Víkurfréttir - 24.01.2008, Blaðsíða 10
10 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 4. TÖLUBLAÐ I 29. ÁRGANGUR
Sími 892 8043 • lagseyla15@simnet.is
Góð Gæði ehf.
Smágröfuþjónusta
• Volvo FL 610 Vörubíll
• Bobcat A300 Hjólavél
• Bobcat 3,7 tonn Beltagrafa
Fleygur • Staurabor • Vökvaklemma • Gaffall
Snjótönn • Fræsarasög • Sópur • Tiltskófla
Vegna fréttar í Víkurfréttum 17. janúar sl. af
kaupum Reykjanesbæjar á Hafnargötu 38 vil
ég koma því á framfæri að Paddy's er EKKI
að fara að loka. Eftir að frétt þessi birtist hefur
mikið borið á þeim leiða misskilningi að
Reykjanesbær hafi keypt Paddy's en það rétta
er að eingöngu var um að ræða viðskipti með
fasteignina Hafnargötu 38 en ekki reksturinn
sem í húsinu er. Jafnframt var það tryggt að
Paddy's verði áfram að Hafnargötu 38 allmörg
ár enn. Vona ég að þessar upplýsingar rói
taugar minna fjölmörgu fastagesta sem og
annarra sem láta sér annt um framtíð Paddy's.
Ég vil líka nota tækifærið og minna á að
enska boltanum er hvergi gerð betri skil en
á Paddy's en við sýnum allt að 3 leiki í einu
á stórum skjám. Einnig vil ég hvetja þá sem
ekki eru búnir að prófa okkar geysivinsæla
Pub-Quiz að mæta núna á fimmtudaginn en
það er ótrúlega skemmtileg spurningakeppni
sem hentar öllum og er haldin annan hvern
fimmtudag kl. 22:00-24:00. Svo að sjálfsögðu
er lifandi tónlist allar helgar og einnig er fullt af
tónleikum framundan. Þannig að það sjá það
allir að fréttir að andláti Paddy's eru alls ekki
tímabærar.
Með vinsemd og þakklæti,
Jói á Paddy's
Paddy's áfram opinn – eingöngu viðskipti með fasteign
Áföll í veðurofsa
Sökk í höfninni!
Suðurnesjamenn hafa orðið fyrir talsverðum
skakkaföllum í fjölmörgum djúpum lægðum
sem gengið hafa yfir Reykjanesið á síðustu
tveimur mánuðum. Nú síðast á þriðjudag
sökk bátur í höfninni í Keflavík og annar
slitnaði upp í Njarðvíkurhöfn og rak upp í
klöppina við höfnina. Þá losnaði þakjárn
víða, m.a. af miðlunartönkum hitaveitunnar
á Fitjum. Það hefur verið haft á orði að það
sé orðin full vinna hjá mörgum að vera í
björgunarsveitum yfir háveturinn. Ennþá er
eftir allur febrúarmánuður, en tveir fyrstu
mánuðir ársins eru oft þekktir fyrir margar
og krappar lægðir með viðeigandi foktjóni.
Lifandi myndir úr veðurofasanum á þriðjudag
eru í vefsjónvarpi Víkurfrétta á vf.is
Tjaldanes GK rak upp í fjöru eftir
að hafa slitið af sér landfestar í
Njarðvíkurhöfn aðfararnótt þriðjudags.
Netabáturinn Sunna Líf KE sökk í höfninni í Keflavík. Mikill
sjógangur var í höfninni þar sem vindurinn stóð beint inn í
hafnarkjaftinn. Báturinn fylltist af sjó og sökk á örskotsstundu.
Það er full
vinna að vera
björgunarsveitar-
maður þessa
dagana. Félagar í
Björgunarsveitinni
Suðurnes höfðu nóg
að gera á þriðjudag.