Vesturbæjarblaðið - 01.11.2005, Blaðsíða 9
Júlíus Vífill Ingvarsson sækist
eftir 2. sætinu á framboðslista
Sjálfstæðisflokksins við borgar-
stjórnarkosningarnar 2006.
Júlíus hefur alla tíð verið Vestur-
bæingur ef undanskilin eru
námsár erlendis. Hann býr nú á
Hagamelnum.
Á sínum tíma vakti það athygli
þegar Júlíus tók þátt í prófkjöri
Sjálfstæðisflokksins fyrir borgar-
stjórnarkosningarnar 1998. Sú
þátttaka var ákveðið framhald af
þátttöku hans í félagsmálum fyrir
hönd atvinnulífsins þar sem hann
hafði m.a. setið í stjórn Verslunar-
ráðs Íslands og stjórn Bílgreina-
sambandsins. Hann segist þó
aldrei hafa gengið með stjórn-
málamanninn í maganum. Í viðtali
í Mannlífi segir Júlíus Vífill að
þegar formaður fulltrúaráðs Sjálf-
stæðisflokksins hafi haft sam-
band við hann haustið 1997 og
sagt að nafn hans væri ítrekað að
koma upp vegna framboðslista
flokksins til borgarstjórnar í
Reykjavík hafi stjórnmálaþátttaka
varla hvarflað að honum.
„Ég var þá félagi í Hverfafélagi
Sjálfstæðisflokksins í Nes- og
Melahverfi en hafði tekið tak-
markaðan þátt í starfi flokksins.
Hann lagði að mér að taka þátt í
prófkjöri en tók skýrt fram að ég
fengi auðvitað enga forgjöf. Það
tók mig dálítinn tíma að venjast
hugmyndinni en mér þótti síðan
ekkert óeðlilegt að stíga þetta
skref og taka virkan þátt í stjórn-
málum. Ég sóttist eftir fjórða sæti
í prófkjörinu og náði því. Það var
ekki annað hægt en að vera
ánægður með það sem nýliði.
Kosningabaráttan var athyglis-
verð en satt best að segja fannst
mér ekki jákvætt hvernig barátt-
an breyttist fljótlega í frasastríð.
Stjórnmál virðast vera þjökuð af
slagorðavírusum. Sumir stjórn-
málamenn hafa bókstaflega ekk-
ert annað fram að færa og finnst
það væntanlega flott af því að á
þeim er hvergi hik. En hversu
mikils virði er það? Skipta um-
búðirnar meira máli en innihald-
ið, reynslan, markmiðin og leiðar-
sýnin?
En þetta var bæði áhugavert og
lærdómsríkt tímabil og ég lagði
mig allan fram. Ég var m.a. í borg-
arráði, skipulags- og byggingar-
nefnd og dró verulega úr verkefn-
um mínum hjá Ingvari Helgasyni
og Bílheimum á meðan á kjör-
tímabilinu stóð. Ég ákvað þó að
gefa ekki kost á mér á lista Sjálf-
stæðisflokksins fyrir síðustu
kosningar.“
En hvers vegna ekki?
Júlíus Vífill segir að hann telji
mikilvægt að stjórnmálamenn
hafi víða skírskotun og haldi góð-
um tengslum við þær starfsstéttir
sem þeir komi úr. Stjórnmál eigi
ekki að vera fólki svo föst í hendi
að þeim verði ekki sleppt fyrr en
fulla hnefa. Hann segist hafa
kosið að snúa sér að öðru á þeim
tíma en hann hafi ekki verið með
því að kveðja stjórnmálin.
„Mín störf í borgarstjórn vöktu
bersýnilega athygli. Mér þótti
vænt um að margir ræddu við
mig á þessu ári um að koma aftur
að þessu borði og láta á það
reyna í prófkjöri hvort stuðningur
væri við það. Ég er lögfræðingur
og stunda málflutningsstörf og
get þess vegna stjórnað mínum
tíma og hef reyndar aldrei talið
eftir mér að vinna langan vinnu-
dag. Ég hef ákveðið að gefa kost á
mér í 2. sætið.“
Reykjavík ekki haldið
landsmeðaltali í
fólksfjölgun
Júlíus Vífill segir að það að
stýra borg sé að sumu leyti eins
og að stýra fyrirtæki. Það sé
ábyrgðarmikið starf og mikilvægt
að til þess veljist fólk með fjöl-
breytta reynslu m.a. af stjórnun-
arstörfum. Skipulags- og sam-
göngumál eru honum hugleikin
og þar vill hann taka til hendinni.
Uppbygging borgarinnar grund-
vallist á því að fjölskyldur og fyr-
irtæki hafi ástæðu til þess að vilja
koma sér fyrir og búa í Reykjavík.
Tekjur borgarinnar hafi dregist
saman vegna þess að frá því að
núverandi meirihluti borgar-
stjórnar hafi tekið við hafi straum-
urinn legið fram hjá borginni og
yfir til nærliggjandi sveitarfélaga.
Reykjavík hafi ekki einu sinni
haldið landsmeðaltali í fólksfjölg-
un á þessu tímabili. Því sé fyrst
og fremst framtaksleysi í skipu-
lags- og lóðarmálum um að
kenna. Það þurfi að halda góðu
tekjustreymi inn í borgarsjóð sem
sé forsenda þess að hægt sé að
veita þá þjónustu sem við ætl-
umst til að sé í boði í höfuðborg.
