Víkurfréttir - 12.07.2012, Blaðsíða 6
FIMMTUDAGURINN 12. júLí 2012 • VÍKURFRÉTTIR6
Þann 14. júlí 2012 kl. 16-18 opnar Fríða Rögn-valdsdóttir myndlistarkona úr Keflavík sýn-
inguna Ferðalag í Tré og list Forsæti, Flóahreppi.
Léttar veitingar verða við opnun.
Fríða hefur komið víða við á ferli sínum, var með-
limur og í stjórn Baðstofunnar í Keflavík, sem er hópur
áhugafólks um myndlist frá árunum 1986-1999. Hún
tók sumarnámskeið í vatnslitamálun 1995 í Mynd-
listarskóla Kópavogs. Fornám í Myndlistaw- og hand-
íðaskóla Íslands veturinn 1999. Auk þess fékk Fríða
inngöngu í Academie of fine kunst í Tongeren í Belgíu
haustið 1999. Hún nam þar í málaradeild til des. 2001
ásamt því að vera gestanemi í grafík- og skúlptúrdeild
skólans.
Fríða hefur haldið fjölda einkasýninga hérlendis,
ásamt einkasýningu í Lúxemburg. Einnig hefur hún
tekið þátt í mörgum samsýningum hér heima, ásamt 5
samsýningum erlendis, í Belgíu, í New York og síðasta
haust í Istanbúl í Tyrklandi, þar sem mynd hennar
Vinkonur var tilnefnd til verðlauna.
Fjölbreytta myndlist Fríðu má sjá á heimasíðu hennar,
frida-r.com
Nánari upplýsingar má finna á heimasíðu Tré og list,
treoglist.is
Leiðari Víkurfrétta
Hilmar Bragi Bárðarson, fréttastjóri
vf.is
Ekki er vika án Víkurfrétta - sem koma næst út fimmtudaginn 19. júlí 2012. Bókið auglýsingar í síma 421 0001 eða gunnar@vf.is
Víkurfréttir og tjáningarfrelsið
Það er alltaf gaman að gera
breytingar til góðs og við
hérna á ritstjórninni erum
ánægð með þær breytingar
sem við gerðum á vefsíðu Víkur-
frétta í síðustu viku. Þá var sett í loftið
töluvert endurbætt útgáfa af vf.is þar
sem vefir Víkurfrétta, fréttavefurinn
vf.is og golfvefurinn kylfingur.is voru
sameinaðir í einn vef. Nýja vefsíðan er
mun einfaldari en sú gamla og fram-
setning á fréttum er aðgengilegri.
Nýi vefurinn hefur verið í þróun
undanfarið ár og höfum við átt gott
samstarf við hugbúnaðarfyrirtækið
Dacoda í Reykjanesbæ sem fram-
leiðir vefumsjónarkerfið sem heldur
utan um umfangsmikið frétta- og
myndakerfi vf.is. Frá því vefurinn
fór fyrst í loftið sumarið 1995 hafa
tugþúsundir frétta og mynda verið
settar inn á vefinn og þar er mikla
sögu að finna. Vefnum hefur verið
breytt nokkrum sinnum í gegnum
tíðina og oftast fáum við að heyra
að gamla útgáfan hafi nú verið
betri, enda lesendur vanafastir.
Viðbrögðin við nýjustu breytingunni
hafa verið mjög jákvæð, ef undan er
skilin athugasemd sem markaðs- og
auglýsingastjóri DV hefur gert við
síðuna. Markaðsstjóri DV segir í grein
á dv.is Víkurfréttir vera að fara illa
með tjáningarfrelsið þegar ritstjórn-
in hafi lokað á þann möguleika að
lesendur gætu skrifað athugasemdir
undir fréttir og greinar á vefnum.
Þessi sami markaðs- og auglýs-
ingastjóri DV fór mikinn í at-
hugasemdakerfinu á vef Víkurfrétta
og lét þar orð falla sem lögfróðir
menn segja ærumeiðandi. Mark-
aðs- og auglýsingastjórinn bæði
hringdi í starfsmenn Víkurfrétta
og sendi þeim póst og óskaði eftir
afsökunarbeiðni blaðsins vegna
þeirrar ákvörðunar að hafa tekið út
þann valkost á vef vf.is að þar væri
hægt að skrá athugasemdir lesenda.
