Vesturbæjarblaðið - 01.11.2005, Blaðsíða 15

NÓVEMBER 2005 15Vesturbæjarblaðið
Á KROSSGÖTUM
EFTIR SÉRA ÖRN BÁRÐ JÓNSSON
Á réttum stað
Af og til hefur orðið uppi fótur ogfit þegar einhver fræg persóna
hefur birst á Íslandi. Rollingur sást
einn daginn á hjóli á Ísafirði og frétta-
maður RÚV þótti heldur betur hafa
dottið í lukkupottinn og náði viðtali
við kappann. Bítill tyllti hér niður
fæti fyrir nokkrum misserum og var
eltur á röndum af fjölmiðlafólki en
tókst að mestu að komast undan
ágangi þeirra. Fræga fólkið sækir til
Íslands og fjölmiðlar vakta það.
Og svo hljómar þessi orð Jesú í kirkj-
um landsins: „Hvar sem tveir eða þrír
eru saman komnir í mínu nafni, þar
er ég mitt á meðal þeirra.“ Og þá
spyr maður: Hvar eru fréttamennirn-
ir?
Kristur er nálægur í kirkju sinni í
helgu orði og anda. Hann mætir söfn-
uði sínum í orði og máltíðarborði,
nærir hug og hjarta, fyllir sálirnar
gleði. Við göngum til fundar við hann
í kirkjunni, tengjumst hugsjónum
hans og kærleika, upprisu og eilífð.
Og þá sem fyrr beinir Kristur himins-
ins sjónum okkar að jörðu, að mann-
lífi og lífríki og minnir okkur á
ábyrgðina sem fólgin er í því að vera
samverkamenn hans.
Fegurð, ábyrgð og firring
Hún er máttug upplifunin sem sálma-
skáldið varð fyrir og tjáð er í 8. sálmi
Biblíunnar. Skáldið horfir á himinn
og stjörnur og verður agndofa yfir
fegurðinni og ekki síst yfir því að Guð
skuli yfirhöfuð vitja okkar smárra
manna. Og meira en það. Hann hefur
lagt allt að fótum okkar. Við erum
samverkamenn Guðs, sitjum á valda-
stólum í lífinu sama hvaða starfi við
gegnum og verðum að lúta verk-
stjórn hans ef ekki á að fara illa í mál-
efnum heimsins.
Sálmurinn er lofgjörð sem birtir um
leið gríðarlega ábyrgð mannsins
gagnvart sköpuninni, lífríkinu, mann-
lífinu - og öllu því undri sem maður-
inn er umvafinn í þessu lífi og við
köllum umhverfi. Umhverfi er ekki
aðeins ósnortnar víðáttur hálendis-
ins, hafdjúpin og fiskimiðin, heldur
líka mannlífið. Hvernig vegnar okkur í
því verki öllu að skapa hér gott og
fagurt mannlíf?
Við hrósum okkur gjarnan af velmeg-
un en á hvers kostnað er hún? Að
stórum hluta til er hún á kostnað líf-
ríkisins og svo er hún líka á kostnað
siðvitsins, í það minnsta í sumum til-
vikum. Hvar endar allt þetta neyslu-
æði? Efnishyggjan er ekki ný af nál-
inni. Hún var líka til fyrir tvö þúsund
árum.
„Elskið ekki heiminn, ekki heldur þá
hluti, sem í heiminum eru. Sá sem
elskar heiminn, á ekki í sér kærleika
til föðurins. Því að allt það, sem í
heiminum er, fýsn holdsins og fýsn
augnanna og auðæfa-oflæti, það er
ekki frá föðurnum, heldur er það frá
heiminum. Og heimurinn fyrirferst og
fýsn hans, en sá, sem gjörir Guðs vilja,
varir að eilífu.“ (1Jóh 2.15-17). Tókstu
eftir orðinu auðæfa-oflæti. Erum við
Íslendingar sekir um það?
