Breiðholtsblaðið - 01.09.2005, Blaðsíða 13

Þessi frasi er orðinn dálítiðalgengur hér á landi aðtala um „ríka og fræga
fólkið“. Sjálfsagt þykir eftirsókn-
arvert að tilheyra þessum hópi
og fá að baða sig í ljósi fjölmiðl-
anna. En það kostar sitt því fátt
er heilagt í þessum geira og nán-
ast allt einkalífið lagt á borð fyr-
ir almenning. Ég hef stundum
velt því fyrir mér af hverju við
erum svona upptekin af þessu
fólki og það fær svona mikið
rými í fjölmiðlum. Kannski
vantar okkur kóngafjölskyldu til
að fylgjast með eins og frændur
okkar í Danmörku.
Tveir hópar fólks virðast þóumfram aðra eiga greiðaleið inn í fjölmiðla, svo
greiða, að manni þykir stundum
nóg um. Hvort þeir hópar teljast
„ríkir“ eða „frægir“ eða hvoru-
tveggja skal ekkert fullyrt um.
Annar hópurinn er ráðherrar og
aðrir stjórnmálamenn. Það líður
varla svo fréttatími í útvarpi og
sjónvarpi að ráðherra, einn eða
fleiri, eða þingmaður fái tæki-
færi til að koma fram, vera í við-
tali eða sýndur við „embættis-
störf“. Varla er opnaður vegar-
slóði, sprengdur klettur fyrir
veg, opnuð verslun, tekin í
notkun heimasíða að ráðherra
sé þar ekki með skærin að klippa
á einhverja borða, umkringdur
ljósmyndurum, sveitarstjórnar-
mönnum, þingmönnum og öðr-
um. Er þetta alltaf svona merki-
legt? Ráðherrar boða frétta-
mannafundi með lið ráðuneytis-
starfsmanna og sérfræðinga í
fínum sölum til að kynna á
stundum sérkennilega lítilfjör-
leg mál sem almenningur hefur
sáralítinn áhuga á. Og ósköp líð-
ur fólkinu vel í sviðsljósinu.
Hinn hópurinn sem færmikla athygli eru fjár-festar. Stöðugt er í út-
varpi og blöðum verið að segja
frá kaupum þeirra á hlutabréf-
um, fyrirtækjum, eignarhaldsfé-
lögum, dótturfyrirtækjum eða
þeir eru að splundra þessu upp
og skipta um nöfn. Mér finnst
þessar fréttir álíka áhugaverðar
og fréttir af frímerkjasöfnurum
sem eru að skiptast á frímerkj-
um. Hver hefur áhuga á þessum
viðskiptum sem fæstir botna
nokkuð í yfirleitt? Og svo er ver-
ið að tala aftur og aftur um laun
þessa fólks og gróða. Eigum við
ekki að gefa þeim bara frí frá
sviðsljósinu? Eða hefur almenn-
ingur áhuga á þessu?
Í flestum löndum eru ráðherr-ar yfirleitt ekki í fjölmiðlumnema þegar stóratburðir eiga
sér stað. Yfirleitt er ekki verið að
mynda ráðherra sem ferðast
landshorna á milli á kostnað al-
mennings til að klippa á spotta
á nýrri brú yfir lækjarsprænu.
Ámeðan við erum svonaupptekin af „fína ogfræga fólkinu“ þá brenna
mörg samfélagsmál á almenn-
ingi og er talað um það frekar
yfirborðslega. Hækkanir á nauð-
synjum, starfsemi skóla og leik-
skóla, húsnæðis- og lóðamál,
menningarviðburðir, frumkvæði
fólks í atvinnurekstri og nýjung-
ar fá sáralitla umræðu. Og um
stjórnmálamenn er oft farið
mjúkum höndum þegar þeir eru
beðnir að fjalla um erfið mál,
eins og heilsugæslu, dagheimil-
ismál og önnur verkefni sem
brenna á fólki. Þá finnst mér að
þeir þurfi sannarlega að svara
fyrir sig og gefa almenningi skýr
svör. Almenningur sem greiðir
sína skatta og skyldur til samfé-
lagsins ætlast til að fá þá grund-
vallarþjónustu sem samfélagið
rekur. Lokanir og frestanir,
skortur á þessari þjónustu er
verk stjórnmálamanna að leysa.
Það á ekki að gera í fjölmiðlum
heldur á þeirra vinnustöðum.
Stjórnmálamenn eru í vinnu hjá
okkur til að leggja leikreglur og
skynja þarfir samfélagsins og
bregðast við þeim en ekki vera
„puntudúkkur“ í fjölmiðlum.
