Ægir - 01.07.2008, Page 11

11
kræklingi í Evrópu. Í kræk-
lingaskýrslunni kemur fram
að heildsöluverð á kræklingi
frá Hollandi á Rungis markaði
í París hafi hækkaði úr tæpri
1 evru/kg árið 1999 í 2,8 evr-
ur/kg þegar verðið var hæst
árið 2007. Frá janúar 2004
hefur heildsöluverðið verið
um 2,5 evrur/kg. Útflutnings-
verð á ferskum kræklingi frá
Írlandi hefur verið mismun-
andi á milli ársfjórðunga en
almennt hækkað og var að
meðaltali um 2 evrur/kg árið
2006 og fram á mitt ár 2007.
Verð á útfluttum kræklingi
frá Noregi hefur hækkað úr
3,52 NOK/kg árið 2005 í 7,98
NOK/kg fyrstu sex mánuðina
á árinu 2007. Ástæðan fyrir
hækkun á milli ára er sögð sú
að minna var um krækling af
litlum gæðum árið 2007.
Dregið hefur úr útflutningi
Norðmanna eða úr 3.500
tonnum árið 2004 í 1.000
tonn árið 2007 en það ár var
mest flutt út til Frakklands.
Norðmenn hafa komið upp
móttökustöð í Frakklandi til
að halda lifandi kræklingi á
lager og geta pakkað og af-
hent ferska skel allt árið með
skömmum fyrirvara.
Kanadamenn hafa flutt út
óverulegt magn af ferskum
kræklingi með flugi til Eng-
lands á hærra verði eða
3,5-4,0 evrur/kg.
Tillögur til
sjávarútvegsráðherra
Í ljósi þess að nefndarmenn
komust að því í skýrslu sinni
að kræklingarækt á Íslandi sé
álitlegur kostur gerir nefndin
eftirtaldar tillögur til sjávarút-
vegsráðherra:
Stofnaður verði samráðs-
hópur og í honum sitji fulltrú-
ar frá Matvælastofnun, Matís,
Hafrannsóknastofnuninni og
Skelrækt – samtökum skel-
ræktenda. Hlutverk hópsins
verði að samþætta starf ríkis-
stofnana og koma með tillög-
ur til ráðherra um ræktunar-
svæði þar sem fram færi heil-
næmiskönnun eða annars-
konar umhverfisrannsóknir
sem verði fjármagnaðar úr
ríkissjóði. Samhliða heilnæm-
iskönnun ræktunarsvæða
verði lagt mat á tíðni eitraðra
svifþörunga á svæðinu.
Lagt er til að mælingar á
þörungaeitri og kadmíum í
uppskeru verði fjármagnaðar
úr ríkissjóði fyrst um sinn.
Aflað verði frekari upplýsinga
um uppruna og náttúrulegan
breytileika í styrk kadmíums í
kræklingi hér við land
Mikilvægt er að greinin
geti sótt um opinbera styrki
til þess að aðlaga ræktunar-
tækni að hverju svæði fyrir
sig og jafnframt er lagt til að
sjávarútvegs- og landbúnaðar-
ráðuneytið veiti fjármagni til
að könnuð verði hagkvæmni
mismunandi flutningsleiða
fyrir ferskan krækling á Evr-
ópumarkað.
Þetta kort, sem birtist í skýrslu um stöðu kræklingaræktar á Íslandi, sýnir staðsetn-
ingu fyrirtækja í kræklingarækt í dag. Norðurskel í Hrísey er lang stærsta fyrirtækið
í kræklingaræktinni í dag.
K R Æ K L I N G A R Æ K T