Vesturbæjarblaðið - 01.09.2007, Blaðsíða 2
Verndun sjóvarnar-
garðs í Skerjafirði
Menningar- og ferðamálaráð leggur
til við framkvæmdaráð að ráðist verði
í lagfæringar og endurbætur á sjóvarn-
argarðinum við Skildinganes. Óskað
er eftir því að verkefnið verði sett á
framkvæmdaáætlun ársins 2008 og
að samvinna verði höfð við Minjasafn
Reykjavíkur um framkvæmd þess. Haf-
ist verði handa sem fyrst við þessar
lagfæringar þar sem um fornminjar er
að ræða en veruleg hætta er á að þess-
ar minjar hverfi með tímanum vegna
mikils sjávarágangs ef ekkert verður
að gert. Tillagan var samþykkt.
Viðbygging leyfð við
Ránargötu 8
Á fundi skipulagsráðs var tekið
fyrir erindi Kristjáns Más Kárasonar
Ránargötu 8 til að byggja byggja við-
byggingu úr steinsteypu og timbri við
norðurhlið 1. hæðar einbýlishússins á
lóð nr. 8 við Ránargötu. Þinglýst sam-
komulag milli eigenda Ránargötur 8
og 6a dags. 31. júlí 2007 fylgir, einnig
þinglýst samkomulag milli eigenda
Ránargötu 8 og 8a dags. 29. júní 2007.
Grenndarkynning stóð yfir frá 20.
júlí til og með 17. ágúst 2007. Athuga-
semd barst frá Marinó Þorsteinssyni
Vesturgötu 19, dags. 9. ágúst 2007.
Erindið var samþykkt.
Vilja stækka anddyri
Háskólabíós
Sótt hefur verið um leyfi til skipu-
lagsráðs til að byggja við og stækka
anddyri Háskólabíós ásamt inngangs-
skyggni við austurhlið og innrétta
nýja miðasölu á lóð nr. 3 við Hagatorg.
Afgreiðslu var frestað.
Öflugt fjarnam við FÁ
Öllum nemendum unglingadeilda
við grunnskóla Reykjavíkur býðst frá
og með þessu skólaári að stunda fram-
haldsskólanám í fjarnámi við Fjölbraut-
arskólann við Ármúla (FÁ) og verður
það nám nemendunum og skólunum
að kostnaðarlausu. Frá árinu 2002 hef-
ur verið starfrækt öflugt fjarnám í Fjöl-
brautaskólanum við Ármúla. Frá upp-
hafi hefur grunnskólanemum gefist
kostur á að skrá sig í áfanga og hafa
nokkrir skólar metið þá sem valfag í
9. og 10. bekk. Þessir nemendur hafa
jafnan staðið sig vel í grunnskólanum,
hvort heldur er almennt eða í einstök-
um fögum. Á liðnu skólaári voru 173
grunnskólanemar í fjarnámi í FÁ á
haustönn 2006þar af 99 úr grunnskól-
um Reykjavíkur. Á vorönn 2007 voru
þeir 125, af þeim 34 úr grunnskólum
Reykjavíkur. Reynslan hefur sýnt að
grunnskólanemar standa sig vel í fjar-
náminu og hafa um 90% þeirra tekið
lokapróf í völdum áfanga. Það sem
nemendur bera úr býtum er að þeir
kynnast vinnubrögðum framhaldsskól-
ans; skilin milli skólastiga verða ekki
eins skörp; þeir geta stundað nám í
námsgreinum sem þeir skara framúr
í, en um leið haldið áfram í grunnskól-
anum sínum; félagslega sterkari staða
og þeir ná forskoti í náminu og geta
lokið framhaldsskólanum á skemmri
tíma en ella.
Miklar breytingar á
Skólavörðustíg 46
Guðmundur Kristján Jónsson,
Noregi, hefur sótt er um leyfi til að
byggja glerútbyggingu, síkka glugga
og gera franskar svalir á suðaustur
hlið, stækka íbúð inn á svalir á norð-
vestur hlið og gera þar nýjan inngang
í íbúð, breyta innra skipulagi íbúðar,
þ.m.t. að fjarlægja burðarvegg á 2.
hæð í fjölbýlishúsinu á lóð nr. 46 við
Skólavörðustíg. Samþykki Skólavörðu-
stígs 45 ehf. fylgir erindinu, sem og
bréf burðarvirkishönnuðar, bréf hönn-
uðar og þinglýst samþykki meðeig-
anda í fjölbýlishúsinu Skólavörðustíg
46. Erindið var samþykkt.
Aukin löggæsla
Í borgarstjórn 4. september sl.
lagði Samfylkingin fram tillögu þar
sem lagt er til að borgarstjórn sam-
þykki að ítreka beiðni um endurmat
á löggæsluþörf í miðborg og hverfum
borgarinnar sem fari fram af hálfu lög-
reglu höfuðborgarsvæðisins og dóms-
málaráðuneytisins. Enn fremur óski
borgarstjórn eftir nánu samstarfi við
undirbúning og vinnslu matsins. Leit-
ast verði við að meta einstaka þætti
löggæslunnar sem að almenningi
snýr, með áherslu á sýnilega löggæslu
í miðborginni og hverfislöggæslu. Til-
lagan var samþykkt.
