Vesturbæjarblaðið - 01.11.2005, Blaðsíða 8
Milli 40 og 50 börn fermast í
Dómkirkjunni á komandi vetri.
Þetta er þó ekki allur hópurinn
sem er á fermingaraldri í sókn
Dómkirkjunnar því einhver born
fermast í Fríkirkjunni og enn
önnur í Kaþólsku kirkjunni
íLandakoti. Börnin eru flest í
Hagaskóla, Landakotsskóla og
nokkur íAusturbæjarskólanum.
Prestarnir í Dómkirkjnni, þeir
sr. Hjálmar Jónsson og sr. Karl V.
Matthíasson, sem leysir sr. Jakob
Hjálmarsson af, leiðbeina báðir
börnunum í fermingarfræðslunni.
Þeir félagar eiga það sameiginlegt
að hafa báðir setið á Alþingi fyrir
landsbyggðarkjördæmi, Hjálmar
fyrir Sjálfstæðisflokkinn og Karl
fyrir Samfylkinguna. Þegar blaða-
maður Vesturbæjarblaðsins leit
við í safnarheimili Dómkirkjunnar
sl. laugardagsmorgun voru þeir
að leiðbeina börnunum á sinn
hógværa en ákveðna hátt. Prestar
gerast að mati margra stundum
pólitískir í sínum predikunum,
ekki síst ef messunni er útvarpað,
og í því ætti þeir Hjálmar og Karl
vissulega að hafa nokkra æfingu.
Börnunum fannst það greini-
lega gott að ræða við prestana,
enda var samverustundin þá
stuttu stund sem blaðamaður
staldraði við, laus við allt stress
eða hávaða.
Nú þegar haustar er ekki úr
vegi að birta ljóðið „Árstíðar-
hvörf“ eftir Kristján Árnason sem
lýsir vel þeim árstíðum sem fram
undan eru.
Árstíðahvörf
Veturinn lagði sinn hrímgaða hramm
Á hóla og grundir.
Loksins þær gægðust úr fjötrunum fram
með flakandi undir.
Vorið það skoppaði hlæjandi í hlað,
hvergi bar skugga.
Sumarið blíðlega í björkunum kvað
og blærinn við glugga.
Bak við mig haustið að belgja sig út
og bíður þar færis
að blása nú ærlega úr sínum kút
á allt sem að bærist.
Kristján Árnason
NÓVEMBER 20058 Vesturbæjarblaðið
Fermingarfræðslan hafin
í Dómkirkjunni
Prestar Dómirkjunnar, sr. Karl og sr. Hjálmar, ræða við væntanleg fermingarbörn og hafa í frammi leik-
ræna tilburði.
Væntaleg fermingabörn hlýða á prestana og hafa greinilega
gaman af.
Hraðahindranir á
Ægisíðu geta
verið varasamar
Ekið gegnum hraðahindrun á Ægisíðu. Ekki eru allir sannfærðir um
ágæti þeirra, þó vissulega dragi þær úr umferðarhraða.
Í seinasta tölublaði Vesturbæj-
arblaðsins voru hraðahindranirn-
ar á Ægisíðu nefndar og sú stað-
reynd að þær lækki umferðar-
hraða sem var orðinn ískyggileg-
ur. Það er því miður ekki allt jafn
jákvætt við þessi umferðarmann-
virki. Það fyrsta er að þeir sem
vilja geta keyrt í gegnum hindran-
irnar á vesturleið á rúmum 70
km/klst en aðeins á 60 km/klst á
austurleið. Hönnuðir þessarar
hindrunar hafa eitthvað gleymt
að gera ráð fyrir nokkrum þáttum
í íslenskri umferð svo sem gler-
hálku og löngum farartækjum.
Það líður ekki sá morgun að ég
keyri ekki þarna í gegn og sveigi
vinstri hægri í gegnum hindrun-
ina og sé torfskafla eftir langa
vörubíla eða rútur sem ná ekki
þessari kröppu sveigju.
