Ægir - 01.08.2013, Blaðsíða 25

25
Þ J Ó N U S T A
framleiðendum upp í „Turn
Key“ verksmiðjur. Einnig
bjóðum við íhluti í sjálfvirkni-
kerfi, hraðabreyta, mælinema,
iðntölvur, skjái og þjarka svo
eitthvað sé nefnt,“ segir Har-
aldur.
Þjarkar víða um heim
Þjarkarnir sem Samey þróar
og selur hafa farið víða um
heim. Grunneininguna kaupir
fyrirtækið frá Japan, íhlutir
koma héðan og þaðan en
hugvitið er íslenskt. Samey
hefur nýverið samið um sölu
tveggja þjarka til Kína en
notkun slíkra tækja fer nú ört
vaxandi þar eystra. Gangi
áætlanir eftir mun kínverski
viðskiptavinurinn kaupa alls
tíu þjarka. Gæðakerfi Sameyj-
ar er samkvæmt ISO
9001:2008 staðli og vottað af
BSI.
Iðnaðarþjarkarnir frá Sam-
ey gegna einnig lykilhlutverki
í norsku laxeldi. Haraldur
segir að um 70% af allri fram-
leiðslu á norskum eldislaxi
fari í gegnum staflarakerfi frá
Samey, sem stafla og flokka
kassa með ferskum laxi til af-
hendingar. „Þessi kerfi geta
afkastað hundrað tonnum á
dag hvert um sig,“ segir Har-
aldur.
Hann segir mikla grósku í
erlendum og íslenskum iðn-
aði, ekki síst eftir hrun og
ákveðin vakning hafi orðið í
kjölfarið. Fyrirtækin virðist í
auknum mæli hafa snúið sér
að því að styrkja kjarnafram-
leiðsu og mæta aukningu
með meiri sjálfvirkni.
Fækka einhæfum störfum
Haraldur segir þjarkana henta
til sífellt fjölbreyttari starfa.
„Þeir falla vel að aukinni
kröfu um hagkvæmni og
leysa oft úr erfiðum aðstæð-
um, þar sem áður þurfti að
manna erfið og einhæf störf.“
Hann segir vakningu í vinnu-
vernd einnig hafa þrýst á
aukna sjálfvirkni og notkun á
iðnaðarþjörkum.
„Störf sem fela í sér þung-
ar byrðar og endurteknar ein-
hæfar hreyfingar eru ekki
góð fyrir líkamann og sífellt
verður erfiðara að manna
þau. Vinnueftirlitið, sem
byggir tilmæli sín á Evróputil-
skipun, mælir t.d. með að
starfmaður flytji að hámarki
samtals þrjú tonn á dag af 25
kg byrði en það er algeng
stærð af frauðplastkössum
fyrir ferska vöru. Það gefur
auga leið að iðnaðarþjarkur
er eina lausnin í meðhöndlun
á slíkum kössum í einhverju
magni. Þar höfum við réttu
lausnina.“
F R É T T I R
Á aðalfundi LÍÚ tilkynnti Sig-
urgeir Brynjar Kristgeirsson,
formaður Rannsóknarsjóðs
síldarútvegsins, um úthlutun
15 milljóna króna styrkja til
rannsóknar-, kynningar- og
markaðsstarfs í tengslum við
sjávarútveg. Fimm verkefni
hlutu styrki í ár.
Sérstakur styrkur er veittur
til doktorsverkefna í tengslum
við nýsköpun, vöruþróun og
markaðsöflun í sjávarútvegi,
svokallaður Sigurjónsstyrkur
sem svo er nefndur eftir Sig-
urjóni Arasyni, prófessor. Að
þessu sinni var styrkt rann-
sóknarverkefni sem snýst um
að finna leiðir til að spá fyrir
um útbreiðslu síldar við Ís-
land. Ætlunin er að gera það
með því að tengja saman
upplýsingar um staðsetningu
og dýpi þar sem síld hefur
veiðst við umhverfisþætti, svo
sem hitastig, seltu, strauma
og aðrar upplýsingar sem fást
með keyrslu straumlíkansins
CODE. Styrkurinn hljóðar
upp á hámarksupphæð sem
er fimm milljónir króna.
Verkefnisstjóri er Jed Ian
Macdonald frá Háskóla Ís-
lands og aðalleiðbeinandi er
Guðrún Marteinsson frá Há-
skóla Íslands.
Sjóðurinn skipti tólf millj-
ónum króna milli fjögurra
kynningarverkefna og náms-
gagnagerðar fyrir sjávarútveg.
Í fyrsta lagi til gerðar rafbókar
með heildstæðri umfjöllun
um íslenskan sjávarútveg
með áherslu á 21. öldina.
Bókin verður miðuð að fram-
haldskólastiginu og henni
ætlað að auka skilning á ferl-
inu frá veiðum úr hafinu þar
til afurð er komin til kaupend
á erlendum mörkðum. Verk-
efnisstjóri er Hreiðar Þór Val-
týsson frá Sjávarútvegsmið-
stöð Háskólans á Akureyri.
Erlendur Bogason, kafari
hjá Sævör ehf., fékk styrk til
að gera stutt neðansjávar-
myndbönd sem geyma sögur
og myndir af fiskum og dýr-
um í sjónum við Íslands. Ætl-
unin er að vekja með þeim
áhuga nemenda á grunn- og
framhaldsskólastigi á Íslandi
á neðansjávarlífríki Íslands á
aðgengilegan og skemmtileg-
an hátt.
Þriðji styrkurinn var veittur
til gerðar kennslubókar í fisk-
vinnslu um meðferð fisks,
hreinlæti og vinnsluferla.
Áhersla verður lögð á að
bókin sé aðgengileg fyrir alla
sem koma að kennslu og
námi í fisktækni á framhalds-
skólastigi og að hún sé í sam-
ræmi við námsskrá í fisk-
tækni. Jafnframt verði hægt
að nýta einstaka kafla í nám-
skeið fyrir starfandi fólk í
greininni og/eða sem upp-
flettirit. Verkefnisstjóri þessa
verkefnis verður Nanna Bára
Maríasdóttir hjá Fisktækni-
skóla Íslands í Grindavík.
Loks var styrkur veittur til
taka saman á skipulegan
máta hagnýtar upplýsingar
um vinnslu á ferskum bolfiski
frá veiðum í vöru og birta á
rafrænu formi á vef Matís.
Verkefnisstjóri verður Margeir
Gissurarson hjá Matís.
Rannsóknarsjóður síldarútvegsins:
Fimmtán milljónir til rannsóknar-
og markaðsverkefna
Fulltrúar þeirra fimm verkefna sem fengu styrki úr Rannsóknarsjóði síldarútvegs-
ins. Sigurgeir Brynjar Kristgeirsson, formaður sjóðsins, fyrir miðju.