Víkurfréttir - 15.03.2012, Page 6

6 FIMMTUdagUrInn 15. Mars 2012 • VÍKURFRÉTTIR
t
Leiðari Víkurfrétta
Tekið er á móti auglýsingum á póstfangið gunnar@vf.is.
Auglýsingar berist fyrir kl. 17 á þriðjudegi fyrir útgáfudag sem
er almennt á fimmtudögum. Móttaka smáauglýsinga fer fram
á vef Víkurfrétta, vf.is. Smáauglýsingar berist fyrir kl. 15 á
þriðjudögum. Sé fimmtudagur frídagur þá kemur blaðið út á
miðvikudögum og þá færist skilafrestur auglýsinga fram um
einn sólarhring.
Efni til Víkurfrétta skal sendast á póstfangið vf@vf.is.
Aðsendar greinar birtast á vef Víkurfrétta, vf.is. Það er mat
ritstjórnar hvaða aðsendu greinar birtast í prentaðri útgáfu
blaðsins. Ekki er greitt fyrir aðsent efni, texta eða myndir,
hvort sem það birtist í blaðinu eða á vefsíðum Víkurfrétta.
Víkurfréttir ehf., kt. 710183-0319
Grundarvegi 23, 260 Njarðvík, sími 421 0000
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@
vf.is
Eyþór Sæmundsson, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0011,
thorgunnur@vf.is
Þorsteinn Kristinsson, steini@vf.is, sími 421 0011
Rut Ragnarsdóttir, sími 421 0009, rut@vf.is
og Aldís Jónsdóttir, sími 421 0010, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
PÁLL KETILSSON, RITSTJÓRI
vf.is
Ekki er vika án Víkurfrétta - sem koma næst út fimmtudaginn 22. mars 2012. Bókið auglýsingar í síma 421 0001 eða gunnar@vf.is
Hvað einkennir Suðurnes?
Í fyrsta sinn í sögu Suður-nesja er hægt að útskrif-
ast í listdansi af listnáms-
braut til stúdentsprófs í
námunda við sveitarfélagið
sitt. Kennslan á kjörsviði
listnámsbrautar fer fram
í BRYN Ballett Akademí-
unni í faglegu samstarfi við
Fjölbrautaskóla Suðurnesja
og við Keili um nemenda-
ráðgjöf. Allar bóklegar
greinar eins og t.d. íslenska,
stærðfræði og fleiri greinar
í kjarna fara fram í FS en
hinar verklegu hliðar list-
dansnámsins í BRYN ásamt
listdanssögu. BRYN er list-
dansskóli Reykjanesbæjar
og hefur það að markmiði
að veita nemendum sínum
þekkingu og sterka undirstöðu í klassískum
ballett og nútímalistdansi á heimsvísu. Skól-
inn er viðurkenndur af Mennta- og menn-
ingarmálaráðuneytinu til kennslu í listdansi
á grunn- og framhaldsskólastigi samkvæmt
aðalnámskrám listdansskóla og framhalds-
skóla í listdansi. BRYN er eini listdansskólinn
á landsbyggðinni sem er viðurkenndur til að
veita þetta námsframboð, aðeins þrír aðrir
listdansskólar á landinu eru viðurkenndir og
eru þeir allir í Reykjavík. Heimavist er í boði
fyrir nemendur BRYN á framhaldsskólastigi í
nágrenni skólans.
INNTÖKUPRÓF 29. APRÍL 2012
Inntökupróf munu fara fram sunnudaginn 29.
apríl í BRYN fyrir skólaárið 2012-2013. Fram-
haldsskólastig 16 ára og eldri kl. 14:00-15:30 og
grunnskólastig 12-15 ára kl. 12:00-13:00. Inn-
tökuprófsgjald er kr. 2000 og gengur það upp í
skólagjöld. Skráning í prófin er hafin á bryn@
bryn.is. Hver sá er hugar að framtíð innan list-
dansins getur skráð sig í inntökupróf. Æskilegt
er að nemendur er hyggja á inntökupróf í list-
dansnám hafi lokið grunnnámi í listdansi eða
sambærilegu námi.