Það er ekki vegna hraða þess-
ara farartækja heldur því eðli öku-
tækja að afturhjól eru með
þrengri beygjuradíus heldur en
framhjól og því lengra sem er á
milli fram og afturhjóla, því minni
er beygjan sem afturhjólin taka
miðað við framhjólin. Hinn þátt-
urinn er hálkan og hjólför. Borgar-
búar hafa verið hvattir til að
kveðja nagladekk og nota þess í
stað ónegld eða annars konar
vetrardekk. Þetta leiðir til þess að
erfiðar reynist að komst úr hjól-
förum sem myndast í snjó og geta
orðið nokkuð djúp. Þegar ég
keyrði í gegnum hindranirnar
helgina 28.-30. október munaði
litlu að hliðin á bílnum mínum
fengi fallegan bláan umferðaskilti-
slit sem því miður passar engan
vegin við þann lit sem fyrir er.
Hjólförin leiddu bílinn, sem ég
keyrði á lúsahraða, í gegnum
hindrunina og óþægilega nálægt
umferðaskiltunum.
Þá er þriðji þátturinn sem ég
þori ekki að staðhæfa um, en það
er snjómokstur. Hver sem hefur
séð vörubíl með snjóplóg veit að
þeir þurfa nokkuð mikið pláss til
að athafna sig, því sé ég ekki fyrir
mér að slíkt farartæki komist með
góðu móti í gegnum hindrunina.
Það leiðir aftur af sér dýpri hjól-
för en ella. Hefði verið hugsað fyr-
ir þessum þáttum hefði verið sett
svo kallað yfirkeyrslusvæði þar
sem gert er ráð fyrir að löng farar-
tæki fari yfir og auðveldi jafnvel
snjómokstur.
Hvers vegna var ekki hægt að
hafa einfaldar umferðaröldur í
þessari götu? Þær hægja á um-
ferð, löng farartæki komast vand-
ræðalaust yfir, snjómokstur er
auðveldari og þær eru ódýrari.
Ragnar Þórðarson
landfræðinemi við HÍ
Höfundur starfar með verkfræð-
ingum sérhæfðum í veg- og
gatnahönnun og keyrir reglulega
Ægisíðuna.
Fótaaðgerðastofa Seltjarnarness flytur
Fótaaðgerðastofa Seltjarnar-
nes hefur flutt starfsemi sína í
nýinnréttað og rúmgott húsnæði
að Austurströnd 8, Seltjarnar-
nesi, jarðhæð.
Fótaaðgerðastofan hefur und-
anfarin 6 ár verið starfrækt í
Íþróttamiðstöðinni við Suður-
strönd á Seltjarnarnesi en flytur
vegna yfirstandandi framkvæmda
í sundlaugarbyggingunni.
Seltirningar og Vesturbæingar á
öllum aldri og báðum kynjum
hafa leitað eftir þjónustu hennar
frá upphafi. Hlutfall barna og
yngri karla hefur vaxið mikið á
seinni árum eftir því sem almenn-
ingur gerir sér betur grein fyrir
mikilvægi góðs fótaheilbrigðis.
Ragnheiður Guðjónsdóttir og
Margrét Jónsdóttir eru fótaað-
gerðafræðingar stofunnar.
Þær bjóða upp á alla almenna
þjónustu varðandi fótaaðgerðir
og einnig ýmsar sérmeðferðir svo
sem á vörtum og inngrónum
nöglum. Rétting á nöglum með
spöngum úr títanvír er nýjung.
Meðferðin er sársaukalaus og
hefur borið góðan árangur. Einnig
er boðið upp á hlífðarmeðferð
m.a. með silikon stoðhlífum og
sérsmíðuðum innleggjum í skó.
Ragnheiður og Margrét hafa
sótt ýmis framhaldsnámskeið
m.a. í meðferð fóta sykursjúkra
og fylgjast vel með tækninýjung-
um í faginu.
Stofan er opin alla virka daga
og eru tímapantanir teknar í síma
552 8833. Nánari upplýsingar um
starfsemina er að finna á vefsíðu
stofunnar www.fotanes .is ■
Ragnheiður Guðjónsdóttir og Margrét Jónsdóttir eru fótaaðgerða-
fræðingar stofunnar.