Dagblaðið Vísir - DV - 13.06.2008, Blaðsíða 34

Svarthöfði er þakklátur fyr-ir kreppuna. Þetta kann að hljóma undarlega en þannig er
að af misjöfnu þrífast börnin best,
algild gömul sannindi sem nú
eru smám saman að koma
á daginn þegar æðis-
gengnu hlutabréfapartíi
undanfarinna ára er
lokið. Góðu hliðarnar
á kreppunni eru fjöl-
margar. Ein þeirra er
minni slysahætta í um-
ferðinni.
Svarthöfði gerði nefnilega þá uppgötvun á dögunum að það er ódýrara að aka á löglegum
hraða en að þenja bifreiðina upp
fyrir þriggja stafa tölu. Í hraða und-
anfarinna ára skipti bensínið að vísu
engu máli þar sem peningar bók-
staflega uxu á trjánum og tíminn var
mikilvægur í kapphlaupinu um að
kaupa réttu hlutabréfin. Nú borgar
sig að halda sem mest kyrru fyrir
eða læðast í gegnum daginn. Það
eru fleiri en Svarthöfði sem átta sig á
því að bensínið er eins og blásýra og
brennir upp fjárhag fjölskyldna og
einstaklinga. Þess vegna hefur
hægt á allri umferð og bros
milli bíla er algengara en
fingurinn upp. Auðvitað
er þetta áfall fyrir starfs-
mannasjóði lögreglunn-
ar sem hermt er að fitni á
hraðasektum í einhverjum
umdæmum. Og þetta er áfall
fyrir lögregluna á Blönduósi sem
hefur gert það að sérgrein sinni að
liggja fyrir þeim sem stíga of þungt
á bensínfótinn. En lykilatriðið er að
kreppan leiðir til jafnvægis á veg-
um úti og fækkar slysum í umferð-
inni. Nú eru það aðeins fífl sem reka
bensínið í botn. Tími Bjössa á mjólk-
urbílnum sem rak bensínið í
botn í fyrsta gír er liðinn,
fyrir utan það að flestir
bílar eru í dag sjálf-
skiptir.
Svarthöfði er reyndar fyrrverandi
fífl. Á blómatíma
hlutabréfanna og ávöxtun-
arsjóðanna gerðist hann
oft meðvirkur í umferðinni
og komst reglulega í tilfinn-
ingauppnám ef annar öku-
maður gerði eitthvað sem ork-
aði tvímælis. Í mesta æsingnum
átti Svarthöfði það til að gefa öðrum
ökumönnum fingurinn. Hraðbraut-
in milli miðborgarinnar og Kópa-
vogs átti það til að breytast í átaka-
svæði þar sem útistöður spruttu af
minnsta tilefni. Eftir þannig daga átti
Svarthöfði erfitt með að komast í ró
að kveldi.
En nú eru breyttir tímar. Fingurinn heldur sig samhliða öðrum
og Svarthöfði brosir
til annarra öku-
manna í stað þess að
glotta. Og viti menn.
Jafnvægið er næstum al-
gjört. Þeir örfáu vitfirring-
ar sem enn eru í umferðinni
raska ekki jafnaðargeðinu. Ef
þeir vilja endilega brenna upp bens-
íni með því að þenja ökutæki sín þá
mega þeir það án þess að Svarthöfði
láti af bensínsparnaði sínum. Hann
er að mestu laus við háskann í um-
ferðinni og hraðasektir eru liðin tíð.
Kreppan hefur sem sagt hægt á öllu gangverki samfélagsins. Í stað hins æðisgengna hraða
liðast nú umferðin í hægagangi um
landið. Það gefur jafnframt
ökumönnum og farþegum
færi á að greina fegurð-
ina í landslaginu og sjá
blómin í stað þess að
stara á malbik og hvítar
línurnar sem aðskilja
akreinar. Kreppan er að
gera Íslendinga að betra
fólki. Í stað þess að leggja
upp í ofsaakstur á Þingvalla-
hringnum á sunnudegi til þess eins
að skoða gerviapa í Hveragerði þá
heldur Svarthöfði sig heima og hlú-
ir að gróðri í garði sínum og sinnir
fjölskyldunni. Það hvarflar ekki
að honum að leggja upp í lengri
ökuferðir og styrkja þannig hag
samráðsmanna olíufélaganna. Ferð-
um á bensínstöðvar sem fela í sér
sjálfseyðingu hefur þegar snarfækk-
að. Þess í stað er farið í lengri
göngutúra og brennslan er
aðeins fólgin í þeim mat
sem fjölskyldan brennir á
göngu sinni. Og þar kemur
til enn einn sparnaðurinn
því Svarthöfði hefur sagt upp
kortinu í líkamsræktarstöð-
inni og gengur frítt. Hvaða væl er
þetta um að kreppu fylgi svartnætti?