VIÐURKENNT NÁMSFRAMBOÐ
Framhaldsskólastigið skiptist í tvær brautir á
kjörsviði, annars vegar sem klassískur listdans og
hins vegar sem nútímalistdans. Þegar nemendur
þreyta inntökupróf 29. apríl á framhaldsstigi
fyrir næsta skólaár þá velja þeir hvora brautina
þeir vilja einbeita sér að. Nemendur stunda list-
dansnámið í allt frá 14-17 tímum á viku í BRYN
að loknum námsdegi í sínum framhaldsskóla.
Einnig geta nemendur á öðrum kjörsviðum í FS
stundað nám í valáföngum
í klassískum- og nútímalist-
dansi eða djass og fengið
það nám metið til eininga.
Listnámsbraut er þriggja
ára námsbraut og með skil-
greindu viðbótarnámi má
ljúka stúdentsprófi af henni.
Með þessu er nemendum
veittur kjarngóður grunnur
að frekara námi í listdansi, í
sérskólum eða skólum á há-
skólastigi hérlendis sem og
erlendis.
Meginmarkmið listdans-
skólans er að mennta list-
dansara og efla færni og
þekkingu þeirra sem vilja
starfa sem atvinnudansari í
klassískum- eða nútímalist-
dansi eða starfa sem dans-
höfundur, dansfræðingur, rannsakandi á sviði
danslista, dansgagnrýnandi, listdanskennari og
svo mætti lengi telja. Námið er krefjandi þar sem
dansgleði ræður ríkjum og andleg og félagsleg
vellíðan blómstrar.
SKÓLINN STÆKKAR
Bryndís Einarsdóttir er eigandi og skólastjóri
skólans. Hún hefur kennt dans víða um heim
t.d. Ameríku, Englandi og Japan. Hún opnaði
listdansskólann í Reykjanesbæ árið 2008 og er
hann staðsettur á Ásbrú, í fyrrverandi skotfæra-
geymslu varnarliðsins. Nýverið hefur skólinn
stækkað og bætt við sig þriðja danssalnum.
Opnunarhátíð til þess að fagna því fer fram föstu-
daginn 30. mars kl. 16:00 og eru allir velkomnir.
Kennslan fer fram í þremur danssölum sem eru
með sérútbúnu dansgólfi og dansdúk, ballett-
stöngum, speglum og hljómflutningstækjum.
Í skólanum er búningsaðstaða með sturtum,
verslun með dansfatnað, biðstofa, dansbóka-
safn, æfingastúdíó fyrir styrktaræfingar, skrif-
stofa, kennara- og starfsmannaaðstaða. Forskóli
er starfræktur við skólann fyrir 3-8 ára og einnig
almenn braut fyrir þá sem vilja stunda dans-
nám sem tómstund. Nemendasýningar skólans
fara fram á vor- og haustönn og einnig Dans-
bikar BRYN sem er danskeppni nemenda innan
skólans í Andrews leikhúsinu á Ásbrú, sem er
500 sæta leikhús. Þetta árið fer Dansbikarkeppni
BRYN fram laugardaginn 24. mars kl. 14:00 og
er öllum boðið að koma að sjá hæfileikaríka
dansara sýna listir sínar. Miðaverð er kr. 1500
en frítt inn fyrir 12 ára og yngri. Listdansskól-
inn setur upp fleiri sýningar og listaviðburði
sem opnir eru almenningi. Hverja önn stunda
hátt í tvö hundruð nemendur nám við skólann.
Síðastliðnu þrjú ár hafa nú þegar á milli 350-450
nemendur í allt stundað nám við skólann árlega.
Skólinn leggur sérstaka áherslu á að túlka dans-
inn sem listform og er hlutverk skólans að efla
menningu og örva nýsköpun á sínu sérsviði í
Reykjanesbæ, á Íslandi og erlendis. Nánari upp-
lýsingar um námsframboð er að finna á www.
bryn.is og á feisbúkksíðu skólans Bryn Ballett
Akademían.
