Vesturbæjarblaðið - 01.10.2007, Blaðsíða 2
Nýr meirihluti í
borgarstjórn
Samfylkingin mun leiða starf
nýs meirihluta í borgarstjórn
Reykjavíkur í mennta- og velferð-
armálum auk málefna Orkuveitu
Reykjavíkur. Vinstri græn munu
leiða starf í jafnréttis- og mann-
réttindamálum, Framsóknarflokk-
urinn leiðir starf meirihlutans í
málefnum Eignasjóðs og F-listi
mun meiða störf heilbrigðisnefnd-
ar. Dagur B. Eggertsson verður
borgarstjóri, Svandís Svavarsdótt-
ir verður pólitískur staðgengill
borgarstjóra og leiðir starf meiri-
hlutans í sameinuðum borgar-
stjórnarflokki, í heildarstefnumót-
um í málefnum Orkuveitunnar, í
umhverfismálum, samgöngumál-
um, skipulagsmálum, Sorpu og
Strætó. Björn Ingi Hrafnsson verð-
ur formaður borgarráðs og leið-
ir starf meirihlutans í íþrótta- og
tómstundamálum og stjórn Faxa-
flóahafna. Margrét Sverrisdóttir
verður forseti borgarstjórnar og
leiðir starf meirihlutans í menn-
ingar- og ferðamálum. Kosið var
í nefndir og ráð á fundi borgar-
stjórnar sl. þriðjudag, 16. október.
VESTURBÆJARBLAÐIÐ þakkar
fráfarandi borgarstjóra, Vilhjálmi
Þ. Vilhjálmssyni, prýðilegt sam-
starf á þessu kjörtímabili, en ósk-
ar jafnframt Degi B. Eggertssyni
velfarnaðar í starfi borgarstjóra.
Forseti Alþingis
fundaði með
Torfusamtökunum
Sturla Böðvarsson, forseti
Alþingis, átti fund með stjórn
Torfu-samtakanna þann 17.
september í Alþingishúsinu um
skipulag á Alþingisreitnum og
endurbyggingu húsa Alþingis en
samtökin sendu inn ýmsar athuga-
semdir við deiliskipulagstillögu
um Alþingisreitinn sem nú er
til lokameðferðar hjá Reykjavík-
urborg. Fyrir hönd Torfusamtak-
anna sóttu Snorri Hilmarsson,
Guðjón Friðriksson og Áshildur
Haraldsdóttir fundinn. Fundinn
sat einnig skrifstofustjóri Alþing-
is, Helgi Bernódusson. Alþingis-
reiturinn markast af Kirkjustræti,
Templarasundi, Vonarstræti og
Tjarnargötu, ef frá er talið Vonar-
stræti 10, sem er í eigu Oddfell-
ow-reglunnar.
Skipulagsráð segir
áform á Alþingisreit
metnaðarfull
Skipulagsráð fagnar þeirri niður-
stöðu sem náðst hefur um breytt
deiliskipulag á Alþingisreit. Skipu-
lagið er metnaðarfullt og tekur
gott tillit til umhverfisins og mikil-
vægis þessa svæðis. Skipulagsráð
fagnar sérstaklega þeirri sátt sem
náðst hefur um uppbyggingu og
verndun eldri bygginga á svæðinu
og því samráði sem Alþingi hafði
við athugasemdaraðila og tryggði
þessa farsælu niðurstöðu.
Fulltrúi Vinstri hreyfingarinnar
Græns framboðs, Álfheiður Inga-
dóttir óskaði bókað;
Fulltrúi Vinstri grænna fagnar
sérstaklega fyrirhugaðri endur-
byggingu Skjaldbreiðar og lýsir
ánægju með það hvernig komið
hefur verið til móts við húsafriðun-
arsjónarmið að því er varðar flutn-
ing Vonarstrætis 12. Jafnframt er
á það bent að ný tillaga um Lækj-
artorg með göngustígum og flæði
fyrir gangandi og hjólandi umferð
gefur tilefni til að skoða Alþingis-
reitinn í nýju ljósi þar sem tengja
mætti garð eða torg á reitnum,
Austurvelli og görðum sunnan
Lækjartorgs. Enn fremur gefur
reitur sunnan Suðurgötu 3, á milli
Tjarnargötu og Suðurgötu, kost
á sólríku framhaldi af slíku flæði.
