Ægir - 01.04.2006, Síða 35

35
N Ý B R E I Ð A F J A R Ð A R F E R J A
Tvær ferðir á dag milli Stykk-
ishólms og Brjánslækjar
Breiðafjarðarferjan Baldur er í
föstum áætlunarsiglingum á
milli Stykkishólms, Flateyjar á
Breiðafirði og Brjánslækjar á
Barðaströnd. Tímasetningar
áætlunarinnar verða eftir sem
áður þær sömu, þ.e. kl. 9 og
16 frá Stykkishólmi og 12.30
og 16.30 frá Brjánslæk. Ferjan
hefur viðkomu í Flatey, sem
er vinsæll áningarstaður
ferðamanna yfir sumarmán-
uðina. Nýja ferjan er mun
hraðskreiðari en sú gamla og
munar þar um 40 mínútum
hvora leið. Það má því ætla
að það taki um 2 tíma og 20
mínútur að sigla yfir Breiða-
fjörðinn.
Styrkur fyrir ferðaþjónustuna
Ragnheiður Valdimarsdóttir,
sölustjóri hjá Sæferðum í
Stykkishólmi, segir alveg ljóst
að tilkoma nýju ferjunnar
skjóti styrkari stoðum undir
rekstur farþegaferju yfir
Breiðafjörð. Ljóst sé að þar
sem ferjan er mun hrað-
skreiðari en sú gamla velji
fleiri að fara með ferjunni yfir
Breiðafjörð í stað þess að
aka. Hin nýja ferja sé því án
efa verulegur styrkur fyrir
ferðaþjónustuna í Stykkis-
hólmi.
Auk Baldurs gera Sæferðir
út þrjá aðra báta, sem eru í
fullum rekstri yfir sumarmán-
uðina. Á einum þeirra er m.a.
boðið upp á sjóstangaveiði
frá Stykkishólmi, annar þeirra
býður upp á hinar vinsælu
Suðureyjasiglingar á Breiða-
firði, sömuleiðis frá Stykkis-
hólmi, og þriðji báturinn er
gerður út á hvalaskoðun frá
Ólafsvík, en óneitanlega hef-
ur hvalaskoðunin verið vax-
andi þáttur í ferðaþjónustunni
hér á landi.
Flatey er sérstakur heimur
Það eru margir sem leggja
leið sína með Baldri út í Flat-
ey á Breiðafirði, einkum yfir
sumarmánuðina, enda ein-
staklega skemmtilegur staður
og áhugaverður, ekki síst fyr-
ir merka sögu. Húsin í eynni
hafa haldið sínum sjarma og
unnið hefur verið að því að
endurbyggja mörg þeirra.
Þannig er nú unnið kappsam-
lega að því þessar vikurnar
að endurbyggja gamla Sam-
komuhúsið, þar sem Veit-
ingaþjónustan Mensa í
Reykjavík stefnir að því að
opna veitingastað fyrrihluta
júnímánuðar. Einnig er unnið
að gagngerum endurbótum á
hinu svokallaða Eyjólfspakk-
húsi í Flatey þar sem ætlunin
er að opna hótel. Með til-
komu þess verður unnt að
bjóða upp á gistingu í Flatey
í hærri gæðaflokki en áður.
Yfir vetrarmánuðina hafa
að jafnaði fimm búsetu í Flat-
ey, en yfir sumarmánuðina
dvelja þar oft 80 og allt upp í
100 manns til lengri tíma auk
mikils fjölda ferðafólks sem
leggur leið sína í eyna og er
þar til skemmri dvalar.
Margir óttuðust að erfitt
yrði að leggja hinni nýju ferju
að bryggju í Flatey, enda er
bryggjan þar aðeins 19 metra
löng, en skipið hins vegar 63
metra langt. Sá ótti reyndist
hins vegar ástæðulaus og
ljómandi vel hefur gengið að
leggja þar að.
aegirapril-48breitt.qxp 5/11/06 12:45 PM Page 35