Bryndís Einarsdóttir, skólastjóri Bryn
Ballett Akademíunnar, tók saman.
Leik- og sönglist á
List án landamæra í
Reykjanesbæ
Nú er að fara af stað leik- og sönglistarnámskeið á vegum
fullorðinsfræðslu fatlaðra hjá
MSS og sveitarfélaganna fimm á
Suðurnesjum, þar sem listrænir
kennarar ætla að aðstoða áhuga-
sama við að koma upp sýningu í
Frumleikhúsinu. Fyrsta æfingin
verður haldin laugardaginn 17.
mars nk. í Frumleikhúsinu að
Vesturbraut 17, frá kl. 11 – 15.
Þessi sýning verður hluti af listahá-
tíðinni List án landamæra sem
er hátíð fjölbreytileikans þar
sem horft er á tækifæri en ekki
takmarkanir. List án landamæra
vill koma list fólks með fötlun á
framfæri og koma á samstarfi á
milli fatlaðs og ófatlaðs listafólks.
Sýnileiki ólíkra einstaklinga er
mikilvægur, bæði í samfélaginu,
í samfélagsumræðunni og hefur
bein áhrif á jafnrétti á öllum
sviðum. Það er því ánægjulegt
að sveitarfélögin á Suðurnesjum
hafa hlotið styrk frá Menningar-
sjóði Suðurnesja til verkefnisins.
Ég vil hvetja alla, fatlaða jafnt
sem ófatlaða, sem hafa áhuga á
söng og leiklist og eru tilbúnir
að taka þátt í þessu skemmtilega
verkefni að hafa samband við
undirritaða í síma 848 3995 eða
með tölvupósti á jenny@mss.is.
Jenný Þórkatla Magnúsdóttir
Bæjarstjórnarfundur
unga fólksins í maí
Bæjarstjórnarfundur unga fólksins í Grindavík
verði haldinn í byrjun maí í
samræmi við 8. gr. reglugerðar
um verkefni Ungmennaráðs
Grindavíkurbæjar.
Þetta var samþykkt samhljóða
á síðasta bæjarstjórnarfundi í
Grindavík og þar var sviðsstjóra
frístunda- og menningarsviðs
falið að undirbúa fundinn.
LISTDANS TIL STÚDENTSPRÓFS
Í fyrsta sinn í sögu Suðurnesja er hægt að útskrifast í listdansi af listnámsbraut til stúdentsprófs í
námunda við sveitarfélagið sitt. Kennslan á kjörsviði listnámsbrautar fer fram í BRYN Ballett Aka-
demíunni í faglegu samstarfi við Fjölbrautaskóla Suðurnesja og við Keili um nemendaráðgjöf.
Hvað einkennir Suðurnes? Þetta er
heiti og fyrsta spurning af þremur sem
Heklan, atvinnuþróunarfélag Suður-
nesja hefur lagt fyrir íbúa þessa svæðis
og vonast til að fá svör við. Hverjir eru
okkar styrkleikar, veikleikar og tækifæri og
fyrir hvað ættum við að standa?
Þetta eru ágætar spurningar hjá Heklunni
en hvað er það í raun sem einkennir svæðið
í dag? Í örfáum orðum má segja að á Suður-
nesjum sé náttúrufegurð, stutt í góð fiskimið
en ef fólk utan svæðisins væri spurt myndi
það eflaust svara: Þar er flugvöllurinn og
Bláa lónið og alltaf rok! Jákvætt eða nei-
kvætt? Ekki gott að segja og fer kannski eftir
því hvernig á málin er litið.
