæ á sínum tíma. Það hefði
kannski alveg mátt koma meira
á móti í gegnum árin.“
- Hvenær ferðu til Nígeríu næst?
„Það verður líklega einhvern
tíma í vetur eða með vorinu. Ég
fer tvisvar til þrisvar á ári. Allt
eftir efni og ástæðum og ástandi
á mörkuðum sem reyndar er mjög
gott núna,“ segir Guðni Albert að
lokum.
– Huldar Breiðfjörð.
Átt þú sumarhús eða íbúð sem
þú vilt leigja út sumarið 2012?
Orlofssjóður Bandalags háskólamanna óskar eftir sumarhúsum/íbúð-
um innanlands sem utan á sanngjörnu verði mánuðina júní, júlí og ágúst.
Húsin þurfa að vera í góðu ástandi og með allan útbúnað fyrir 6-10
manns. Umsjón þarf að fylgja húsunum. Ef þú ert með eign sem gæti
hentað, þá endilega sendu sem fyrst myndir og aðrar upplýsingar á net-
fangið asa@bhm.is, merkt SUMAR 2012.
Stefnt er að því að niðurstaða liggi fyrir í byrjun desember.
Úthlutun sumarhúsalóða
á Dagverðardal frestað
Engum sumarhúsalóðum hefur
verið úthlutað í Dagverðardal í
Skutulsfirði þar sem enn á eftir
að ganga frá gjaldskrá. Sam-
kvæmt upplýsingum frá Ísafjarð-
arbæ er verið að endurskoða
gjaldskrá byggingaleyfa og gatna-
gerðargjalda með tillitil til fjár-
hagsáætlunargerðar næsta árs.
Jóhann Birkir Helgason, bæjar-
tæknifræðingur, segir að sjö um-
sóknir hafi borist um þær sex
lóðir sem eru í boði pg koma þær
allar frá brottfluttum Ísfirðingum.
Ennþá er hægt að sækja um lóðir
en einnig geta þeir einstaklingar
sem ekki fá úthlutað þeim lóðum
sem þeir óskuðu eftir, þegar út-
hlutað verður, sótt um aðrar lóðir.
Þá er í deiliskipulagi gert ráð
fyrir fleiri lóðum á svæðinu þó
þær séu ekki tilbúnar til úthlut-
unar.
Deiliskipulag fyrir sumarhúsa-
byggð í Tungudal í Skutulsfirði
hefur tafist töluvert en það var
sent til Skipulagsstofnunar í byrj-
un mars. Ísafjarðarbær sótti um
undanþágu fyrir lóðirnar en þær
uppfylla ekki kröfur nýrrar skipu-
lagsreglugerðar vegna þess hve
litlar þær eru. Sumarhúsabyggðin
í Tungudal hefur verið aðal sum-
arhúsabyggð Ísfirðinga og mikið
er sóst eftir lóðum á svæðinu.
Árið 1994 féll snjóflóð á sum-
arhúsabyggðina og eyðilagði 40
sumarhús á svæðinu. Eigendur
sumarhúsa sem eyðilögðust í
snjóflóðinu fengu ákveðinn frest
frá Ísafjarðarbæ til að endur-
byggja húsin en bærinn tók yfir
þær lóðir sem ekki var byggt á
að nýju. Því er gert ráð fyrir sex
lóðum til ráðstöfunar í Tungudal
ef deiliskipulagið verður sam-
þykkt. Jóhann Birkir á von á því
að gengið verði frá deiliskipu-
laginu í lok vikunnar og að lóð-
irnar verði auglýstar í kjölfarið.
– asta@bb.is
Áætlanir gera ráð fyrir að
rekstrarniðurstaða samstæðu-
reiknings Súðavíkurhrepps verði
neikvæð um rúmar þrjár milljónir
króna á næsta rekstrarári. Farið
var yfir fjárhagsáætlun hreppsins
og stofnana hans fyrir árið 2012
á fundi í síðustu viku. Þar kom
m.a. fram að með áorðnum breyt-
ingum á fjárhagsáætlun eru tekjur
A-hluta samstæðureiknins áætl-
aðar kr. 172.278.000. Útgjöld eru
hins vegar áætluð 163.946.000
kr. Fjármagnsgjöld umfram fjár-
magnstekjur eru áætlaðar 3.850
kr. Rekstrarniðurstaða A hluta
er því jákvæð um 3.482.000 kr.
Tekjur samstæðureiknings
Súðavíkurhrepps, (A og B hluta)
eru áætlaðar 192.171.000 kr. og
útgjöld áætluð 178.877.000 kr.
Fjármagnsgjöld umfram fjár-
magnstekjur eru áætlaðar krónur
4.300.000 og afskriftir samstæðu-
reiknings eru áætlaðar 12.336.000
kr. Áætlað er að framkvæma fyrir
7,7 milljónir króna á árinu 2012.
Helstu verkefni eru lóðafram-
kvæmdir við Eyrardalsbæinn,
göngustígagerð og vegaklæðning
út á suðurgarð. Verða fram-
kvæmdirnar fjármagnaðar af eig-
in fé hreppsins.
Fjárhagsáætlun fyrir árið 2012
var samþykkt samhljóða og vísað
til seinni umræðu.
Fjárhagsáætlun samþykkt
Súðavík. Ljósm: © Mats Wibe Lund.