Víkurfréttir - 24.01.2008, Blaðsíða 14

14 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 4. TÖLUBLAÐ I 29. ÁRGANGUR
Leiðangur manna á vegum
Reykjanesbæjar og Hitaveitu
Suðurnesja hf. var gerður í
Eldey á sunnudag. Tilgangur
leiðangursins var að setja
upp sjónvarpsmyndavél í
eyjunni sem mun senda út
mynd í hágæða upplausn
allan sólarhringinn,
allan ársins hring.
Þessi útvörður Reykjanessins
rís 77 metra úr sæ um 14,4
kílómetra frá landi. Gróðurfar
í eyjunni er ekkert. Þar er
eingöngu klöpp og skítur,
já og það djúpur skítur. Ef
ekki hefði verið frost þegar
leiðangurinn var farinn
í Eldey sl. sunnudag, þá
hefðu leiðangursmenn þurft
að vaða skít a.m.k. upp á
miðja kálfa og fullyrt er að
sumsstaðar á eyjunni háu
sé gúanóið undir bælum
súlunnar allt að metri á dýpt.
Árni Johnsen, alþingismaður,
var á meðal leiðangursmanna.
Hann er sá einstaklingur sem
oftast hefur komið í Eldey.
Tvívegis hefur hann klifið
eyjuna, þverhníptan sextugan
hamarinn þar sem hann er
lægstur. Tvívegis hefur Árni
farið í eyjuna með þyrlu, en
það var einmitt farkosturinn
sem notast var við í þessari
ferð. Njarðvíkingurinn
Jakob Ólafsson, flugstjóri hjá
Landhelgisgæslunni, fór fyrir
áhöfn þyrlunnar Steinríks,
sem flutti leiðangurinn,
átta manns út í Eldey.
Blaðamaður Víkurfrétta
var þar á meðal og er þar
með kominn í hóp þeirra
u.þ.b. tuttugu einstaklinga
sem komið hafa í Eldey
frá því hún var fyrst klifin
árið 1896. Síðast var farið í
Eldey 1982, þannig að þessi
stærsta súlubyggð í heimi
getur ekki sagt að hún hafi
orð á sér fyrir að verða fyrir
átroðningi ferðamanna.
Ferðamenn munu hins vegar
verða tíðir gestir í eyjunni
um ókomin ár. Nú verður
nefnilega hægt að heimsækja
Eldey í gegnum Internetið
Eldeyjarsúlur í beinni útsendingu
og fylgjast með fuglalífinu
þar í beinni útsendingu.
Tilhugalíf súlunnar, varpið
og ungarnir eiga örugglega
eftir að verða tíðir gestir á
tölvuskjám út um allan heim.
Sett hefur verið upp
sjónvarpsmyndavél í Eldey
og hún tengd við öflugan
sjónvarpssendi sem sendir
lifandi myndir úr eynni upp
á fasta landið. Móttakari
er við Reykjanesvirkjun og
þaðan verður myndefninu
miðlað áfram inn á Internetið.
Útsendinguna úr Eldey verður
innan tíðar hægt að nálgast á
vefsvæðum Reykjanesbæjar,
Hitaveitu Suðurnesja
og á ferðamálavefnum
Reykjanes.is, svo einhverjir
vefir séu nefndir.
Hugmyndin um vefmynda-
vélina er ekki ný af nálinni.
Þorsteinn Erlingsson,
bæjarfulltrúi og fyrrum
skipsstjóri hefur í mörg ár
látið sig dreyma um að gera
súluna í Eldey aðgengilega á
þennan máta. Það hefur Árni
Johnsen, alþingismaður og
fjórfaldur Eldeyjarfari, einnig
gert. Það var því seint á síðasta
ári sem haft var samband
við Sigurð Harðarson, sem
hefur mikla reynslu af því að
setja upp fjarskiptabúnað við
erfiðar aðstæður. Hann hefur
komið upp endurvörpum
fyrir fjarskipti í hæstu
tindum og á stöðum sem eru
gjörsamlega ófærir öðruvísi
en með þyrlu. Verkefnið í
Eldey er reyndar fyrsta verkið
sem Sigurður vinnur sem felst
í að senda út sjónvarpsefni.
Smíðað var sérstakt hús
utanum myndavélina og
sendibúnaðinn. Húsið er með
mjög bröttu þaki sem á að
koma í veg fyrir að súlan geti
sest á þakið. Myndavélin er
í kvistglugga sem er einnig
með þannig halla að drit
úr fuglinum á ekki að geta
sest á glerið. Þá er í húsinu
sjónvarpssendir og annar
fjarskiptabúnaður fyrir
myndavélina. Myndavélin
og sendirinn eru síðan drifin
áfram með rafgeymum sem
sólarorkuspeglar sjá um að
hlaða. Gert er ráð fyrir að
endurnýja þurfi rafgeymana
eftir um fimm ár. Að ári vilja
aðstandendur verkefnisins
koma fyrir annarri myndavél
í húsinu í Eldey, auk þess
sem hljóðnemi verður
þá settur upp sem mun
koma garginu í súlunni
um heimsbyggðina alla.
Útsendingar myndavélarinnar
í Eldey verður hægt að nálgast
á næstunni en unnið er að
því að koma útsendingunni
inn á Internetið. Meðal
annars þarf að auka
bandvídd á netsambandi
við Reykjanesvirkjun.
Farið í Eldey í fyrsta skiptið í tæpa þrjá áratugi:
Eldeyjarfarar 2008. Frá vinstri: Hilmar Bragi
Bárðarson, Árni Johnsen, Árni Sigfússon,
Viðar Oddgeirsson, Sigurður Harðarson,
Jóhanna Vilhjálmsdóttir og Geir Sigurðsson.
Þorgrímur St. Árnason var einnig í ferðinni
en hann smellti af þessari hópmynd.
„Sjónvarpsstöðin“ komin á
sinn stað í Eldey og unnið að
lokafrágangi. Myndavélin er
á þeirri hlið sem er á móti
sjó á þessari mynd og tekur
mynd niður hrygg á Eldey.
Þar er hreiður við hreiður og
sjónarhornið glæsilegt.
Árni Johnsen, fjórfaldur Eldeyjarfari,
ásamt Þorgrími St. Árnasyni frá Hitaveitu
Suðurnesja. Veðrið í Eldey sl. sunnudag
var eins og best verður á kosið eins og
sjá má á myndinni.
Þyrlan Steinríkur flutti myndavélabúnaðinn út í Eldey. Þarna á eftir að stilla húsið af en myndavélinni er beint yfir
þessa hlíð og hrygginn efst. Þarna er þétt súlubyggð og ákjósanlegt sjónarhorn. Myndavélin sér í átt til Reykjaness.
Fleiri myndir úr ferðalaginu í Eldey ásamt vefsjónvarpi með viðtölum eru á vef Víkurfrétta, vf.is
Súlubyggðin í Eldey eins og hún gerðist þéttust síðasta sumar
þegar Hilmar Bragi flaug yfir eyjuna með norska hernum.