Í dag er svæðið að mestu leyti þjónustu-
svæði þar sem stærsti atvinnurekandinn er
Flugstöð Leifs Eiríkssonar en þar og í fyrir-
tækjum tengdum stöðinni starfa um tvö
þúsund manns. Hvar væru Suðurnesjamenn
ef ekki væri flugstöðin og flugvöllurinn. Við
getum þakkað Varnarliðinu það að með
„innrás“ þess fyrir um 60 árum hafi alþjóða-
flugvöllur orðið til. Og í dag er hann kjöl-
festan í atvinnu á Suðurnesjum. Það jákvæða
í þessu sambandi er að verulegri aukningu
er spáð í flugi og ferðaþjónustu sem er gott
fyrir Suðurnesin. Ferðaþjónustan er í sókn
en það hefur oft verið kvartað yfir því að
ferðamennirnir eru oftast fljótir að fara
beint til Reykjavíkur. Þeir stoppa ekki nógu
mikið hér. Hvað eigum við Suðurnesjamenn
að segja þegar hugmyndir um hraðlest frá
Keflavík til Reykjavíkur eru komnar upp
á borðið. Er það gott fyrir svæðið? Varla.
En kannski er erfitt að standa í vegi fyrir
bættum samgöngum á milli Keflavíkur og
Reykjavíkur.
Svæðið var fiskimannasvæði frá því byggð
fór að þróast hér og lengi vel lifðum við
góðu lífi á því sem kemur úr sjónum. Á
miðri síðustu öld kom Kaninn. Hann var
ásamt sjávarútvegi burðarás í atvinnulíf-
inu. Hingað flutti fólk utan af landi og gat
auðveldlega fengið vinnu í fiski eða uppi
á Velli.
Þegar spurt er um veikleika, styrkleika og
tækifæri er ljóst að það þarf að styrkja sam-
stöðu svæðisins. Samstöðuleysi er án efa
veikileiki. Frekari sameining sveitarfélaga
myndi örugglega styrkja þann þátt. Þar eru
tækifæri. Fólkið okkar í sveitarstjórnunum
er með þann bolta og ábyrgð. Með sam-
stöðu og hagræðingu í stjórnsýslunni er
hægt að gera betur í þjónustu við bæjarbúa
á Reykjanesi. Það er auðvitað hægt að nefna
fleiri þætti. Nánd við höfuðborgarsvæðið er
bæði veikleiki og styrkleiki. Veikleiki fyrir
verslun og þjónustuaðila hér en góðir fyrir
bæjarbúa ef þeir þurfa að fara á sjúkrahús,
leita til stofnana á höfuðborgarsvæðinu eða
í verslun sem er ekki hér. Sem sagt, bæði
gott og slæmt. Tækifærin eru auðvitað mörg
en liggja líklega meira á ferðaþjónustusvið-
inu en annars staðar. Bláa lónið dregur hér
að en það vantar einhverja samstöðu á þessu
sviði. Af hverju hefur ekki tekist að búa til
ferðamannahring á Reykjanesi með glæsi-
lega náttúru allt um kring og Víkingaskip
við Reykjanesbrautina? Líklega vantar sam-
stöðu þarna líka.
Einn risastór þáttur í þessum orðum er þó
hvort álver rísi hér eða ekki. Með álveri fer
allt á fleygiferð. Álverið á Grundartanga
á Vesturlandi er með um 400-500 manns í
vinnu og kaupir vörur eða þjónustu af 300
fyrirtækjum þar og á höfuðborgarsvæðinu
fyrir 10 milljarða á ári.
Fyrir hvað ættum við að standa er því
spurning sem gæti staðið í mörgum í þessari
könnun atvinnuþróunarfélagsins. Hér eru
góðir skólar frá leikskólum til framhalds-
skóla, menning á mikilli uppleið og veðrið
hefur líka verið að batna þó þessi vetur
sé orðinn langur. Eitt svar gæti verið gott
mannlíf. Eina í raun sem vantar almenni-
lega til að uppfylla þá ósk okkar er meiri
atvinna. 12,6% atvinnuleysi var í janúar á
Suðurnesjum á móti 7,9% í Reykjavík og
aðeins 2,9% á Norðurlandi. Ísköld stað-
reynd sem þarf að breyta strax.
Páll Ketilsson