Við síðari tíma útfærslu nýbygg-
ingar á reitnum er lögð áhersla á
að tækifæri til að skapa almanna-
rými og gönguleiðir verði nýtt
eins og unnt er. Brýnt er að við
áframhaldandi vinnslu reitsins
verði þeirri ágætu hefð haldið til
haga að byggingar og garðar fyrir
þing og borgarstjórn sé jafnframt
í þágu almennings.
Starfshópur um
jákvætt starf í
miðborg Reykjavíkur
Á fundi íþrótta- og tómstunda-
ráðs í sl. mánuði lagði fulltrúi Vin-
stri grænna lagði fram eftirfarandi
tillögu: Fulltrúi Vinstri grænna í
íþrótta- og tómstundaráði leggur
til að stofnaður verði starfshópur
sem hafi það markmið að auka
aðkomu ungs fólks að uppbyggj-
andi og jákvæðu starfi í miðborg
Reykjavíkur á kvöldin og um helg-
ar. Starfshópurinn verði skipað-
ur fulltrúum ungmenna úr ýms-
um áttum, s.s. Ungmennarráði
Reykjavíkur, Jafningjafræðslunni,
Iðnnemasambandinu, Félagi fram-
haldsskólanema og starfsfólki
Hins Hússins. Skrifstofustjóra tóm-
stundamála verði falið að skipa
hópinn. Hópurinn skili tillögum til
ráðsins fyrir 1. janúar 2008.
Tillagan var samþykkt og vísað
til framkvæmdastjóra
Framkvæmdir Löðurs
á Fiskislóð stöðvaðar
Bílaþvottastöðin Löður í Kópa-
vogi sótti nýlega um leyfi til þess
að færa bílaþvottastöðina 7,4
metra nær götu vegna mistaka
við útsetningu á sökklum á lóð
nr. 29 við Fiskislóð. Skipulagsráð
telur að það vanti skýringar á mis-
tökunum. Á fundi skipulagsráðs
2. október sl. voru lögð fram bréf
byggingarfulltrúa vegna stöðvun-
ar framkvæmda við bílaþvotta-
stöð á lóðinni nr. 29 við Fiskislóð.
Stöðvun byggingarfulltrúa var
staðfest.
Engin svör vegna
ónæðis af þyrluflugi
Á fundi Hverfisráðs Vesturbæj-
ar 1.nóvember 2006 var lögð fram
bókun vegna ónæðis af þyrluflugi
við Lilta-Skerjafjörð. Í framhaldinu
beindi því Hverfisráð Vesturbæj-
ar því til Vesturgarðs að skoða
ábendingar íbúasamtaka Litla-
Skerjafjarðar um ónæði vegna
þyrluflugs. Samþykkt var að fram-
kvæmdastjóri útvegaði reglur um
fyrirkomulag þyrluflugs, einka-
flugs, þotuflugs og skilmála þar
að lútandi m.t.t. hagsmuna íbúa
í grendinni. Þegar Sæunn Stefáns-
dóttir, formaður Hverfisráðs, var
innt svara við hvort svör hefðu
borist kannaðist hún ekki við það.
Næstum ár er liðið síðan þessi
samþykkt var gerð, og það að ekk-
ert hafði gerst allan þann tíma er
afskaplega lítil þjónusta við íbúa
Litla-Skerjafjarðar. Nýlega sendu
íbúasamtök Litla-Skerjafjarðar
annað bréf þar sem krafist er
svara. Undir það skal tekið hér.
Landsbankinn
bakhjarl Mannauðs
Mannauður er samstarfs-
verkefni Háskólans í Reykjavík,
Landsbankans, Deloitte, Morg-
unblaðsins og Nýsköpunarsjóðs
atvinnulífsins. Landsbankinn er
meginstyrktaraðili verkefnisins.
