Vesturbæjarblaðið - 01.11.2005, Blaðsíða 7
Listahátíð Neskirkju „Tónað
inn í aðventuna“ er nú sett í
annað sinn og hefur þá vonandi
fest sig í sessi sem árlegur við-
burður í menningarflóru Vestur-
bæinga. Dagskrá hátíðarinnar í
ár einkennist af mikilli fjölbreytni
þar sem allir geta fundið eitthvað
við sitt hæfi. Í ár er höfuðáhersla
lögð á tónlistina en stefnan er sú
að opna hátíðina enn fremur
fyrir öðrum greinum listarinnar
s. s. myndlist og leiklist. Tónlist-
armennirnir sem fram koma á
hátíðinni koma úr ólíkum áttum
og tónlistin sem flutt verður er
fra ólíkum tímabilum tónlistar-
sögunnar, allt frá frumbarokki til
samtíma popptónlistar. Listrænn
stjórnandi hátíðarinnar er
Steingrímur Þórhallsson, org-
anisti við Neskirkju.
Dagskráin:
Þriðjudagurinn 15. nóvember
kl. 20:00 „Hin heilaga þrenn-
ing“
Hátíðin verður sett með
oratoriunni“ La Santissima
Trinita“ eða Hin heilaga þrenning
eftir meistarann Alessandro
Scarlatti (1660-1725). Verkið er
samið fyrir einsöngvara og
barokkstrengi. Það er sönghóp-
urinn „Rinacente“ sem sér um
flutninginn en hann skipa:
Marta Halldórsdóttir, sópran,
Hallveig Rúnarsdóttir, sópran,
Jóhanna Halldórsdóttir alt,
Hrólfur Sæmundsson, bariton og
Ólafur Rúnarsson tenor.
Hljóðfæraleikarar eru :
Hildigunnur Halldórsdóttir fiðla,
Martin Frewer, fiðla, Sarah
Buckley, víola, Sigurður
Halldórsson selló, Örnólfur Krist-
jánsson selló og Steingrímur
Þórhallsson semball.
Hér er á ferðinni aðgengilegt
og hrífandi tónverk sem allir
unnendur barokktónlistar ættu
ekki að láta fram hjá sér fara.
Sunnudagurinn 20. nóvember
kl.17:00 „ Meistarar mætast“
Hið mikilfenglega hljóðfæri
orgelið verður í aðalhlutverki á
þessum tónleikum. Steingrímur
Þórhallsson organisti við
Neskirkjuna leikur verk eftri
meistarana J. S. Bach (1683-1750)
þar á meðal Vivaldi konsert sem
Bach umskrifaði, og toccötur eft-
ir ítalska meistarann Girolamo
Frescobaldi (1583-1643). Má því
með sanni segja að þarna mætist
tveir meistarar orgeltónbók-
menntanna. Heimildir herma að
Bach hafi orðið fyrir miklum
áhrifum af verkum Frescobaldi
og því spennandi að hlíða á verk
þeirra leikin á sömu tónleikum.
Þriðjudagurinn 22. nóvember
kl. 20:00. „Ellen Kristjánsdóttir“
Hin ástsæla söngkona Ellen
Kristjánsdóttir ásamt Eyþóri
Gunnarssyni og Þorsteini Einars-
syni (öðru nafni Steini úr Hjálm-
um) leiða hér saman hesta sína
og leika af fingrum fram.
Sunnudagurinn 27. nóvember
kl.17:00“.Duo Giocoso“ flauta
og harpa.
Duo Giocoso skipa þær Pamela
de Sensi, þverflauta og Sophie
Marie Schoojans, harpa. Á þess-
um tónleikum flytja þær ljúfa og
rómantíska tónlist eftir franska
meistara á borð við Ibert og B.
André. Báðar þessar tónlistar-
konur hafa hlotið ýmis verðlaun
og viðurkenningar fyrir tónlistar-
flutning sinn í heimalöndum
sínum Ítalíu og Belgíu en sam-
starf þeirra hófst fyrir um ári síð-
an. Sem sagt, frönsk, hlýleg og
rómantísk stemning í svartasta
skammdeginu.
Þriðjudagurinn 29. nóvember kl.
20:00“.Rosenkranz sónöturnar.“
Eitt mekasta verk H. I. Franz
von Biber(1644-1704) eru án efa
Rosenkranz sónöturnar. Þær eru
alls 15 og er inntak þeirra
hugleiðingar um ævi Jesú Krists.
Á þessum fimmtu tónleikum
Listahátíðar í Neskirkju verða
fluttar fimm fyrstu sónöturnar
sem tengjast hugleiðingu um
fæðingu frelsarans og fyrstu 12
árin í lífi hans. Flytjendur eru“
Biber Tríóið“ en það skipa:
Martin Frewer fiðla, Steingrímur
Þórhallsson orgel og Dean Ferrel
kontrabassi.
Laugardagurinn 3. desember
kl.17:00: „Tónað inn í
aðventuna“
Kór Neskirkju flytur valda kafla
úr „Petit Messe solennelle“ eftir
G. Rossini (1792-1868). Enn
fremur flytur kórinn hefðbundin
aðventu og jólalög. Stjórnandi er
Steingrímur Þórhallsson.
Þetta eru jafnframt lokatónleik-
ar Liistahátíðar Neskirkju
„Tónað inn í aðventuna„ enda er
aðventan þá gengin í garð og
undirbúningur jólahátíðar að
hefjast. ■
NÓVEMBER 2005 7Vesturbæjarblaðið
ÖLL
ALMENN
PRENTUN
SÍMI 561 1594
895 8298
HRÓLFSSKÁLAVÖR 14
NETFANG: NES@ISHOLF.IS
„Tónað inn í aðventuna“
Listahátíð i Neskirkju 15. nóvember til 3. desember