Vesturbæjarblaðið - 01.11.2005, Blaðsíða 4
NÓVEMBER 20054 Vesturbæjarblaðið
Svandís Svavarsdóttir leiðir lista VG í Reykjavík í vor:
Börnin þurfa að eiga borgina að
Framkvæmdastjóri Vinstri
hreyfingarinnar - græns
framboðs mun leiða fram-
boðslista hreyfingarinnar
næsta vor. Hún segir börn-
in í Reykjavík vera sér hug-
leiknust, aðgengi þeirra að
gæðum borgarinnar allt frá
leikskóla til tómstunda og
listnáms þurfi að auka,
börnin þurfi að eiga borg-
ina að. Þessi frambjóðandi
er Svandís Svavarsdóttir,
Vesturbæingur á Hjarðar-
haganum og segir búsetu í
fjölbýlishúsi vera sérstakan
lífsstíl. Svandís telur mark-
mið VG vera að ná 20%
fylgi í borginni í komandi
kosningum að vori og að
hreyfingin fá þrjá borgar-
fulltrúa. Fyrir henni er lífið
pólitík og segir að pólitískar
skoðanir séu nátengdar lífs-
skoðunum viðkomandi.
Alltaf verið pólitísk
„Ég hef alla tíð verið mjög póli-
tísk og alltaf álitið að lífið væri
pólitík. Því hefur mér alltaf fund-
ist sérkennilegt að tala um að fara
í pólitík eða lenda í pólitík. Það er
líka pólitík að mæta ekki á kjör-
stað. Ég lít því ekki svo á það séu
að verða stór þáttaskil í mínu lífi.
Ég hef auðvitað orðið fyrir áhrif-
um af pólitík föður míns, Svavars
Gestssonar, sem var mjög áber-
andi stjórnmálamaður, en ekki
síður móður minnar eða afa og
ömmu sem gekk út á ákveðnar
hugmyndir um réttlæti, umburð-
arlyndi og sveigjanleik gagnvart
fjölbreytileika sem og víðsýni. Hjá
öllu þessu fólki voru félagsleg
gildi höfð í hávegum.
Ég hef verið flokksbundin frá
því að ég var 16 ára og gekk til
liðs við Vinstri hreyfinguna -
grænt framboð þegar hún varð til
og hef síðan verið þar virkur þátt-
takandi. Haustið 2003 varð ég for-
maður Reykjavíkurfélags VG og
þá varð ég enn frekar þátttakandi
í þessu félagslega grasrótarstarfi.
Það var alls skref í áttina að því
að fara í framboð. Ég er alls ekki
mjög markmiðssækin manneskja
og geri ekki áætlanir langt fram í
tímann hvað varðar eigið líf. Síð-
astliðið vor tók ég svo að mér
starf framkvæmdastjóra VG. Það
felst bæði í störfum fyrir þing-
flokkinn en ekki síður að þjóna
öllum svæðisfélögunum úti um
landið,“ segir Svandís Svavars-
dóttir.
-Lá þá ekki beint við að fara í
framboð?
„Það var ekki eitthvað sem ég
hafði hugsað mér, það leiddi hvað
af öðru. Við höfum verið að glíma
við það í Reykjavíkurfélaginu að
auka samband og traust milli
kjörinna fulltrúa á Alþingi og í
bæjarstjórnum sem og annarra
kjörinna fulltrúa og grasrótarinn-
ar. Það er grundvallaratriði þegar
byggja á upp flokk að sú uppbygg-
ing sé byggð á slíku trausti í báð-
ar áttir.“
-Fannst þér miður að ekki verður
um framhald á Reykjavíkurlistan-
um eftir næstu kosningar, þ.e.
hann býður ekki fram aftur?
„Úr því sem komið var í sam-
starfinu var þetta besta niður-
staðan. Ég vildi láta á það reyna
hvort R-listinn ætti sér framhalds-
líf en það var ljóst að ef til þess
kæmi þyrfti hann að fara í gegn-
um nokkuð mikla endurskoðun.
Það var mjög sterk undiralda inn-
an aðildarflokka R-listans sem
krafðist breytinga og ungliða-
hreyfingar flokkanna höfðu allar
ályktað að það ætti að fara í fram-
boð undir merkjum flokkanna.
Svo virtist auk þess sem ein
grunnstoð R-listans, um jafna að-
komu flokkanna, hefði breyst hjá
einum flokkanna og því varð sjálf-
hætt.“
Stefnt á 20% fylgi
-Þið stefnið að því að fá kjörna
þrjá borgarfulltrúa næsta vor. Er
það raunhæft markmið?
„Já, markmiðið er raunhæft en
vissulega háleitt. Það er mikil-
vægt að setja sér slík markmið og
hafa trú á því sem maður er að
gera frá degi til dags. Það færi
ekki mjög vel fyrir manni í lífinu ef
maður gerði alltaf ráð fyrir því að
hlutirnir færu fremur illa. Til þess
að ná þremur borgarfulltrúum
þurfum við að fáum 18% atkvæða,
en ég hef ástæðu til að ætla að við
getum fengið um 20% atkvæða í
borginni í vor. Ástæðan er sú að
okkar pólitík er þess eðils að hún
hefur sterkan samhljóm úti í sam-
félaginu langt umfram kjörfylgi.