Vefmiðill markaðs- og auglýsinga-
stjóra DV tekur sjálfur á sínum
lesendum með eftirfarandi hætti:
„Athugasemdir eru á ábyrgð
þeirra sem þær skrá. DV áskilur
sér þó rétt til að eyða ummælum
sem metin verða sem æru-
meiðandi eða ósæmileg“.
Það er algjörlega í höndum ritstjórnar
Víkurfrétta að meta það hvað sé birt
og hvað ekki í miðlum Víkurfrétta,
hvort sem er á prenti eða netinu. Við
þurfum ekki að biðja markaðs- og
auglýsingastjóra DV afsökunar á því
að hafa tekið út athugasemdakerfið.
Markaðsstjórinn verður því bara
að nota sinn eigin vef áfram til að
ata sinn gamla heimabæ aur.
Sé það tjáningarfrelsi að meiða
æru fólks, þá þarf eitthvað að taka
þetta tjáningarfrelsi til skoðunar.
Hilmar Bragi Bárðarson
Tónlistarkonan Elíza Newman
skrifaði undir höf-
undarréttarsamn-
ing í síðustu viku
við ameríska fyrir-
tækið Wixen Music.
Wixen Music var
stofnað fyrir um 30
árum síðan og er sjálfstætt höf-
undarréttarfyrirtæki sem býður
listamönnum sínum mikið sam-
starf og góða stjórn á sínum höf-
undarrétti.
Tónlistarmenn á borð við Neil Yo-
ung, The Black Keys, Audioslave,
Rage against the Machine,Weezer
og Tom Petty eru á meðal lista-
manna sem Wixen Music eru með
á sínum snærum. Munu Wixen
einbeita sér að því að koma tónlist
Elízu á framfæri í ýmsum miðlum
og má þar nefna að lagið „I Won-
der“ af síðustu sólóplötu hennar,
mun hljóma í ástralska sjónvarps-
þættinum „Winners and Losers“
bráðlega. Winners and Losers er
vinsæll leikinn sjónvarpsþáttur
sem fjallar um fjórar vinkonur sem
vinna saman í Lottó stóran vinning
og líf þeirra eftir þær
breytingar. Þátturinn
er sýndur um víða
veröld, m.a í Bret-
landi, Frakklandi,
Finnlandi og Suður-
Afríku.
Elíza er um þessar
mundir að k lára
upptökur á þriðju sólóplötu sinni
sem mun koma út á Íslandi í haust.
Verður platan gerð í tveimur út-
gáfum þ.e. ein á íslensku fyrir Ís-
landsmarkað og önnur á ensku
fyrir erlendan markað.
Fyrsta lag plötunar Stjörnuryk er
komið í góða spilun á Íslandi og
hefur verið á vinsældarlista Rásar
2 í 6 vikur.
Elíza er bæði þekkt sem söngkona
Kolrössu Krókríðandi og Bellatrix
en einnig sem sóló listamaður á
Íslandi jafnt sem erlendis. Síðasta
plata Elízu, Pie in the sky naut
vinsælda og átti þó nokkur vinsæl
útvarpslög eins og Ukulele song
for you og Hopeless case, einnig
hlaut lag hennar um Eyjafjallajökul
heimsathygli árið 2010.
n
Stemmningin á varamannabekk Grindavíkur var með besta móti í liðinni viku þegar heima-
menn tóku á móti Valsmönnum í Pepsi-deild karla
í knattspyrnu. Guðjón Þórðarson, þjálfari Grinda-
víkur, er þekktur fyrir sælgætispokann sem hann
mætir ávallt með á leiki.
Guðjón opnar pokann og býður upp á bita þegar
hans menn skora mark. Í leiknum náðu Grindvík-
ingar forystunni snemma leiks og mikil stemmning
var í liðinu sem ætlaði sér sigur í leiknum. Það var
því farið ótæpilega í pokann góða á meðan á leik
stóð. Sagði Guðjón eftir leikinn að einn af aðstoðar-
mönnum hans á bekknum hafi farið full oft í pokann,
fengið sykursjokk og orðið æstur þannig að dómari
leiksins varð að koma og aðvara hann.