Þetta kunni að hljóma sem hrepp-
arígur en ekki megi gleyma því að
rekstrargrundvöllur borgarinnar
byggist á þeim sem þar búi og
greiði í hina sameiginlegu sjóði.
Með bættum fjárhag sé það skýrt
markmið að lækka útsvar í
Reykjavík og gera hana með því
enn eftirsóknarverðari. Reykjavík
sé stórkostleg borg sem standi á
tímamótum.
Hann er hlynntur einkavæðingu
og sölu ríkis- og borgarfyrirtækja
en segir að fara verði með aðgát
þar sem grunnskólinn og heil-
brigðiskerfið sé annars vegar.
Samkeppni og samanburður sé
nauðsynlegur á öllum sviðum
enda einkarekstur hagkvæmari og
fasælli en opinber rekstur þegar
rétt sé að staðið og það geti
einnig átt við um skólana,heil-
brigðiskerfið og öldrunarþjón-
ustu. Enda þótt ýmislegt megi
gagnrýna verðí ekki fram hjá því
horft hversu vel hafi verið unnið á
þessum sviðum og hvaða árangri
hafi verið náð.
Göng undir
Skólavörðuholtið
„Í miðborg Reykjavíkur mun
rísa glæsilegt tónlistar- og
ráðstefnuhús. Því fylgir mikil upp-
bygging - svo mikil að miðbærinn
mun nánast tvöfaldast. 84.000
fermetrar munu bætast við í
Kvosina gömlu þegar byggt hefur
verið samkvæmt vinningstillög-
unni sem Portus hópurinn stend-
ur að. En hvernig á að tryggja
eðlilegt flæði umferðar um mið-
borgina þegar byggt hefur verið
samkvæmt nýju skipulagi?
Engar tillögur liggja fyrir í þeim
efnum. Ekki einu sinni er gert ráð
fyrir aukinni umferð þegar Mýrar-
götuskipulagið bætist við. Eina
leiðin sem ég hef séð er að gera
jarðgöng undir Skólavörðuholtið.
Ef aðrar leiðir hafa verið til um-
ræðu eða skoðunar væri gaman
að fá að sjá þær.
Ég lagði til í borgarstjórn að
samgönguvandi miðborgarinnar
yrði leystur með því að beina um-
ferð sem kemur af suðurhluta höf-
uðborgarsvæðisins inn í jarð-
göng. Sú tillaga var tekin upp í að-
alskipulag Reykjavíkur og eru það
út af fyrir sig tíðindi. Nú er orðið
aðkallandi að undirbúa gerð
þessa samgöngumannvirkis enda
dettur varla nokkrum í hug að
Sóleyjargata með einni akrein í
hvora átt geti annað því álagi sem
inn á hana verður beint. Undir-
búningurinn mun m.a. felast í því
að kanna hug íbúa og hagsmuna-
aðila til tillögunnar og gera hag-
kvæmnisathugun á því hvort
þetta sé í raun og veru besta leið-
in til þess að koma í veg fyrir
öngþveiti í miðborginni á næstu
árum,“ segir Júlíus Vífill
Ingvarsson. ■
NÓVEMBER 2005 9Vesturbæjarblaðið
AUGLÝSINGASÍMI 511 1188 • 895 8298
prófkjör sjálfstæðismanna í reykjavík fer fram dagana 4. og 5. nóvember
fyrir framtíðina
gísla martein í 1. sætið
Ágætu Vesturbæingar
Það er frábært að búa í Vesturbænum. Andinn sem ríkir í þessu rótgróna hverfi er einstakur.
Í málefnum vesturbæinga lítum við Sjálfstæðismenn fram á veginn, rétt eins og í málefnum
íbúa annarra hverfa borgarinnar. Við teljum að mikilvægasta skylda okkar sé að auðvelda
íbúunum að lifa því lífi sem þeir sjálfir kjósa. Bjóða fyrsta flokks þjónustu þar sem borgin
hefur hlutverk. Við þurfum endurnýjun og aukinn kraft í borgarmálin til að óskir okkar
verði uppfylltar. Í prófkjöri flokksins sem fram fer föstudaginn 4. nóvember
og laugardaginn 5. nóvember sækist ég eftir því að leiða nýja sókn okkar
Sjálfstæðismanna og vonast eftir stuðningi sem flestra ykkar til þess.
Með bestu kveðju
Gísli Marteinn Baldursson
Nýir tímar í
Vesturbænum
Prófkjörið er opið öllum sem skráðir eru
í Sjálfstæðisflokkinn. Þeir sem taka vilja þátt og
eru ekki skráðir í flokkinn geta gert það á kjörstað.
Nánari upplýsingar er að finna á www.gislimarteinn.is
Júlíus Vífill sækist eftir 2. sætinu á lista Sjálfstæðisflokks:
Skipulags- og samgöngumál
eru forgangsverkefni
Júlíus Vífill Ingvarsson. „Að stýra
borg er að sumu leyti eins og að
stýra fyrirtæki. Það er ábyrgðar-
mikið starf og mikilvægt að til
þess veljist fólk með bæði
reynslu og hæfni.“