Meðsekt
Nýlega sá ég í sjónvarpi þátt (The
Corporation) sem afhjúpar græðgi
margra stórfyrirtækja sem gleymt
hafa mennskunni í mammónsdýrkun
sinni. Þátturinn var hrein og klár
hrollvekja. Og það sem verra er: Ég
er viðskiptavinur þessara fyrirtækja -
og við öll - með einum eða öðrum
hætti. Þessi dásamlegi heimur sem
sálmaskáldið hreifst af og við erum
hugfangin af er um leið hræðilegur í
illsku sinni og vélráðum.
Við komumst ekki nær Guði með
auknum hagvexti en við getum hins
vegar nýtt hagvöxtinn til góðra
verka. Og þá skiptir öllu að hann sé
vel fenginn og ekki á kostnað kom-
andi kynslóða eða lífríkisins. Við get-
um ennfremur notað hagvöxtinn til
að jafna kjörin og bæta um leið kjör
kvenna hér á landi svo nærtækt
dæmi sé tekið. Og svo megum við
gjarnan sýna kærleika okkar betur í
verki gagnvart neyð heimsins því þar
erum við eftirbátar margra þjóða
sem við viljum gjarnan miða okkur
við.
Lausn
Í fyrrnefndum sjónvarpsþætti kom
fram að stjórnendur fyrirtækjanna
höfðu í flestum tilfellum snúið ræki-
lega upp á allar reglur og siðaboð.
Þannig fer fyrir mörgum sem verða
auðæfa-oflæti að bráð. Siðvitið sem
einu sinni var sem skrautritað skjal
hefur óvart lent í pappírstætaranum
og enginn getur lesið það lengur eða
skilið. Þannig fer þegar menn kúpla
frá Guði og gera sjálfa sig að viðmiði
allra hluta. Á máli Biblíunnar heitir
það hjáguðadýrkun að halda sig vera
miðju alheimsins. Eina lækningin við
slíkri villu er tengjast Guði á ný,
ganga til fundar við hann sem er
Miðjan og Uppsprettan, Viskan og
Mátturinn.
„Hvar sem tveir eða þrír eru saman
komnir í mínu nafni, þar er ég mitt á
meðal þeirra“, segir Jesús. Hann er á
sínum stað. Er hans staður okkar
staður? ■
Björn Gíslason hefur verið
framkvæmdastjóri dótturfélags
Slökkviliðs höfuðborgarsvæðis-
ins, SHS fasteigna ehf., undanfar-
in ár en í um tvo áratugi þar á
undan starfaði hann sem slökkvi-
liðs- og sjúkraflutningamaður hjá
Slökkviliði Reykjavíkur og síðar
SHS. Þar var hann varðstjóri og
sviðsstjóri uns hann tók við
starfi framkvæmdastjóra SHS
fasteigna.
Björn Gíslason segir að hans
helstu hugðarefni hans snúa að
málefnum barna, ungmenna og
aldraðra, en muni einnig taka
virkan þátt í stefnumótun og
ákvarðanatöku um önnur málefni
borgarinnar, svo sem í skipulags-
málum, fjármálum og samgöngu-
málum. Verkefnin séu ærin fyrir
Sjálfstæðismenn í borginni eftir
alltof langan valdatíma R-listans.
Hann telur að eitt af fyrstu verk-
um Sjálfstæðismanna eigi að
vera að lækka fasteignagjöldin og
viðmiðunarmörk vegna niðurfell-
ingar eða afsláttar á fasteigna-
gjöldum. Björn á sæti í stjórn
Fylkis og hefur verið formaður
Félags sjálfstæðismanna í Árbæ,
Selási, Ártúns- og Norðlingaholti
síðan 1997.
„Ég þekki ágætlega til íþrótta-
og æskulýðsmála sem faðir og
stjórnarmaður í Fylki og vona að
reynsla mín nýtist í störfum að
borgarmálum. Að mínu mati þarf
að tengja miklu betur saman
starf íþróttafélaga, skóla, frí-
stundamiðstöðva og félagsmið-
stöðva í hverfum borgarinnar
með áhrifaríkari hætti en nú er
gert. Börn og unglingar virðast
hreyfa sig mun minna nú en áður
var og við því þurfum við að
bregðast af mun meiri krafti en
nú er gert, segir Björn Gíslason.