Gæði skólastarfsins í
endurskoðun
Menntaráð Reykjavíkurborgar hef-
ur ákveðið að meta með heildræn-
um hætti gæði skólastarfs í borginni.
Markmiðið er að skapa betri yfirsýn
yfir alla þætti skólastarfsins, efla starf-
semi grunnskólana og greina hvernig
menntastefnu borgarinnar er fram-
fylgt. Með svokölluðu heildarmati,
sem verður viðbót við árlegt sjálfsmat
skólanna, verður leitast við að styrkja
innviði og skólabrag og veita starfs-
fólki og skólastjórnendum markviss-
an stuðning og hvatningu. Stefnt er að
því að meta gæði skólastarfs í 6-7 skól-
um á þessu skólaári og verður höfð
hliðsjón af árangri nemenda og nið-
urstöðum kannana við val á skólum.
Unnið verður eftir ákveðnu ferli sem
mótað var við tilraunaúttekt í einum
skóla skólaárið 2006-2007. Júlíus Víf-
ill Ingvarsson formaður menntaráðs
segir að verið sé að tryggja að skóla-
starfið uppfylli ákveðnar gæðakröfur
á sama tíma og sérhver skóli muni
njóta sinnar sérstöðu og sjálfstæðis.
Nýir verkferlar vegna
agabrota í skólum
Menntaráð Reykjavíkur samþykkti
á fundi sínum 20. ágúst nýja verk-
ferla til að bregðast við agabrotum í
grunnskólum borgarinnar. Með sam-
ræmdum aðgerðum er stefnt að því
að skýra hlutverk skólastjórnenda,
ráðgjafa í þjónustumiðstöðvum borg-
arinnar og úrskurðaraðila þannig að
hvergi fari á milli mála að rétt hafi
verið tekið á málum. Nýju ferlarnir
eru þannig vegvísar fyrir skólastjórn-
endur um rétt viðbrögð við agabrot-
um á öllum stigum, frá skólareglum
til alvarlegra lögbrota, brottvísunar
úr skóla og samskipta við lögreglu
og Barnavernd. Þetta felur m.a. í sér
að öll brot og aðgerðir sem gripið er
til eru bókaðar í skólaumsjónarkerf-
ið Mentor og skjalfestar með bréfi.
Þá er skýrt skilið á milli ráðgjafar og
úrskurðar og þannig komið í veg fyrir
vanhæfni aðila sem að málinu kunna
að koma. Samkvæmt nýjum verkferl-
um er óheimilt að vísa nemenda úr
skóla fyrir alvarleg agabrot nema að
annað skólaúrræði sé tryggt. Und-
antekning frá þessu er þó staðfest
fíkniefnasala nemenda, en þá hefur
skólastjórnandi heimild til þess að
vísa nemenda úr skóla í lengri tíma á
meðan lögregla og Barnavernd rann-
saka málið.
Starhagalóðin seld á
50 milljónir króna
Á fundi borgarráðs nýverið lagði
borgarstjóri fram stysta “ekki-svar”
sem lengi hefur sést að mati Dags B.
Eggertssonar, borgarfulltrúa Samfylk-
ingarinnar. Dagur segir að borgarstjóri
virðist staðráðinn í að læra ekki af því
klúðri þegar úthlutun óbyggðrar lóðar
var notuð sem nokkurs konar skaða-
bætur til einstaklinga sem hugðust
setja niður spilasal í Mjódd, en hættu
við. Lóðin er við Starhaga, og hefur
nú verið seld fyrir mun hærra verð en
borgarstjóri lagði til grundvallar. Borg-
in varð því af tugum milljóna fyrir vik-
ið. Lóðin var metin á um 30 milljónir
króna en seldist 5 mánuðum síðar á
50 milljónir króna. Svar borgarstjóra
var eftirfarandi:” Borgarstjóri hefur
engar upplýsingar um hvort umrædd
lóð hafi verið seld eða um söluverð
lóðarinnar, hafi hún verið seld.”
2 Vesturbæjarblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Ritstjóri: Geir A. Guðsteinsson, Sími 564 5933, 898 5933
Netfang: geirgudsteinsson@simnet.is
Auglýsingasími: 511 1188 • 561 1594 • 895 8298
Netfang: borgarblod@simnet.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Landsprent ehf.
Dreifing: Íslandspóstur
9. tbl. 10. árgangur
Vesturbæjarblaðinu er dreift í hvert hús í Vesturbæ og Miðborg.