Þvert á móti leiðir kreppan til betra
mannlífs.
föstudagur 13. júní 200834 Umræða DV
Útgáfufélag: Dagblaðið-Vísir útgáfufélag ehf.
Stjórnarformaður: Hreinn loftsson
framkVæmDaStjóri: Elín ragnarsdóttir
ritStjórar:
jón trausti reynisson, jontrausti@dv.is
og reynir traustason, rt@dv.is
fulltrÚi ritStjóra:
janus Sigurjónsson, janus@dv.is
fréttaStjóri:
Brynjólfur Þór guðmundsson, brynjolfur@dv.is
auglýSingaStjóri:
ásmundur Helgason, asi@birtingur.is
DrEifingarStjóri:
jóhannes Bachmann, joib@birtingur.is
dv á netinu: dv.is
aðalnúmer: 512 7000, ritstjórn: 512 7010,
áskriftarsími: 512 7080, auglýsingar: 512 70 40.
Umbrot: dv. Prentvinnsla: landsprent. Dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
öll viðtöl blaðsins eru hljóðrituð.
Bensínið úr Bot i
svarthöfði
Jón TrausTi reynisson riTsTJóri skrifar. Það er algengt að þeir sem verða valdir að banaslysi hugsi um það á hverjum degi.
Manndráp í umferðinni
Leiðari
DV hefur undanfarnar vikur fjall-að um ofsaakstur ungra manna, sem hefur dregið fólk til dauða. Það er vitað að sumir veigra sér
ekki við aksturslagi sem leggur aðra í lífs-
hættu, en getuleysi yfirvalda til að taka á
því kemur virkilega á óvart. Ökumaður,
sem olli slysi þar sem karlmaður og 5 ára
stúlka dóu og kornungur bróðir stúlkunn-
ar lamaðist fyrir neðan mitti, var tekinn
níu sinnum fyrir hraðakstur eftir „slysið“.
Hann sýndi enga iðrun.
Bílslys er í rauninni í flestum tilfellum rangnefni. Hægt er að
greina niður bílslys eftir orsakaþáttum, sem eru á ábyrgð öku-
mannsins. Oft er aðeins stigsmunur á því hversu mikil ábyrgð
ökumannsins er. Fyrrnefndur ökumaður, sem olli dauða tveggja
og lömun ungs drengs, hafði þrisvar verið staðinn að ofsaakstri
áður en hann leiddi fólk til dauða. Slíkan mann verður að meta
óforbetranlegan og það ætti að vera löngu búið að taka hann úr
umferð.
Flest fólk er gætt samvisku. Það er algengt að þeir sem verða
valdir að banaslysi hugsi um það á hverjum degi. Samviskubit-
ið, með réttu eða röngu, sligar fólk og eyðileggur jafnvel líf þess.
Þetta þurfa ungir ökumenn að vita.
Það eru sjálfsögð mannréttindi fólks að
ökumenn valdi því ekki lífshættu. Jafnvel
þótt ökuníðingar valdi ekki líkamlegu tjóni
valda þeir sálrænu tjóni með því að svipta
aðra öryggistilfinningunni. Einn ökuníð-
ingur eyðileggur í besta falli daginn fyrir
fjölda fólks í umferðinni, en í versta falli
drepur hann einhvern, eins og við höfum
séð. Eða eins og Ragnheiður Davíðsdóttir
hjá Vátryggingafélaginu segir í samtali við
DV: Hraðakstur er ofbeldi.