Mannauður er verkefni sem er ætl-
að að hafa áhrif á samfélagið með
menntun og fræðslu. Mannauður
horfir til framtíðar og leitar nýrra
leiða til að skapa samfélag og
vinnuumhverfi þar sem okkur
tekst að lifa heilbrigðu og gefandi
lífi jafnframt því sem við aukum
samkeppnishæfni okkar og bæt-
um árangur í starfi. Mannauður
mun standa fyrir fjölbreyttum
uppákomum og viðburðum, m.a.
alþjóðlegum ráðstefnum, nám-
skeiðum og hádegisfyrirlestrum.
Hafnarhúsið selt?
Stjórn Faxaflóahafna hefur
ákveðið að fá verðmat á Hafnar-
húsið við Tryggvagötu og Slysa-
varnarfélagshúsið á Grandagarði
með hugsanlega sölu í huga.
Stærsti hluti Hafnarhússins
er í leigu og margir velta fyrir
sér hvort Faxaflóahafnir eigi að
standa í leigu húsnæðis í miðborg-
inni. Fasteignamat hluta Faxaflóa-
hafna í Hafnarhúsinu nemur 743
milljónir króna en Slysavarnarfé-
lagshússins um 120 milljónum
króna.
Miðlægt stýrikerfi
fyrir umferðarljós
Miðlægt stýrikerfi fyrir fjölförn-
ustu gatnamótin í Reykjavík hef-
ur nú verið tekið í notkun. Nýja
kerfið aðlagar umferðarljósin
umferðinni á hverjum tíma, lengir
tíma ljósa þegar álagið er mest og
lágmarkar biðtíma vegfarenda í
gatnakerfinu.
Í Reykjavík er 116 gatnamótum
stjórnað með umferðarljósum, og
í þessum fyrsta áfanga verkefnis-
ins eru 36 gatnamót á stofnbraut-
um miðsvæðis í Reykjavík, auk
þriggja gatnamóta á Hafnarfjarð-
arvegi. Þessa dagana er unnið að
fínstillingu kerfisins, en ekki þarf
að búast við truflunum á umferð
vegna þess. Miðlæg stýring
umferðarljósa byggir á samskipta-
neti milli stjórnkassa og stjórn-
tölvu og umfangsmikilli söfnun
umferðarupplýsinga. Út frá þess-
um upplýsingum reiknar stjórn-
tölvan út flæði umferðarinnar á
öllu svæðinu hverju sinni, ákvarð-
ar hvaða stýring er við hæfi og
sendir boð í stjórnkassana í gegn-
um samskiptanetið. Miðlæg stýr-
ing umferðarljósa er sameigin-
legt verkefni Framkvæmdasviðs
Reykjavíkur og Vegagerðarinnar,
en í ársbyrjun 2006 var samið við
þýska fyrirtækið Siemens AG um
þennan fyrsta áfanga verkefnis-
ins.
2 Vesturbæjarblaðið
Útgefandi: Borgarblöð ehf.
Vesturgötu 15 • 101 Reykjavík
Sími: 511 1188 • 561 1594
Fax: 561 1594
Ritstjóri: Geir A. Guðsteinsson, Sími 564 5933, 898 5933
Netfang: geirgudsteinsson@simnet.is
Auglýsingasími: 511 1188 • 561 1594 • 895 8298
Netfang: borgarblod@simnet.is
Framkvæmda- og auglýsingastjóri: Kristján Jóhannsson
Umbrot: Valur Kristjánsson
Prentun: Landsprent ehf.
Dreifing: Íslandspóstur
10. tbl. 10. árgangur
Vesturbæjarblaðinu er dreift í hvert hús í Vesturbæ og Miðborg.