SEPTEMBER 2005 13Breiðholtsblaðið
TI L UMHUGSUNAR
Eftir sr. Svavar Stefánsson
Af ríka og fræga fólkinu
Smiðjuvegi
Hér
er ég!Breiðhyltingar búa við góðan
kost í nýja kerfinu segir forstjóri
Strætó í síðasta tölublaði Breið-
holtsblaðssins. Kannski góðan
kost miðað við hestvagna en ekki
miðað við nútímann. Það er
hörmulegt þegar borgarstjórn
ásamt her hámenntaðra skipu-
lagsfræðinga getur klúðrað al-
menningssamgöngum eins og gert
hefur verið í Reykjavík með þessu
nýja leiðakerfi. Ég hef á undarförn-
um mánuðum ritað og bent á
margan gallann í kerfinu. Og þann
stærstan að efri hverfi borgarinn-
ar eru í lélegu sambandi við
íþrótta og útivistarsvæðið Laugar-
dal sem borgarstjórn eyðir þó
stórfé í að byggja meira upp. Frá
stórri skiptistöð í Mjódd fer eng-
inn bíll niður svo mikilvæga sam-
gönguæð sem Suðurlandsbrautin
er, þess í stað þarf fólk að híma í
vegarkantinum á hraðbrautum
bæjarins og láta bílaumferð ausa
yfir sig skít og drullu í votviðrum
eða skjálfa úr kulda. Það er líka
merkilegt að viðkomandi hafa ekki
áttað sig á að fólkið sem fer til
vinnu árla morguns með sæmi-
legri tíðni kerfissins, er að fara til
vinnu við að þjónusta þá sem
koma um miðjan daginn og þurfa
þá á ferðum að halda.
Þegar tíðnin er minnst í kerfinu
er líka einkennilegt að þar sem
fleiri en ein leið liggur um þá séu
bílarnir á sama tíma, svo missir
þú af vagni þá missir þú alla og
biðin verður 19-29 mínútur. Það
kostar ekki pening að breyta
þessu. Ein af staðreyndunum er
að fólk úr Breiðholti- efra er í
bestu þjónustusambandi við
Kópavog. Flest önnur svæði
krefjast lengri ferðatíma og fleiri
skiptinga en í því gamla og það
víðs fjarri hlýrri skiptistöð Mjódd-
arinnar.
Ýmislegt:
Hvar er tenging allra efri hverf-
anna? Víða má skapa meiri
notkunnarmöguleika kerfissins
með viðbótar biðstöðvum, t.d. við
útivistarsvæði. Ef ég þarf að fara í
Vatnsendahverfið þá þarf ég fyrst
að fara niður í Mjódd þó leiðirnar
mætti tengja með biðstöð á
Breiðholtsbraut móts við Jafnasel.
Ef svokölluð skýli sneru bakhlið
í götuna vernduðu þau fyrir aur
og drullu.
Hvers vegna ekki nýja hugsun í
samgöngum?
Breytingar þessar á leiðakerfi,
götum og biðstöðvum hafa kostað
okkur skattborgarana stórfé, og
því mætti velta fyrir sér hvort ekki
væri hagkvæmara að leggja gott
kerfi rafdrifinna gangbrauta um
mörg hverfin að stórum og fáum
skiptistöðvum sem strætisvagnar
tengdu saman. Slík færibandakerfi
notuðu innlenda orku og væru
ekki háð tímatöflum og fjölda bíl-
stjóra. Þær mættu og þyrftu að
vera yfirbyggðar og fjöldastýrðar
eins og stigar í mörgum brautar-
stöðvum erlendis.
Björn Finnsson
Umsjónarmaður Plútó frístunda-
heimilis ÍTR í Fellaskóla Sími 847-
1612, í vinnu 557.-3550 Miðberg.
Hvar er góði strætókosturinn?
Björn Finnsson.
Atlantsolía opnar á næstu
dögum bensínstöð við Skeifuna í
Reykjavík. Stöðin er sú þriðja í
röðinni sem reist er á höfuð-
borgarsvæðinu en samskonar
stöðvar eru á Sprengisandi og
við höfnina í Hafnarfirði. Stað-
setning var valin með tilliti til
góðs aðgengis en hún stendur á
horni lóðarinnar hjá Krónunni.
Líkt og með aðrar stöðvar Atl-
antsolíu þá verður einungis tek-
ið við kortum en að sögn Huga
Hreiðarsson, markaðsstjóra
geta einstaklingar sem ekki hafa
hefðbundin kredit eða debitkort
fengið Atlantsolíukort þeim að
kostnaðarlausu. Segir hann slík
kort vinsæl enda veiti þau af-
slátt af eldsneyti. Aðspurður
segir ástæður þess að ekki sé
tekið við pengingum þá að pen-
ingasjálfsalar verði oft fyrir
barðinu á einstaklingum í leit að
fjármunum, tæma þurfi þá reglu-
lega, seðlar vilji festast í þeim
sem allt kosti þetta mikila vinnu
og kostnað sem ekki samræmist
stefnu Atlantsolíu.
Á mánudaginn tók Dagur B.
Eggertsson borgarfulltrúi og for-
maður Skipulagsráðs Reykjavík-
ur skóflustungu að nýrri bensín-
stöð Atlantsolíu. Bensínstöðin
mun rísa að Bíldshöfða 20 á lóð
Húsgagnahallarinnar við gatna-
mót Höfðabakka og Bíldshöfða.
Stöðin mun verða eitt helsta
samkeppnisafl Atlantsolíu í
Reykjavík en henni er ætlað að
þjóna Grafarvogs- og Grafar-
holtsbúum og Breiðholtsbúum
sem og íbúum Mosfellsbæjar
sem sækja vinnu til borgarinnar.
Atlandsolía opnar tvær
nýjar bensínstöðvar
Nýja bensínstöðinn við Skeifuna.