Ólafur Helgi Kjartansson, sýslumaður á Selfossi, tók af skarið
í herferðinni gegn ökuníðingum. Við þurfum fleiri menn eins og
hann í kerfið. Hann hefur óhikað sent menn fyrir dómstóla fyr-
ir að valda öðrum skaða í umferðinni. Það er mikilvægt að öku-
níðingar og aðrir í umferðinni fái þessi skilaboð. Og það er líka
mikilvægt að mögulegir ökuníðingar geti lesið um það í blöðum
hvernig þeirra líkum reiðir af. Ofsaakstur veldur gerandanum
ekki bara sjálfum sér og öðrum lífsháska, heldur hættir hann
á að lifa lífinu kvalinn af víti samviskubitsins. Umfjöllunin um
þetta er hluti af forvarnarstarfinu og sjálfsögð þjónusta við al-
menning.
DómstóLL götunnar
Gerir þú eitthvað til að draGa úr bensínkostnaði?
„vera bara heima og labba á þá staði
sem ég þarf að komast á.“
Haukur Sigurbjörnsson,
23 ára og vinnur við
kvikmyndagerð
„Það er nú voða lítið. Ég keyri alveg
jafnmikið þótt bensínið sé orðið svona
dýrt.“
Steinþór Bjarnason,
17 ára og vinnur hjá Verktækni
„nei, ég geri ekki neitt sérstakt.“
Jón Þór Friðgeirsson,
40 ára matreiðslumaður
„Ég hef reynt að minnka það eins og
hægt er, til dæmis labba ég eða hleyp á
æfingar. Ég bý í Hafnarfirði en vinn í
reykjavík og að keyra í vinnuna er
rándýrt. Bensínverðið er fáránlega hátt
í dag.“
Haukur Óskarsson,
17 ára og vinnur í MotorMax
sanDkorn
n Málaferli fjölskyldu Jón-
ínu Bjartmarz, fyrrverandi
ráðherra, gegn Kasljóssfólki
stendur nú sem hæst. Jónína
vill fá Kastljós dæmt vegna
umfjöllunar um ríkisborg-
ararétt tengdadóttur hennar.
Jónas Kristjánsson er ekki í
vafa um að
dómarar
undirrétt-
ar muni
dæma Jón-
ínu í hag.
„Þeir munu
sleikja
tærnar á
ósvífnu
fjölskyldunni, sem telur sig
vera yfir annað fólk hafna,“
bloggar Jónas.
n Ein dularfyllsta bók seinni
tíma er um Jón Ásgeir Jó-
hannesson, stjórnarformann
Baugs, skráð af blaðamönn-
unum Jonathan Edwards
og Ian Griffiths. Að vísu vita
fæstir hvort handritið er yfir-
leitt til. Á eyjan.is er vitnað í
Edwards sem segir að útgáfu
bókarinnar hafi verið frestað
fram yfir dóm í Baugsmálinu.
Bókin ku heita „The Ice Man
Cometh“. Á vef Amazon í Bret-
landi er þó hermt að „bókin“
hafi verið útgefin í febrúar á
þessu ári. Verðmiðinn er um
140 pund eða 21.000 krónur.
n Í vikunni voru tveir ritstjór-
ar dæmdir til að greiða 400
þúsund annars vegar og 500
þúsund krónur hins vegar
í sekt vegna áfengisauglýs-
inga. Reynir Traustason,
fyrrverandi ritstjóri Mann-
lífs og núverandi ritstjóri DV,
var dæmdur vegna auglýs-
inga árið 2005 en hins vegar
var Benjamín Axel Árna-
son, ritstjóri fótboltatímarits,
dæmdur fyrir svipaðar sakir.
Mogginn sýndi báðum þá til-
litssemi að nafnleyna þeim en
sagði þó „ritstjóri Mannlífs“
og kveikti þann grun að hinn
dæmdi væri hugsanlega Sig-
urjón M. Egilsson, núverandi
ritstjóri, eða Þórarinn Þór-
arinsson eða Gerður Kristný
sem eru bæði blásaklausir
fyrrverandi ritstjórar Mann-
lífs .
n Björn Bjarnason dóms-
mála-ráðherra er að missa
mesta móðinn á bloggi sínu.
Fáséð er að bloggarinn Björn
færi ekki daglega inn á heima-
síðu sína en eftir hádegi í gær
hafði hann
ekki blogg-
að síðan á
laugardag.
Hart hefur
verið sótt
að ráð-
herranum
vegna hler-
unarmála
og Baugsmálsins og hugsan-
legt að hann kjósi þess vegna
að hafa sig lítið í frammi.
Margir bíða þess reyndar að
hann tilkynni brotthvarf sitt af
ráðherrastóli.