S T U T T A R
B O R G A R F R É T T I R
L oks virðist vera að létta því skrælingjaástandi sem ríkt hefur í miðborg Reykjavíkur um nokkurt langt skeið þar sem drukkið fólk og nánast óður skríll hefur vaðið uppi, gengið um miðborg-
ina eins og þeir séu á þjóðhátíð í Eyjum og telja það bara allt í lagi.
Alls kyns drykkjarílát og umbúðir utan af matarleyfum liggja eins og
hráviði um allt eftir nóttina sem eru kannski merki um það á hvaða
frummenningarstigi þessi skríll er, þetta fólk sem telur svona athæfi
vera eðlilega skemmtun, svo ekki sé talað um þá sem gera sér ferð í
miðborgina til þess að berja annað fólk. Íbúum og nágrönnum hans
þykir mælririnn orðinn fullur og hafa m.a. biðlað til borgaryfirvalda
um lausn á vandanum. Lögreglan hefur loksins skorið upp herör gegn
þessum ósóma og er almenn ánægja ríkandi með aðgerðir hennar eft-
ir síðustu helgi. Þá voru samtals 80 manns handteknir vegna ýmissa
mála, þar af 50 vegna brota á lögreglusamþykkt höfuðborgarinnar.
Það er brýnt að taka á þessum brotum með festu vilji menn bæta
brag miðborgarinnar. Til samanburðar má geta þess að allt árið í fyrra
voru aðeins 60 handteknir vegna brota á lögreglusamþykkt svo sjá má
hvort ekki hafi verið orðin þörf á hertum aðgerðum. Á árinu hefur lög-
reglan einnig lagt hald á um 70 skotvopn í ýmsum aðgerðum sem ekki
tengist endilega miðborginni og það er einnig meira en allt árið í fyrra.
Venjulegir borgarar, ekki bara þeir sem búa í og í grennd við miðborg-
ina, vilja lausn á þessu ófremdarástandi, og þeir styðja lögregluna
heilshugar í þessum aðgerðum gegn þeim sem ganga um miðborgina
eins og hún sé einn allsherjar ruslahaugur og salerni.
Á sama tíma er birt niðurstaða samkeppni um deiliskipulag í Kvos-
inni, en hugmyndin sem notuð verður gerir ráð fyrir því að húsin
á horni Lækjargötu og Austurstrætis sem brunnu í vor verði endur-
byggð í meginatriðum. Einnig að á baklóðinni verði byggt nýtt hús
í stíl húss Nýja bíós og að húsið sem stóð á Lækjargötu 4, oft kallað
Hagkaupshúsið, verði flutt af Árbæjarsafni og sett niður á Lækjar-
torgi. Með tillögunni er m.a. gert ráð fyrir að útfærslan auki aðdráttar-
afl miðborgarinnar og styrki hana sem þann drifkraft auðugs mannlífs
sem henni ber að vera. Vonandi ná þessar tillögur fram að ganga, við
þurfum að eiga miðborg sem við erum stolt af, miðborg sem við get-
um gengið um með stolti, miðborg sem við getum skammlaust sýnt
útlendingum sem hingað koma, miðborg sem við getum gengið um
að næturlagi án þess að eiga á hættu að verða fyrir líkamsárás. Deilur
eiga eflaust eftir að rísa um framkvæmdir eins og aðrar skipulagstil-
lögur sem eru kynntar um þessar mundir. En segja má að sumir séu
þröngsýnir og þeir lifi aðeins fyrir líðandi stund. Aðrir eru víðsýnir og
horfa fram á við.
Efling tónlistarnáms
í Hagaskóla
F agna ber því samkomulagi sem fyrir tilstilli Menntasviðs Reykja-víkur hefur leitt til þess að Tónskólinn Do Re Mi og Hagaskóli hafa ákveðið að hrinda af stað verkefni sem hugsað er til þriggja
ára þar sem öllum nemendum í 8. bekk Hagaskóla, alls 188 krökkum,
gefst tækifæri á að taka þátt í skapandi tónlistarstarfi. Þetta er liður
Menntasviðs Reykjavíkurborgar til að efla tónlistarnám í grunnskólum
borgarinnar. Nemendur fá eina kennslustund á viku og verður kennt í
Hagaskóla. Markmið kennslunnar er að tengja saman alla nemendur
sem hafa áhuga á tónlist, bæði þá sem eitthvað kunna á hljóðfæri og
þá sem ekkert kunna og kynna fyrir þeim í gegnum spuna og tónlist-
arupplifun ólíka tónlist, s.s. klassíska tónlist, þjóðlög, dægurtónlist og
íslenska tónlistarhefð. Þessu framtaki ber að fagna.
Geir A. Guðsteinsson
Lögregluaðgerðir
og metnaðarfullar
deiliskipulagstillögur
Vesturbæingar
Hvenær verður byrjað á
hjúkrunarheimilinu á gömlu
Lýsislóðinni sem lofað var
fyrir kosningar 2006?
SEPTEMBER 2007
www.myndlistaskolinn.is
Námskeið
fyrir börn
unglinga og
fullorðna
sími 5511990
HAUST 2007