Það er margir fylgjandi okkar
stefnu þó þeir kjósi svo eitthvað
annað. Það er verkefni okkar nú
að ná í þetta fylgi, og við vitum að
R-listafylgið er nú á floti, það hef-
ur ekki allt fundið sér samastað.“
Umhverfismál og kven-
frelsi
-Fyrir hvaða málum munt þú
frekast berjast í Borgarstjórn
Reykjavíkur?
„Ég er stoltust af tveimur mála-
flokkum okkar vinstri grænna.
Annars vegar eru það umhverfis-
málin og hins vegar kvenfrelsið.
Hér er um að ræða tvo af þeim
málaflokkum sem eru hornsteinar
okkar stefnuskrár og um leið hluti
af okkar daglegu viðfangsefnum.
Eini raunverulegi valkosturinn
fyrir umhverfissinna er Vinstri
hreyfingin - grænt framboð og
sömuleiðis fyrir kvenfrelsissinna
eða femínista.“
Staða barnanna
hugleikinn
„En mér er efst í huga staða
barnanna í borginni. Borgin hefur
upp á mjög margt að bjóða fyrir
börnin, leikskóla, grunnskóla, frí-
stundaheimili, íþróttir, tónlista-
nám og fleira. En það er sama á
hvern þessara pósta þú lítur, það
er alls staðar gjaldtaka, allt frá því
að vera hádegismatur í grunn-
skólanum, gjöld í leikskóla og upp
í gjöld í tónlistarskóla eða æfing-
argjöld í íþróttafélögum. Þarna er
börnunum stórlega mismunað.
Þekktur stjórnmálamaður sagði
að það þyrfti þorp til þess að ala
upp barn en ég segi börnin þurfa
að eiga borgina að. Það er hlut-
verk borgarinnar og á ábyrgð
hennar að draga úr þessu órétt-
læti.
Ég hef átt börn í leikskólum og
grunnskólum samfleytt frá árinu
1987 og verð með barn í grunn-
skóla til ársins 2016. Ég þekki því
þá byltingu sem Reykjavíkurlist-
inn stóð fyrir í leikskólamálum
svo R-listinn hefur stigið stærstu
skrefin í sögu borgarinnar hvað
varðar stöðu barna í Reykjavík.
En það er ekki þar með sagt að
því verkefni sé lokið. Ég mun því
aldrei halda því fram að borgin
hafi brugðist börnum í Reykjavík.
Þegar elsti sonur minn fór á dag-
heimili 1987 voru þau aðeins fyrir
börn skólafólks og einstæðra for-
eldra. Nú er þetta orðið raunveru-
legur kostur og menntun fyrir öll
börn í borginni óháð fjölskyldu-
mynstri. Við viljum innheimta
skatta af þeim sem eiga peninga
og skila þeim til samfélagslegrar
þjónustu, s.s. leikskóla. Það er
mikilvægt að aðkoma barna að
gæðum borgarinnar velti ekki á
efnahag foreldra þeirra.“
-Vesturbæingar eru stundum kall-
aðir Þingeyingar Reykjavíkur. Í
hverju felst þessi sérstaða sem þeir
hafa auðvitað að vissu marki
skapað sjálfir?
„Ég er alin upp í gamla Vestur-
bænum, þ.e. á Nýlendugötu,
Holtsgötu og Brekkustíg og hef
síðustu 15 ár búið á Hjarðarhagan-
um. Það er vissulega mikil hverfis-
vitund i Vesturbænum. Það star-
far m.a. af því að hér er sterkt
íþróttafélag, KR, sterkur unglinga-
skóli sem er safnskóli sem safnar
saman unglingum úr Vesturbæn-
um. Þar skapast samkennd sem á
sér fáar hliðstæður í borginni.
Stundum finnst mér eins og Vest-
urbærinn sé þorp í borginni og
ekki síst þegar komið er í Mela-
búðina sem er búð með sál.“
Stjórnmálamenn eiga að
finna leiðir til að hlusta á
raddir fólksins
-Er langt undan að það rísi
íbúðabyggð í Vatnsmýrinni?
„Þetta mál verður að ræða und-
ir þeim formerkjum að verið sé að
leita að lausn sem allir geti verið
sáttir við. Í mínum huga á byggð í
Vatnsmýri ekki að vera kosninga-
mál heldur mál til að ræða og
leys. Á sýningu í Listasafni
Reykjavíkur gátu gestir tjáð sig
um framtíðarskipan í Vatnsmýr-
inni sem ég tel vera af hinu góða.
Það er mjög mikilvægt verkefni
stjórnmálamanna á hverjum tíma
að finna leiðir til þess að hlusta á
raddir fólks með öðrum hætti en í
kosningum á fjögurra ára fresti,“
segir Svandís Svavarsdóttir, sem
leiða mun framboðslista VG í
Reykjavík næsta vor. ■
Svandís Svavarsdóttir, framkvæmdastjóri VG á skrifstofu flokksins við Vonarstræti.