S T U T T A R
B O R G A R F R É T T I R
F egurð getur verið afstæð, sérstaklega fegurð húsa og garða. Það sem sumum finnst fallegt í vesturhluta Reykjavíkurborgar finnst öðrum kannski ekkert til koma. Umhverfi gamla kirkjugarðsins
við Suðurgötu og byggingar nálægt honum og umhverfi Tjarnarinnar
að Hljómskálagarðinum slepptum hefur yfir sér einhvern sjarma en
Ásvallagatan, Sólvallagatan, Hávallagatan og jafnvel fleiri götur hafa
yfir sér þynglyndisblæ sem þó er viðkunnanlegur. Melarnir eru býsna
heilsteypt hverfi en þegar leitað er að einhverju sem truflar fegurðar-
skinið kemur Grandinn fyrst upp hugann, eiginlega botninn á bygg-
ingalistinni í Reykjavík. Þar eru forljótar verbúðir, sem ekkert eiga
sér til ágætis annað en söguna og þær safna auk þess að sér drasli
eins og aðrar byggingar sem ekki njóta neins viðhalds. Miðborgin á
langt í land með að skapa sæmandi aðdráttarafl nema fyrir þá sem
vilja vera þar drukknir um helgar og Lækjartorgið er eiginlega ekkert
annað en steinsteypuómynd þakin tyggjóklessum en gera má sér þó
vonir um að uppbygging á brunarústunum við Austurstræti lífgi upp
á arkitektúrinn. Hugmyndir þar að lútandi sem hafa verið opinberað-
ar lofa góðu.
Keppni heimamanna
en ekki átthagafélaga
S purningaþættir hafa alltaf notið vinsælda á Íslandi. Einn þekkt-asti þáttarstjórnandinn var Sveinn Ásgeirsson hagfræðingur sem hafði alveg sérstakt lag á að skapa spennu við útvarpið,
en á þeim tíma var ekkert íslenskt sjónvarp. Svavar Gests stjórnaði
þætti sem hét “Veistu svarið?” og voru í anda Svavars fyrst og fremst
skemmtilegir fyrir tilsvör þáttarstjórnandans. Svo voru þættir þar
sem þátttakendur fengu að velja sér sérsvið, og þár eru bræðurnir í
Tvískerjum í Öræfum sérlega minnistæðir fyrir ótrúlega mikla þekk-
inu á náttúrunni. Í dag eru þessir þættir orðnir svolítið útþynntir
nema spurningakeppni framhaldsskólanemanna sem er sérlega
skemmtilegt efni en Meistarinn er hins vegar dálítið þungt efni þótt
þar kristallist ýmiss speki. Nú er í gangi spurningakeppni milli sveit-
arfélaga landsins sem heitir Útsvar sem hefur það kannski fram yfir
sumar aðrar keppnir að spurningarnar eru ekki mjög þungar og því
oft hægt að svara heima í sófa. Enda virðist ekki vera valdir í þessi lið
neinar sérstakir snillingar. Það vekur hins vegar athygli og rýrir gildi
Útsvarsins að keppendur eru alls ekki alltaf heimamenn, nema frá
sveitarfélögum á höfuðborgarsvæðinu, fremur einhverjir brottfluttir.
Þannig var t.d. með lið Fjallabyggðar, sem er kokteill Ólafsfjarðar og
Siglufjarðar. Keppendur eiga auðvitað að vera heimamenn, þetta er
ekki keppni milli átthagafélaga á höfuðborgarsvæðinu.
Kennum útlendingum
íslensku
A lþingi hefur hafið störf eftir gott sumarleyfi. Forseti Íslands, Ólafur Ragnar Grímsson, sagði við þingsetningu að lands-byggðin, samkenndin og tungumálið væru þrenning sem
Íslendingar mættu ekki varpa frá sér. Engin efnisrök væru fyrir því að
víkja íslenskunni til hliðar ef háskólar og fyrirtæki eiga að ná í frem-
stu röð og hæpið að halda því fram að íslenskan geti ekki áfram verið
jafnoki heimsmálanna í þekkingarsköpun og atvinnulífi. Þvert á móti
beri að efla íslenskukennslu í skólum landsins um leið og leikni náms-
fólks í erlendum málum væri aukin. Hjálpa ætti þeim sem hingað
koma frá öðrum löndum að læra íslenskuna. Sérstakan gæfi Íslending-
um gildi. Undir þessi orð forseta Íslands skal sannarlega tekið hér.
Geir A. Guðsteinsson
Hvar er fallegast
í Vesturbænum?
Vesturbæingar
Hvenær fæ ég að verða
Borgarstjóri?
OKTÓBER 2007