Úrbætur í
samgöngumálum
Björn telur R-listaflokkana ein-
nig að mörgu leyti hafa brugðist
borgarbúum í samgöngumálum,
verið stefnulaus og átt í erfiðleik-
um með ákvarðanatöku.
„Við þekkjum öll hinar miklu
umferðartafir sem verða í borg-
inni vegna þess að gatnakerfið
hefur ekki þróast í takti við bíla-
eign borgarbúa. R-listinn sló mis-
lægu gatnamótin við Kringlumýr-
arbraut og Miklubraut af þótt þar
séu mestu slysagatnamót lands-
ins.
Jafnframt þarf auðvitað að
tefla almenningssamgöngum
fram sem valkosti við einkabíl-
inn.Ég er mjög ósáttur við breyt-
inguna sem gerð var á leiðakerfi
Strætó í sumar og finnst engu lík-
ara en skella eigi skollaeyrum við
þeim fjölmörgu athugasemdum
sem almenningur hefur gert
vegna þess. Geta Reykvíkingar
sætt sig við þetta? Ég segi nei,“
segir Björn Gíslason. ■
Björn Gíslason stefnir að 7. sæti D-listans:
Er málefni barna, ungmenna
og aldraðra hugleikinn
Björn Gíslason
Kjarvalsbók Nesútgáfunnar:
Glæsileg
listaverkabók
Þann 14. október sl. var
haldið útgáfuhóf í Neskirkju,
þar sem kynnt var ný bók um
Jóhannes S. Kjarval. Bókin,
sem Nesútgáfan gefur út í til-
efni af 120 ára afmæli Jóhann-
esar S. Kjarval, meistara ís-
lenskrar myndlistar, er yfir-
gripsmikið og vandað verk þar
sem listferli hans og persónu
eru gerð ítarleg skil í máli og
myndum.
Í bókinni eru auk þess mynd-
skreyttur æviannáll og yfirgrips-
miklar tilvísanir og myndaskrár.
Bókin er 640 blaðsíður að stærð
í stóru broti, litprentuð á vand-
aðan pappír í tveimur útgáfum,
íslenskri og enskri, en dönsk út-
gáfa kemur síðar.
Í bókinni eru myndir af 516
listaverkum og 150 ljósmyndir
og hafa fjölmargar þeirra ekki
áður komið fyrir sjónir almenn-
ings. Meginkafla bókarinnar rit-
ar Kristín G. Guðnadóttir, list-
fræðingur en auk þess rita í bók-
ina Silja Aðalsteinsdóttir, Gylfi
Gíslason, Arthur C. Danto,
Matthías Johannessen og Eirík-
ur Þorláksson.
Undirbúningur að útgáfunni
hófst fyrir um fimm árum, en
rannsóknir og ritun meginkafl-
ans, sem er tæpar 500 síður hef-
ur staðið mun lengur.
Ummæli og dómar um bókina
eru allar á einn veg og notuð
orð eins og „stórvirki“, „stór-
fenglegt meistaraverk“ og
„glæsilegasta listaverkabók sem
komið hefur út á Íslandi“. ■
Útgefendur, Einar Matthíasson og Erna Sörensen ásamt Kristín G.
Guðnadóttir
Nýlega flutti Ballettskóli Guð-
bjargar Björgvins í ný og glæsi-
leg húsakynni að Eiðistorgi eftir
23 ára starfsemi í Íþróttahúsinu.
Þar voru innréttaðir tveir
stórir kennslusalir með sér-
hönnuðu dansgólfi og full-
kominni aðstöðu. Ætlunin er að
starfsemi skólans aukist eftir
áramót þegar boðið verður upp
á fleiri greinar dansins.
Einnig opnaði í sama hús-
næði stórglæsileg verslun sem
ber nafnið Arena og selur hún
allan fatnað tengdan balletti og
eins fatnað fyrir fimleika, jazz-
ballett og samkvæmisdans frá
hinu heimsþekkta fyrirtæki
Freed of London. ■
Ballettskóli Guðbjargar
Björgvins á Eiðistorgið
borgarblod.is