Víkurfréttir - 12.07.2012, Page 2

FIMMTUDAGURINN 12. júLí 2012 • VÍKURFRÉTTIR2
›› Tveir hælisleitendur fóru inn á öryggissvæði Keflavíkurflugvallar og földu sig í flugvél:
Liðna helgi komust tveir ungir hælisleitendur inn á ör-yggissvæði Keflavíkurflugvallar og fundust um borð
í vél Icelandair við reglubundna skoðun. Isavia lítur mjög
alvarlegum augum á atvikið en bendir á að öryggiskerfið
hafi virkað þar sem að áhöfn Icelandair hafi fylgt forskrif-
uðum verklagsreglum í hvívetna og fundið mennina áður
en vélin fór í loftið. Þetta segir í tilkynningu sem Isavia
hefur gefið út.
Lögreglan á Suðurnesjum fer með rannsókn málsins og
liggur niðurstaða rannsóknar ekki endanlega fyrir. Isavia
hefur veitt lögreglunni aðgengi að öllum gögnum sem
kunna að varpa ljósi á hvernig mennirnir komust inn á
svæðið og í flugvélina. Isavia tók þá ákvörðun að veita ekki
upplýsingar um málið fyrr en það lá fyrir með hvaða hætti
mennirnir komust inn á svæðið. Ljóst er að mennirnir
fóru ekki í gegnum öryggishlið inn á flugvallarsvæðið né í
gegnum Flugstöð Leifs Eiríkssonar. Fóru þeir yfir girðingu
inn á svæðið og þaðan inn á flughlaðið við Flugstöð Leifs
Eiríkssonar. Öryggisdeild Isavia, sem fer með öryggis- og
flugverndarmál á Keflavíkurflugvelli, starfar eftir mjög
ströngu verklagi sem samþykkt er af Flugmálastjórn Ís-
lands. Við skoðun á verklagi öryggisstarfsmanna Isavia á
þeim tíma er viðkomandi atvik átti sér stað kemur ekkert
athugavert í ljós við störf þeirra. Hælisleitendurnir hafa
greinilega verið vel skipulagðir.
Í ljósi alvarleika málsins mun Isavia yfirfara öryggiseftirlit
með starfssemi á svæðinu, þrátt fyrir að öryggiskerfið hafi
virkað í þessu tilviki, segir í tilkynningu Isavia.
Isavia yfirfer öryggiseftirlit
KVEN- OG BARNAFATAVERSLUN
J J&
Hafnargata 21
GOT
T
VER
Ð
Víkurfréttir hafa flutt ritstjórnarskrifstofur
blaðsins að Krossmóa 4 í Reykjanesbæ
Farþegaþotur hófu sig á loft tæplega tólf hundruð
sinnum frá Keflavíkurflug-
velli í júní. Langflestar voru
merktar Icelandair. Þetta kemur
fram á vefnum Túristi.is
Þeim hefur fjölgað erlendu flug-
félögunum sem sjá sér hag í að
fljúga til Íslands. Vægi þessara
félaga er hins vegar lítið þegar
horft er til allra brottfara á
Keflavíkurflugvelli í júnímánuði.
Flest eru þau með í kringum eitt
til tvö prósent af heildinni sam-
kvæmt talningu Túrista. Icelandair
ber höfuð og herðar yfir aðra því
tæplega sjötíu prósent af ferðum
frá landinu voru á vegum þess.
Iceland Express er annað um-
svifamesta fyrirtækið í millilanda-
flugi með níu prósent hlutdeild
og WOW air er í þriðja sæti.
Airberlin og SAS eru stærstu
erlendu félögin eins og sjá má
á töflunni hér að neðan.
Vægi þeirra 5 stærstu
á Keflavíkurflugvelli í júní

1. Icelandair - 68,5%
2. Iceland Express - 9%
3. WOW air - 6%
4. Airberlin - 3,5%
5. SAS - 3%
Tvær af þremur á
vegum Icelandair
Aðsókn í gönguferðir um Re ykjanesskagann me ð
Reykjanesgönguferðum hefur
verið með miklum ágætum í
sumar, að sögn Rannveigar Lilju
Garðarsdóttur, leiðsögumanns,
sem staðið hefur fyrir gönguferð-
unum. Stærstur hluti göngufólks-
ins kemur frá Suðurnesjum en
einnig hafa göngumenn verið að
koma af höfuðborgarsvæðinu til
að njóta þess sem náttúra Suður-
nesja hefur uppá að bjóða.
Rannveig segir að 50-70 manns
séu í hverri gönguferð að jafnaði
og þátttakendur séu á öllum aldri.
Reynt sé að hafa ferðirnar þannig
að þær henti öllum áhugasömum
um gönguferðir. Gengið er á mið-
vikudögum og nú eru sex göngur
að baki og fjórar eftir. Meðfylgj-
andi mynd var tekin á dögunum
þegar gengið var um Sveifluháls
en þar er mikil náttúra eins og sjá
má á myndinni. Nánar má lesa um
Reykjanesgöngur á vf.is.
Vinsælar göngur