Á meðfylgjandi myndum má sjá gleðina á bekknum
og þegar leikmönnum og öðrum var boðið upp á
nammi eftir að Grindavík hafði aukið forystuna í
2:0. Úrslit leiksins urðu 2:0 sigur heimamanna og
fyrsti sigur Grindavíkur í Pepsi-deildinni orðinn að
veruleika.
VF-myndir: Hilmar Bragi
Á þriðja hundrað börn lesa nú af kappi í sumarlestri
Bókasafns Reykjanesbæjar. Hver
þátttakandi fær fisk á fyrsta þátt-
tökudegi til að setja í fiskabúr
sumarlesturs og þar svamla nú
233 fiskar.
Það hefur því gengið vel að fiska
eftir lestrarhestum það sem af er
sumri. Sumarlestri er þó hvergi
nærri lokið og mestallur júlí og
allur ágúst eftir. Við gætum því enn
slegið þátttökumetið frá árinu 2008
en þá tóku 255 börn þátt.
Grunnskólabörn í Reykjanesbæ og
læs börn á leið í grunnskóla eru
hvött til að hjálpa okkur á Bóka-
safninu að slá metið.
Elíza Newman skrifar undir
saming hjá Wixen Music
Munu börn í Reykjanesbæ
slá lestrarmet í sumar?
Fór ótæpilega í nammipokann
og var aðvaraður af dómara
Tekið er á móti auglýsingum á póstfangið gunnar@vf.is.
Auglýsingar berist fyrir kl. 17 á þriðjudegi fyrir útgáfudag sem
er almennt á fimmtudögum. Móttaka smáauglýsinga fer fram
á vef Víkurfrétta, vf.is. Smáauglýsingar berist fyrir kl. 15 á
þriðjudögum. Sé fimmtudagur frídagur þá kemur blaðið út á
miðvikudögum og þá færist skilafrestur auglýsinga fram um
einn sólarhring.
Efni til Víkurfrétta skal sendast á póstfangið vf@vf.is.
Aðsendar greinar birtast á vef Víkurfrétta, vf.is. Það er mat
ritstjórnar hvaða aðsendu greinar birtast í prentaðri útgáfu
blaðsins. Ekki er greitt fyrir aðsent efni, texta eða myndir,
hvort sem það birtist í blaðinu eða á vefsíðum Víkurfrétta.
Víkurfréttir ehf., kt. 710183-0319
Krossmóa 4, 4. hæð, 260 Reykjanesbæ, sími 421 0000
Páll Ketilsson, sími 421 0004, pket@vf.is
Hilmar Bragi Bárðarson, sími 421 0002, hilmar@vf.is
Eyþór Sæmundsson, sími 421 0002, eythor@vf.is
Gunnar Einarsson, sími 421 0001, gunnar@vf.is
Víkurfréttir ehf.
Þórgunnur Sigurjónsdóttir, sími 421 0006, thorgunnur@vf.is
Þorsteinn Kristinsson, steini@vf.is, sími 421 0006
Rut Ragnarsdóttir, sími 421 0000, rut@vf.is
og Aldís Jónsdóttir, sími 421 0000, aldis@vf.is
Landsprent
9000 eintök.
Íslandspóstur
www.vf.is, m.vf.is og kylfingur.is
Útgefandi:
Afgreiðsla og ritstjórn:
Ritstjóri og ábm.:
Fréttastjóri:
Blaðamaður:
Auglýsingadeild:
Umbrot og hönnun:
Auglýsingagerð:
Afgreiðsla:
Prentvinnsla:
Upplag:
Dreifing:
Dagleg stafræn útgáfa:
Myndlistarsýningin Ferðalag í Tré og list Forsæti
›› Fríða Rögnvaldsdóttir sýnir í Flóahreppi:
Scott Ramsay kíkir í nammipokann hjá
Guðjóni Þórðarsyni þjálfara sínum í
leiknum gegn Valsmönnum.